വൈദ്യുതി ബിൽ ഇരുട്ടടിയായി; ഒഴികഴിവുമായി കെഎസ്ഇബി
കോവിഡ് വ്യാധിയും ലോക്ക്‌ ഡൗണും ജനങ്ങളുടെ വരുമാനം വെട്ടിക്കുറയ്ക്കുകയോ ഇല്ലാതാക്കുകയോ ചെയ്തിരിക്കുന്നു. ഈ സമയം കേരള സംസ്ഥാന വൈദ്യുതി ബോർഡ് ഉപയോക്താക്കൾക്കു നൽകിയിരിക്കുന്നതു ഷോക്കടിപ്പിക്കുന്ന ബില്ലുകൾ.

കേ​ര​ള സം​സ്ഥാ​ന വൈ​ദ്യു​തി ബോ​ർ​ഡ് ഈ ​കോ​വി​ഡ് കാ​ല​ത്ത് ഉ​പ​യോ​ക്താ​ക്ക​ളെ ഷോ​ക്ക​ടി​പ്പി​ക്കു​ക​യാ​ണ്. അ​ന്യാ​യ ബി​ല്ലാ​ണു നി​ര​വ​ധി വൈ​ദ്യു​തി ഉ​പ​യോ​ക്താ​ക്ക​ൾ​ക്ക് ഇ​ത്ത​വ​ണ ല​ഭി​ച്ചി​രി​ക്കു​ന്ന​ത്. വൈ​ദ്യു​തി​നി​ര​ക്കി​ൽ പ്ര​ത്യേ​ക വ​ർ​ധ​ന​യൊ​ന്നും വ​രു​ത്തി​യി​ട്ടി​ല്ലെ​ങ്കി​ലും അ​നേ​കം പേ​ർ ര​ണ്ടും മൂ​ന്നും ഇ​ര​ട്ടി​വ​രെ വൈ​ദ്യു​തി ചാ​ർ​ജ് അ​ട​യ്ക്കേ​ണ്ടി​വ​ന്നി​രി​ക്കു​ക​യാ​ണ്. ഉ​പ​യോ​ക്താ​ക്ക​ളു​ടെ പ​രാ​തി​ക​ൾ കു​ന്നു​കൂ​ടി​യ​തി​നെ​ത്തു​ട​ർ​ന്നു വൈ​ദ്യു​തി ബോ​ർ​ഡി​ന്‍റെ വി​ശ​ദീ​ക​ര​ണം, അ​ധി​ക​മാ​യി ഈ​ടാ​ക്കി​യ ചാ​ർ​ജ് അ​ടു​ത്ത ബി​ല്ലി​ൽ വ​ക​വ​ച്ചു കൊ​ടു​ക്കു​മെ​ന്നാ​ണ്. പ​ണം ഇ​പ്പോ​ൾ അ​ട​യ്ക്ക​ണം. വ​രു​മാ​ന​മി​ല്ലാ​തെ ന​ട്ടം​തി​രി​യു​ന്ന​വ​ർ എ​ന്തു ചെ​യ്യും?

കേ​ര​ള​ത്തി​ൽ വൈ​ദ്യു​തി ബോ​ർ​ഡി​ന് ഒ​രു കോ​ടി 30 ല​ക്ഷം ഉ​പ​യോ​ക്താ​ക്ക​ളാ​ണു​ള്ള​ത്. ഇ​തി​ൽ 90 ല​ക്ഷം പേ​ർ ഗാ​ർ​ഹി​കോ​പ​യോ​ക്താ​ക്ക​ളാ​ണ്. അ​ധി​ക​ബി​ൽ സം​ബ​ന്ധി​ച്ച് ഒ​രു ല​ക്ഷ​ത്തോ​ളം പ​രാ​തി​ക​ൾ ഉ​ണ്ടാ​യ​താ​യും അ​തി​ൽ 95 ശ​ത​മാ​നം പ​രാ​തി​ക​ളും പ​രി​ഹ​രി​ച്ച​താ​യും വൈ​ദ്യു​തി ബോ​ർ​ഡ് ചെ​യ​ർ​മാ​ൻ പ​റ‍യു​ന്നു. സം​സ്ഥാ​ന​ത്ത് ഒ​രു ല​ക്ഷ​ത്തോ​ളം പ​രാ​തി​ക​ൾ എ​ന്ന​തു ചെ​റി​യ കാ​ര്യ​മ​ല്ല.

ലോ​ക്ക്‌​ഡൗ​ൺ കാ​ല​മാ​യ​തി​നാ​ൽ നീ​ണ്ട ഇ​ട​വേ​ള​യ്ക്കു ശേ​ഷ​മാ​ണു മീ​റ്റ​ർ റീ​ഡിം​ഗ് എ​ടു​ത്ത​ത്. എ​ന്നാ​ൽ ഇ​ത് അ​ഞ്ചു ദി​വ​സം​കൂ​ടി ദീ​ർ​ഘി​ച്ചു​പോ​യ​തി​നാ​ലാ​ണു ചി​ല​ർ​ക്ക് അ​ധി​ക​ബി​ൽ വ​ന്ന​തെ​ന്നും അ​തു മ​ന​സി​ലാ​ക്കി വൈ​ദ്യു​തി ബോ​ർ​ഡ് സെ​ൻ​ട്ര​ൽ സെ​ർ​വ​റി​ൽ​നി​ന്നു വി​വ​ര​ങ്ങ​ൾ ശേ​ഖ​രി​ച്ചു ബി​ല്ലു​ക​ളി​ൽ ഇ​ള​വു​ചെ​യ്തു കൊ​ടു​ക്കാ​ൻ സ്വ​മേ​ധ​യാ ന​ട​പ​ടി സ്വീ​ക​രി​ച്ചി​ട്ടു​ണ്ടെ​ന്നും ബോ​ർ​ഡ് ചെ​യ​ർ​മാ​ൻ പ​റ​യു​ന്നു. പ​ക്ഷേ, ഇ​ക്ക​ഴി​ഞ്ഞ ദി​വ​സ​ങ്ങ​ളി​ൽ പ്ര​മു​ഖ​ർ ഉ​ൾ​പ്പെ​ടെ നി​ര​വ​ധി​യാ​ളു​ക​ളാ​ണു ത​ങ്ങ​ൾ​ക്കു വ​ൻ​തു​ക​യ്ക്കു​ള്ള വൈ​ദ്യു​തി ബി​ല്ലാ​ണു ല​ഭി​ച്ച​തെ​ന്ന പ​രാ​തി​യു​മാ​യി രം​ഗ​ത്തെ​ത്തി​യ​ത്. ഇ​തി​ൽ ന​ട​ന്മാ​രാ​യ മ​ണി​യ​ൻ​പി​ള്ള രാ​ജു​വും മ​ധു​പാ​ലും വോ​ളി താ​രം ടോം ​ജോ​സ​ഫു​മൊ​ക്കെ പെ​ടു​ന്നു. മു​ൻ വോ​ളി ദേ​ശീ​യ ക്യാ​പ്റ്റ​നാ​യ ടോം ​ജോ​സ​ഫി​ന് ഏ​റ്റ​വും ഒ​ടു​വി​ൽ അ​ട​ച്ച തു​ക​യു​ടെ നാ​ലി​ര​ട്ടി​യു​ള്ള ബി​ല്ലാ​ണി​പ്പോ​ൾ കി​ട്ടി​യി​രി​ക്കു​ന്ന​ത​ത്രേ.

വൈ​ദ്യു​തി കൂ​ടു​ത​ൽ ഉ​പ​യോ​ഗി​ക്കു​ന്ന​വ​ർ മാ​ത്ര​മ​ല്ല, വ​ള​രെ കു​റ​ച്ചു മാ​ത്രം ഉ​പ​യോ​ഗി​ക്കു​ന്ന​വ​രും ഇ​ത്ത​വ​ണ ബി​ൽ ക​ണ്ട​പ്പോ​ൾ അ​ന്തം​വി​ട്ടു. പ​ത്ത​നം​തി​ട്ട​യി​ൽ കോ​വി​ഡ് ഡ്യൂ​ട്ടി​യി​ലു​ണ്ടാ​യി​രു​ന്നൊ​രു ന​ഴ്സി​ന്‍റെ വീ​ട്ടി​ലെ വൈ​ദ്യു​തി ബി​ൽ പ​ഴ​യ​തി​ന്‍റെ ആ​റി​ര​ട്ടി​യോ​ള​മാ​യി​രു​ന്നു. പ​രാ​തി ഉ​ന്ന​യി​ച്ച​പ്പോ​ൾ എ​ർ​ത്ത് ലീ​ക്ക്‌​കൊ​ണ്ടാ​ണ് ഇ​ത്ത​ര​മൊ​രു വ​ലി​യ ബി​ൽ വ​ന്ന​തെ​ന്ന് അ​ധി​കൃ​ത​ർ വി​ശ​ദീ​ക​രി​ച്ചു.

സം​സ്ഥാ​ന​ത്തു നി​ല​വി​ലു​ള്ള വൈ​ദ്യു​തി ക​ണ​ക്‌​ഷ​നു​ക​ളി​ൽ 95 ശ​ത​മാ​ന​ത്തി​ലും ഇ​ല​ക്‌​ട്രോ​ണി​ക് മീ​റ്റ​റു​ക​ളാ​ണ് ഉ​പ​യോ​ഗി​ക്കു​ന്ന​ത്. ഇ​വ​യി​ൽ പ്ര​വ​ർ​ത്ത​ന​ക്ഷ​മ​മ​ല്ലാ​ത്ത​വ​യും തെ​റ്റാ​യ റീ​ഡിം​ഗ് കാ​ണി​ക്കു​ന്ന​വ​യും ധാ​രാ​ള​മു​ണ്ട്. സാ​ധാ​ര​ണ ഉ​പ​യോ​ക്താ​വി​ന് ഇ​തു പെ​ട്ടെ​ന്നു തി​രി​ച്ച​റി​യാ​ൻ ക​ഴി​ഞ്ഞെ​ന്നു​വ​രി​ല്ല. അ​ഞ്ചു ശ​ത​മാ​നം മാ​ത്ര​മാ​ണ് ഇ​ല​ക്‌​ട്രോ മെ​ക്കാ​നി​ക്ക​ൽ മീ​റ്റ​റു​ക​ൾ. ഇ​തി​ലാ​ണു പ്ര​ശ്ന​മു​ണ്ടാ​യ​തെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം. പൂ​ട്ടി​ക്കി​ട​ക്കു​ന്ന വീ​ടു​ക​ളി​ൽ മീ​റ്റ​ർ റീ​ഡിം​ഗ് എ​ടു​ക്കാ​ൻ സാ​ധി​ക്കാ​ത്ത​തി​നാ​ൽ മു​ൻ​മാ​സ​ങ്ങ​ളി​ലെ ശ​രാ​ശ​രി യൂ​ണി​റ്റ് ക​ണ​ക്കാ​ക്കി​യാ​ണു ബി​ൽ ത​യാ​റാ​ക്കി​യ​ത്. ഈ ​ശ​രാ​ശ​രി ക​ണ​ക്കാ​ക്കി​യ​പ്പോ​ൾ ഉ​പ​യോ​ഗം ഉ​യ​ർ​ന്നു​നി​ന്ന ഏ​പ്രി​ൽ മാ​സ​ത്തെ ക​ണ​ക്കും ഉ​ൾ​പ്പെ​ട്ടു. മി​ക്ക​യി​ട​ത്തും ജ​നു​വ​രി​ക്കു​ശേ​ഷം മേ​യി​ലാ​ണു റീ​ഡിം​ഗ് എ​ടു​ത്ത​ത്. ശ​രാ​ശ​രി ഉ​പ​യോ​ഗം ക​ണ​ക്കാ​ക്കി​യ​പ്പോ​ൾ ഉ​യ​ർ​ന്ന സ്ലാ​ബി​ൽ പെ​ട്ട​വ​രാ​ണു കൂ​ടു​ത​ൽ കു​ഴ​പ്പ​ത്തി​ലാ​യ​ത്. ആ​ദ്യ​ത്തെ 250 യൂ​ണി​റ്റി​ന് അ​ഞ്ചു സ്ലാ​ബു​ക​ളി​ലാ​ണു നി​ര​ക്ക് നി​ശ്ച​യി​ക്കു​ന്ന​ത്. ആ​ദ്യ​ത്തെ അ​ന്പ​തു യൂ​ണി​റ്റി​ന് മൂ​ന്നു രൂ​പ 15 പൈ​സ വീ​ത​വും 51 മു​ത​ൽ 100 വ​രെ യൂ​ണി​റ്റി​നു മൂ​ന്നു രൂ​പ 70 പൈ​സ വീ​ത​വു​മാ​ണു നി​ര​ക്ക്. എ​ന്നാ​ൽ ഉ​പ​യോ​ഗം 201-250 യൂ​ണി​റ്റെ​ങ്കി​ൽ നി​ര​ക്ക് ഏ​ഴു രൂ​പ 60 പൈ​സ വീ​തം ആ​കും. വൈ​ദ്യു​തി ഉ​പ​യോ​ഗം 251 യൂ​ണി​റ്റി​നു മു​ക​ളി​ലാ​യാ​ലോ, ഉ​പ​യോ​ഗി​ച്ച മു​ഴു​വ​ൻ വൈ​ദ്യു​തി​ക്കും യൂ​ണി​റ്റി​ന് അ​ഞ്ചു രൂ​പ 80 പൈ​സ​യാ​കും. ശ​രാ​ശ​രി ക​ണ​ക്കാ​ക്കി​യ​പ്പോ​ൾ, 251 യൂ​ണി​റ്റി​നു മു​ക​ളി​ൽ പോ​യ​വ​ർ​ക്ക് ആ​ദ്യം പ​റ​ഞ്ഞ ടെ​ലി​സ്കോ​പി​ക് ബി​ല്ലിം​ഗി​ന്‍റെ ആ​നു​കൂ​ല്യം ഇ​ല്ലാ​താ​യി. ടെ​ലി​സ്കോ​പി​ക് ബി​ല്ലിം​ഗ് ആ​നു​കൂ​ല്യം 500 യൂ​ണി​റ്റി​നു വ​രെ ഉ​ണ്ടാ​യി​രു​ന്ന​ത് ക​ഴി​ഞ്ഞ ജൂ​ലൈ​യി​ലാ​ണ് 250 യൂ​ണി​റ്റാ​ക്കി ചു​രു​ക്കി​യ​ത്.

ലോ​ക്ക്ഡൗ​ൺ കാ​ല​ത്തു സ​ർ​ക്കാ​ർ ഉ​ദ്യോ​ഗ​സ്ഥ​രും അ​ധ്യാ​പ​ക​രും വി​ദ്യാ​ർ​ഥി​ക​ളും ഉ​ൾ​പ്പെ​ടെ മി​ക്ക​വ​രും വീ​ടു​ക​ളി​ൽ​ത്ത​ന്നെ​യാ​യി​രു​ന്നു. സ്വാ​ഭാ​വി​ക​മാ​യും ഇ​തു ഗാ​ർ​ഹി​ക വൈ​ദ്യു​തി ഉ​പ​യോ​ഗ​ത്തി​ൽ വ​ർ​ധ​ന​യു​ണ്ടാ​ക്കി. ചൂ​ടേ​റി​യ മാ​ർ​ച്ച്, ഏ​പ്രി​ൽ മാ​സ​ങ്ങ​ളി​ൽ ഫാ​ൻ, എ​യ​ർ ക​ണ്ടീ​ഷ​ണ​ർ എ​ന്നി​വ​യു​ടെ ഉ​പ​യോ​ഗ​വും വ​ർ​ധി​ച്ചു. എ​ന്നാ​ൽ, ഇ​ത്ത​രം ഉ​പ​ക​ര​ണ​ങ്ങ​ളി​ല്ലാ​ത്ത​വ​ർ പ്ര​തി​മാ​സം നാ​നൂ​റോ അ​ഞ്ഞൂ​റോ രൂ​പ മാ​ത്രം വൈ​ദ്യു​തി ബി​ൽ അ​ട​ച്ചു​കൊ​ണ്ടി​രു​ന്ന സ്ഥാ​ന​ത്ത് ആ​യി​ര​വും ആ​യി​ര​ത്തി​ഇ​രു​നൂ​റു​മൊ​ക്കെ രൂ​പ അ​ട​യ്ക്കേ​ണ്ടി​വ​ന്നു. സ്ഥി​ര​വ​രു​മാ​ന​മി​ല്ലാ​ത്ത ക​ർ​ഷ​ക​രും തൊ​ഴി​ലാ​ളി​ക​ളു​മൊ​ക്കെ ഈ ​അ​മി​ത​വ​ർ​ധ​ന​മൂ​ലം വ​ള​രെ വി​ഷ​മി​ച്ചു. ലോ​ക്ക്‌​ഡൗ​ൺ​മൂ​ലം ഏ​പ്രി​ൽ, മേ​യ് മാ​സ​ങ്ങ​ളി​ൽ വൈ​ദ്യു​തി ഉ​പ​യോ​ഗം വ​ർ​ധി​ച്ചെ​ങ്കി​ൽ​ത്ത​ന്നെ ഒ​ട്ടും ആ​നു​പാ​തി​ക​മ​ല്ലാ​ത്ത​തും അ​ന്യാ​യ​വു​മാ​യ നി​ര​ക്കു വ​ർ​ധ​ന​യാ​ണു ഗാ​ർ​ഹി​കോ​പ​യോ​ക്താ​ക്ക​ൾ​ക്കു നേ​രി​ടേ​ണ്ടി​വ​ന്നി​രി​ക്കു​ന്ന​ത്. ലോ​ക്ക് ഡൗ​ൺ കാ​ല​ത്ത് എ​ല്ലാ​വ​രും വീ​ട്ടി​ലി​രി​ക്കാ​ൻ നി​ർ​ബ​ന്ധി​ത​രാ​യ​പ്പോ​ൾ വൈ​ദ്യു​തി ഉ​പ​യോ​ഗം കൂ​ടി​യി​ട്ടു​ണ്ടെ​ന്ന കാ​ര്യം ഉ​പ​യോ​ക്താ​ക്ക​ൾ​ക്കു ന​ന്നാ​യ​റി​യാം. അ​തി​ന്‍റെ അ​ധി​ക​ഭാ​രം വ​ഹി​ക്കാ​ൻ അ​വ​ർ ത​യാ​റാ​ണ്. പ​ക്ഷേ, വ​ർ​ധ​ന അ​തി​ഭീ​മ​മാ​യാ​ലോ? വ​രു​മാ​ന​മി​ല്ലാ​തെ നി​ത്യ​ച്ചെ​ല​വി​നു​പോ​ലും ജ​നം വി​ഷ​മി​ക്കു​ന്പോ​ൾ വൈ​ദ്യു​തി ബി​ൽ ര​ണ്ടും മൂ​ന്നും ഇ​ര​ട്ടി​യാ​യാ​ൽ അ​വ​ർ വി​ര​ണ്ടു​പോ​കും. പ്ര​മു​ഖ വ്യ​ക്തി​ക​ളെ​പ്പോ​ലും ബി​ൽ ഞെ​ട്ടി​ക്കു​ന്നു​വെ​ങ്കി​ൽ സാ​ധാ​ര​ണ​ക്കാ​രു​ടെ കാ​ര്യം പ​റ​യേ​ണ്ട​തി​ല്ല​ല്ലോ.

ഏ​തു പ​രാ​തി​യും പ​രി​ഹ​രി​ക്കാ​ൻ ത​ങ്ങ​ളു​ടെ ഉ​ദ്യോ​ഗ​സ്ഥ​ർ ത​യാ​റാ​ണെ​ന്നു ബോ​ർ​ഡ് ചെ​യ​ർ​മാ​ൻ പ​റ​യു​ന്നു. പ​ക്ഷേ, ഈ ​കോ​വി​ഡ് കാ​ല​ത്തു പ​രാ​തി​യു​മാ​യി വൈ​ദ്യു​തി ഓ​ഫീ​സു​ക​ളി​ലെ​ത്താ​ൻ ആ​ളു​ക​ൾ മ​ടി​ക്കും. വൈ​ദ്യു​തി ബ​ന്ധം വി​ച്ഛേ​ദി​ക്ക​പ്പെ​ടു​മെ​ന്നു ഭ​യ​ന്നാ​ണ് ആ​ളു​ക​ൾ താ​ങ്ങാ​നാ​വാ​ത്ത​തെ​ങ്കി​ലും ബി​ൽ അ​ട​ച്ചു​തീ​ർ​ത്ത​ത്.

വൈ​ദ്യു​തി ബോ​ർ​ഡി​ന്‍റെ ദൈ​നം​ദി​ന പ്ര​വ​ർ​ത്ത​ന​ങ്ങ​ളെ​ക്കു​റി​ച്ചും മു​ട​ങ്ങി​ക്കി​ട​ക്കു​ന്ന വൈ​ദ്യു​ത പ​ദ്ധ​തി​ക​ളെ​ക്കു​റി​ച്ചും പു​തി​യ പ​ദ്ധ​തി​ക​ളെ​ക്കു​റി​ച്ചു​മൊ​ക്കെ പ​ല​വി​ധ പ​രാ​തി​ക​ൾ ഉ​യ​രു​ന്ന സ​ന്ദ​ർ​ഭ​ത്തി​ൽ ഇ​ത്ത​രം വീ​ഴ്ച​ക​ൾ ബോ​ർ​ഡ് ഒ​ഴി​വാ​ക്കേ​ണ്ട​താ​ണ്. സു​താ​ര്യ​വും കാ​ര്യ​ക്ഷ​മ​വു​മാ​യ പ്ര​വ​ർ​ത്ത​ന​മാ​ണു ജ​ന​ങ്ങ​ളു​ടെ ദൈ​നം​ദി​ന ജീ​വി​ത​വു​മാ​യി അ​ഭേ​ദ്യം ബ​ന്ധ​പ്പെ​ട്ടു കി​ട​ക്കു​ന്ന ഈ ​പൊ​തു​മേ​ഖ​ലാ സ്ഥാ​പ​നം കാ​ഴ്ച​വ​യ്ക്കേ​ണ്ട​ത്.
Copyright @ 2022 , Rashtra Deepika Ltd.