ചികിത്സ വേണമെങ്കിൽ വെന്‍റിലേറ്റർ വാങ്ങിനല്കണമെന്ന് ഡോക്ടർ; പൊള്ളലേറ്റ പിഞ്ചുകുഞ്ഞ് ചികിത്സകിട്ടാതെ മ​രി​ച്ചു
Tuesday, February 12, 2019 12:47 PM IST
പൊ​ള്ള​ലേ​റ്റ് ഗു​രു​ത​രാ​വ​സ്ഥ​യി​ലാ​യ പിഞ്ചു കു​ഞ്ഞു​മാ​യി ആ​ശു​പ​ത്രി​യി​ലെ​ത്തി​യ ദ​മ്പ​തി​ക​ളോ​ട് വെ​ന്‍റി​ലേ​റ്റ​ർ വാ​ങ്ങി ന​ൽ​കു​വാ​ൻ ആ​വ​ശ്യ​പ്പെ​ട്ട ഡോ​ക്ട​ർ​ക്ക് സ​സ്പെ​ൻ​ഷ​ൻ. കൃ​ത്യ സ​മ​യ​ത്ത് ചി​കി​ത്സ ല​ഭി​ക്കാ​തി​രു​ന്ന​തി​നെ തു​ട​ർ​ന്ന് കുഞ്ഞ് മ​ര​ണ​മ​ട​ഞ്ഞു.

ഭോ​പ്പാ​ലി​ലെ സാ​ഗ​ർ സ്വ​ദേ​ശി​നി​യാ​യ ഒ​രു വ​യ​സു​കാ​രി അ​ൻ​ഷി​ക എ​ന്ന കു​ഞ്ഞി​നെ​യാ​ണ് ചൂ​ടു​വെ​ള്ളം ശ​രീ​ര​ത്തി​ൽ വീ​ണ​തി​നെ തു​ട​ർ​ന്ന് 70 ശ​ത​മാ​നം പൊ​ള്ള​ലോ​ടെ മാ​താ​പി​താ​ക്ക​ൾ ബു​ന്ദേ​ൽ​ഖ​ന്ദ് മെ​ഡി​ക്ക​ൽ കോ​ള​ജി​ൽ എ​ത്തി​ച്ച​ത്.

എ​ന്നാ​ൽ ആ​ശു​പ​ത്രി​യി​ലെ​ത്തി​യ ഇ​വ​രോ​ട് വേ​റെ ഏ​തെ​ങ്കി​ലും സ്വ​കാ​ര്യ ആ​ശു​പ​ത്രി​യി​ൽ കുഞ്ഞുമാ​യി പോ​കു​വാ​നാ​ണ് ഡ്യൂ​ട്ടി​യി​ലു​ണ്ടാ​യി​രു​ന്ന ഡോ​ക്ട​ർ ജ്യോ​തി റൗ​ത്ത് ആ​വ​ശ്യ​പ്പെ​ട്ട​ത്. തു​ട​ർ​ന്ന് മാ​താ​പി​താ​ക്ക​ൾ ആ​ശു​പ​ത്രി​യി​ലെ അ​ധി​കൃ​ത​ർ​ക്ക് പ​രാ​തി ന​ൽ​കി​യ​പ്പോ​ൾ ഇ​വ​ർ കുഞ്ഞിനെ പ​രി​ശോ​ധി​ക്കു​വാ​ൻ ത​യാ​റാ​യി.

എ​ന്നാ​ൽ കുഞ്ഞിന് വെ​ന്‍റി​ലേ​റ്റ​ർ സൗ​ക​ര്യം ആ​വ​ശ്യ​മാ​ണെ​ന്നും അ​ത് ഇ​വി​ടെ ഇ​ല്ലെ​ന്നും ഒ​രു കോ​ടി രൂ​പ മു​ട​ക്കി നി​ങ്ങ​ൾ അ​ത് വാ​ങ്ങി​യെ​ങ്കി​ൽ മാ​ത്ര​മേ ചി​കി​ത്സി​ക്കു​വാ​ൻ പ​റ്റു​ക​യു​ള്ളു​വെ​ന്നും ജ്യോ​തി റൗ​ത്ത് കുഞ്ഞിന്‍റെ മാ​താ​പി​താ​ക്കളെ അറിയിച്ചു

എ​ന്നാ​ൽ അ​പ്പോ​ഴേ​ക്കും കൃ​ത്യ​മാ​യി ചി​കി​ത്സ ല​ഭി​ക്കാ​തി​രു​ന്ന കുഞ്ഞ് മ​ര​ണ​മ​ട​ഞ്ഞു. പിന്നീട് ജ്യോ​തി റൗ​ത്ത് കു​ട്ടി​യു​ടെ മാ​താ​പി​താ​ക്ക​ളോ​ട് വാ​ക്കേ​റ്റ​ത്തി​ലേ​ർ​പ്പെ​ടു​ന്ന​തി​ന്‍റെ വീ​ഡി​യോ ദൃ​ശ്യ​ങ്ങ​ൾ ന​വ​മാ​ധ്യ​മ​ങ്ങ​ളി​ൽ വൈ​റ​ലാ​യി മാ​റി​യ​തി​നെ തു​ട​ർ​ന്ന് സാ​ഗ​റി​ലെ യൂ​ത്ത് കോ​ണ്‍​ഗ്ര​സ് പ്ര​വ​ർ​ത്ത​ക​ർ മെ​ഡി​ക്ക​ൽ കോ​ള​ജി​ലെ ഡീ​നി​ന് ക​ത്ത് ന​ൽ​കി ഇ​വ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടു.

എ​ന്നാ​ൽ പ്ര​ച​രി​ക്കു​ന്ന വീ​ഡി​യോ ദൃ​ശ്യ​ങ്ങ​ൾ എ​ഡി​റ്റ് ചെ​യ്ത​താ​ണെ​ന്നും കുഞ്ഞിന്‍റെ ജീ​വ​ൻ ര​ക്ഷി​ക്കു​വാ​ൻ എ​ന്‍റെ ക​ഴി​വി​ന്‍റെ പ​ര​മാ​വ​ധി ഞാ​ൻ പ​രി​ശ്ര​മി​ച്ചെ​ന്നു​മാ​ണ് ജ്യോ​തി​യു​ടെ വാ​ദം.

മെ​ഡി​ക്ക​ൽ കോ​ള​ജി​ൽ 17 വെ​ന്‍റി​ലേ​റ്റ​റു​ക​ളു​ണ്ടെ​ന്നും എ​ന്നാ​ൽ പൊ​ള്ള​ലേ​റ്റ​വ​രു​ടെ വാ​ർ​ഡി​ൽ വെ​ന്‍റി​ലേ​റ്റ​റു​ക​ൾ ഒ​ന്നു​മി​ല്ലാ​യി​രു​ന്നെ​ന്നും മെ​ഡി​ക്ക​ൽ കോ​ള​ജ് ഡീ​ൻ വ്യ​ക്ത​മാ​ക്കി. ഡോ​ക്ട​റു​ടെ പെ​രു​മാ​റ്റം വ​ള​രെ മോ​ശ​മാ​യെ​ന്നും അ​തു​കൊ​ണ്ടാ​ണ് അ​വ​രെ സ​സ്പെ​ൻ​ഡ് ചെ​യ്ത​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.