International News
കറാച്ചിയില്‍ ബസിനുള്ളില്‍ സ്ഫോടനം: ആറു മരണം
Sunday, December 30, 2012 10:30 PM IST
കറാച്ചി: പാക്കിസ്ഥാനിലെ തുറമുഖനഗരമായ കറാച്ചിയില്‍ ഇന്നലെ ബസിനുള്ളിലുണ്ടായ ബോംബ്സ്ഫോടനത്തില്‍ ആറുപേര്‍ മരിച്ചു. 50 പേര്‍ക്കു പരിക്കേറ്റു. പരിക്കേറ്റ എട്ടുപേരുടെ നില ഗുരുതരമാണ്.

നഗരത്തിലെ കന്റോണ്‍മെന്റ് ബസ്സ്റാന്‍ഡില്‍ ഇന്നലെ ഉച്ചകഴിഞ്ഞു മൂന്നിനാണു സ്ഫോടനമുണ്ടായത്. കറാച്ചിയില്‍നിന്നു സാര്‍ഗോധയിലേക്കു പോകുകയായിരുന്ന ബസിനുള്ളിലെ ഒരു ലഗേജില്‍ ഒളിപ്പിച്ചുവച്ചിരുന്ന ബോംബാണു പൊട്ടിത്തെറിച്ചത്. സ്ഫോടനത്തിന്റെ ആഘാതത്തില്‍ 47 സീറ്റുള്ള ഈ ബസ് പൂര്‍ണമായി തകര്‍ന്നു.


സ്ഫോടനമുണ്ടായ സ്ഥലത്തു നിര്‍ത്തിയിട്ടിരുന്ന മറ്റൊരു ബസും നിരവധി ബൈക്കുകളും തകര്‍ന്നിട്ടുണ്ട്. സ്ഫോടനത്തേത്തുടര്‍ന്നുണ്ടായ തീപിടിത്തത്തില്‍ നിരവധി കടകളും കത്തിനശിച്ചു.
സംഭവത്തിന്റെ ഉത്തരവാദിത്തം ആരുമേറ്റെടുത്തിട്ടില്ല. അടിയന്തര റിപ്പോര്‍ട്ട് സമര്‍പ്പിക്കാന്‍ പ്രവിശ്യ പോലീസ് മേധാവിയോട് ആഭ്യന്തരമന്ത്രി റഹ്മാന്‍ മാലിക് ആവശ്യപ്പെട്ടിട്ടുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.