ഭ​ർ​ത്താ​വി​ന് എത്രത്തോളം സ്നേഹമുണ്ടെന്ന് അ​റി​യാ​ൻ യുവതി ചെയ്ത കടുംകൈ; കരുവായത് മകൻ
ഭ​ർ​ത്താ​വി​ന്‍റെ സ്നേ​ഹം മ​ന​സി​ലാ​കു​വാ​ൻ ഭാ​ര്യ ചെയ്ത കടുംകൈയാണ് ലോകമെങ്ങും ചർച്ചാവിഷയം. ചൈ​ന​യി​ലെ യൂ​ക്വിം​ഗ് സി​റ്റി സ്വ​ദേ​ശി​നി​യാ​യ 33കാ​രി​യാ​ണ് കഥാനായിക. ത​ന്നെ​യും മ​ക​നെ​യും ഭ​ർ​ത്താ​വ് എ​ത്ര​മാ​ത്രം സ്നേ​ഹി​ക്കു​ന്നു​ണ്ടെ​ന്ന് അ​റി​യാ​നായി ഇവർ മകനെ അജ്ഞാതർ തട്ടിക്കൊണ്ടുപോയെന്ന വ്യാജവാർത്ത മെനയുകയായിരുന്നു.

കൂടാതെ അ​ടു​ത്തു​ള്ള പോ​ലീ​സ് സ്റ്റേ​ഷ​നി​ൽ എ​ത്തി പ​രാ​തി​യും ന​ൽ​കി. പ​തി​നൊ​ന്നു വ​യ​സു​കാ​ര​നാ​യ കു​ട്ടി സ്കൂ​ളി​ൽ പോ​യി ഇ​തു​വ​രെ​യും തി​രി​കെ എ​ത്തി​യി​ല്ലെ​ന്നാ​യി​രു​ന്നു ഇ​വ​ർ പോ​ലീ​സി​നോ​ട് പ​റ​ഞ്ഞ​ത്.

വ​ള​രെ പ്രാ​ധാ​ന്യ​ത്തോ​ടെ ഈ ​കേ​സ് സ്വീ​ക​രി​ച്ച പോ​ലീ​സു​ദ്യോ​ഗ​സ്ഥ​ർ ന​ഗ​ര​ത്തി​ന്‍റെ പ​ല ഭാ​ഗ​ങ്ങ​ളി​ലേ​ക്ക് അ​ന്വേ​ഷ​ണം വ്യാ​പി​പ്പി​ച്ചു. മാ​ത്ര​മ​ല്ല ദേ​ശി​യ ത​ല​ത്തി​ൽ ച​ർ​ച്ച​ക്കി​ട​യാ​ക്കി​യ ഈ ​സം​ഭ​വ​ത്തി​ൽ, കു​ട്ടി​യെ കു​റി​ച്ചു​ള്ള വി​വ​രം ന​ൽ​കു​ന്ന​വ​ർ​ക്ക് പോ​ലീ​സു​ദ്യോ​ഗ​സ്ഥ​ർ 72,000 ഡോ​ള​ർ പാ​രി​തോ​ഷി​കം ന​ൽ​കു​മെ​ന്നും പ്ര​ഖ്യാ​പി​ച്ചു.

എ​ന്നാ​ൽ ഈ ​സ​മ​യ​മ​ത്ര​യും ഒ​രു ബ​ന്ധു​വി​ന്‍റെ വീ​ട്ടി​ൽ ക​ഴി​യു​ക​യാ​യി​രു​ന്നു ഈ ​കു​ട്ടി. ഏ​ക​ദേ​ശം അ​ഞ്ചു ദി​വ​സ​ത്തെ തെ​ര​ച്ചി​ലി​നൊ​ടു​വി​ൽ, കു​ട്ടി​യെ അ​വ​സാ​നം ക​ണ്ട സ്ഥ​ല​ത്തെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ഴാ​ണ് പോ​ലീ​സു​ദ്യോ​ഗ​സ്ഥ​രു​ടെ മ​ന​സി​ൽ ചി​ല സം​ശ​യ​ങ്ങ​ൾ മു​ള​പൊ​ട്ടി​യ​ത്.

കാ​ര​ണം പോ​ലീ​സ് സ്റ്റേ​ഷ​നി​ൽ വ​രു​ന്ന​തി​നു മു​മ്പ് ഒ​രു കാ​റി​ൽ പോ​യി കാ​ത്തു നി​ൽ​ക്കു​വാ​ൻ അ​മ്മ കു​ട്ടി​യോ​ട് പ​റ​യു​ന്ന​താ​യി​രു​ന്നു ഈ ​ദൃ​ശ്യ​ങ്ങ​ളി​ലു​ള്ള​ത്. തു​ട​ർ​ന്ന് ഈ ​കാ​റി​നെ കു​റി​ച്ചു​ള്ള അ​ന്വേ​ഷ​ണ​ത്തി​ൽ അ​ടു​ത്തു​ള്ള ഒ​രു ഗ്രാ​മ​ത്തി​ൽ എ​ത്തു​ക​യും കൂ​ടു​ത​ൽ അ​ന്വേ​ഷ​ണ​ത്തി​ൽ ഇ​വി​ടെ​യു​ള്ള ഒ​രു വീ​ട്ടി​ൽ നി​ന്നും കു​ട്ടി​യെ ക​ണ്ടെ​ത്തു​ക​യു​മാ​യി​രു​ന്നു.

എ​ന്നാ​ൽ പോ​ലീ​സു​കാ​ർ​ക്ക് ഈ ​സ്ത്രീ ന​ൽ​കി​യ മ​റു​പ​ടി​യാ​ണ് ഏ​വ​രെ​യും കു​ഴ​ക്കി​യ​ത്. കാ​ര​ണം അ​ടു​ത്തി​ടെ ഭ​ർ​ത്താ​വു​മാ​യി താ​ൻ വ​ഴ​ക്കു​ണ്ടാ​ക്കി​യി​രു​ന്നു​വെ​ന്നും അ​ദ്ദേ​ഹ​ത്തി​ന് ത​ങ്ങ​ളോ​ടു​ള്ള സ്നേ​ഹം അ​റി​യാ​നാ​ണ് ഇ​ത്ത​ര​മൊ​രു വ്യാ​ജ ത​ട്ടി​ക്കൊ​ണ്ടു പോ​ക​ൽ വാ​ർ​ത്ത സൃ​ഷ്ടി​ച്ച​തെ​ന്നും ഇ​വ​ർ പ​റ​ഞ്ഞു.

ചൈ​ന​യി​ൽ ദേ​ശി​യ ത​ല​ത്തി​ൽ പ്രാ​ധാ​ന്യം ല​ഭി​ച്ച ഈ ​സം​ഭ​വ​ത്തി​ന് വ​ള​രെ വൈ​കാ​രി​ക​മാ​യാ​ണ് ആ​ളു​ക​ൾ പ്ര​തി​ക​രി​ക്കു​ന്ന​ത്. രാ​ജ്യ​ത്തെ മു​ഴു​വ​ൻ ആ​ളു​ക​ളെ​യും വി​ഡ്ഢി​ക​ളാ​ക്കി​യ ഇ​വ​ർ​ക്കെ​തി​രെ നി​യ​മ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ഏ​വ​രു​ടെ​യും ആ​വ​ശ്യം. എ​ന്താ​യാ​ലും വ്യാ​ജ വാ​ർ​ത്ത സൃ​ഷ്ടി​ച്ച​തി​നും മ​റ്റും ഇ​വ​ർ​ക്കെ​തി​രെ പോ​ലീ​സ് നി​യ​മ​ന​ട​പ​ടി സ്വീ​ക​രി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.