ദൈ​വ​മേ ഇ​തെ​ന്തോ​രു പ​രീ​ക്ഷ​ണം; പ​ത്ത് ല​ക്ഷം സ​മ്മാ​നം ല​ഭി​ച്ച ലോ​ട്ട​റി ടി​ക്ക​റ്റ് സു​ഹൃ​ത്ത് കൈ​ക്ക​ലാ​ക്കി; ടി​ക്ക​റ്റി​നാ​യി യഥാർ‌ഥ ഉടമയുടെ പ​ര​ക്കം​പാ​ച്ചി​ൽ
Tuesday, September 25, 2018 1:03 PM IST
ലോ​ട്ട​റി ഫ​ലം പ്ര​സി​ദ്ധീ​ക​രി​ക്കു​മ്പോ​ൾ ആ​ദ്യ സ​മ്മാ​ന​ങ്ങ​ൾ നോ​ക്കാ​തെ ബാ​ക്കി​യു​ള്ള ന​മ്പ​രു​ക​ൾ പ​രി​ശോ​ധി​ച്ച് സ​മ്മാ​ന​മി​ല്ലെ​ങ്കി​ൽ ടി​ക്ക​റ്റ് വ​ലി​ച്ചെ​റി​യു​ന്ന​താ​ണ് ഭൂ​രി​ഭാ​ഗ​മാ​ളു​ക​ളു​ടെ​യും ശീ​ലം. വ​ലി​യ തു​ക സ​മ്മാ​ന​മാ​യി ല​ഭി​ക്കു​വാ​നു​ള്ള സാ​ധ്യ​ത​ക​ളെ വി​സ്മ​രി​ക്കു​ക​യാ​ണ് ഇ​ത്ത​ര​ക്കാ​ർ ചെ​യ്യു​ന്ന​ത്.

അ​ത്ത​ര​മൊ​രു അ​ശ്ര​ദ്ധ​കാ​ര​ണം എ​ട്ടി​ന്‍റെ പ​ണി കി​ട്ടി​യ​ത് ഒ​രു യു​വാ​വി​നാ​ണ്. പാ​ലോ​ട് പെ​രി​ങ്ങ​മ​ല ഒ​ഴു​കു​പാ​റ നാ​ലു​സെ​ന്‍റ് കോ​ള​നി​യി​ൽ അ​ജി​ലു​വി​നാ​ണ് ചെ​റി​യൊ​രു അ​ശ്ര​ദ്ധ​കാ​ര​ണം ഭാ​ഗ്യ​ദേ​വ​ത ക​ടാ​ക്ഷി​ച്ച പ​ത്തു​ല​ക്ഷം രൂ​പ സ്വ​ന്ത​മാ​ക്കാ​ൻ ക​ഴി​യാ​തെ നി​സ​ഹാ​യ​നാ​യി നോ​ക്കി​നി​ൽ​ക്കേ​ണ്ടി വ​ന്ന​ത്. സെ​പ്റ്റം​ബ​ർ 22ന് ​ന​റു​ക്കെ​ടു​ത്ത കാ​രു​ണ്യ പ്ല​സ് ലോ​ട്ട​റി​യു​ടെ ക​ഐ​ക്സ് 819582 ഒ​ന്നാം സ​മ്മാ​നം അ​ജി​ലു എ​ടു​ത്ത ലോ​ട്ട​റി ടി​ക്ക​റ്റി​നാ​യി​രു​ന്നു ല​ഭി​ച്ച​ത്.

ഒ​ന്നും ര​ണ്ടും സ​മ്മാ​നം നോ​ക്കാ​തെ ബാ​ക്കി ന​മ്പ​രു​ക​ൾ പ​രി​ശോ​ധി​ച്ച അ​ജി​ലു സ​മ്മാ​ന​ങ്ങ​ളൊ​ന്നും ത​നി​ക്കി​ല്ലെ​ന്നു ക​രു​തി ലോ​ട്ട​റി ടി​ക്ക​റ്റ് വ​ലി​ച്ചെ​റി​ഞ്ഞു ക​ള​ഞ്ഞു. എ​ന്നാ​ൽ ഈ ​സ​മ്മാ​ന​ത്തെ​ക്കു​റി​ച്ച് അ​റി​ഞ്ഞ അ​ജി​ലു​വി​ന്‍റെ അ​യ​ൽ​വാ​സി​യും സു​ഹൃ​ത്തു​മാ​യ അ​നീ​ഷ് അ​ദ്ദേ​ഹ​ത്തെ വി​ളി​ച്ച് ലോ​ട്ട​റി​യെ​കു​റി​ച്ച് അ​ന്വേ​ഷി​ച്ചു. താ​ൻ ടി​ക്ക​റ്റ് ക​ള​ഞ്ഞു​വെ​ന്ന് അ​ജി​ലു അ​നീ​ഷി​നോ​ടു പ​റ​ഞ്ഞു. ടി​ക്ക​റ്റ് ക​ള​ഞ്ഞ സ്ഥ​ലം അ​ജി​ലു​വി​ൽ നി​ന്നും ചോ​ദി​ച്ചു മ​ന​സി​ലാ​ക്കി​യ അ​നീ​ഷ് അ​വി​ടെ ചെ​ന്ന് ലോ​ട്ട​റി കൈ​ക്ക​ലാ​ക്കു​ക​യും ചെ​യ്തു.

പി​ന്നീ​ട് താ​ൻ എ​ടു​ത്ത ടി​ക്ക​റ്റി​ന് പ​ത്തു​ല​ക്ഷം സ​മ്മാ​ന​മു​ണ്ടെ​ന്ന് വൈ​കി മ​ന​സി​ലാ​ക്കി​യ അ​ജി​ലു അ​നീ​ഷു​മാ​യി ബ​ന്ധ​പ്പെ​ട്ടു​വെ​ങ്കി​ലും ഈ ​ടി​ക്ക​റ്റ് താ​ൻ എ​ടു​ത്ത​താ​ണെ​ന്ന് അ​നീ​ഷ് വാ​ദി​ച്ചു. തു​ട​ർ​ന്ന് അ​ജി​ലു ടി​ക്ക​റ്റ് ഉ​പേ​ക്ഷി​ച്ച സ്ഥ​ല​ത്തെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ഴാ​ണ് സം​ഭ​വ​ത്തി​ന്‍റെ സ​ത്യാ​വ​സ്ഥ എ​ല്ലാ​വ​ർ​ക്കും ബോ​ധ്യ​മാ​യ​ത്. പി​ന്നീ​ട് അ​നീ​ഷു​മാ​യി ആ​ളു​ക​ൾ സം​സാ​രി​ച്ച​പ്പോ​ൾ തു​ക​യു​ടെ പ​കു​തി അ​ജി​ലു​വി​ന് ന​ൽ​കാ​മെ​ന്ന് ധാ​ര​ണ​യാ​യി. എ​ന്നാ​ൽ പി​ന്നീ​ട് ഈ ​തീ​രു​മാ​ന​ത്തി​ൽ നി​ന്നും പി·ാ​റി​യ അ​നീ​ഷ് ഞാ​യ​റാ​ഴ്ച്ച വൈ​കു​ന്നേ​ര​ത്തോ​ടെ സ്ഥ​ല​ത്തു നി​ന്നും മു​ങ്ങി.

സം​ഭ​വം കൈ​വി​ട്ടു​പോ​കു​ക​യാ​ണെ​ന്നു മ​ന​സി​ലാ​ക്കി​യ അ​ജി​ലു പാ​ലോ​ട് പോ​ലീ​സ് സ്റ്റേ​ഷ​നി​ൽ പ​രാ​തി​യും ന​ൽ​കി. സ്റ്റേ​ഷ​നി​ൽ ഹാ​ജ​രാ​കു​വാ​ൻ പോ​ലീ​സ് അ​നീ​ഷി​നെ അ​റി​യി​ച്ചു​വെ​ങ്കി​ലും അ​ദ്ദേ​ഹം എ​ത്തി​യി​ല്ല. ഇ​നി എ​ന്തു​ചെ​യ്യ​ണ​മെ​ന്ന് അ​റി​യാ​തെ നി​ൽ​ക്കു​ക​യാ​ണ് ചു​മ​ട്ടു​തൊ​ഴി​ലാ​ളി​യാ​യ അ​ജി​ലു. ഹൃ​ദ​യ​സം​ബ​ന്ധ​മാ​യ രോ​ഗ​മു​ള്ള മ​ക​ളു​ടെ ചി​കി​ത്സ​യ്ക്ക് വ​ലി​യ തു​ക ത​ന്നെ ആ​വ​ശ്യ​മാ​യി​രി​ക്കു​ന്ന സ​മ​യം ഭാ​ഗ്യ​ദേ​വ​ത ക​ടാ​ക്ഷി​ച്ചു​വെ​ങ്കി​ലും അ​ത് അ​നു​ഭ​വി​ക്കു​വാ​നു​ള്ള ഭാ​ഗ്യ​മി​ല്ല​ല്ലോ എ​ന്നോ​ർ​ത്ത് ദുഃ​ഖി​ക്കു​ക​യാ​ണ് അ​ജി​ലു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.