ഏറ്റവും വേഗമേറിയ എല്‍ടിഇ ചിപ്പ് പുറത്തിറക്കി
ന്യൂയോര്‍ക്ക്: അമേരിക്കന്‍ കമ്പനി ക്വാല്‍കോമിനു ശക്തമായ വെല്ലുവിളി ഉയര്‍ത്തിക്കൊണ്ടു കമ്യൂണിക്കേഷന്‍ അതിവേഗത്തിലാക്കുന്ന മൈക്രോ ചിപ്പ് ബ്രോഡ്കോം കോര്‍പറേഷന്‍ പുറത്തിറക്കി. അതിവേഗ വയര്‍ലെസ് സാങ്കേതികവിദ്യയില്‍ നിര്‍ണായകമാണ് ബ്രോഡ്കോമിന്റെ ചിപ്പ്. ഏറ്റവും വേഗമാര്‍ന്ന വിനിമയ സാങ്കേതികവിദ്യയായ ലോംഗ് ടേം ഇവലൂഷനു(എല്‍ടിഇ) വേണ്ടിയാണ് ചിപ്പ് തയാറാക്കിയതെന്നു ബ്രോഡ്കോം അറിയിച്ചു. അടുത്തവര്‍ഷം ഈ ചിപ്പിന്റെ വാണിജ്യാടിസ്ഥാനത്തിലുള്ള നിര്‍മാണം ആരംഭിക്കും. ലോകത്തിലെ വന്‍കിട കമ്പനികളെല്ലാം തന്നെ എല്‍ടി ഇയാണു സ്വീകരിച്ചിരിക്കുന്നത്.