ജീവനില്ലെങ്കിലും താരമായി ഒരു നായ

Monday, January 1, 2018 5:06 PM IST

നാലു വർഷംമുന്പ് ജീവൻ നഷ്ടപ്പെട്ട ഫോബി എന്ന വളർത്തുനായ ഇപ്പോൾ സമൂഹമാധ്യമങ്ങളിൽ തരംഗമായി മാറുകയാണ്.

മിച്ച് ബയേർസ് എന്ന അമേരിക്കൻ യുവതിയുടെ നായയായിരുന്നു ഫോബി. ഫോബിയും മിച്ചും അടുത്ത കൂട്ടുകാരായിരുന്നു. നാലുവർഷം മുന്പ് ഒരു രോഗം ബാധിച്ച് ഫോബി ചത്തു. ഇത് മിച്ചിന് താങ്ങാനാവുന്നതിലും വലിയ ആഘാതമായിരുന്നു. എപ്പോഴും സങ്കടപ്പെട്ടിരിക്കുന്ന മിച്ചിനെ എങ്ങനെയെങ്കിലും സമാശ്വസിപ്പിക്കണമെന്ന് അവളുടെ അമ്മ തീരുമാനിച്ചു.

അങ്ങനെ ചത്ത നായയെ വിദഗ്ധരായ ആളുകളെക്കൊണ്ട് മമ്മിപോലെയാക്കുകയായിരുന്നു. നായയുടെ പുറം തോലെടുത്ത് അതിനെ ഫോബിയുടെ രൂപത്തിൽ സ്റ്റഫ് ചെയ്ത് എടുക്കുകയായിരുന്നു. പിന്നീട് ഒരിക്കലും മിച്ച് സ്റ്റഫ്ഡ് ഫോബിയെ പിരിഞ്ഞിരുന്നിട്ടില്ല. അവൾ എവിടെപ്പോയാലും ഫോബിയേയും ഒപ്പം കൂട്ടും. ഒടുവിൽ ഇന്‍സ്റ്റഗ്രാമിൽ ഒരു അക്കൗണ്ട് തുടങ്ങിയപ്പോൾ അതിന് മൈ ഡോഗ് ആൻഡ് മീ എന്ന് പേരുമിട്ടു. ഈ അക്കൗണ്ടിൽ മിച്ച് പോസ്റ്റ് ചെയ്യുന്ന ചിത്രങ്ങളൊക്കെയും ഫോബിയുടേതാണ്.

ഫോബി സ്റ്റഫ്ഡ് നായയാണെന്ന് അറിഞ്ഞതോടെ അവന്‍റെ ചിത്രങ്ങളും വെെറലായി. ആയിരക്കണക്കിന് ആളുകളാണ് ഈ നായയേയും അതിന്‍റെ ഉടമയേയും ഇൻസ്റ്റഗ്രാമിൽ ഫോളോ ചെയ്യുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.