ഷുഗർലാൻഡ്: ഹൂസ്റ്റണിലെ പ്രമുഖ കമ്യൂണിറ്റിയായ റിവർസ്റ്റോണിലെ ഒരുമയുടെ ഓണാഘോഷമായ പൊന്നോണ നക്ഷത്ര രാവ് അരങ്ങേറുന്നതിനുള്ള ഒരുക്കങ്ങൾക്ക് എക്സിക്യൂട്ടിവ് കമ്മിറ്റി ചേർന്ന് തുടക്കമിട്ടു.
ഓഗസ്റ്റ് 23ന് വൈകുന്നേരം സെന്‍റ് തോമസ് ഓർത്തഡോക്സ് കത്തിഡ്രൽ ഓഡിറ്റോറിയത്തിൽ അഞ്ച് മുതൽ എട്ട് വരെ വർണപ്രപഞ്ചമായ പതിനഞ്ചിൽപ്പരം നാട്യ നൃത്ത കലാ പരിപാടികളൾ അരങ്ങേറുന്നു.
കേരളത്തനിമ ഒരുമയിലൂടെ കുടിയേറ്റ തലമുറയെ ഓർമപ്പെടുത്തുന്ന മോഹിനിയാട്ടം, കഥകളി, കളരിപ്പയറ്റ്, തിരുവാതിര, മഹാബലിതമ്പുരാൻ എഴുന്നള്ളത്ത് എന്നിവ ഒത്തൊരാമിച്ച് കൊണ്ട് ഒരുമയുടെ സ്വന്തമായ "ഒരുമച്ചുണ്ടൻ വള്ളത്തിന്‍റെ' ഗംഭീരമായ വരവേൽപ്പ് നക്ഷത്ര രാവിന് മാറ്റ് കൂട്ടുന്നു.
മലയാളി രുചി കൂട്ടുള്ള മികച്ച ഓണസദ്യയോട് കൂടി പൊന്നോണ നക്ഷത്ര രാവിന് തിരശീലയിട്ടുന്നു. ഒരുമ പ്രസിഡന്‍റ് ജിൻസ് മാത്യു, സെക്രട്ടറി ജയിംസ് ചാക്കോ, ട്രഷറർ നവീൻ ഫ്രാൻസിസ്, വൈസ് പ്രസിഡന്‍റ് റീനാ വർഗീസ്, ജോയിന്‍റ് സെക്രട്ടറി മേരി ജേക്കബ്,
പ്രോഗ്രാം കോഓർഡിനേറ്റർ ഡോ. ജോസ് തൈപ്പറമ്പിൻ, റോബി ജേക്കബ്, റെയ്ന റോക്ക്, സെലിൻ ബാബു, ഡോ.സിന അഷ്റഫ്, മെർലിൻ സാജൻ, ദീപ പോൾ, ജോസഫ് തോമസ്, കെ.പി തങ്കച്ചൻ, അലീന സബാസ്റ്റിയൻ, ഏബ്രഹാം കുര്യൻ എന്നിവർ നേതൃത്വം നൽകും.
|