ഒന്നിച്ചുകയറാൻ ആഗ്രഹിച്ചു, എന്നാല്‍... ഭാ​ര്യ​യ്ക്കാ​യി എ​വ​റ​സ്റ്റ് കീഴടക്കി​ അ​റു​പ​തു​കാ​ര​ന്‍
Thursday, June 1, 2023 3:20 PM IST
ജീ​വി​തം അ​ങ്ങ​നെ​യാ​ണ്. അ​തി​ന് പ​ല​ത​ട്ടു​ക​ളു​ണ്ട​ല്ലൊ. ബാ​ല്യ​വും കൗ​മാ​ര​വും യൗ​വ​ന​വും വാ​ര്‍​ധ​ക്യ​വു​മൊ​ക്കെ അ​തിന്‍റെ ഭാ​ഗ​ങ്ങ​ളാ​ണ്. ഇ​ക്കാ​ല​യ​ള​വി​ലൊ​ക്കെ എ​ത്ര​യോ ബ​ന്ധ​ങ്ങ​ള്‍ വ​ന്നും തെ​ളി​ഞ്ഞും മാ​യു​ന്നു.

എ​ന്നാ​ല്‍ ചി​ല ബ​ന്ധ​ങ്ങ​ള്‍ അ​ങ്ങ​നെ പ​റി​ച്ചുമാ​റ്റാ​ന്‍ ക​ഴി​യി​ല്ല. അ​ത്ത​ര​ത്തി​ല്‍ യൗ​വ​ന​ത്തി​ല്‍ മി​ക്ക​വ​ര്‍​ക്കും കി​ട്ടു​ന്ന ഒ​രു കൂ​ട്ടാ​ണ് ഭാ​ര്യ അ​ല്ലെ​ങ്കി​ല്‍ ഭ​ര്‍​ത്താ​വ്. ആ ​ഉ​ട​മ്പ​ടി​യൊ​രു വെ​റും വാ​ക്ക​ല്ല. പ​ല​ര്‍​ക്കും ത​ങ്ങ​ളു​ടെ പ്രാ​ണ​ന്‍ പ​ര​കാ​യം ചെ​യ്ത​താ​യി തോ​ന്നും. "നി​ന്നി​ലും മു​ന്നേ എ​നി​ക്ക് മ​രി​ക്ക​ണം' എ​ന്നു​പ​റ​യാ​ത്ത ഇ​ണ​ക​ള്‍ കു​റ​വാ​യി​രി​ക്കും.

ഈ ​ക​ഥ പ​റ​യു​ന്ന​ത് ജീ​വി​ത​ത്തി​ന്‍റെ തു​രു​ത്തി​ല്‍ ഒ​റ്റ​പ്പെ​ട്ടു​പോ​യ ഒ​രു അ​റു​പ​തു​കാ​ര​നെ​ക്കു​റി​ച്ചാ​ണ്. മ​ഹാ​രാ​ഷ്ട്ര സ്വ​ദേ​ശി​യാ​യ അ​ദ്ദേ​ഹ​ത്തി​ന്‍റെ പേ​ര്‍ ശ​ര​ദ് കു​ല്‍​ക്ക​ര്‍​ണി. സാ​ഹ​സ​ങ്ങ​ളി​ലും പ​ര്‍​വ​താ​രോ​ഹ​ണ​ങ്ങ​ളി​ലും അ​തീ​വ ത​ത്പ​ര​നാ​യി​രു​ന്നു ഈ ​മ​നു​ഷ്യ​ന്‍. അ​ദ്ദേ​ഹ​ത്തി​ന്‍റെ യൗ​വ​ന​ത്തി​ല്‍ തു​ണ​യാ​യി ല​ഭി​ച്ച​തും ഇ​ത്ത​രം കാ​ര്യ​ങ്ങ​ളി​ല്‍ താ​ത്പ​ര്യ​മു​ള്ള ഒ​രു വ​ധു​വി​നെ​യാ​ണ്.

അ​ഞ്ജ​ലി എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ സ​ഖി​യു​ടെ പേ​ര്. മ​ഹാ​രാ​ഷ്ട്ര​യി​ലെ ബീ​ട് സ്വ​ദേ​ശി​ക​ളാ​യ ഇ​വ​ര്‍ പി​ന്നീ​ട് താ​നേ​യി​ലേ​ക്ക് താ​മ​സം മാ​റ്റി​യി​രു​ന്നു. പ​ര്‍​വ​താ​രോ​ഹ​ക​രാ​യി മാ​റി​യ ഇ​വ​ര്‍ പ​ല കൊ​ടു​മു​ടി​ക​ളും ക​യ​റി ജീ​വി​തം അ​ങ്ങ​നെ ആ​ഘോ​ഷ​മാ​ക്കി പോ​വു​ക​യാ​യി​രു​ന്നു.

ലോ​ക​ത്തി​ലെ ഏ​റ്റ​വും ഉ​യ​ര​മു​ള്ള ഏ​ഴ് കൊ​ടു​മു​ടി​ക​ള്‍ ഒ​ന്നി​ച്ച് കീ​ഴ​ട​ക്ക​ണ​മെ​ന്നാ​യി​രു​ന്നു ശ​ര​ദി​ന്‍റെ​യും അ​ഞ്ജ​ലി​യു​ടെ​യും ഏ​റ്റ​വും ​വ​ലി​യ ആ​ഗ്ര​ഹം. അ​തി​നാ​യി അ​വ​ര്‍ ആ​ദ്യം തെ​ര​ഞ്ഞെ​ടു​ത്ത​ത് ഏ​റ്റ​വും വ​ലി​യ കൊ​ടു​മു​ടി​ക​ളി​ല്‍ ഒ​ന്നാ​യ എ​വ​റ​സ്റ്റി​നെ​യാ​ണ്.

അ​തി​നാ​യി ഒ​ന്നി​ച്ച് ഇ​റ​ങ്ങി​യെ​ങ്കി​ലും ഈ ​ആ​ഗ്ര​ഹം പൂ​ര്‍​ത്തീ​ക​രി​ക്കാ​ന്‍ അ​വ​ര്‍​ക്കാ​യി​ല്ല. കാ​രണം 2019ല്‍ ​ഈ കൊ​ടു​മു​ടി ക​യ​റ്റ​ത്തി​നി​ടെ അ​ഞ്ജ​ലി മ​ര​ണ​പ്പെ​ട്ടു. മേ​യ് 22, ആ ​ദി​വ​സം പ​ര്‍​വ​താ​രോ​ഹ​ക​രു​ടെ എ​ണ്ണം കൂ​ടു​ത​ലാ​യി​രു​ന്ന​തി​നാ​ല്‍ ഇ​രു​വ​രും ഏ​റെ ബു​ദ്ധി​മു​ട്ടി​. ആ​വ​ശ്യ​ത്തി​ന് ഓ​ക്സി​ജ​ന്‍ ല​ഭി​ക്കാ​തെ വ​ന്ന അ​ഞ്ജ​ലി കു​ഴ​ഞ്ഞു​വീ​ണ് മ​ര​ണ​ത്തി​നു കീ​ഴ​ട​ങ്ങു​ക​യാ​യി​രു​ന്നു.

ഈ ​ദുഃ​ഖ സം​ഭ​വ​ത്തോ​ടെ ശ​ര​ദ് ജീ​വി​ത​ത്തി​ല്‍ ഒ​റ്റ​പ്പെ​ട്ടു​പോ​യി. ഏ​റേ വ​ര്‍​ഷ​ങ്ങ​ള്‍​ക്കി​പ്പു​റം ത​ന്‍റെ ഭാ​ര്യ​യ്ക്കാ​യി കൊ​ടു​മു​ടി​ക​ള്‍ കീ​ഴ​ട​ക്കു​ക എ​ന്ന ദൗ​ത്യം പൂ​ര്‍​ത്തീ​ക​രി​ക്ക​ണ​മെ​ന്ന് അ​ദ്ദേ​ഹ​ത്തി​ന് തോ​ന്നി.

പ്രാ​യം അ​പ്പോ​ഴേ​ക്കും അ​റു​പ​തി​ല്‍ എ​ത്തി. എ​ന്നി​രു​ന്നാ​ലും സ്‌​നേ​ഹ​വും ഓ​ര്‍​മ​യും വ​ലി​യ ഊ​ര്‍​ജ​മാ​യി നി​ന്നു. ഒ​ടു​വി​ല്‍ അ​ദ്ദേ​ഹം ത​ങ്ങ​ള്‍​ക്കൊ​രു​മി​ച്ച് യാ​ത്ര പൂ​ര്‍​ത്തി​യാ​ക്കാ​ന്‍ ക​ഴി​യാ​ഞ്ഞ എ​വ​റ​സ്റ്റി​ലെ​ത്തി.

ഓ​രോ ചു​വ​ടു​ക​ളും ഓ​രോ നോ​വു​ന്ന ഓ​ര്‍​മ​ക​ളാ​ണ് അ​ദ്ദേ​ഹ​ത്തി​ന് സ​മ്മാ​നി​ച്ച​ത്. പ​ക്ഷേ ഒ​ടു​വി​ല്‍ ശ​ര​ദ് ആ ​ഉ​ദ്യ​മം പൂ​ര്‍​ത്തീ​ക​രി​ച്ചു. മാ​ത്ര​മ​ല്ല അ​റു​പ​താം വ​യ​സി​ല്‍ കൊ​ടു​മു​ടി കീ​ഴ​ട​ക്കി​യ ആ​ദ്യ ഇ​ന്ത്യ​ന്‍ പ​ര്‍​വ​താ​രോ​ഹ​ക​ന്‍ കൂ​ടെ​യാ​യി മാ​റി​ അ​ദ്ദേ​ഹം.

പ​ല പ്ര​ണ​യ​ക​ഥ​ക​ളി​ലും കാ​മു​ക​ന്‍​മാ​രും ഭ​ര്‍​ത്താ​ക്ക​ന്‍​മാ​രും ത​ങ്ങ​ളു​ടെ ഇ​ണ​ക​ള്‍​ക്കാ​യി പ​ല​തും സ്മാ​ര​ക​മാ​ക്കി​യ​ത് നാം ​വാ​യി​ച്ചി​ട്ടു​ണ്ടാ​ല്ലൊ. മു​ഗ​ള്‍ ച​ക്ര​വ​ര്‍​ത്തി ഷാ​ജ​ഹാ​ന്‍ ത​നി​ക്ക് പ്രി​യ​പ്പെ​ട്ട മും​താ​ജ്മ​ഹ​ലി​നാ​യി പ​ണി​ത താ​ജ്മ​ഹ​ല്‍ കാ​ല​ത്തെ​പ്പോ​ലും അ​തി​ജീ​വി​ച്ച് ന​മു​ക്ക് മു​ന്നി​ലു​ണ്ട​ല്ലൊ.

താ​ന്‍ കീ​ഴ​ട​ക്കി​യ ഉ​യ​ര​ത്തി​നു​മ​പ്പു​റം ചേ​ക്കേ​റി​യ അ​ഞ്ജ​ലി​ക്കാ​യി ശ​ര​ദി​ന് ഒ​രു​ക്കാ​നു​ള്ള​ത് ഏ​ഴു​കൊ​ടി​മു​ടി​ക​ള്‍​ക്കു മു​ക​ളി​ല്‍ പ​തി​ഞ്ഞ കാ​ല്‍​പാ​ടു​ക​ളാ​ണ്. ആ ​കാ​ല്‍​പാ​ടു​ക​ള്‍ എ​വ​റ​സ്റ്റി​ല്‍ പതിഞ്ഞുകഴിഞ്ഞു. എ​ന്നാ​ല്‍ യാ​ത്ര​ക​ള്‍ ഇ​നി​യും ബാ​ക്കി നി​ല്‍​ക്കു​ന്നു. തന്‍റെ പ്രിയപ്പെട്ട അഞ്ജലിക്കായി അവശേഷിക്കുന്ന കാല്‍പാടുകളും അദ്ദേഹത്തിന് പതിക്കാന്‍ കഴിയട്ടെ...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.