എന്‍ഡിഎ ഭരണകാലത്ത് കരാറില്‍ മാറ്റംവരുത്തിയിരുന്നുവെന്നു ജസ്വന്ത് സിംഗ്
ന്യൂഡല്‍ഹി: ഹെലികോപ്ടര്‍ ഇടപാട് കേസില്‍ സംശയത്തിന്റെ മുള്‍മുനയില്‍ നില്‍ക്കുന്ന മുന്‍ വ്യോമസേനാതലവന്‍ എസ്.പി. ത്യാഗിയുടെ രക്ഷയ്ക്ക് ബിജെപി നേതാവ് ജസ്വന്ത് സിംഗ് രംഗത്തെത്തി. എന്‍ഡിഎ ഭരണകാലത്ത് ഹെലികോപ്റ്റര്‍ ഇടപാടിന്റെ ടെന്‍ഡര്‍ വ്യവസ്ഥകളില്‍ മാറ്റം വരുത്തിയെന്നാണു ജസ്വന്ത് സിംഗ് പറയുന്നത്.

പ്രശ്നത്തില്‍ ഇറ്റാലിയന്‍ കമ്പനിയാണ് കുറ്റംചെയ്തതെന്നും വാജ്പേയി സര്‍ക്കാരില്‍ പ്രതിരോധമന്ത്രിയായിരുന്ന ജസ്വന്ത് സിംഗ് പറഞ്ഞു. മുന്‍ വ്യോമസേനാ തലവനെതിരേ അടിസ്ഥാനരഹിതമായ ആരോപണങ്ങള്‍ ഉന്നയിക്കാന്‍ താത്പര്യമില്ലെന്നും അദ്ദേഹം കൂട്ടിച്ചേര്‍ത്തു. ഹെലികോപ്ടര്‍ ഇടപാടിന്റെ പേരില്‍ സര്‍ക്കാരിനെതിരേ ശക്തമായ ആക്രമണത്തിനു ബിജെപിയുടെ നേതൃത്വത്തിലുള്ള പ്രതിപക്ഷം ശ്രമിക്കുന്നതിനിടെയാണ് ജസ്വന്തിന്റെ വ്യത്യസ്ത സ്വരം.


Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.