കുട്ടിയാനയ്ക്ക് ഒറ്റക്കൊമ്പന്‍റെ അടി; തുണയായി അമ്മയാന

Tuesday, May 21, 2019 12:19 PM IST

ഒറ്റയാനയുടെ ആക്രമണത്തിൽ നിന്നും കുട്ടിയാനയെ അമ്മയാന രക്ഷിക്കുന്നതിന്‍റെ ദൃശ്യങ്ങൾ നവമാധ്യമങ്ങളിൽ വ്യാപകമായി പ്രചരിക്കുന്നു. സൗത്ത് ആഫ്രിക്കയിലെ ആഡോ എലിഫന്‍റ് നാഷണൽ പാർക്കിലാണ് സംഭവം.

ഒരാഴ്ച്ച മാത്രം പ്രായമുള്ള കുട്ടിയാന അമ്മയാനയ്ക്കും മറ്റ് ആനകൾക്കുമൊപ്പം തടാകത്തിൽ വെള്ളം കുടിക്കാനെത്തി. തടാക കരയിലേക്ക് അമ്മയാനയും മറ്റ് ആനകളും പോയപ്പോൾ കുറച്ചു മാറി നിൽക്കുകയായിരുന്നു കുട്ടിയാന. പെട്ടന്ന് ഇവിടേക്ക് ഒരു ഒറ്റയാന എത്തി.

കുട്ടിയാന അടുക്കലെത്തിയത് ഇഷ്ടപ്പെടാതിരുന്ന ഒറ്റയാൻ തുമ്പി കൈ കൊണ്ട് കുട്ടിയാനയെ രണ്ട് പ്രാവശ്യം അടിച്ചു. കുഞ്ഞിന്‍റെ കരച്ചിൽ കേട്ട് എത്തിയ അമ്മയാനയെയും ഒറ്റയാൻ അടിക്കുകയും കൊമ്പുകൊണ്ട് കുത്തുകയും ചെയ്തു. വീണ്ടും ഒറ്റയാന്‍റെ അടുക്കൽ പോയ കുട്ടിയാനയ്ക്ക് പിന്നെയും കിട്ടി ഒരു അടികൂടി.

എന്നാൽ അമ്മയാന പെട്ടന്ന് കുഞ്ഞിന്‍റെ രക്ഷയ്ക്ക് എത്തി. ഒറ്റയാൻ വീണ്ടും ആക്രമണത്തിന് മുതിർന്നപ്പോൾ കൂട്ടത്തിലുണ്ടായിരുന്ന കൊമ്പനാന ഇവരുടെ രക്ഷയ്ക്കെത്തി. കൊമ്പനാന ഒറ്റയാനെ വിരട്ടിയോടിക്കുകയായിരുന്നു. ഏറെ ആകാംക്ഷയുണർത്തുന്ന ഈ ദൃശ്യങ്ങൾ പകർത്തിയത് ഫോട്ടോഗ്രാഫറായ ഡങ്കൻ നോക്സ് ആണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.