ചെന്നൈ വിമാനത്താവളത്തില്‍ പി. ചിദംബരത്തിന്റെ ഫോട്ടോ എടുത്ത മലയാളിയുവാവ് പിടിയില്‍
ചെന്നൈ: വിമാനത്താവളത്തില്‍ കേന്ദ്ര ധനമന്ത്രി പി. ചിദംബരത്തെ കാമറയില്‍ പകര്‍ത്തിയ യുവാവ് പിടിയിലായി. മലയാളിയായ അമീര്‍(34)ആണ് പിടിയിലായത്. ഡല്‍ഹിക്കും അവിടെനിന്നു ദുബായിയിലേക്കുമുള്ള ഫസ്റ് ക്ളാസ് ടിക്കറ്റും അമീറില്‍നിന്നു കണ്െടടുത്തു. ചൊവ്വാഴ്ചയാണ് ഇയാളെ പിടികൂടിയത്.

എയര്‍ ഇന്ത്യയുടെ ഡ്രീംലൈനറില്‍ പറന്നുയരുന്നതിനു മിനിറ്റുകള്‍ക്കു മുമ്പ് യാത്ര റദ്ദാക്കിയതിനും വിമാനത്തിന്റെ ചിത്രം പകര്‍ത്തിയതിനും മന്‍സൂര്‍ എന്നയാളെ അമീറിനൊപ്പം സിഐഎസ്എഫ് ഉദ്യോഗസ്ഥര്‍ കഴിഞ്ഞമാസം ചോദ്യം ചെയ്തിരുന്നു. തിരുവനന്തപുരത്തുനിന്നും കൊച്ചിയില്‍നിന്നും ദുബായിലേക്കു നേരിട്ട് വിമാനമുള്ളപ്പോള്‍ ചെന്നൈയിലെത്തിയത് എന്തിനാണെന്ന ചോദ്യത്തിന് അമീറിന്റെ മറുപടി തൃപ്തികരമായിരുന്നില്ലെന്ന് വിമാനത്താവള അധികൃതര്‍ പറഞ്ഞു. അമീറിനെ വിശദമായി ചോദ്യം ചെയ്തു വരുകയാണ്. മന്‍സൂര്‍ ടൂറിസം വിദ്യാര്‍ഥിയാണ്. ആമിര്‍ ട്രാവല്‍ ഏജന്‍സി നടത്തിവരുന്നു.


രഹസ്യാന്വേഷണ ഏജന്‍സി ഉദ്യോഗസ്ഥരും തമിഴ്നാട് പോലീസിന്റെ ക്യൂ ബ്രാഞ്ചും അമീറിനെ വീണ്ടും ചോദ്യം ചെയ്തു വരുകയാണ്.