പ്രിയതമന്‍റെ മുഖവുമായി അയാളെത്തി; കണ്ണീരടക്കാനാവാതെ ലില്ലി
Sunday, November 12, 2017 2:32 AM IST
മ​ര​ണം വ​രെ​യും ഒ​ന്നി​ച്ചു ജീ​വി​ക്കാ​മെ​ന്ന് വാ​ക്ക് ന​ൽ​കി ക​ഴു​ത്തി​ൽ മി​ന്നു​ചാ​ർ​ത്തി​യ പ്രി​യത​മ​ൻ ക്യാ​ലെ​ൻ ഒ​രു തോ​ക്കി​ൻ മു​ന​യി​ൽ ജീ​വി​തം അ​വ​സാ​നി​പ്പി​ച്ച​പ്പോ​ൾ ത​ക​ർ​ന്നു പോ​യി​രു​ന്നു ഭാ​ര്യ ലി​ല്ലി. ഒ​രു വ​ർ​ഷ​ങ്ങ​ൾ​ക്കു ശേ​ഷം പ്രിയതമന്‍റെ മുഖവുമായി ആ​ൻ​ഡി സാ​ഡ്നെ​സ് എ​ന്ന​യാ​ൾ മു​ന്പി​ൽ വ​ന്നു നി​ന്ന​പ്പോ​ൾ ലില്ലി ആദ്യമൊന്നു ഞെട്ടി. പിന്നെ ആ മുഖത്ത് പതിയെ തൊട്ടുനോക്കി. മുഖം മാത്രമേ ക്യാലെന്‍റേതായുള്ളൂ എന്നു മനസിലാക്കിയ ലില്ലി പൊട്ടിക്കരഞ്ഞു.



ക​ഴി​ഞ്ഞ വ​ർ​ഷ​മാ​ണ് എട്ടുമാസം ഗർഭവതിയായിരുന്ന ലി​ല്ലി​യെ ഒ​റ്റ​യ്ക്കാ​ക്കി ഭ​ർ​ത്താ​വ് ക്യാ​ലെ​ൻ ജീ​വി​തം അ​വ​സാ​നി​പ്പി​ച്ച​ത്. ഹൈ​സ്കൂ​ൾ പ​ഠ​ന​കാ​ല​ത്തി​നി​ടെ മൊ​ട്ടി​ട്ട പ്ര​ണ​യ​ത്തി​നൊ​ടു​വി​ലാ​ണ് ഇ​രു​വ​രും വി​വാ​ഹി​ത​രാ​യ​ത്. സ​ന്തോ​ഷ​ക​ര​മാ​യി മു​ന്പോ​ട്ട് ജീ​വി​തം പോ​കു​ന്ന​തി​നി​ട​യി​ലു​ണ്ടാ​യ പ്ര​തി​സ​ന്ധി​യി​ൽ ത​ക​ർ​ന്നു​പോ​യ ക്യാ​ലെ​ൻ ജീ​വി​തം അ​വ​സാ​നി​പ്പി​ക്കു​ക​യാ​യി​രു​ന്നു. ക്യാ​ലെ​ന്‍റെ വേ​ർ​പാ​ടി​ൽ ത​ക​ർ​ന്നു​പോ​യെ​ങ്കി​ലും അ​ദ്ദേ​ഹ​ത്തി​ന്‍റെ അ​വ​യ​വ​ങ്ങ​ൾ ദാ​നം ചെ​യ്യാ​ൻ ലി​ല്ലി ത​യാ​റാ​യി.



2006ൽ ​ഒ​രു ആ​ത്മ​ഹ​ത്യാ​ശ്ര​മ​ത്തി​നിടെ മു​ഖം ന​ഷ്ട​മാ​യ ആ​ൻ​ഡി സാ​ഡ്നെ​സി​നാ​ണ് ക്യാ​ല​ന്‍റെ മു​ഖം ന​ൽ​കി​യ​ത്. അ​ന്പ​ത്തി​യാ​റ് മ​ണി​ക്കൂ​ർ നീ​ണ്ട ശ​സ്ത്ര​ക്രി​യ വി​ജ​യ​മാ​യി​രു​ന്നു. നീ​ണ്ട പ​തി​നാ​റു മാ​സ​ത്തെ വി​ശ്ര​മ​ത്തി​നു ശേ​ഷം ലി​ല്ലി​യും മ​ക​നും ആ​ൻ​ഡി​യും ത​മ്മി​ലു​ള്ള കൂ​ടി​ക്കാ​ഴ്ച​യ്ക്കു​ള്ള വേ​ദി​യാ​യ​ത് അ​മേ​രി​ക്ക​യി​ലെ മയോ​ ക്ലിനി​ക്കാ​ണ്. ആ​ദ്യ​മാ​യി അ​ച്ഛ​ന്‍റെ മു​ഖം ക​ണ്ട ഒ​രുവ​യ​സു​കാ​ര​ൻ ലി​യാ​നോ​ഡ് സാ​ഡ്നെ​സി​നെ സ്പ​ർ​ശി​ച്ചു. അ​വ​സാ​നിച്ചെന്നു കരുതിയ ജീ​വി​ത​ത്തി​ന് ഒ​രു പു​ന​രാ​രം​ഭം ന​ൽ​കി​യ ലി​ല്ലി​യോ​ട് സാഡ്നെസ് ന​ന്ദി പ​റ​ഞ്ഞു. ഇ​നി​യും കാ​ണ​ണ​മെ​ന്ന് പ​റ​ഞ്ഞാ​ണ് ഇ​രു​വ​രും പി​രി​ഞ്ഞ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.