വെടിനിര്‍ത്തലിനു തയാറെന്ന് പാക് താലിബാന്‍
ഇസ്ലാമാബാദ്: വെടിനിര്‍ത്തലിനു തയാറാണെന്നും ഇക്കാര്യത്തില്‍ ചര്‍ച്ചയാകാമെന്നും ഭീകരസംഘടനയായ പാക് താലിബാന്‍. സംഘടനയുടെ നേതാവ് ഹക്കീമുള്ള മസൂദിന്റെ വീഡിയോ സന്ദേശത്തിലാണ് ഇക്കാര്യം വ്യക്തമാക്കിയിട്ടുള്ളത്. പ്രമുഖ വാര്‍ത്താ ഏജന്‍സിയായ റോയിട്ടേഴ്സിനാണു വീഡിയോ സന്ദേശം അയച്ചുകൊടുത്തത്.

പാക് താലിബാനുമായി മുമ്പു നിരവധി തവണ പ്രാദേശിക സര്‍ക്കാരുകളും സൈന്യവും വെടിനിര്‍ത്തല്‍ കരാറിലേര്‍പ്പെട്ടിട്ടുണ്െടങ്കിലും അവയ്ക്ക് അല്പായുസായിരുന്നു. അതിനാല്‍ ഇപ്പോഴത്തെ വെടിനിര്‍ത്തല്‍ സന്നദ്ധതയേയും ഗൌരവമായി എടുക്കേണ്ടതില്ലെന്നാണു പൊതുവെയുള്ള നിഗമനം. പാക് താലിബാന്റെ പ്രസ്താവനയോടു സര്‍ക്കാര്‍ പ്രതികരിച്ചിട്ടില്ല.