വി​ദേ​ശ​ത്തി​രു​ന്ന് ജ്യോ​ത്സ​ന സമ്മതമറിയിച്ചു, എരുമേലിയിലിരുന്ന് ലിജിൻ ഒപ്പിട്ടു; വീ​ഡി​യോ കോ​ൺ​ഫ​റ​ൻ​സി​ൽ രജിസ്ട്രേഷൻ സമംഗളം...
Wednesday, October 24, 2018 11:12 AM IST
ഇ​റ്റ​ലി​ക്ക​ടു​ത്ത് മാ​ൾ​ട്ട എ​ന്ന രാ​ജ്യ​ത്തെ ജോ​ലി സ്ഥ​ല​ത്തി​രു​ന്ന് തി​രു​വ​ന​ന്ത​പു​രം സ്വ​ദേ​ശി​നി​യാ​യ ജ്യോ​ത്സ​ന എ​ന്ന ന​ഴ്സ് എ​രു​മേ​ലി പ​ഞ്ചാ​യ​ത്ത്‌ സെ​ക്ര​ട്ട​റി​യെ മു​ഖാ​മു​ഖം നോ​ക്കി പ​റ​ഞ്ഞു " അ​തെ സ​ർ, ഞാ​ൻ ജ്യോ​ത്സ​ന​യാ​ണ്, സാ​റി​ന്‍റെ തൊ​ട്ട​ടു​ത്ത് നി​ൽ​ക്കു​ന്ന​ത് എ​ന്‍റെ ഭ​ർ​ത്താ​വ് ലി​ജി​ൻ ആ​ണ്. ഞ​ങ്ങ​ൾ ത​മ്മി​ലു​ള്ള വി​വാ​ഹം ക​ഴി​ഞ്ഞ ഫെ​ബ്രു​വ​രി ഒ​ന്നി​ന് മു​ക്കൂ​ട്ടു​ത​റ പ്ര​പ്പോ​സ് സെ​ന്‍റ് ഇ​ഗ്നാ​ത്തി​യോ​സ് യാ​ക്കോ​ബാ​യ പ​ള്ളി​യി​ൽ വെ​ച്ച് ക​ഴി​ഞ്ഞ​താ​ണ്. ഇ​പ്പോ​ൾ എ​നി​ക്ക് വേ​ണ്ടി ഒ​പ്പി​ടാ​ൻ എ​ന്‍റെ പി​താ​വ് ആ​ണ് ലി​ജി​നോ​ടൊ​പ്പ​മു​ള്ള​ത്'.

ചോ​ദ്യ​ങ്ങ​ൾ​ക്ക് തൃ​പ്തി​ക​ര​മാ​യ മ​റു​പ​ടി കി​ട്ടി​യ​തി​ന്‍റെ സ​ന്തോ​ഷ​ത്തോ​ടെ പ​ഞ്ചാ​യ​ത്ത്‌ സെ​ക്ര​ട്ട​റി പി.​എ. നൗ​ഷാ​ദ് ലാ​പ്ടോ​പ് ഓ​ഫാ​ക്കി. തു​ട​ർ​ന്ന് മേ​ശ​പ്പു​റ​ത്തി​രു​ന്ന ര​ജി​സ്ട്രേ​ഷ​ൻ ഫോ​റ​ത്തി​ൽ ലി​ജി​നും ജ്യോ​ത്സ​ന​യു​ടെ പി​താ​വും ഒ​പ്പ് വെ​ച്ചു. ഭാ​ര്യ വി​ദേ​ശ​ത്തും ഭ​ർ​ത്താ​വ് നാ​ട്ടി​ലു​മാ​യ ന​വ​ദ​മ്പ​തി​ക​ളു​ടെ വി​വാ​ഹ ര​ജി​സ്ട്രേ​ഷ​ൻ അ​തോ​ടെ യാ​ഥാ​ർ​ഥ്യ​മാ​വു​ക​യാ​യി​രു​ന്നു.

ക​ഴി​ഞ്ഞ ദി​വ​സ​മാ​ണ് വീ​ഡി​യോ കോ​ൺ​ഫ​റ​ൻ​സ് വ​ഴി അ​പൂ​ർ​വ​മാ​യി മാ​ത്രം ന​ട​ത്തു​ന്ന വി​വാ​ഹ ര​ജി​സ്‌​ട്രേ​ഷ​ൻ എ​രു​മേ​ലി പ​ഞ്ചാ​യ​ത്ത് ഓ​ഫീ​സി​ൽ ന​ട​ന്ന​ത്. മാ​സ​ങ്ങ​ൾ​ക്ക് മു​മ്പ് പ​ള്ളി​യി​ൽ വെ​ച്ച് ഇ​രു​വ​രു​ടെ​യും വി​വാ​ഹം ബ​ന്ധു​ക്ക​ളു​ടെ​യും നാ​ട്ടു​കാ​രു​ടെ​യും സാ​ന്നി​ധ്യ​ത്തി​ൽ ന​ട​ന്ന​താ​ണെ​ങ്കി​ലും ഒ​രാ​ഴ്ച ക​ഴി​ഞ്ഞ​പ്പോ​ൾ വ​ധു​വി​ന് വി​ദേ​ശ​ത്ത് ജോ​ലി​യി​ൽ പ്ര​വേ​ശി​ക്കേ​ണ്ടി​വ​ന്നു. വി​വാ​ഹ ര​ജി​സ്‌​ട്രേ​ഷ​ൻ ആ​ക്ട് പ്ര​കാ​രം വ​ര​നും വ​ധു​വും നേ​രി​ട്ട് ഹാ​ജ​രാ​യി വേ​ണം വി​വാ​ഹം ര​ജി​സ്റ്റ​ർ ചെ​യ്യേ​ണ്ട​ത്. വ​ധു വി​ദേ​ശ​ത്താ​ണെ​ങ്കി​ൽ വി​വാ​ഹ ര​ജി​സ്‌​ട്രേ​ഷ​ൻ ന​ട​ത്താ​ൻ ഹൈ​ക്കോ​ട​തി​യു​ടെ അ​നു​മ​തി വേ​ണ​മെ​ന്നാ​ണ് നി​യ​മ​ത്തി​ലെ വ്യ​വ​സ്ഥ.

ഇ​രു​വ​ർ​ക്കും കോ​ട​തി അ​നു​മ​തി ന​ൽ​കി​യെ​ങ്കി​ലും ക​ട​മ്പ​ക​ൾ തീ​ർ​ന്നി​ല്ല. മാ​ൾ​ട്ട​യി​ലെ എം​ബ​സി മു​ഖേ​നെ ജ്യോ​ത്സ​ന ത​നി​ക്ക് പ​ക​രം ര​ജി​സ്ട്രേ​ഷ​നി​ൽ ഒ​പ്പ് വെ​ക്കാ​ൻ പി​താ​വി​നെ അ​ധി​കാ​ര​പ്പെ​ടു​ത്തി പ​വ​ർ ഓ​ഫ് അ​റ്റോ​ർ​ണി ന​ൽ​കേ​ണ്ടി​വ​ന്നു. തി​രു​വ​ന​ന്ത​പു​രം വി​കാ​രി​പ്പ​റ​മ്പി​ൽ എ​ബ്ര​ഹാം - ഫി​ലോ​മി​ന ദ​മ്പ​തി​ക​ളു​ടെ മ​ക​ളാ​ണ് ജ്യോ​ത്സ​ന. ഭ​ർ​ത്താ​വ് ലി​ജി​ൻ പ​ണ​പി​ലാ​വ് അ​ര​ക്ക​നാ​ക്കു​ഴി തോ​മ​സ് - അ​ന്ന​മ്മ ദ​മ്പ​തി​ക​ളു​ടെ മ​ക​നും മു​ക്കൂ​ട്ടു​ത​റ സ്നേ​ഹ സ്വാ​ന്ത​നം ചാ​രി​റ്റ​ബി​ൾ ട്ര​സ്റ്റി​ന്‍റെ സെ​ക്ര​ട്ട​റി​യു​മാ​ണ്.

കോ​ട​തി അ​നു​മ​തി​യും സ​ങ്കീ​ർ​ണ​മാ​യ ന​ട​പ​ടി​ക്ര​മ​ങ്ങ​ളും വേ​ണ​മെ​ന്നു​ള്ള​തി​നാ​ൽ വി​ഡി​യോ കോ​ൺ​ഫ​റ​ൻ​സ് വി​വാ​ഹ ര​ജി​സ്‌​ട്രേ​ഷ​ൻ അ​പൂ​ർ​വ​മാ​യാ​ണ് ന​ട​ക്കാ​റു​ള്ള​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.