റിയാദ്: റിയാദ് ഇന്ത്യൻ മ്യൂസിക് ലവേഴ്സ് അസോസിയേഷൻ (റിംല) മധുരിക്കും ഓർമകളെ സീസണ് 2 എന്ന പേരിൽ സംഘടിപ്പിച്ച സംഗീത വിരുന്ന് എക്സിറ്റ് 18ലെ മർവ ഓഡിറ്റോറിയത്തിൽ അരങ്ങേറി.
പഴയകാല മലയാളം, തമിഴ്, ഹിന്ദി ഗാനങ്ങൾ കോർത്തിണക്കി മധുരമായി പെയ്തിറങ്ങിയ റിംലയുടെ രണ്ടാമത്തെ പരിപാടി ഏറെ ആകർഷകമായി. ചടങ്ങ് ഇബ്രാഹിം സുബ്ഹാൻ ഉദ്ഘാടനം ചെയ്തു. റിംല പ്രസിഡന്റ് വാസുദേവൻ പിള്ളയുടെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ എയർ ഇന്ത്യയുടെ പ്രതിനിധി ഹരി, ബെസ്ററ് കാർഗോ പ്രതിനിധി ഷൗക്കത്ത്, സിറ്റി ഫ്ലവർ പ്രതിനിധി സുബി, ഗൾഫ് ഗേറ്റ് പ്രതിനിധി ഇബ്രാഹിം വെളിയങ്കോട്, ജയൻ കൊടുങ്ങല്ലൂർ, പുഷ്പരാജ്, വിജയൻ നെയ്യാറ്റിൻകര, അബ്ദുല്ല വലാഞ്ചിറ, റിംലയുടെ മുഖ്യ രക്ഷാധികാരി ഡോ. നാരായണ് എന്നിവർ സംസാരിച്ചു. സീമ ഗോപകുമാർ സ്വാഗതവും, റിംല വൈസ് പ്രസിഡന്റ് എസ്.പി. ഷാനവാസ് നന്ദിയും രേഖപ്പെടുത്തി.
ഗിരിദാസ് ഭാസ്കരൻ, ജലീൽ കൊച്ചിൻ, ശ്യാം സുന്ദർ, ജോജി കൊല്ലം, വിനോദ് കൃഷ്ണ, ജോമോൻ മാവേലിക്കര, രണൻ കമലൻ, അൻസാർ ഷാ, വാസുദേവൻ, കൃഷ്ണകുമാർ, നിഷ ബിനീഷ്, ഗാഥാ ഗോപകുമാർ, തസ്നിം റിയാസ്, ദേവിക ബാബുരാജ്, അന്ന ബിനോയ്, ആഗ്നസ് ബിനോയ്, വൈഗ സുധീഷ്, ലിനറ്റ് സ്കറിയ എന്നീ ഗായകർ ശ്രുതിമധുരമായി ഗാനങ്ങൾ ആലപിച്ചു. ഇല്യാസ് മണ്ണാർകാടിന്റെ നേതൃത്വത്തിൽ ബിജു ഉതുപ്പ്, ഇബ്രാഹിം വെളിയംകോട് , മാസി മാധവൻ, സന്തോഷ് തോമസ്, ജോജി മാത്യു, ഷാനവാസ് ചേലാന്പ്ര, കാതറിൻ മാത്യൂസ്, നവ്നീത് ഗോപകുമാർ എന്നിവർ വാദ്യോപകരണങ്ങളാൽ പശ്ചാത്തലമൊരുക്കി. റിംല സെക്രട്ടറി ഗോപകുമാർ, ഫിനാൻസ് സെക്രട്ടറി മാത്യു ജേക്കബ്, പ്രോഗ്രാം കോ ഓർഡിനേറ്റർ ശരത് ജോഷി, ബാബുരാജ്, സുധീഷ്, ബിനോയ്, രാജൻ കാരിച്ചാൽ, നാസർ കല്ലറ, നിമ്മി ജോജി, അനിത രണൻ, പ്രഭ മാത്യൂസ് എന്നിവർ പരിപാടികൾക്ക് നേതൃത്വം നൽകി.
റിപ്പോർട്ട്: ഷക്കീബ് കൊളക്കാടൻ
|