വാ​വ സു​രേ​ഷി​നെ​പ്പോ​ലും വി​റ​പ്പി​ച്ച രാ​ജ​വെ​മ്പാ​ല ഒ​ടു​വി​ൽ പ​ത്തി​മ​ട​ക്കി; വീഡിയോ
Monday, August 27, 2018 7:02 PM IST
പാ​ന്പു​ക​ളു​ടെ പേ​ടി​സ്വ​പ്നമായ സാ​ക്ഷാ​ൽ വാ​വ സു​രേ​ഷി​നെ​പ്പോ​ലും വി​റ​പ്പി​ച്ച രാ​ജ​വെ​മ്പാ​ല ഒ​ടു​വി​ൽ പ​ത്തി​മ​ട​ക്കി. വാ​വാ സു​രേ​ഷ് പി​ടി​കൂ​ടു​ന്ന 148-ാമ​ത്തെ രാ​ജ​വെ​ന്പാ​ല​യാ​യി​രു​ന്നു ഞായറാഴ്ച ചെ​റു​ത്തു നി​ൽ​പ്പി​നു ശേ​ഷം കീ​ഴ​ട​ങ്ങി​യ​ത്. പ​ത്ത​നം​തി​ട്ട സീ​ത​ത്തോ​ട്, സീ​ത​ക്കു​ഴി​യി​ൽ വാ​ര്യ​ത്ത് രാ​ജു​വി​ന്‍റെ വീ​ട്ടി​ൽ നി​ന്നു​മാ​ണ് വാ​വ സു​രേ​ഷ് 14 അ​ടി നീ​ള​മു​ള്ള രാ​ജ​വെ​ന്പാ​ല​യെ പി​ടി​കൂ​ടി​യ​ത്.

വൈ​കു​ന്നേ​രം നാ​ലു​മ​ണി​യോ​ട​ടു​പ്പി​ച്ചാ​ണ് വാ​വ​യെ​ത്തു​ന്ന​തും കൂറ്റൻ പാ​ന്പി​നെ ചാ​ക്കി​ലാ​ക്കു​ന്ന​തും. പ​ള്ളി​യി​ൽ പോ​യി ഉ​ച്ച​യോ​ടെ മ​ട​ങ്ങി​യെ​ത്തി​യ​പ്പോ​ഴാ​ണ് വീ​ട്ടു​കാ​ർ വി​റ​കു​പു​ര​യി​ൽ അ​പ​ക​ട​കാ​രി​യാ​യ പാ​ന്പി​നെ കാ​ണു​ന്ന​ത്. തു​ട​ർ​ന്ന് വനംവകുപ്പ് അധികൃത​രു​മാ​യി ബ​ന്ധ​പ്പെ​ട്ടു. അ​വ​ർ ഉ​ട​ൻ ത​ന്നെ വാ​വ​യെ വി​ളി​ക്കു​ക​യാ​യി​രു​ന്നു. റാ​ന്നി മേ​ഖ​ല​യി​ൽ പ്ര​ള​യ​ദു​രി​ത​ത്തി​ൽ അ​ക​പ്പെ​ട്ട വീ​ടു​ക​ൾ വൃ​ത്തി​യാ​ക്കു​ന്ന പ്ര​വ​ർ​ത്ത​ന​ത്തി​ലാ​യി​രു​ന്നു വാ​വ​യ​പ്പോ​ൾ. രാ​ജ​വെ​ന്പാ​ല​യെ​ന്ന് കേ​ട്ട​യു​ട​ൻ ഒ​ട്ടും അ​മാ​ന്തി​ക്കാ​തെ വനപാലകർ​ക്കൊ​പ്പം സം​ഭ​വ​സ്ഥ​ല​ത്തേ​ക്ക് പാ​ഞ്ഞെ​ത്തി. പ്ര​ദേ​ശ​ത്ത് ആ​ദ്യ​മാ​യി രാ​ജ​വെ​ന്പാ​ല​യെ​ത്തി​യ വി​വ​ര​മ​റി​ഞ്ഞ് നാ​ട്ടു​കാ​രും സം​ഭ​വ​സ്ഥ​ല​ത്ത് ത​ടി​ച്ചു​കൂ​ടി​യി​രു​ന്നു.

വാ​വ​യെ​ത്തു​ന്പോ​ൾ വി​റ​കു​പു​ര​യി​ൽ വി​ശ്ര​മി​ക്കു​ക​യാ​യി​രു​ന്നു ക​ക്ഷി. വാ​വ രാ​ജ​വെ​ന്പാ​ല​യെ പൊ​ക്കി​യെ​ടു​ത്ത​പ്പോ​ൾ ഒ​രു ചേ​ര​യും അതിന്‍റെ വാ​യി​ലു​ണ്ടാ​യി​രു​ന്നു. വാ​വ പി​ടി​കൂ​ടി​യെ​ന്ന​റി​ഞ്ഞി​ട്ടും ചേ​ര​യെ വി​ടാ​ൻ രാ​ജ​വെ​ന്പാ​ല ത​യാ​റാ​യി​ല്ല. അ​തി​ന​കം ചേ​ര ച​ത്തി​രു​ന്നു. ഏ​റെ കാ​ത്തി​രു​ന്നു കി​ട്ടി​യ ഇ​ര​യാ​യ​തി​നാ​ലാ​ണ് പാ​ന്പ് ചേ​ര​യെ വി​ടാ​ൻ കൂ​ട്ടാ​ക്കാ​ഞ്ഞ​തെ​ന്നും പാ​ന്പ് വ​ള​രെ​യ​ധി​കം ക്ഷീ​ണി​ത​നാ​ണെ​ന്ന് വാ​വ പ​റ​ഞ്ഞു. ഇ​ത് ആ​ണ്‍​പാ​ന്പാ​ണെ​ന്നും അ​ടു​ത്ത​കാ​ല​ത്തു പി​ടി​കൂ​ടി​യ പാ​ന്പു​ക​ളി​ൽ അ​ധി​ക​വും വ​ള​രെ ക്ഷീ​ണി​ത​രാ​യാ​ണ് കാ​ണ​പ്പെ​ടു​ന്ന​തെ​ന്നും വാ​വ പ​റ​ഞ്ഞു. പി​ന്നീ​ട് പാ​ന്പി​നെ ചാ​ക്കി​ലാ​ക്കി ഫോ​റ​സ്റ്റു​കാ​രു​ടെ വാ​ഹ​ന​ത്തി​ൽ മൂ​ഴി​യാ​ർ വ​ന​ത്തി​ൽ കൊ​ണ്ടു​വി​ട്ടു. മ​ല​വെ​ള്ള​ത്തി​ൽ വ​ന​ത്തി​ൽ നി​ന്ന് എ​ത്തി​പ്പെ​ട്ട​താ​കാം പാ​ന്പ് എ​ന്നാ​ണ് ക​രു​തു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.