ചൈ​ന​യു​ടെ പി​ന്മാ​റ്റം യാ​ഥാ​ർ​ഥ്യ​മാ​ക​ട്ടെ
ല​ഡാ​ക്കി​ൽ ഇ​ന്ത്യ- ചൈ​ന അ​തി​ർ​ത്തി​യി​ൽ യ​ഥാ​ർ​ഥ നി​യ​ന്ത്ര​ണ​രേ​ഖ​യി​ൽ നി​ന്നു​ള്ള പി​ന്മാ​റ്റ​ത്തി​ന് ഇ​രു​രാ​ജ്യ​ങ്ങ​ളും ത​മ്മി​ൽ ധാ​ര​ണ​യാ​യ​തു സ​മാ​ധാ​ന​കാം​ക്ഷി​ക​ളി​ൽ പ്ര​തീ​ക്ഷ ജ​നി​പ്പി​ക്കു​ന്നു. അതേസമയം രാ​ജ്യ​ത്തി​ന്‍റെ അ​ഖ​ണ്ഡ​ത കാ​ത്തു​പ​രി​പാ​ലി​ക്കു​ന്ന​തി​നു നി​യ​ന്ത്ര​ണ​രേ​ഖ​യി​ൽ സൈ​ന്യ​ത്തി​ന്‍റെ ജാ​ഗ്ര​ത​യ്ക്ക് ഒ​രു കു​റ​വും ഇന്ത്യ വ​രു​ത്ത​രു​ത്.

​മാവോ സേ ​തൂം​ഗി​ന്‍റെ സാം​സ്കാ​രി​ക വി​പ്ല​വ​കാ​ലം മു​ത​ൽ ചൈ​ന വി​ജ​യ​ക​ര​മാ​യി ന​ട​പ്പാ​ക്കി വ​രു​ന്ന​താ​ണ് ര​ണ്ട​ടി മു​ന്നോ​ട്ട്, ഒ​ര​ടി പി​ന്നോ​ട്ട് എ​ന്ന ന​യം. ര​ണ്ട​ടി അ​തി​ക്ര​മി​ച്ചു​ക​യ​റി​യ​ശേ​ഷം ഒ​ര​ടി പി​ന്മാ​റി​യാ​ലും നേ​ട്ടം ത​ങ്ങ​ൾ​ക്കു​ത​ന്നെ​യാ​ണ​ല്ലോ. ചൈ​ന​യു​ടെ ഈ ​പാ​ര​ന്പ​ര്യം ആ​രും മ​റ​ക്കു​ന്നി​ല്ലെ​ങ്കി​ലും ല​ഡാ​ക്കി​ൽ ഇ​ന്ത്യ- ചൈ​ന അ​തി​ർ​ത്തി​യി​ൽ യ​ഥാ​ർ​ഥ നി​യ​ന്ത്ര​ണ​രേ​ഖ​യി​ൽനി​ന്നു​ള്ള പി​ന്മാ​റ്റ​ത്തി​ന് ഇ​രു​രാ​ജ്യ​ങ്ങ​ളും ത​മ്മി​ൽ ധാ​ര​ണ​യാ​യ​തു സ​മാ​ധാ​ന​കാം​ക്ഷി​ക​ളി​ൽ പ്ര​തീ​ക്ഷ ജ​നി​പ്പി​ക്കു​ന്നു.

ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് അ​ജി​ത് ഡോ​വ​ലും ചൈ​നീ​സ് വി​ദേ​ശ​കാ​ര്യ​മ​ന്ത്രി വാം​ഗ്യി​യും ന​ട​ത്തി​യ ച​ർ​ച്ച​യി​ലാ​ണു പി​ന്മാ​റ്റ ധാ​ര​ണ​യാ​യ​ത്. സം​ഘ​ർ​ഷം നി​ല​നി​ന്ന മൂ​ന്നു പ​ട്രോ​ളിം​ഗ് പോ​യി​ന്‍റു​ക​ളി​ൽനി​ന്ന് ഇ​രു​വി​ഭാ​ഗ​ത്തെ​യും സൈ​നി​ക​ർ രണ്ടു കി​ലോ​മീ​റ്റ​ർ വീ​തം പി​ന്മാ​റി​യെ​ന്നാ​ണ് ആ​ദ്യ റി​പ്പോ​ർ​ട്ടു​ക​ൾ. ഗ​ൽ​വാ​ൻ താ​ഴ്‌വ​ര​യി​ലെ പോ​യി​ന്‍റ് 14, പോ​യി​ന്‍റ് 15, ഹോ​ട്ട് സ്പ്രിം​ഗ് പ്ര​ദേ​ശ​ത്തെ പോ​യി​ന്‍റ് 17-എ ​എ​ന്നി​വി​ട​ങ്ങ​ളി​ൽ നി​ന്നാ​ണു സൈ​ന്യം പി​ന്മാ​റി​യ​ത്. ജൂ​ണ്‍ പ​തി​ന​ഞ്ചി​ന് 20 ഇ​ന്ത്യ​ൻ സൈ​നി​ക​ർ കൊ​ല്ല​പ്പെ​ട്ട പ​ട്രോ​ൾ പോ​യി​ന്‍റ് 14ലെ ​താ​ത്കാ​ലി​ക കൂ​ടാ​ര​ങ്ങ​ളും ചൈ​ന നീ​ക്കം ചെ​യ്തു എ​ന്നും റി​പ്പോ​ർ​ട്ടുണ്ട്.

ചൈ​ന​യെ പൂ​ർ​ണ​മാ​യി വി​ശ്വ​സി​ക്കാ​ൻ പ​റ്റി​ല്ലെ​ന്ന് 1962ലെ ​ക​ട​ന്നു​ക​യ​റ്റം മു​ത​ലു​ള്ള അ​നു​ഭ​വ​ങ്ങ​ൾ പ​ഠി​പ്പി​ക്കു​ന്നു. മു​ത​ലാ​ളി​ത്ത ന​യ​ങ്ങ​ൾ ന​ട​പ്പാ​ക്കു​ന്പോ​ഴും ക​മ്യൂ​ണി​സം ഉ​പേ​ക്ഷി​ച്ചി​ട്ടി​ല്ലെ​ന്നു പ​റ​യു​ന്ന ചൈ​ന​യു​ടെ ഇ​ര​ട്ട​ത്താ​പ്പും സാ​മ്രാ​ജ്യ​ത്വ​മോ​ഹ​വു​മാ​ണ് അ​തി​നു കാ​ര​ണം. അ​യ​ൽ​പ​ക്ക മ​ര്യാ​ദ​ക​ളോ രാ​ജ്യാ​ന്ത​ര നി​യ​മ​ങ്ങ​ളോ ഒ​ന്നും ത​ങ്ങ​ൾ​ക്കു ബാ​ധ​ക​മ​ല്ലെ​ന്ന മ​ട്ടി​ലാ​ണ് അ​വ​രു​ടെ ന​ട​പ​ടി​ക​ൾ. ഹി​മാ​ല​യ​ത്തി​നു വ​ട​ക്ക് സ്വ​ത​ന്ത്ര രാ​ജ്യ​മാ​യി​രു​ന്ന ടി​ബ​റ്റി​നെ കീ​ഴ​ട​ക്കി ത​ങ്ങ​ളു​ടെ പ്ര​വി​ശ്യ​യാ​ക്കി​യ ചൈ​ന​യ്ക്ക് ഇ​ന്ത്യ​യു​മാ​യി മാ​ത്ര​മ​ല്ല, പാ​ക്കി​സ്ഥാ​ൻ ഒ​ഴി​കെ അ​വ​ർ അ​തി​ർ​ത്തി പ​ങ്കി​ടു​ന്ന എ​ല്ലാ രാ​ജ്യ​ങ്ങ​ളു​മാ​യും ത​ർ​ക്ക​മു​ണ്ട്. ടി​ബ​റ്റ് അ​ധി​നി​വേ​ശ​ത്തെ ഇ​ന്ത്യ എ​തി​ർ​ത്ത​തും ടി​ബ​റ്റ​ൻ ജ​ന​ത​യു​ടെ ആ​ത്മീ​യ​നേ​താ​വാ​യ ദ​ലൈ​ലാ​മ​യ്ക്ക് അ​ഭ​യം കൊ​ടു​ത്ത​തു​മാ​ണ് 1962ൽ ​ഇ​ന്ത്യ​ൻ മ​ണ്ണി​ലേ​ക്കു ക​ട​ന്നു​ക​യ​റാ​ൻ ചൈ​ന മ​റ​യാ​ക്കി​യ ഒ​രു ഘ​ട​കം. നീ​യ​ല്ലെ​ങ്കി​ൽ നി​ന്‍റെ പി​താ​വാ​ണ് വെ​ള്ളം ക​ല​ക്കി​യ​ത് എ​ന്ന് ആ​ട്ടി​ൻ​കു​ട്ടി​യോ​ടു പ​റ​ഞ്ഞ, ക​ഥ​യി​ലെ ചെ​ന്നാ​യ​യു​ടെ മ​ട്ടി​ൽ അ​വ​ർ ത​ങ്ങ​ളു​ടെ അ​തി​ക്ര​മ​ങ്ങ​ൾ​ക്ക് ഓ​രോ​രോ ന്യാ​യ​ങ്ങ​ൾ ക​ണ്ടെ​ത്തു​ന്നു.

ഇ​രു​പ​തോളം രാ​ജ്യ​ങ്ങ​ളു​മാ​യി ചൈ​ന​യ്ക്ക് അ​തി​ർ​ത്തി​ത്ത​ർ​ക്ക​മു​ണ്ട്. റ​ഷ്യ​യു​ടെ ഏ​റ്റ​വും കി​ഴ​ക്കെ​യ​റ്റ​ത്തെ ന​ഗ​ര​മാ​യ വ്ളാ​ഡി​വ​സ്റ്റോ​ക് ഒ​രു​കാ​ല​ത്തു ചൈ​ന​യു​ടെ പ്ര​ദേ​ശ​മാ​യി​രു​ന്നെ​ന്ന് ഈ​യി​ടെ ഒ​രു ചൈ​നീ​സ് വ​ക്താ​വ് അ​വ​കാ​ശ​വാ​ദം ഉ​ന്ന​യി​ച്ച​താ​ണ് ഇ​തി​ൽ അ​വ​സാ​ന​ത്തെ ത​ർ​ക്കം. നേ​പ്പാ​ളി​ലെ പ​ല സ്ഥ​ല​ങ്ങ​ളും ത​ങ്ങ​ളു​ടേ​താ​ണെ​ന്നു പ​റ​യു​ന്ന ചൈ​ന ര​ണ്ടു നൂ​റ്റാ​ണ്ടു​മു​ന്പ് ആ ​രാ​ജ്യ​വു​മാ​യി യു​ദ്ധ​ത്തി​ലേ​ർ​പ്പെ​ട്ടി​ട്ടു​ണ്ട്. ഇ​പ്പോ​ൾ നേ​പ്പാ​ളി​നോ​ടു ചൈ​ന കാ​ട്ടു​ന്ന മമത ആ ​രാ​ജ്യ​ത്തെ ഇ​ന്ത്യ​യു​ടെ സൗ​ഹൃ​ദ​വ​ല​യ​ത്തി​ൽ നി​ന്നു പു​റ​ത്തു​ചാ​ടി​ക്കാ​ൻ വേ​ണ്ടി മാ​ത്ര​മാ​ണെ​ന്ന കാ​ര്യം സാ​മാ​ന്യ ബു​ദ്ധി​യു​ള്ള​വ​ർ​ക്കെ​ല്ലാം മ​ന​സി​ലാ​കും. അ​തു​പോ​ലെ ഭൂ​ട്ടാ​ന്‍റെ പ​ല പ്ര​ദേ​ശ​ങ്ങ​ളു​ടെ മേ​ലു​ള്ള ചൈ​ന​യു​ടെ അ​വ​കാ​ശ​വാ​ദ​ത്തി​നും ഏ​റെ പ​ഴ​ക്ക​മു​ണ്ട്. ഭൂ​ട്ടാ​നി​ലെ സാ​ക്‌​തെ​ങ്ങ് വ​ന്യ​മൃ​ഗ​സം​ര​ക്ഷ​ണ കേ​ന്ദ്രം, ധോ​ക്‌​ലാം പ​സാം​ല​ങ്ങ്, ജ​ക്ക​ർ ല​ങ്ങ് തു​ട​ങ്ങി​യ പ്ര​ദേ​ശ​ങ്ങ​ൾ ത​ങ്ങ​ളു​ടേ​താ​ണെ​ന്നു ചൈ​ന ക​ഴി​ഞ്ഞ​ദി​വ​സ​വും അ​വ​കാ​ശ​വാ​ദം ഉ​ന്ന​യി​ച്ചു.

ഇ​ന്ത്യ​യെ കൂ​ടു​ത​ൽ സ​മ്മ​ർ​ദ​ത്തി​ലാ​ക്കാ​നു​ള്ള ചൈ​നീ​സ് ത​ന്ത്ര​ത്തി​ന്‍റെ ഭാ​ഗ​മാ​ണ് ഇ​തെ​ന്നാ​ണു വി​ല​യി​രു​ത്ത​ൽ. പ​ടി​ഞ്ഞാ​റ​ൻ അ​തി​ർ​ത്തി​യി​ൽ ക​സാ​ക്കി​സ്ഥാ​ൻ, കീ​ർ​ഗി​സ്ഥാ​ൻ, താ​ജി​ക്കി​സ്ഥാ​ൻ, അ​ഫ്ഗാ​നി​സ്ഥാ​ൻ എ​ന്നീ രാ​ജ്യ​ങ്ങ​ളു​മാ​യും ചൈ​ന​യ്ക്കു ത​ർ​ക്ക​മു​ണ്ട്.

ത​ങ്ങ​ളു​ടെ കി​ഴ​ക്ക​ൻ അ​തി​ർ​ത്തി​യി​ലെ രാ​ജ്യ​ങ്ങ​ളു​മാ​യു​ള്ള ചൈ​ന​യു​ടെ ബ​ന്ധ​വും വ്യ​ത്യ​സ്ത​മ​ല്ല. താ​യ്‌​വാ​ൻ എ​ന്ന രാ​ജ്യംത​ന്നെ ത​ങ്ങ​ളു​ടേ​താ​ണെ​ന്ന് അ​വ​ർ അ​വ​കാ​ശ​പ്പെ​ടു​ന്നു. താ​യ്‌​വാ​ന്‍റെ ഭാ​ഗ​ത്തു​ള്ള തെ​ക്ക​ൻ ചൈ​നാ​ക്ക​ട​ലി​ലും ജ​പ്പാ​ന്‍റെ സ​മീ​പ​ത്തു​ള്ള കി​ഴ​ക്ക​ൻ ചൈ​നാ​ക്ക​ട​ലി​ലും പ​ല ദ്വീ​പു​ക​ളി​ലും ചൈ​ന അ​വ​കാ​ശ​വാ​ദം ഉ​ന്ന​യി​ക്കു​ന്നു. വി​യ​റ്റ്നാ​മി​ന്‍റെ ന​ല്ലൊ​രു പ​ങ്കും ത​ങ്ങ​ളു​ടേ​താ​ണെ​ന്നു പ​റ​യു​ന്ന ചൈ​ന ദ​ക്ഷി​ണ കൊ​റി​യ, ഉ​ത്ത​ര കൊ​റി​യ എ​ന്നീ രാ​ജ്യ​ങ്ങ​ളി​ലെ വ​ലി​യൊ​രു ഭാ​ഗം ഭൂ​പ്ര​ദേ​ശ​ത്തി​ന്‍റെ മേ​ലു​ള്ള അ​വ​കാ​ശ​വാ​ദ​വും ഉ​പേ​ക്ഷി​ച്ചി​ട്ട​ില്ല. ദ​ക്ഷി​ണ ചൈ​നാക​ട​ലി​ന്‍റെ 90 ശ​ത​മാ​ന​വും ത​ങ്ങ​ളു​ടേ​താ​ണെ​ന്നാ​ണു ചൈ​ന പ​റ​യു​ന്ന​ത്. പ്ര​തി​വ​ർ​ഷം മൂ​ന്നു ല​ക്ഷം കോ​ടി ഡോ​ള​റി​ന്‍റെ വ്യാ​പാ​ര​നീ​ക്കം ഈ ​ക​ട​ലി​ലൂ​ടെ ചൈ​ന ന​ട​ത്തു​ന്നു​ണ്ട്. ക​ഴി​ഞ്ഞ ഒ​രു ദ​ശ​ക​ത്തി​നി​ട​യി​ൽ നി​ര​വ​ധി കൃ​ത്രി​മ ദ്വീ​പു​ക​ൾ ഈ ​ക​ട​ലി​ൽ ചൈ​ന നി​ർ​മി​ച്ചു. സൈ​നി​ക കേ​ന്ദ്ര​ങ്ങ​ളും ഉ​ണ്ടാ​ക്കി.

അ​യ​ൽ​രാ​ജ്യ​ങ്ങ​ളു​ടെ ഭൂ​പ്ര​ദേ​ശ​ങ്ങ​ളി​ലും ക​ട​ൽ​മേ​ഖ​ല​ക​ളി​ലും ക​ട​ന്നു​ക​യ​റി സം​ഘ​ർ​ഷം സൃ​ഷ്ടി​ക്കു​ന്ന ചൈ​ന​യു​ടെ ന​ട​പ​ടി​ക​ളി​ൽ പൊ​റു​തി​മു​ട്ടി​യ അ​മേ​രി​ക്ക ക​ഴി​ഞ്ഞ​ദി​വ​സം ര​ണ്ടു വി​മാ​ന​വാ​ഹി​നി​ക്ക​പ്പ​ലു​ക​ളെ ദ​ക്ഷി​ണ ചൈ​നാ ക​ട​ലി​ൽ വി​ന്യ​സി​ച്ചു. ചൈ​നീ​സ് പ​ട്ടാ​ളം ഈ ​ക​ട​ലി​ൽ സൈ​നി​കാ​ഭ്യാ​സം ന​ട​ത്തി​യ​തി​നു തൊ​ട്ടു​പി​ന്നാ​ലെ​യാ​യി​രു​ന്നു യു​എ​സ് നീ​ക്കം. ചൈ​ന​യ്ക്കു​ള്ള ശ​ക്ത​മാ​യ മു​ന്ന​റി​യി​പ്പാ​യി ഇ​തു വി​ല​യി​രു​ത്ത​പ്പെ​ടു​ന്നു. ല​ഡാ​ക്കി​ൽ ഗ​ൽ​വാ​ൻ താ​ഴ്‌വ​ര​യി​ലെ അ​ധി​നി​വേ​ശ​പ്ര​ദേ​ശ​ത്തുനി​ന്നു പി​ന്മാ​റാ​ൻ കൂ​ട്ടാ​ക്കാ​തി​രു​ന്ന ചൈ​ന ഇ​ന്ത്യ​യു​മാ​യി ച​ർ​ച്ച​യ്ക്കു ത​യാ​റാ​യ​ത് ഇ​തി​നു​ശേ​ഷ​മാ​ണ്. ചൈ​ന​യു​ടെ പി​ന്മാ​റ്റ​നീ​ക്കം ആ​ത്മാ​ർ​ഥ​മാ​ണോ എ​ന്ന് ഉ​റ​പ്പി​ക്കാ​റാ​യി​ട്ടി​ല്ല. ചൈ​നീ​സ് ആ​ർ​മി അ​ന​ധി​കൃ​ത​മാ​യി നി​ർ​മി​ച്ച ടെ​ന്‍റു​ക​ൾ ഗ​ൽ​വാ​ൻ താ​ഴ്‌വ​ര​യി​ൽനി​ന്നു പൊ​ളി​ച്ചു​മാ​റ്റു​ന്ന​തി​ന്‍റെ ചി​ത്ര​ങ്ങ​ൾ പു​റ​ത്തു​വ​ന്നി​ട്ടു​ണ്ട്. രാ​ജ്യ​ത്തി​ന്‍റെ അ​ഖ​ണ്ഡ​ത കാ​ത്തു​പ​രി​പാ​ലി​ക്കു​ന്ന​തി​നു 3,488 കി​ലോ​മീ​റ്റ​ർ ദൈ​ർ​ഘ്യ​മു​ള്ള നി​യ​ന്ത്ര​ണ​രേ​ഖ​യി​ൽ സൈ​ന്യ​ത്തി​ന്‍റെ ജാ​ഗ്ര​ത​യ്ക്ക് ഒ​രു കു​റ​വും ഇന്ത്യ വ​രു​ത്ത​രു​ത്.
Copyright @ 2022 , Rashtra Deepika Ltd.