"ഭര്‍ത്താവിന് കൂട്ടുകാര്‍ക്കൊപ്പം രാത്രി ഒമ്പതുവരെ ചെലവഴിക്കാം’; വൈറലായി വധു ഒപ്പിട്ട മുദ്രപത്രം

Wednesday, November 9, 2022 12:09 PM IST

പലരും കേള്‍ക്കാറുള്ള ഒരു കുറ്റമാണ് വിവാഹശേഷം അവന്‍ കൂട്ടുകാരെയൊന്നും മൈന്‍ഡ് ചെയ്യുന്നില്ല എന്നത്. വാസ്തവത്തില്‍ പലരും കൂട്ടുകാരെ മറക്കുന്നതല്ല പകരം കുടുംബം എന്ന പ്രധാനപ്പെട്ട കാര്യത്തില്‍ കൂടുതല്‍ ശ്രദ്ധയൂന്നുന്നേ ഉള്ളൂ.

ഇപ്പോഴിതാ ഇക്കാര്യവുമായി ബന്ധപ്പെട്ട ഒരു ഉടമ്പടി പത്രമാണ് സമൂഹ മാധ്യമങ്ങളില്‍ വൈറല്‍. സംഭവം പാലക്കാടാണ്.

ശനിയാഴ്ച വിവാഹം നടന്ന കൊടുവായൂര്‍ മലയക്കോട് വിഎസ് ഭവനില്‍ എസ്. രഘുവിന്‍റെ സുഹൃത്തുക്കള്‍ക്കാണ് നവവധു കാക്കയൂര്‍ വടക്കേപ്പുര വീട്ടില്‍ അര്‍ച്ചന ഇത്തരത്തില്‍ മുദ്രപത്രത്തില്‍ ഒപ്പിട്ട് നല്‍കിയത്.

"ഭര്‍ത്താവിന് കൂട്ടുകാര്‍ക്കൊപ്പം രാത്രി ഒമ്പതുവരെ ചെലവഴിക്കാന്‍ അനുമതി നല്‍കുന്നു’ എന്ന കാര്യമാണ് മുദ്രപത്രത്തില്‍ ഉണ്ടായിരുന്നത്. സുഹൃത്തുക്കള്‍ക്കൊപ്പം ചെലവഴിക്കുന്ന സമയം ഫോണ്‍ ചെയ്ത് ഭര്‍ത്താവനെ ബുദ്ധിമുട്ടിക്കില്ലെന്നും അര്‍ച്ചന മുദ്രപത്രത്തില്‍ ഉറപ്പ് നല്‍കുന്നു.

ഏതായാലും ഈ മുദ്രപത്രം സമൂഹ മാധ്യമങ്ങള്‍ ഏറ്റെടുത്തു. ആവശ്യത്തെ അനുകൂലിച്ചും പ്രതികൂലിച്ചും നിരവധിപേര്‍ കമന്‍റുകളിട്ടു.

എന്നാല്‍ ഇതിനെ ഒരു തമാശയായി കണ്ടാല്‍ മതിയെന്ന് അഭിപ്രായപ്പെടുന്നവരുമുണ്ട്. കാരണം വരന്‍റെ സുഹൃത്തുക്കള്‍ വിവാഹ സമ്മാനമായാണ് ഈ മുദ്രപത്രം നല്‍കിയിത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.