ആശംസിച്ചാൽ പോര ശുഭയാത്ര
ആ​ക്ര​മ​ണ​ങ്ങ​ളും മ​ര​ണ​ങ്ങ​ളും ക​ഴി​യു​ന്പോ​ൾ ഉ​ണ്ടാ​കു​ന്ന അ​ന്വേ​ഷ​ണ​ങ്ങ​ളും മ​റ്റു പ്ര​ഖ്യാ​പ​ന​ങ്ങ​ളു​മൊ​ക്കെ സ്വാ​ഭാ​വി​ക​മാ​ണ്. പ​ക്ഷേ, അ​ത്ത​രം ദു​ര​ന്ത​ങ്ങ​ൾ സം​ഭ​വി​ക്കാ​തി​രി​ക്കാ​നു​ള്ള മു​ൻ​ക​രു​ത​ലു​ക​ളാ​ണ് പ്ര​തി​ബ​ദ്ധ​ത​യു​ള്ള സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്വം.

ഒ​രു കൊ​ല​യാ​ളി സൃ​ഷ്ടി​ച്ച ക്രൂ​ര​ത​യു​ടെ​യും ആ​ശ​ങ്ക​യു​ടെ​യും അ​ഗ്നി​നാ​ള​ങ്ങ​ൾ ഇ​നി​യും കെ​ട്ട​ട​ങ്ങി​യി​ട്ടി​ല്ല. കോ​ഴി​ക്കോ​ടി​ന​ടു​ത്ത് എ​ല​ത്തൂ​രി​ൽ വ​ച്ചാ​ണ് ഓ​ടു​ന്ന ട്രെ​യി​നി​ൽ അ​ക്ര​മി പെ​ട്രോ​ളൊ​ഴി​ച്ച് തീ​കൊ​ളു​ത്തി​യ​തി​നെ​ത്തു​ട​ർ​ന്ന് മൂ​ന്നു​പേ​ർ മ​രി​ച്ച​ത്. മാ​വോ​യി​സ്റ്റാ​യാ​ലും മ​റ്റു തീ​വ്ര​വാ​ദ സം​ഘ​ട​ന​യി​ൽ പെ​ട്ട​യാ​ളാ​യാ​ലും കുറ്റവാളിയെയും പി​ന്നി​ലു​ള്ള​വ​രെ​യും നി​യ​മ​ത്തി​നു മു​ന്നി​ലെ​ത്തി​ക്ക​ണം. ഇ​ത്ത​രം വി​ധ്വം​സ​ക​പ്ര​വ​ർ​ത്ത​നങ്ങ​ൾ ആ​വ​ർ​ത്തി​ക്കി​ല്ലെ​ന്നും ജ​ന​ങ്ങ​ൾ​ക്കു സു​ര​ക്ഷി​ത​മാ​യി യാ​ത്ര ചെ​യ്യാ​മെ​ന്നും സ​ർ​ക്കാ​ർ ഉ​റ​പ്പാ​ക്കു​ക​യും വേ​ണം.

ഞാ‍​യ​റാ​ഴ്ച ഉ​ച്ച​യ്ക്ക് ആ​ല​പ്പു​ഴ​യി​ൽ​നി​ന്നു ക​ണ്ണൂ​രി​ലേ​ക്കു പു​റ​പ്പെ​ട്ട എ​ക്സി​ക്യൂ​ട്ടീ​വ് എ​ക്സ്​പ്ര​സി​ലാ​ണ് സം​ഭ​വം. കോ​ഴി​ക്കോ​ടും എ​ല​ത്തൂ​രും പി​ന്നി​ട്ട​യു​ട​നെ 9.20ന് ​ഡി-1 കോ​ച്ചി​ലേ​ക്ക് പെ​ട്രോ​ൾ നി​റ​ച്ച കു​പ്പി​യു​മാ​യി എ​ത്തി​യ അ​ക്ര​മി യാ​ത്ര​ക്കാ​രു​ടെ ദേ​ഹ​ത്ത് പെ​ട്രോ​ൾ ഒ​ഴി​ക്കു​ക​യും തീ ​ക​ത്തി​ക്കു​ക​യു​മാ​യി​രു​ന്നു. പ​രി​ഭ്രാ​ന്ത​രാ​യ യാ​ത്ര​ക്കാ​ർ തീ ​കെ​ടു​ത്താ​ൻ ശ്ര​മി​ക്കു​ക​യും പ​ല​രും അ​ടു​ത്ത കം​പാ​ർ​ട്ട്മെ​ന്‍റി​ലേ​ക്ക് ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​ക​യും ചെ​യ്തു. ച​ങ്ങ​ല വ​ലി​ച്ചു ട്രെ​യി​ൻ നി​ർ​ത്തി​യെ​ങ്കി​ലും കോ​ര​പ്പു​ഴ പാ​ല​ത്തി​നു മു​ക​ളി​ലാ​യി​രു​ന്ന​തി​നാ​ൽ പ​രി​ക്കേ​റ്റ​വ​രെ മ​റ്റു കം​പാ​ർ​ട്ട്മെ​ന്‍റു​ക​ളി​ലൂ​ടെ പു​റ​ത്തെ​ത്തി​ക്കേ​ണ്ടി​വ​ന്നു. അ​ക്ര​മി ഇ​റ​ങ്ങി ര​ക്ഷ​പ്പെ​ടു​ക​യും ചെ​യ്തു. ട്രെ​യി​ൻ നി​ർ​ത്തു​ന്ന​തി​നു​മു​ന്പ് പു​റ​ത്തേ​ക്കു ചാ​ടി​യ​വ​രാ​ണ് മ​രി​ച്ച​തെ​ന്നാ​ണ് റി​പ്പോ​ർ​ട്ടു​ക​ൾ. ഇ​ന്ന​ലെ പു​ല​ർ​ച്ചെ ഒ​രു മ​ണി​യോ​ടെ​യാ​ണ് റ​ഹ്്‌​മ​ത്ത്, നൗ​ഫീ​ക്ക്, ര​ണ്ട​ര വ​യ​സു​കാ​രി സ​ഹ​റ എ​ന്ന​ിവ​രു​ടെ മൃ​ത​ദേ​ഹം റെ​യി​ൽ​വേ ട്രാ​ക്കി​ൽ​നി​ന്നു ക​ണ്ടെ​ത്തി​യ​ത്. ഒ​ന്പ​തു​പേ​ർ​ക്കു പൊ​ള്ള​ലേ​റ്റു. യാത്രക്കാർ കുറവായിരുന്നതാണ് ദു​ര​ന്ത​ത്തി​ന്‍റെ വ്യാ​പ്തി കു​റ​ച്ചത്.

യാ​തൊ​രു പ്ര​കോ​പ​ന​വു​മി​ല്ലാ​തെ യാ​ത്ര​ക്കാ​ർ​ക്കു​മേ​ൽ പെ​ട്രോ​ളൊ​ഴി​ച്ചു തീ ​കൊ​ളു​ത്തി​യ​തി​ന്‍റെ കാ​ര​ണം വ്യ​ക്ത​മാ​യി​ട്ടി​ല്ല. അ​ന്വേ​ഷ​ണ ഉ​ദ്യോ​ഗ​സ്ഥ​ർ തീ​വ്ര​സം​ഘ​ങ്ങ​ളെ​യും സം​ശ​യി​ക്കു​ന്നു​ണ്ട്. അ​ക്ര​മി​യെ​ന്നു സം​ശ​യി​ക്കു​ന്ന​യാ​ളി​ന്‍റെ രേ​ഖാ​ചി​ത്ര​വും പോ​ലീ​സ് പു​റ​ത്തു​വി​ട്ടു. സം​ഭ​വ​സ്ഥ​ല​ത്ത് ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ടെ​ത്തി​യ ബാ​ഗി​ൽ​നി​ന്ന് ര​ണ്ടു മൊ​ബൈ​ൽ ഫോ​ണു​ക​ൾ, അ​ര ലി​റ്റ​റോ​ളം പെ​ട്രോ​ൾ അ​ട​ങ്ങി​യ കു​പ്പി, ല​ഞ്ച് ബോ​ക്സ്, പാ​യ്ക്ക​റ്റ് ഭ​ക്ഷ​ണം, ഹി​ന്ദി​യി​ലും ഇം​ഗ്ലീ​ഷി​ലു​മെ​ഴു​തി​യ ബു​ക്ക് എ​ന്നി​വ ക​ണ്ടെ​ത്തി​യി​ട്ടു​ണ്ട്. സം​സ്ഥാ​ന പോ​ലീ​സും റെ​യി​ൽ​വേ പോ​ലീ​സും അ​ന്വേ​ഷ​ണം ഊ​ർ​ജി​ത​പ്പെ​ടു​ത്തി​യി​ട്ടു​ണ്ട്. കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​വും അ​ന്വേ​ഷ​ണ ഏ​ജ​ൻ​സി​ക​ളും തീ​വ്ര​വാ​ദ വി​രു​ദ്ധ സ്ക്വാ​ഡും വി​വ​ര​ങ്ങ​ൾ ശേ​ഖ​രി​ക്കു​ക​യും ചെ​യ്തി​ട്ടു​ണ്ട്.

അ​ക്ര​മി തീ​വ്ര​വാ​ദി​യാ​യാ​ലും മ​നോ​രോ​ഗി​യാ​യാ​ലും യാ​ത്ര​ക്കാ​രു​ടെ സു​ര​ക്ഷി​തത്വ​മാ​ണ് ചോ​ദ്യം ചെ​യ്യ​പ്പെ​ട്ട​ത്. ടി​ക്ക​റ്റ് എ​ടു​ത്തോ എ​ടു​ക്കാ​തെ​യോ ഏ​തൊ​രാ​ൾ​ക്കും ഏ​തു​നി​മി​ഷ​വും പെ​ട്രോ​ൾ ഉ​ൾ​പ്പെ​ടെ ട്രെ​യി​നി​ൽ നി​രോ​ധി​ച്ചി​രി​ക്കു​ന്ന വ​സ്തു​ക്ക​ളു​മാ​യി കം​പാ​ർ​ട്ട്മെ​ന്‍റി​ൽ പ്ര​വേ​ശി​ക്കാ​നും എ​ല​ത്തൂ​രി​ൽ സം​ഭ​വി​ച്ച​തു​പോ​ലെ​യു​ള്ള ആ​ക്ര​മ​ണ​ങ്ങ​ൾ ന​ട​ത്തി ര​ക്ഷ​പ്പെ​ടാ​നും സാ​ധി​ക്കു​മെ​ന്ന​ത് ട്രെ​യി​നു​ക​ളി​ലെ സു​ര​ക്ഷാ സം​വി​ധാ​ന​ങ്ങ​ളു​ടെ അ​പ​ര്യാ​പ്ത​ത​ക​ളി​ലേ​ക്കു വി​ര​ൽ ചൂ​ണ്ടു​ന്നു. അ​പ​ക​ട​ങ്ങ​ളോ ദു​ര​ന്ത​ങ്ങ​ളോ സം​ഭ​വി​ച്ച​യു​ട​നെ റെ​യി​ൽ​വേ​യും സ​ർ​ക്കാ​രും കാ​ണി​ക്കു​ന്ന അ​ന്വേ​ഷ​ണ​വും ജാ​ഗ്ര​ത​യു​മൊ​ന്നും പി​ന്നീ​ടു കാ​ണാ​റി​ല്ല. ട്രെ​യി​ൻ യാ​ത്ര​ക്കാ​രു​ടെ സു​ര​ക്ഷ​യെ​ക്കു​റി​ച്ച് ഏ​റെ വി​വാ​ദ​ങ്ങ​ൾ ഉ​ണ്ടാ​യി​ട്ടു​ണ്ട്. 3000 കോ​ടി രൂ​പ ചെ​ല​വി​ട്ട് 11,000 ട്രെ​യി​നു​ക​ളി​ലും 8,500 റെ​യി​ൽ​വേ സ്റ്റേ​ഷ​നു​ക​ളി​ലു​മാ​യി 12 ല​ക്ഷ​ത്തോ​ളം സി​സി​ടി​വി കാ​മ​റ​ക​ൾ സ്ഥാ​പി​ക്കു​മെ​ന്ന് 2018 ജ​നു​വ​രി​യി​ൽ റെ​യി​ൽ​വേ അ​റി​യി​ച്ചെ​ങ്കി​ലും അ​ഞ്ചു വ​ർ​ഷം ക​ഴി​ഞ്ഞി​ട്ടും പൂ​ർ​ണ​മാ​യി ന​ട​പ്പാ​യി​ട്ടി​ല്ല. ക​ഴി​ഞ്ഞ വ​ർ​ഷം, 2,930 കോ​ച്ചു​ക​ളി​ൽ സി​സി​ടി​വി​ക​ൾ സ്ഥാ​പി​ച്ചെ​ന്നാ​ണ് 2022 ഡി​സം​ബ​റി​ൽ റെ​യി​ൽ​വേ മ​ന്ത്രാ​ല​യം പാ​ർ​ല​മെ​ന്‍റി​നെ അ​റി​യി​ച്ച​ത്.

60,000-ത്തോ​ളം വ​രു​ന്ന എ​ല്ലാ കോ​ച്ചു​ക​ളു​ടെ​യും വാ​തി​ലു​ക​ളി​ലും ഇ​ട​നാ​ഴി​ക​ളി​ലും സി​സി​ടി​വി നി​രീ​ക്ഷ​ണം ഏ​ർ​പ്പെ​ടു​ത്താ​നും സ്വ​കാ​ര്യ​ത ലം​ഘി​ക്കു​ന്നി​ല്ലെ​ന്ന് ഉ​റ​പ്പാ​ക്കാ​നും റെ​യി​ൽ​വേ​യ്ക്ക് പ​ദ്ധ​തി​യു​ണ്ടെ​ന്നും വ്യ​ക്ത​മാ​ക്കി. ഇ​ന്‍റ​ർ​നെ​റ്റ് പ്രോ​ട്ടോ​ക്കോ​ൾ അ​ടി​സ്ഥാ​ന​മാ​ക്കി​യു​ള്ള സി​സി​ടി​വി​ക​ളി​ൽ മു​ഖം തി​രി​ച്ച​റി​യാ​നാ​കും. ട്രെ​യി​നി​ലെ ബ​ട്ട​ണ​മ​ർ​ത്തി യാ​ത്ര​ക്കാ​ർ​ക്ക് അ​ടു​ത്തു​ള്ള ​ആ​ർ​പി​എ​ഫ് പോ​സ്റ്റു​ക​ൾ, ഡി​വി​ഷ​ണ​ൽ, സോ​ണ​ൽ ആ​സ്ഥാ​ന​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ടാ​നു​മു​ള്ള സം​വി​ധാ​ന​ത്തെ​ക്കു​റി​ച്ചും പ​റ​ഞ്ഞി​രു​ന്നു. ഇ​തൊ​ക്കെ ഉണ്ടായിരുന്നെ​ങ്കി​ൽ കോ​ഴി​ക്കോ​ട്ടെ കു​റ്റ​വാ​ളി ഇ​പ്പോ​ൾ പി​ടി​യി​ലാ​കു​മാ​യി​രു​ന്നു. ഒ​രു​പ​ക്ഷേ, അ​ക്ര​മം ത​ന്നെ ഉ​ണ്ടാ​കു​മാ​യി​രു​ന്നി​ല്ല.

ആ​ക്ര​മ​ണ​ങ്ങ​ളും മ​ര​ണ​ങ്ങ​ളും ക​ഴി​യു​ന്പോ​ൾ ഉ​ണ്ടാ​കു​ന്ന അ​ന്വേ​ഷ​ണ​ങ്ങ​ളും മ​റ്റു പ്ര​ഖ്യാ​പ​ന​ങ്ങ​ളു​മൊ​ക്കെ സ്വാ​ഭാ​വി​ക​മാ​ണ്. പ​ക്ഷേ, അ​ത്ത​രം ദു​ര​ന്ത​ങ്ങ​ൾ സം​ഭ​വി​ക്കാ​തി​രി​ക്കാ​നു​ള്ള മു​ൻ​ക​രു​ത​ലു​ക​ളാ​ണ് പ്ര​തി​ബ​ദ്ധ​ത​യു​ള്ള സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്വം. ആ​ദ്യ​ത്തേ​ത് ന​ട​പ​ടി​ക്ര​മ​വും ര​ണ്ടാ​മ​ത്തേ​ത് ബു​ദ്ധി​പൂ​ർ​വ​മു​ള്ള ​ആ​സു​ത്ര​ണ​വു​മാ​ണ്. പ​ല​ത​വ​ണ പ്ര​ഖ്യാ​പി​ച്ച ആ​സൂ​ത്ര​ണ​ങ്ങ​ൾ ന​ട​പ്പാ​ക്കാ​നും യാ​ത്ര​ക്കാ​രെ അ​ക്ര​മി​ക​ൾ​ക്കു വി​ട്ടു​കൊ​ടു​ക്കാ​തി​രി​ക്കാ​നും കോ​ഴി​ക്കോ​ട് ദു​ര​ന്തം റെ​യി​ൽ​വേ​യെ​യും സ​ർ​ക്കാ​രി​നെ​യും ഓ​ർ​മി​പ്പി​ക്കു​ന്നു. ശു​ഭ​യാ​ത്ര എ​ഴു​തി​വ​ച്ചാ​ൽ​പോ​ര, ന​ട​പ്പാ​ക്ക​ണം.