വ്യാ​ജ​വാ​ർ​ത്ത സൃ​ഷ്‌​ടി​ക്കു​ന്ന ഒ​രു കു​റ്റ​വാ​ളി മ​ന​സും പ്ര​ച​രി​പ്പി​ക്കാ​ൻ സോ​ഷ്യ​ൽ മീ​ഡി​യ​യു​മു​ണ്ടെ​ങ്കി​ൽ ജ​നാ​ധി​പ​ത്യ​ത്തെ അ​ട്ടി​മ​റി​ക്കാ​മെ​ന്നു ക​രു​തു​ന്ന​വ​ർ ഭീ​ഷ​ണി​യാ​ണ്; ജ​നാ​ധി​പ​ത്യ​ത്തി​നും രാ​ജ്യ​ത്തി​നും. അ​തു​കൊ​ണ്ടു​ത​ന്നെ ഈ ​വ്യാ​ജ​വാ​ർ​ത്ത​ക്കാ​രെ​യും വി​ത​ര​ണ​ക്കാ​രെ​യും നി​യ​മ​പ​ര​മാ​യി​ത്ത​ന്നെ കൈ​കാ​ര്യം ചെ​യ്യ​ണം.

കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി കൊ​ല​യാ​ളി​ക​ളാ​യ തീ​വ്ര​വാ​ദി​ക​ളെ പി​ന്തു​ണ​യ്ക്കു​ന്നു​വെ​ന്നു വ​രു​ത്തി​ത്തീ​ർ​ക്കാ​ൻ കെ​ട്ടി​ച്ച​മ​ച്ച വീ​ഡി​യോ​യു​ടെ സം​പ്രേ​ഷ​ണ​വും പ്ര​ചാ​ര​ണ​വും ന​ടു​ക്ക​മു​ള​വാ​ക്കു​ന്നു. അ​തു ചൂ​ണ്ടി​ക്കാ​ണി​ക്കു​ന്ന​ത്, അ​സ​ഹ​നീ​യ​മാം​വി​ധം ദു​ർ​ഗ​ന്ധ​പൂ​രി​ത​മാ​യ മാ​ധ്യ​മ​പ്ര​വ​ർ​ത്ത​ന​ത്തി​ന്‍റെ​യും രാ​ഷ്‌​ട്രീ​യ​ത്തി​ന്‍റെ​യും സാ​ന്നി​ധ്യ​മാ​ണ്. ഈ ​അ​ധാ​ർ​മി​ക​ത സം​പ്രേ​ഷ​ണം ചെ​യ്ത ചാ​ന​ൽ മാ​പ്പു പ​റ​ഞ്ഞ​തു ന​ല്ല കാ​ര്യ​മാ​ണ്. അ​തേ​സ​മ​യം, ഇ​ത്ര അ​ന​ന്ത​ര​ഫ​ല​ങ്ങ​ളു​ള്ള ഒ​രു വീ​ഡി​യോ വ്യാ​ജ​മാ​യി നി​ർ​മി​ച്ച​തി​നു പി​ന്നി​ൽ ആ​രാ​ണെ​ന്നു ക​ണ്ടെ​ത്തേ​ണ്ട​തു​മു​ണ്ട്. കാ​ര​ണം, തെ​ര​ഞ്ഞെ​ടു​പ്പ് അ​ടു​ക്കു​ന്പോ​ഴു​ള്ള ഇ​ത്ത​രം തീ​വ്ര​വാ​ദ ചാ​പ്പ​കു​ത്ത​ലു​ക​ൾ നി​ഷ്ക​ള​ങ്ക​മാ​ണെ​ന്നു ക​രു​താ​നാ​വി​ല്ല.

ക​ഴി​ഞ്ഞ വെ​ള്ളി​യാ​ഴ്ച രാ​ത്രി ഒ​ന്പ​തി​നു​ള്ള സീ ​ന്യൂ​സ് ഡി​എ​ൻ​എ പ്രൈം ​ടൈം ഷോ​യി​ലാ​ണ് അ​വ​താ​ര​ക​നാ​യ രോ​ഹി​ത് ര​ഞ്ജ​ൻ വി​വാ​ദ വീ​ഡി​യോ പ്ര​ദ​ർ​ശി​പ്പി​ച്ചു​കൊ​ണ്ട് തെ​റ്റാ​യ പ​രാ​മ​ർ​ശം ന​ട​ത്തി​യ​ത്. ഉ​ദ​യ്പു​രി​ൽ ത​യ്യ​ൽ​ക്കാ​ര​നാ​യ ക​ന​യ്യ ലാ​ലി​നെ പ​ട്ടാ​പ്പ​ക​ൽ ക​ഴു​ത്ത​റത്തു കൊ​ന്ന ഇ​സ്ലാ​മി​ക ഭീ​ക​ര​രെ രാ​ഹു​ൽ ഗാ​ന്ധി "കു​ട്ടി​ക​ൾ' എ​ന്നു വി​ളി​ച്ചെ​ന്ന മ​ട്ടി​ലാ​യി​രു​ന്നു അ​വ​ത​ര​ണം. അ​ങ്ങ​നെ​യൊ​രു സം​ഭ​വം ഉ​ണ്ടാ​യി​ട്ടി​ല്ല. വ​യ​നാ​ട്ടി​ൽ ത​ന്‍റെ എം​പി ഓ​ഫീ​സ് ത​ല്ലി​ത്ത​ക​ർ​ത്ത എ​സ്എ​ഫ്ഐ​ക്കാ​ർ കു​ട്ടി​ക​ളാ​ണെ​ന്നും അ​വ​രോ​ടു ക്ഷ​മി​ക്കു​ന്നു​വെ​ന്നും രാ​ഹു​ൽ പ​റ​ഞ്ഞ​തി​ന്‍റെ വീ​ഡി​യോ​യാ​ണ് വെ​ട്ടി​മാ​റ്റി തീ​വ്ര​വാ​ദ സം​ഭ​വ​വു​മാ​യി ബ​ന്ധി​പ്പി​ച്ച​ത്. ഉ​ദ​യ്പു​രി​ൽ കൊ​ല​പാ​ത​കം ന​ട​ത്തി​യ തീ​വ്ര​വാ​ദി​ക​ൾ കു​ട്ടി​ക​ളാ​ണെ​ന്ന രാ​ഹു​ൽ ഗാ​ന്ധി​യു​ടെ പ്ര​സ്താ​വ​ന ഒ​രി​ക്ക​ൽ​കൂ​ടി ഞ​ങ്ങ​ൾ സം​പ്രേ​ഷ​ണം ചെ​യ്യു​ന്നു​വെ​ന്നു പ​റ​ഞ്ഞു​കൊ​ണ്ടാ​ണ് സീ ​ന്യൂ​സ് ഷോ ​അ​വ​സാ​നി​പ്പി​ച്ച​ത്.

ഇ​തി​ന്‍റെ വീ​ഡി​യോ മു​ൻ കേ​ന്ദ്ര​മ​ന്ത്രി​യും എം​പി​യു​മാ​യ രാ​ജ്യ​വ​ർ​ധ​ൻ സിം​ഗ് റാത്തോ​ഡ്, സു​ബ്ര​ത് പ​ഥ​ക് എം.​പി., ക​മ​ലേ​ഷ് സൈ​നി എം​എ​ൽ​എ എ​ന്നി​വ​ർ ഉ​ൾ​പ്പെ​ടെ​യു​ള്ള ബി​ജെ​പി നേ​താ​ക്ക​ളും പ്ര​വ​ർ​ത്ത​ക​രും സോ​ഷ്യ​ൽ മീ​ഡി​യ വ​ഴി പ്ര​ച​രി​പ്പി​ക്കു​ക​യും ചെ​യ്തു. പ്ര​തി​ഷേ​ധം വ്യാ​പ​ക​മാ​യ​തോ​ടെ ചാ​ന​ൽ മാ​പ്പു പ​റ​ഞ്ഞു. ട്വി​റ്റ​ർ ഉ​ള്ള​ട​ക്കം വ്യാ​ജ​മെ​ന്നു മു​ദ്ര​യ​ടി​ക്കു​ക​യും ചെ​യ്തു. പ​ക്ഷേ, അ​ത്ര മാ​ന്യ​ത​യൊ​ന്നും ബി​ജെ​പി നേ​താ​ക്ക​ളി​ൽ​നി​ന്നു​ണ്ടാ​യി​ല്ല. ബി​ജെ​പി നേ​താ​ക്ക​ളും മാ​പ്പു പ​റ​യ​ണ​മെ​ന്നു പാ​ർ​ട്ടി അ​ധ്യ​ക്ഷ​ൻ ജെ.​പി. ന​ഡ്ഡ​യ്ക്ക് അ​യ​ച്ച ക​ത്തി​ൽ കോ​ൺ​ഗ്ര​സ് നേ​താ​വ് ജ​യ​റാം ര​മേ​ഷ് ആ​വ​ശ്യ​പ്പെ​ട്ട​തി​നെ​ത്തു​ട​ർ​ന്ന് ആ​ദ്യം ഒ​ഴി​വാ​ക്കി​യ വീ​ഡി​യോ ര​ത്തോ​ഡ് വീ​ണ്ടും ഷെ​യ​ർ ചെ​യ്യു​ക​യാ​ണു​ണ്ടാ​യ​ത്.

അ​സ​ത്യം പ്ര​ച​രി​പ്പി​ച്ചു​കൊ​ണ്ടു​ള്ള ഈ ​രാ​ഷ്‌​ട്രീ​യം എ​തി​ർ​ക്ക​പ്പെ​ടേ​ണ്ട​താ​ണ്. തെ​ര​ഞ്ഞെ​ടു​പ്പി​നു തൊ​ട്ടു​മു​ന്പാ​ണ് ഇ​ത്ത​ര​മൊ​രു വാ​ജ്യ​വാ​ർ​ത്ത പ്ര​ച​രി​ക്കു​ന്ന​തെ​ങ്കി​ൽ സ​ത്യ​മ​റി​യി​ക്കാ​ൻ സ​മ​യം കി​ട്ടാ​തെ വ​രി​ക​യും ജ​ന​ങ്ങ​ൾ തെ​റ്റി​ദ്ധ​രി​ക്കു​ക​യും വോ​ട്ടെ​ടു​പ്പി​ൽ പ്ര​തി​ഫ​ലി​ക്കു​ക​യും ചെ​യ്യും. ജ​നാ​ധി​പ​ത്യ​ത്തെ അ​ട്ടി​മ​റി​ക്കാ​ൻ ഒ​രൊ​റ്റ വ്യാ​ജ​വാ​ർ​ത്ത മ​തി​യെ​ന്നു വ​രു​ന്ന​തു ഭ​യ​പ്പെ​ടു​ത്തു​ന്ന കാ​ര്യ​മാ​ണ്. ക​ഴി​ഞ്ഞ പാ​ർ​ല​മെ​ന്‍റ് തെ​ര​ഞ്ഞെ​ടു​പ്പി​ൽ രാ​ഹു​ൽ​ഗാ​ന്ധി​ക്കെ​തി​രേ ഇ​തേ സ്വ​ഭാ​വ​മു​ള്ള വ്യാ​ജ​വാ​ർ​ത്ത പ്ര​ച​രി​പ്പി​ച്ചി​രു​ന്നു. വ​യ​നാ​ട്ടി​ലെ പ്ര​ക​ട​ന​ത്തി​നി​ടെ മു​സ്‌​ലിം ലീ​ഗി​ന്‍റെ പ​താ​ക പ്ര​വ​ർ​ത്ത​ക​ർ വീ​ശി​യ​തി​നെ പാ​ക്കിസ്ഥാ​ൻ പ​താ​ക​യെ​ന്നു തെ​റ്റി​ദ്ധ​രി​പ്പി​ച്ചു. അ​ന്ന​തു ട്വീ​റ്റ് ചെ​യ്ത​ത് നി​സാ​ര​ക്കാ​ര​ല്ല,

സു​പ്രീം കോ​ട​തി​യി​ലെ ബി​ജെ​പി ലീ​ഗ​ൽ സെ​ൽ സെ​ക്ര​ട്ട​റി​യും സം​ഘ​പ​രി​വാ​ർ സം​ഘ​ട​ന​യാ​യ പൂ​ർ​വാ​ഞ്ച​ൽ മോ​ർ​ച്ച ദി​ല്ലി സം​സ്ഥാ​ന സെ​ക്ര​ട്ട​റി​യു​മാ​യ പ്രേ​ര​ണ​കു​മാ​രി​യാ​യി​രു​ന്നു. ജ​ന​ങ്ങ​ൾ​ക്കു​വേ​ണ്ടി ജ​ന​ങ്ങ​ളാ​ൽ തെ​ര​ഞ്ഞെ​ടു​ക്ക​പ്പെ​ടു​ന്ന ജ​ന​ങ്ങ​ളു​ടെ ഗ​വ​ൺമെ​ന്‍റാ​ണ് ജ​നാ​ധി​പ​ത്യ​മെ​ങ്കി​ൽ ആ ​ജ​ന​ങ്ങ​ളെ തെ​റ്റി​ദ്ധ​രി​പ്പി​ച്ചും ക​ബ​ളി​പ്പി​ച്ചും അ​ധി​കാ​ര​ത്തി​ലെ​ത്താ​നു​ള്ള ശ്ര​മ​ങ്ങ​ളെ ചെ​റു​ക്കേ​ണ്ട​താ​ണ്. ജ​നാ​ധി​പ​ത്യ​ത്തി​ൽ ഒ​രു വോ​ട്ട​റു​ടെ അ​ജ്ഞ​ത എ​ല്ലാ​വ​രു​ടെ​യും സു​ര​ക്ഷി​ത​ത്വ​ത്തെ ത​ക​ർ​ക്കു​ന്നു​വെ​ന്ന അ​മേ​രി​ക്ക​ൻ മു​ൻ പ്ര​സി​ഡ​ന്‍റ് ജോ​ൺ എ​ഫ്. കെ​ന്ന​ഡി​യു​ടെ നി​രീ​ക്ഷ​ണ​വും ഇ​തോ​ടു ചേ​ർ​ത്തു വാ​യി​ക്ക​ണം. സാ​മൂ​ഹ്യ​മാ​ധ്യ​മ​ങ്ങ​ൾ അ​ര​ങ്ങു​വാ​ഴു​ന്ന ഇ​ക്കാ​ല​ത്ത് ഒ​രു വോ​ട്ട​റി​ല​ല്ല, ഒ​രു നി​മി​ഷം​കൊ​ണ്ട് കോ​ടി​ക്ക​ണ​ക്കി​നു വോ​ട്ട​റ​ന്മാ​രി​ൽ തെ​റ്റി​ദ്ധാ​ര​ണ പ​ക​ർ​ത്താ​നി​ട​യാ​ക്കു​മെ​ന്നു മ​റ​ക്ക​രു​ത്. അ​തു ജ​നാ​ധി​പ​ത്യ​ത്തി​ന്‍റെ അ​ന്ത്യ​ത്തി​നു തു​ട​ക്ക​മാ​കും.

രാ​ഹു​ൽ ഗാ​ന്ധി​യു​ടെ രാ​ഷ്‌​ട്രീ​യ​ത്തെ​ക്കു​റി​ച്ചു​ള്ള ചി​ല വി​യോ​ജി​പ്പു​ക​ൾ മു​ന്പ് പ​ല​ത​വ​ണ ഇ​വി​ടെ തെ​ളി​ച്ചു​പ​റ​ഞ്ഞി​ട്ടു​ണ്ടെ​ങ്കി​ലും അ​ദ്ദേ​ഹ​ത്തി​ന്‍റെ വ്യ​ക്തി​പ​ര​മാ​യ മാ​ന്യ​ത​യെ​ക്കു​റി​ച്ചും സ​ത്യ​സ​ന്ധ​ത​യെ​ക്കു​റി​ച്ചും ഒ​രെ​തി​ര​ഭി​പ്രാ​യ​വും കു​റി​ക്കേ​ണ്ടി​വ​ന്നി​ട്ടി​ല്ല. രാ​ഷ്‌​ട്രീ​യ എ​തി​രാ​ളി​ക​ളെ നേ​രി​ടേ​ണ്ടി​വ​രു​ന്പോ​ൾ പോ​ലും രാ​ഹു​ൽ നു​ണ​ക​ളെ ആ​ശ്ര​യി​ക്കു​ക​യോ മ​റ്റു​ള്ള​വ​രെ അ​പ​കീ​ർ​ത്തി​പ്പെ​ടു​ത്തു​ക​യോ ചെ​യ്യാ​റു​മി​ല്ല.

വെ​റു​പ്പി​ന്‍റെ​യും വി​ദ്വേ​ഷ​ത്തി​ന്‍റെ​യും ഭി​ന്നി​പ്പി​ന്‍റെ​യും രാ​ഷ്‌​ട്രീ​യ ഗു​ണ്ടാ​യി​സ​ത്തി​ന്‍റെ​യും കാ​ല​ത്ത് അ​ദ്ദേ​ഹ​ത്തി​ന്‍റെ പ്ര​തി​ക​ര​ണ​ങ്ങ​ൾ അ​ഹിം​സാ​ത്മ​ക​മാ​യി തു​ട​രു​ന്നു. കാ​ര​ണ​മി​ല്ലാ​തെ ത​ന്‍റെ ഓ​ഫീ​സ് ആ​ക്ര​മി​ച്ച എ​സ്എ​ഫ്ഐ പ്ര​വ​ർ​ത്ത​ക​രെ കു​ട്ടി​ക​ളെ​ന്നു വി​ളി​ക്കു​ക​യും ക്ഷ​മി​ച്ചി​രി​ക്കു​ന്നു​വെ​ന്നു പ​റ​യു​ക​യും ചെ​യ്ത​ത് അ​തി​നു​ള്ള ഉ​ദാ​ഹ​ര​ണ​മാ​ണ്. വ്യാ​ജ​വാ​ർ​ത്ത സൃ​ഷ്‌​ടി​ക്കു​ന്ന ഒ​രു കു​റ്റ​വാ​ളി മ​ന​സും പ്ര​ച​രി​പ്പി​ക്കാ​ൻ സോ​ഷ്യ​ൽ മീ​ഡി​യ​യു​മു​ണ്ടെ​ങ്കി​ൽ ജ​നാ​ധി​പ​ത്യ​ത്തെ അ​ട്ടി​മ​റി​ക്കാ​മെ​ന്നു ക​രു​തു​ന്ന​വ​ർ ഭീ​ഷ​ണി​യാ​ണ്; ജ​നാ​ധി​പ​ത്യ​ത്തി​നും രാ​ജ്യ​ത്തി​നും. അ​തു​കൊ​ണ്ടു​ത​ന്നെ ഈ ​വ്യാ​ജ​വാ​ർ​ത്ത​ക്കാ​രെ​യും വി​ത​ര​ണ​ക്കാ​രെ​യും നി​യ​മ​പ​ര​മാ​യി​ത്ത​ന്നെ കൈ​കാ​ര്യം ചെ​യ്യ​ണം.