പാക് അതിര്‍ത്തിയില്‍ നിന്ന് വെടിവെയ്പ്: കാഷ്മീരില്‍ സൈനികന്‍ കൊല്ലപ്പെട്ടു
Wednesday, December 26, 2012 2:16 AM IST
ജമ്മു: പാക് അതിര്‍ത്തിയില്‍ നിന്നുണ്ടായ വെടിവെയ്പില്‍ സൈനികന്‍ കൊല്ലപ്പെട്ടു. കാഷ്മീരിലെ പൂഞ്ചില്‍ മാന്‍കോട്ട് ബെല്‍റ്റില്‍ ഇന്നലെ രാത്രിയിലായിരുന്നു സംഭവം. രാകേഷ് കുമാര്‍ എന്ന സൈനികനാണ് മരിച്ചത്. ഗുരുതരമായി പരിക്കേറ്റ രാകേഷിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പാക് സൈന്യമാണോ തീവ്രവാദികളാണോ വെടിയുതിര്‍ത്തതെന്ന് വ്യക്തമായിട്ടില്ല.