മദ്യത്തിന് അടിപ്പെട്ടവർക്ക് അതു ലഭിക്കാതെ വരുന്പോൾ ഉണ്ടാകുന്ന പ്രയാസങ്ങൾ പരിഹരിക്കുന്നതിനു ഡോക്‌ടറുടെ കുറിപ്പടിയിന്മേൽ മദ്യം നൽകാനുള്ള സർക്കാർ ഉത്തരവ് വലിയ ആശങ്ക ഉണർത്തുന്നു

മ​ദ്യ​ശാ​ല​ക​ളെ​ല്ലാം അ​ട​ച്ചി​ട്ട​തു​മൂ​ലം വി​ഷ​മ​ത്തി​ലാ​യ മ​ദ്യാ​സ​ക്ത​ർ​ക്കു ഡോ​ക്‌​ട​ർ​മാ​രു​ടെ കു​റി​പ്പ​ടി​യു​ണ്ടെ​ങ്കി​ൽ മ​ദ്യം ന​ൽ​ക​ണ​മെ​ന്ന സ​ർ​ക്കാ​ർ ഉ​ത്ത​ര​വ് തി​ക​ച്ചും ആ​ശ​ങ്കാ​ജ​ന​ക​മാ​ണ്. അ​ധാ​ർ​മി​ക​വും അ​ശാ​സ്ത്രീ​യ​വു​മാ​യ ഈ ​നി​ർ​ദേ​ശ​ത്തോ​ട് ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​നും കേ​ര​ള ഗ​വ​ൺ​മെ​ന്‍റ് മെ​ഡി​ക്ക​ൽ ഓ​ഫീ​സേ​ഴ്‌​സ് അ​സോ​സി​യേ​ഷ​നും ഉ​ൾ​പ്പെ​ടെ ഡോ​ക്‌​ട​ർ​മാ​രു​ടെ സം​ഘ​ട​ന​ക​ൾ ശ​ക്ത​മാ​യ വി​യോ​ജി​പ്പു പ്ര​ക​ടി​പ്പി​ച്ചി​രു​ന്നു. അ​ശാ​സ്ത്രീ​യ​മെ​ന്നു മാ​ത്ര​മ​ല്ല വ​ള​രെ അ​പ​ക​ട​ക​ര​വു​മാ​യ നി​ർ​ദേ​ശ​മാ​ണി​തെ​ന്ന് ഈ ​പ്ര​ഫ​ഷ​ണ​ൽ സം​ഘ​ട​ന​ക​ൾ വ്യ​ക്ത​മാ​ക്കി​യി​രു​ന്ന​താ​ണ്. മ​ദ്യാ​സ​ക്തി​ക്കു മ​റു​മ​രു​ന്നു മ​ദ്യ​മ​ല്ല. ഈ ​ഉ​ത്ത​ര​വ് ന​ട​പ്പി​ലാ​ക്കി​യാ​ൽ മ​ദ്യ​ത്തി​ൽ താ​ത്പ​ര്യ​മു​ള്ള​വ​ർ ആ​ശു​പ​ത്രി​ക​ളി​ലെ​ത്തി ക്ര​മ​സ​മാ​ധാ​ന പ്ര​ശ്ന​മു​ണ്ടാ​ക്കു​മെ​ന്നും ഡോ​ക്‌​ട​ർ​മാ​ർ ആ​ശ​ങ്ക​പ്പെ​ടു​ന്നു.

മ​ദ്യ​വി​ല്‌​പ​ന നി​ർ​ത്ത​ലാ​ക്കി​യ​തു ഗു​രു​ത​ര പ്ര​ത്യാ​ഘാ​ത​ങ്ങ​ളു​ണ്ടാ​ക്കു​ന്നു​ണ്ടെ​ന്നും ചി​ല​ർ ആ​ത്മ​ഹ​ത്യാ പ്ര​വ​ണ​ത കാ​ണി​ക്കു​ന്നു​വെ​ന്നും റി​പ്പോ​ർ​ട്ടു​ള്ള​തി​നാ​ൽ അ​തെ​ക്കു​റി​ച്ചു പ​രി​ശോ​ധ​ന ന​ട​ത്ത​ണ​മെ​ന്നു മു​ഖ്യ​മ​ന്ത്രി എ​ക്സൈ​സ് വ​കു​പ്പി​നു നി​ർ​ദേ​ശം ന​ൽ​കി​യി​രു​ന്നു. മ​ദ്യാ​സ​ക്ത​ർ​ക്കു ഡോ​ക്‌​ട​റു​ടെ നി​ർ​ദേ​ശ പ്ര​കാ​രം മ​ദ്യം ന​ൽ​കാ​മെ​ന്ന് എ​ക്സൈ​സ് ക​മ്മീ​ഷ​ണ​ർ സ​ർ​ക്കാ​രി​നു റി​പ്പോ​ർ​ട്ട് ന​ൽ​കി. എ​പ്ര​കാ​ര​മാ​ണു മ​ദ്യം ല​ഭ്യ​മാ​ക്കേ​ണ്ട​തെ​ന്ന​തി​നെ​ക്കു​റി​ച്ചും റി​പ്പോ​ർ​ട്ടി​ൽ വി​ശ​ദീ​ക​രി​ക്കു​ന്നു​ണ്ട്. മ​ദ്യാ​സ​ക്ത​ക​ർ ഡോ​ക്‌​ട​ർ ന​ൽ​കു​ന്ന കു​റി​പ്പ​ടി അ​ടു​ത്തു​ള്ള എ​ക്സൈ​സ് ഓ​ഫീ​സി​ൽ ഹാ​ജ​രാ​ക്ക​ണം. ഇ​തു പ​രി​ശോ​ധി​ച്ചു ബോ​ധ്യ​പ്പെ​ട്ട​ശേ​ഷം ബി​വ​റേ​ജ​സ് കോ​ർ​പ​റേ​ഷ​ന്‍റെ ക​ട​യി​ൽ​നി​ന്നു മ​ദ്യം വാ​ങ്ങാ​ൻ സാ​ധി​ക്കും.

ഇ​പ്പോ​ൾ അ​ട​ച്ചി​ട്ടി​രി​ക്കു​ന്ന ബി​വ​റേ​ജ​സ് കോ​ർ​പ​റേ​ഷ​ൻ മ​ദ്യ​ശാ​ല​ക​ൾ തു​റ​ന്നു പ്ര​വ​ർ​ത്തി​ക്കു​ന്ന​തി​ന് ഇ​തൊ​രു മാ​ർ​ഗ​മാ​കും. സാ​മൂ​ഹി​ക അ​ക​ലം പാ​ലി​ക്കു​ക​യാ​ണു കോ​വി​ഡ് പ്ര​തി​രോ​ധ​ത്തി​ന് ഏ​റ്റ​വും ഫ​ല​പ്ര​ദ​മാ​യ മാ​ർ​ഗ​മെ​ന്നു വ്യ​ക്ത​മാ​യി​ട്ടു​ള്ള​താ​ണ്. കൃ​ത്യ​മാ​യ പ്രോ​ട്ടോ​കോ​ൾ അ​തി​നാ​യി ത​യാ​റാ​ക്കി​യി​രു​ന്നു. ഇ​തു ല​വ​ലേ​ശം പാ​ലി​ക്കാ​തെ​യാ​ണ് ഒ​ട്ടു​മി​ക്ക​യി​ട​ങ്ങ​ളി​ലും ബി​വ​റേ​ജ​സ് ഔ​ട്ട്‌​ലെ​റ്റു​ക​ളി​ൽ വി​ല്‌​പ​ന ന​ട​ത്തി​യി​രു​ന്ന​ത്. ചി​ല ക​ട​ക​ൾ​ക്കു മു​ന്നി​ൽ ‍ ഒ​രു മീ​റ്റ​ർ വീ​തം അ​ക​ല​ത്തി​ൽ അ​ട​യാ​ള​പ്പെ​ടു​ത്തി​യി​രു​ന്നു​വെ​ങ്കി​ലും ആ​രും നി​ർ​ദി​ഷ്‌‌​ട അ​ക​ലം പാ​ലി​ക്കു​ന്നു​ണ്ടാ​യി​രു​ന്നി​ല്ല. ഇ​പ്പോ​ൾ എ​ന്തെ​ങ്കി​ലു കാ​ര​ണം പ​റ​ഞ്ഞ് മ​ദ്യ​ശാ​ല തു​റ​ന്നാ​ൽ അ​തു​ത​ന്നെ​യാ​വും സ്ഥി​തി.

സ്ഥി​ര​മാ​യി മ​ദ്യം ക​ഴി​ക്കു​ന്ന​വ​ർ​ക്ക് പൊ​ടു​ന്ന​നേ അ​തു ല​ഭ്യ​മാ​കാ​തെ വ​ന്നാ​ൽ ഉ​ണ്ടാ​കു​ന്ന ശാ​രീ​രി​ക, മാ​ന​സി​ക പ്ര​ശ്‌​ന​ങ്ങ​ൾ ക​ണ​ക്കി​ലെ​ടു​ത്താ​ണ് "കു​റി​പ്പ​ടി മ​ദ്യ​വി​ല്പ​ന'​യ്ക്കു സ​ർ​ക്കാ​ർ ആ​ലോ​ച​ന ന​ട​ത്തി​യ​ത്. സം​സ്ഥാ​ന​ത്തെ എ​ല്ലാ ജ​ന​ങ്ങ​ളു​ടെ​യും ക്ഷേ​മ​ത്തി​ൽ സ​ർ​ക്കാ​രി​നു താ​ത്പ​ര്യ​മു​ണ്ടാ​യി​രി​ക്ക​ണ​മെ​ന്ന​തി​ൽ സം​ശ​യ​മി​ല്ല. മ​ദ്യ​പ​രു​ടെ ക്ഷേ​മ​വും സ​ർ​ക്കാ​ർ പ​രി​ഗ​ണി​ക്കേ​ണ്ട​തു​ത​ന്നെ. പ​ക്ഷേ, ആ​രോ​ഗ്യ​വും പ​ണ​വും ഇ​ല്ലാ​താ​ക്കു​ക​യും കു​ടും​ബ​ബ​ന്ധ​ങ്ങ​ൾ ത​ക​ർ​ക്കു​ക​യും സ​മൂ​ഹ​ത്തി​ൽ പ്ര​ശ്‌​ന​ങ്ങ​ൾ സൃ​ഷ്‌​ടി​ക്കു​ക​യും ചെ​യ്യു​ന്നൊ​രു ദു​ശ്ശീ​ല​ത്തി​ന് അ​ടി​പ്പെ​ട്ട​വ​രെ അ​പ​ക​ട​ത്തി​ലേ​ക്കു ന​യി​ക്കു​ന്ന ന​യ​ങ്ങ​ളും തീ​രു​മാ​ന​ങ്ങ​ളും ജ​ന​ക്ഷേ​മ​ത​ത്പ​ര​മാ​യ ഒ​രു സ​ർ​ക്കാ​രി​നു ഭൂ​ഷ​ണ​മ​ല്ല. സ്ഥി​രം മ​ദ്യ​പ​ർ മ​ദ്യം കി​ട്ടാ​തെ വി​ഷ​മി​ക്കു​ന്നു​വെ​ന്ന​തി​നാ​ൽ അ​വ​ർ​ക്കു മ​ദ്യം വ​ച്ചു​നീ​ട്ടു​ന്പോ​ൾ അ​വ​രു​ടെ ആ​രോ​ഗ്യ​വും ആ​യു​സും കൂ​ടു​ത​ൽ അ​പ​ക​ട​ത്തി​ലാ​കു​ക​യാ​ണെ​ന്ന കാ​ര്യം സ​ർ​ക്കാ​ർ വി​സ്മ​രി​ക്ക​രു​ത്. മ​ദ്യം ല​ഭി​ക്കാ​ത്ത​തു​മൂ​ലം ശാ​രീ​രി​ക, മാ​ന​സി​ക പ്ര​ശ്ന​ങ്ങ​ളു​ണ്ടാ​കു​ന്ന​വ​ർ​ക്കു മ​ദ്യ​മ​ല്ല, ശാ​സ്ത്രീ​യ​മാ​യ ചി​കി​ത്സ​യാ​ണു ന​ൽ​കേ​ണ്ട​ത്. മ​ദ്യം ന​ൽ​കു​ന്ന​തു​പോ​ലു​ള്ള മാ​ർ​ഗ​ങ്ങ​ൾ അ​വ​ലം​ബി​ക്കു​ന്ന​തു പ്ര​ശ്ന​ങ്ങ​ൾ കൂ​ടു​ത​ൽ സ​ങ്കീ​ർ​ണ​മാ​ക്കു​ക​യേ ഉ​ള്ളൂ​വെ​ന്ന് ഐ​എം​എ സം​സ്ഥാ​ന പ്ര​സി​ഡ​ന്‍റ് ഡോ. ​ഏ​ബ്ര​ഹാം വ​ർ​ഗീ​സും സെ​ക്ര​ട്ട​റി ഡോ. ​ഗോ​പി​കു​മാ​റും വ്യ​ക്ത​മാ​ക്കി​യി​ട്ടു​ണ്ട്. ഇ​വ​ർ ഇ​ക്കാ​ര്യം മു​ഖ്യ​മ​ന്ത്രി​യു​ടെ ശ്ര​ദ്ധ​യി​ലും പെ​ടു​ത്തി. ഡോ​ക്‌​ട​റു​ടെ കു​റി​പ്പ​ടി​യു​ടെ അ​ടി​സ്ഥാ​ന​ത്തി​ൽ മ​ദ്യം ല​ഭ്യ​മാ​ക്കു​ന്ന​തി​നു​ള്ള ആ​ലോ​ച​ന അ​ത്യ​ന്തം ദൗ​ർ​ഭാ​ഗ്യ​ക​ര​മെ​ന്നാ​ണു കെ​ജി​എം​ഒ​എ പ്ര​സി​ഡ​ന്‍റ് ഡോ. ​ജോ​സ​ഫ് ചാ​ക്കോ​യും ജ​ന​റ​ൽ സെ​ക്ര​ട്ട​റി ഡോ. ​ജി.​എ​സ്. വി​ജ​യ​കൃ​ഷ്ണ​നും പ​റ​ഞ്ഞ​ത്. ഡോ​ക്‌​ട​ർ​മാ​രു​ടെ ഉ​ത്ത​ര​വാ​ദ​പ്പെ​ട്ട സം​ഘ​ട​ന​ക​ളു​ടെ ഭാ​ര​വാ​ഹി​ക​ൾ ചൂ​ണ്ടി​ക്കാ​ട്ടി​യ പ്ര​ശ്‌​ന​ങ്ങ​ൾ എ​ങ്ങ​നെ​യാ​ണ് അ​വ​ഗ​ണി​ക്കാ​നാ​വു​ക?

കോ​വി​ഡ് സ​മൂ​ഹ​വ്യാ​പ​നം ഒ​ഴി​വാ​ക്കാ​ൻ ക​ർ​ശ​ന​മാ​യ നി​യ​ന്ത്ര​ണ​ങ്ങ​ൾ എ​ല്ലാ മേ​ഖ​ല​യി​ലും ഉ​ണ്ടാ​യ​പ്പോ​ൾ ഒ​രു മേ​ഖ​ല​യെ മാ​ത്രം അ​തി​ൽ​നി​ന്ന് ആ​ദ്യം​ത​ന്നെ ഒ​ഴി​ച്ചു​നി​ർ​ത്തി​യി​രു​ന്നു. മ​ദ്യ​വി​ല്പ​ന​ശാ​ല​ക​ളാ​യി​രു​ന്നു അ​ത്. ഭ​ക്ഷ​ണ​ശാ​ല​ക​ൾ​പോ​ലും അ​ട​ച്ചി​ട​ണ​മെ​ന്നു ക​ർ​ശ​ന നി​ർ​ദേ​ശ​മു​ള്ള​പ്പോ​ഴും മ​ദ്യ​ശാ​ല​ക​ൾ​ക്ക​തു ബാ​ധ​ക​മാ​യി​ല്ല. എ​ന്നാ​ൽ പി​ന്നീ​ടു ബി​വ​റേ​ജ​സ് കോ​ർ​പ​റേ​ഷ​ന്‍റെ മ​ദ്യ​വി​ല്പ​ന ശാ​ല​ക​ളും അ​ട​ച്ചി​ടേ​ണ്ടി​വ​ന്നു. കേ​ര​ള​ത്തെ സം​ബ​ന്ധി​ച്ചി​ട​ത്തോ​ളം മ​ദ്യ​പാ​നം ഒ​ഴി​ച്ചു​കൂ​ടാ​നാ​വാ​ത്ത കാ​ര്യ​മാ​ണെ​ന്ന ധാ​ര​ണ വ​ലി​യ തോ​തി​ൽ വ​ർ​ധി​ച്ചു​വ​രു​ന്നു​ണ്ട്. പ്ര​തി​ശീ​ർ​ഷ മ​ദ്യോ​പ​യോ​ഗ​ത്തി​ൽ നാം ​പ​ഞ്ചാ​ബി​നെ​യും ക​ട​ത്തി​വെ​ട്ടി ഒ​ന്നാ​മ​താ​ണി​പ്പോ​ൾ. സം​സ്ഥാ​ന ഖ​ജ​നാ​വി​ലേ​ക്ക് ഏ​റ്റ​വും കൂ​ടു​ത​ൽ വ​രു​മാ​നം ല​ഭി​ച്ചി​രു​ന്ന​ത് മ​ദ്യ​ക്ക​ച്ച​വ​ട​ത്തി​ലൂ​ടെ​യാ​ണ്. പൊ​ന്മു​ട്ട​യി​ടു​ന്ന ഈ ​താ​റാ​വി​നെ എ​ല്ലാ സ​ർ​ക്കാ​രു​ക​ൾ​ക്കും വേ​ണം. പ​ക്ഷേ, ഇ​ത് എ​ത്ര കു​ടും​ബ​ങ്ങ​ളെ തീ ​തീ​റ്റി​ക്കു​ന്നു​വെ​ന്നും എ​ത്ര കു​ഞ്ഞു​ങ്ങ​ളു​ടെ ഭാ​വി ഇ​രു​ള​ട​ഞ്ഞ​താ​ക്കു​ന്നു​വെ​ന്നും എ​ത്ര മ​നു​ഷ്യ​രെ മ​ര​ണ​ത്തി​ലേ​ക്കു ത​ള്ളി​വി​ടു​ന്നു​വെ​ന്നും സ​ർ​ക്കാ​രു​ക​ൾ ചി​ന്തി​ക്കു​ന്നി​ല്ല.

മ​ദ്യാ​സ​ക്തി​യു​ള്ള​വ​ർ​ക്ക് അ​തി​ൽ​നി​ന്നു മോ​ച​നം നേ​ടാ​നാ​ണു ചി​കി​ത്സ ന​ൽ​കേ​ണ്ട​ത്. മ​ദ്യ​ത്തെ മ​രു​ന്നാ​യി അ​ലോ​പ്പ​തി അം​ഗീ​ക​രി​ച്ചി​ട്ടി​ല്ല. മ​ദ്യ​പാ​നം മൂ​ല​മു​ണ്ടാ​കാ​വു​ന്ന മാ​ര​ക​മാ​യ രോ​ഗ​ങ്ങ​ളെ​പ്പ​റ്റി പ​ര​ക്കേ അ​റി​വു​ള്ള​താ​ണ്. അ​തു​കൊ​ണ്ടു​ത​ന്നെ മ​ദ്യാ​സ​ക്ത​രെ ആ ​ആ​സ​ക്തി​യി​ൽ​നി​ന്നു ര​ക്ഷി​ക്കാ​നാ​ണു ഡോ​ക്‌​ട​ർ​മാ​ർ ശ്ര​മി​ക്കേ​ണ്ട​ത്. അ​ത​ല്ലാ​തെ, മ​ദ്യം ല​ഭി​ക്കാ​തെ​വ​രു​ന്പോ​ഴു​ണ്ടാ​കു​ന്ന മാ​ന​സി​ക വി​ഭ്രാ​ന്തി​യി​ൽ​നി​ന്നും ശാ​രീ​രി​ക പ്ര​ശ്ന​ങ്ങ​ളി​ൽ​നി​ന്നും അ​വ​രെ ര​ക്ഷി​ക്കാ​ൻ മ​ദ്യം ന​ൽ​കു​ക​യ​ല്ല വേ​ണ്ട​ത്. അ​തു ശാ​സ്ത്രീ​യ​മാ​യ ചി​കി​ത്സാ​രീ​തി​യ​ല്ല. എ​ല്ലാ ജി​ല്ല​ക​ളി​ലും സ​ർ​ക്കാ​ർ ആ​ശു​പ​ത്രി​ക​ളോ​ടു ചേ​ർ​ന്നു ഡി ​അ​ഡി​ക്‌​ഷ​ൻ സെ​ന്‍റ​റു​ക​ൾ പ്ര​വ​ർ​ത്തി​ക്കു​ന്നു​ണ്ട്.

ആ ​കേ​ന്ദ്ര​ങ്ങ​ളി​ൽ മ​ദ്യാ​സ​ക്ത​ർ​ക്കു ചി​കി​ത്സ​യും കൗ​ൺ​സ​ലിം​ഗും ന​ൽ​കു​ന്നു. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ മ​ദ്യാ​സ​ക്തി​യു​ള്ള​വ​രെ ചി​കി​ത്സി​ക്കാ​ൻ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ൽ ഡോ​ക്‌​ട​ർ​മാ​ർ​ക്കു വീ​ഡി​യോ കോ​ൺ​ഫ​റ​ൻ​സിം​ഗി​നു സൗ​ക​ര്യം ഏ​ർ​പ്പെ​ടു​ത്തി​യി​ട്ടു​ണ്ട്.

മ​ദ്യ​പാ​ന​ത്തി​ന്‍റെ നാ​നാ​വി​ധ​മാ​യ ദു​ഷ്‌​ഫ​ല​ങ്ങ​ൾ സ​മൂ​ഹം ഏ​റ്റു​വാ​ങ്ങി​ക്കൊ​ണ്ടി​രി​ക്കേ, മ​ദ്യം മ​രു​ന്നാ​ണെ​ന്ന തോ​ന്ന​ൽ ചി​ല​രി​ലെ​ങ്കി​ലും ജ​നി​പ്പി​ക്കു​ന്ന ഈ ​ഉ​ത്ത​ര​വ് പു​നഃ​പ​രി​ശോ​ധി​ക്കാ​ൻ സ​ർ​ക്കാ​ർ ത​യാ​റാ​ക​ണം.