ആരോഗ്യത്തിന് ആപത്ത്; സ്കൂളുകളിൽ കാപ്പി വില്ക്കേണ്ട
Sunday, September 2, 2018 9:51 AM IST
രാ​ജ്യ​ത്തി​ന്‍റെ ഭാ​വി വ​ള​ർ​ന്നു​വ​രു​ന്ന ത​ല​മു​റ​യു​ടെ കൈ​ക​ളി​ലാ​ണ്. ന​ല്ല ആ​രോ​ഗ്യ​മു​ള്ള കു​ട്ടി​ക​ൾ​ക്ക് ന​ല്ല പൗ​ര​ന്മാ​രാ​കാ​നും ക​ഴി​യും. ഈ ​ബോ​ധ്യ​മാ​ണ് ദ​ക്ഷി​ണ​കൊ​റി​യ​യെ അ​ങ്ങ​നൊ​രു ന​ട​പ​ടി​യെ​ടു​ക്കാ​ൻ പ്രേ​രി​പ്പി​ച്ച​ത്. സ്കൂളു​ക​ളി​ൽ കു​ട്ടി​ക​ൾ​ക്ക് കാ​പ്പി കൊ​ടു​ക്കാ​ൻ പാ​ടി​ല്ല.

എ​ല​മെ​ന്‍റ​റി ക്ലാ​സു​ക​ൾ മു​ത​ൽ ഹൈസ്കൂ​ൾ വ​രെ​യു​ള്ള കു​ട്ടി​ക​ൾ​ക്കാ​ണ് സെ​പ്റ്റം​ബ​ർ 14 മു​ത​ൽ സ്കൂളുകളി​ൽ കാ​പ്പി ഉ​പ​യോ​ഗി​ക്കാ​ൻ ക​ഴി​യി​ല്ലാ​ത്ത​ത്. വി​ദ്യാ​ർ​ഥി​ക​ൾ മാ​ത്ര​മ​ല്ല, അ​ധ്യാ​പ​ക​ർ​ക്കും ഈ ​നി​യ​മം ബാ​ധ​ക​മാ​ണ്.

കാ​പ്പി​യി​ലെ അ​ധി​ക ക​ലോ​റി​യും ക​ഫീ​നും മൂ​ലം നി​ര​വ​ധി സ്കൂ​ളു​ക​ളി​ൽ നി​ല​വി​ൽ ഇ​വി​ടെ വി​ല​ക്കു​ണ്ട്. എ​ന്നാ​ൽ, അ​ധ്യാ​പ​ക​ർ​ക്ക് സ്കൂ​ളു​ക​ളി​ലെ വെ​ൻ​ഡിം​ഗ് മെ​ഷീ​നു​ക​ളി​ലൂ​ടെ​യും സ്നാ​ക് ഷോ​പ്പു​ക​ളി​ലൂ​ടെ​യും കാ​പ്പി ല​ഭി​ക്കു​ന്നു​ണ്ട്. പു​തി​യ നി​യ​മം പ്രാ​ബ​ല്യ​ത്തി​ലാ​കു​ന്ന​തോ​ടെ ഇ​തും പാ​ടി​ല്ല.

കൗ​മാ​ര​ക്കാ​രു​ടെ ഇ​ട​യി​ൽ ആ​രോ​ഗ്യ​ക​ര​മാ​യ ഭ​ക്ഷ​ണം പ്ര​ചാ​ര​ത്തി​ലാ​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് ഈ ​പ​ദ്ധ​തി ആ​വി​ഷ്ക​രി​ച്ച​തെ​ന്ന് ദ​ക്ഷി​ണ​കൊ​റി​യ​ൻ ഭ​ക്ഷ്യസു​ര​ക്ഷാ മ​ന്ത്രാ​ല​യം അ​റി​യി​ച്ചു. കാ​പ്പി​യി​ൽ അ​ട​ങ്ങി​യി​രി​ക്കു​ന്ന ക​ഫീ​ൻ ത​ല​ചു​റ്റ​ൽ, ഹൃ​ദ​യ​മി​ടി​പ്പ് വർധന, ഉ​റ​ക്ക​മി​ല്ലാ​യ്മ, കു​ട്ടി​ക​ളി​ൽ ശാ​രീ​രി​ക​വും മാ​ന​സി​ക​വു​മാ​യ പ്ര​ശ്ന​ങ്ങ​ൾ എ​ന്നി​വ​യ്ക്കു കാ​ര​ണ​മാ​കു​മെ​ന്ന് ദ ​കൊ​റി​യ ടൈം​സ് റി​പ്പോ​ർ​ട്ട് ചെ​യ്തു.

അ​ന്താ​രാ​ഷ്‌​ട്ര കാ​പ്പി സം​ഘ​ട​ന​യു​ടെ റി​പ്പോ​ർ​ട്ട് അ​നു​സ​രി​ച്ച് ദ​ക്ഷി​ണ​കൊ​റി​യ​യി​ൽ ആ​ളോ​ഹ​രി കാ​പ്പി ഉ​പ​യോ​ഗം വ​ർ​ഷം 2.3 കി​ലോ​ഗ്രാ​മാ​ണ്. ഏ​ഷ്യ​ൻ രാ​ജ്യ​ങ്ങ​ളി​ൽ കാ​പ്പി ഉ​പ​യോ​ഗ​ത്തി​ൽ ഒ​ന്നാം സ്ഥാ​ന​ത്താ​ണ് ദ​ക്ഷി​ണ കൊ​റി​യ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.