രാ​ഷ്‌​ട്ര​ശ്രീ​യാ​യി വ​ള​ര​ട്ടെ കു​ടും​ബ​ശ്രീ
Wednesday, May 17, 2023 10:52 PM IST
സ്ത്രീ​ക​ളു​ടെ കൈ​യി​ൽ പ​ണ​മെ​ത്തു​ക​യും അ​തു​യ​ർ​ത്തി​യ ആ​ത്മാ​ഭി​മാ​ന​ത്താ​ൽ പു​രു​ഷ​നൊ​പ്പം ത​ല​യു​യ​ർ​ത്തി നി​ൽ​ക്കാ​ൻ വ​ലി​യൊ​രു വി​ഭാ​ഗം സ്ത്രീ​ക​ൾ​ക്കും ക​രു​ത്താ​കു​ക​യും ചെ​യ്ത കൂ​ട്ടാ​യ്മ​യാ​യാണ് കു​ടും​ബ​ശ്രീ. സ്ത്രീ​ക​ളു​ടെ അ​ക്കൗ​ണ്ടി​ലെ പ​ണം ഈ ​രാ​ജ്യ​ത്തെ ഏ​റ്റ​വും ഉ​ത്ത​ര​വാ​ദി​ത്വ​മു​ള്ള​തും അ​ഴി​മ​തി​ര​ഹി​ത​വു​മാ​യ ഫ​ണ്ടാ​ണെ​ന്ന യാ​ഥാ​ർ​ഥ്യം ഈ ​പ്ര​സ്ഥാ​നം അ​ടി​വ​ര​യി​ട്ട് ഉ​റ​പ്പി​ച്ചു.

25 വ​ർ​ഷംകൊ​ണ്ട് കേ​ര​ള​ത്തി​ലെ സ്ത്രീ​ക​ളു​ടെ സാ​ന്പ​ത്തി​ക സ്വാ​ത​ന്ത്ര്യ​ത്തി​ന്‍റെ​യും ആ​ത്മാ​ഭി​മാ​ന​ത്തി​ന്‍റെ​യും ന​ട്ടെ​ല്ലാ​യി മാ​റി​യ കു​ടും​ബ​ശ്രീ ഇ​നി​യെ​ക്കാ​ല​വും ഇ​വി​ടെ​യു​ണ്ടാ​ക​ണം. സ്ത്രീ​ക​ളെ മാ​ത്ര​മ​ല്ല, കു​ടും​ബ​ങ്ങ​ളെ​യും ശ​ക്തീ​ക​രി​ച്ച ഈ ​കൂ​ട്ടാ​യ്മ രാ​ജ്യ​ത്തി​നു മാ​തൃ​ക​യാ​യി​ക്ക​ഴി​ഞ്ഞു. സാ​ന്പ​ത്തി​ക​മാ​യ സ്വാ​ശ്ര​യ​ത്വം വ്യ​ക്തിശ​ക്തീ​ക​ര​ണ​ത്തി​ന്‍റെ മു​ഖ്യ​മാ​യ ഭൗ​തി​കഘ​ട​ക​മാ​ണെ​ങ്കി​ൽ അ​തു ന​ൽ​കാ​ൻ കു​ടും​ബ​ശ്രീ കൂ​ട്ടാ​യ്മ​ക​ൾ​ക്കു സാ​ധി​ച്ചി​ട്ടു​ണ്ട്. അ​വ​ശ്യ​സ​മ​യ​ത്ത് കേ​ര​ള​ത്തി​നു വി​ശ്വ​സി​ക്കാ​വു​ന്ന സാ​മൂ​ഹി​ക-​ജീ​വ​കാ​രു​ണ്യ​ സൈ​ന്യ​മാ​യും ഈ ​വ​നി​ത​ക​ൾ നി​ല​യു​റ​പ്പി​ച്ചി​ട്ടു​ണ്ട്.

ജ​ന​പ​ങ്കാ​ളി​ത്ത​ത്തോ​ടെ​യു​ള്ള മി​ക​ച്ച ജ​ന​സേ​വ​ന പ​രി​പാ​ടി​ക്ക് കോ​മ​ണ്‍​വെ​ല്‍​ത്ത് അ​സോസി​യേ​ഷ​ന്‍ ഫോ​ര്‍ പ​ബ്ലി​ക് അ​ഡ്മി​നി​സ്ട്രേ​ഷ​ന്‍ ആ​ന്‍ഡ് മാ​നേ​ജ്മെ​ന്‍റി​ന്‍റെ അ​ന്താ​രാ​ഷ്‌ട്ര സു​വ​ര്‍​ണ പു​ര​സ്കാ​ര​ത്തി​ന് കു​ടും​ബ​ശ്രീ അ​ർ​ഹ​മാ​യി. 119 രാ​ജ്യ​ങ്ങ​ളി​ല്‍നി​ന്നു​ള്ള എ​ന്‍​ട്രി​ക​ളോ​ടു മ​ത്സ​രി​ച്ചാ​ണ് ഈ ​നേ​ട്ടം കൈ​വ​രി​ച്ച​ത്.

1998 മേ​യ് 17ന് ​ത​ദ്ദേ​ശ സ്വ​യം​ഭ​ര​ണ വ​കു​പ്പ് ദാ​രി​ദ്ര്യ​നി​ർ​മാ​ർ​ജ​ന മി​ഷ​ന്‍റെ ഭാ​ഗ​മാ​യി ആ​വി​ഷ്ക​രി​ച്ച പ്ര​സ്ഥാ​ന​മാ​ണ് കു​ടും​ബ​ശ്രീ. ജ​ന​കീ​യാ​സൂ​ത്ര​ണ​ത്തി​ന്‍റെ തു​ട​ർ​ച്ച​യാ​യി​രു​ന്നു അ​ത്.

25 വ​ർ​ഷം പി​ന്നി​ട്ട​പ്പോ​ഴേ​ക്കും ഈ ​കൂ​ട്ടാ​യ്മ​യി​ല്ലാ​ത്തൊ​രു ഗ്രാ​മീ​ണജീ​വി​ത​ത്തെ​ക്കു​റി​ച്ച് ചി​ന്തി​ക്കാ​നാ​വാ​ത്ത​വി​ധം കേ​ര​ളം മാ​റി​ക്ക​ഴി​ഞ്ഞു. ആ​ല​പ്പു​ഴ​യി​ലും മ​ല​പ്പു​റ​ത്തും ന​ട​പ്പാ​ക്കി​യ ക​മ്യൂ​ണി​റ്റി ഡെ​വ​ല​പ്മെ​ന്‍റ് സൊ​സൈ​റ്റി​ക​ളെ അ​ടി​സ്ഥാ​ന​മാ​ക്കി​യ സം​ഘ​ട​ന​യു​ടെ ഉ​ദ്ഘാ​ട​നം നി​ർ​വ​ഹി​ച്ച​ത് പ്ര​ധാ​ന​മ​ന്ത്രി​യാ​യി​രു​ന്ന അ​ട​ൽ ബി​ഹാ​രി വാ​ജ്പേ​യി​യാ​ണ്. ന​ബാ​ർ​ഡി​ന്‍റെ സ​ഹാ​യ​ത്തോ​ടെ​യാ​ണ് കേ​ര​ള സ​ർ​ക്കാ​ർ ഈ ​പ​ദ്ധ​തി​ക്കു തു​ട​ക്ക​മി​ട്ട​ത്. 10 മു​ത​ൽ 20 വ​രെ സ്ത്രീ​ക​ൾ അം​ഗ​ങ്ങ​ളാ​യ അ​യ​ൽ​ക്കൂ​ട്ട​ങ്ങ​ളാ​ണ് പ്രാ​ഥ​മി​ക​ത​ലം. അ​വ​യെ ഉ​ൾ​പ്പെ​ടു​ത്തി​യു​ള്ള ഏ​രി​യ ഡെ​വ​ല​പ്‌​മെ​ന്‍റ് സൊ​സൈ​റ്റി​ക​ളും (എ​ഡി​എ​സ്) എ​ഡി​എ​സു​ക​ൾ ചേ​ർ​ന്ന് ക​മ്യൂ​ണി​റ്റി ഡെ​വ​ല​പ്‌​മെ​ന്‍റ് സൊ​സൈ​റ്റി​ക​ളും (സി​ഡി​എ​സ്) ഉ​ൾ​പ്പെ​ടു​ന്ന ത്രി​ത​ല സം​ഘ​ട​നാ സം​വി​ധാ​ന​മാ​ണ് കു​ടും​ബ​ശ്രീ​ക്കു​ള്ള​ത്.

ശാ​ന്ത​മാ​യ തു​ട​ക്ക​നാ​ളു​ക​ൾ പി​ന്നി​ട്ട് കേ​ര​ള​ത്തി​ലെ സാ​ന്പ​ത്തി​കവി​പ്ല​വ​മാ​യി അ​തു​മാ​റി. 46.16 ല​ക്ഷം അം​ഗ​ങ്ങ​ൾ കു​ടും​ബ​ശ്രീ​യി​ലു​ണ്ട്. 1,08,464 സം​രം​ഭ​ങ്ങ​ളി​ലാ​യി 12 ല​ക്ഷം പേ​ർ വി​വി​ധ തൊ​ഴി​ലു​ക​ളി​ൽ ഏ​ർ​പ്പെ​ട്ടി​രി​ക്കു​ന്നു. ആ​റു ല​ക്ഷം പേ​ർ നേ​തൃപ​ദ​വി​ക​ളി​ലു​ണ്ട്. കു​ടും​ബ​ശ്രീ കാ​ന്‍റീ​നു​ക​ളി​ലും മോ​ട്ടോ​ർ വാ​ഹ​ന വ​കു​പ്പി​ന്‍റെ ഇ-​സേ​വാ കേ​ന്ദ്ര​ങ്ങ​ളി​ലും ജ​ന​കീ​യ ഹോ​ട്ട​ലു​ക​ളി​ലും സ്വ​യംതൊ​ഴി​ൽ-​സ്വാ​ശ്ര​യ യൂ​ണി​റ്റു​ക​ൾ എ​ന്നി​വി​ട​ങ്ങ​ളി​ലും മാ​ത്ര​മ​ല്ല, കൊ​ച്ചി മെ​ട്രോ​യി​ലും വാ​ട്ട​ർ മെ​ട്രോ​യി​ലും വ​രെ കു​ടും​ബ​ശ്രീ വ​നി​ത​ക​ൾ ത​ങ്ങ​ളു​ടെ സാ​ന്നി​ധ്യ​മ​റി​യി​ച്ചു. കൊ​ച്ചി മെ​ട്രോ​യി​ൽ 555 പേ​രും വാ​ട്ട​ർ മെ​ട്രോ​യി​ൽ 30 പേ​രും ജോ​ലി ചെ​യ്യു​ന്നു​ണ്ട്.

സ്ത്രീ​ക​ളു​ടെ കൈ​യി​ൽ പ​ണ​മെ​ത്തു​ക​യും അ​തു​യ​ർ​ത്തി​യ ആ​ത്മാ​ഭി​മാ​ന​ത്താ​ൽ പു​രു​ഷ​നൊ​പ്പം ത​ല​യു​യ​ർ​ത്തി നി​ൽ​ക്കാ​ൻ വ​ലി​യൊ​രു വി​ഭാ​ഗം സ്ത്രീ​ക​ൾ​ക്കും ക​രു​ത്താ​കു​ക​യും ചെ​യ്ത കൂ​ട്ടാ​യ്മ​യാ​യാണ് കു​ടും​ബ​ശ്രീ. സ്ത്രീ​ക​ളു​ടെ അ​ക്കൗ​ണ്ടി​ലെ പ​ണം ഈ ​രാ​ജ്യ​ത്തെ ഏ​റ്റ​വും ഉ​ത്ത​ര​വാ​ദി​ത്വ​മു​ള്ള​തും അ​ഴി​മ​തി​ര​ഹി​ത​വു​മാ​യ ഫ​ണ്ടാ​ണെ​ന്ന യാ​ഥാ​ർ​ഥ്യം ഈ ​പ്ര​സ്ഥാ​നം അ​ടി​വ​ര​യി​ട്ട് ഉ​റ​പ്പി​ച്ചു. കി​ട്ടി​യ കാ​ശൊ​ക്കെ ഇ​ട​വ​ഴി ക​യ​റാ​തെ വീ​ടു​ക​ളി​ലെ​ത്തി. അ​ധ്വാ​നി​ച്ചു​ണ്ടാ​ക്കി​യ പ​ണം മ​ദ്യ​ശാ​ല​ക​ളി​ലേ​ക്കോ മ​യ​ക്കു​മ​രു​ന്നാ​വ​ശ്യ​ത്തി​നോ പോ​യി​ല്ല. സം​ഘ​ട​നാ പ​രി​പാ​ടി​ക​ളി​ലൂ​ടെ സാ​മൂ​ഹി​ക പ്ര​വ​ർ​ത്ത​ന​ത്തി​ലും നേ​തൃ​നി​ര​യി​ലേ​ക്കും നി​ര​വ​ധി സ്ത്രീ​ക​ൾ കു​തി​ച്ചു​ക​യ​റി. നി​ര​വ​ധി പേ​ർ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലു​ൾ​പ്പെ​ടെ സ്ഥാ​നാ​ർ​ഥി​ക​ളും അ​ധി​കാ​രി​ക​ളു​മാ​യി. പ​ഞ്ചാ​യ​ത്തു​ക​ളി​ലും ഗ്രാ​മ​സ​ഭ​ക​ളി​ലും ചോ​ദ്യ​ങ്ങ​ൾ ചോ​ദി​ക്കാ​നും ചോ​ദ്യംചെ​യ്യാ​നും മ​ടി​യി​ല്ലാ​ത്ത വ​നി​ത​ക​ളു​ടെ എ​ണ്ണം കൂ​ടി. അ​ങ്ങ​നെ, നൂ​റ്റാ​ണ്ടു​ക​ളാ​യി പു​രു​ഷ​ന്‍റെ നി​ഴ​ലി​ൽ മ​ങ്ങി​യ വ്യ​ക്തി​ത്വ​വു​മാ​യി ക​ഴി​ഞ്ഞി​രു​ന്ന സ്ത്രീ​ക​ളെ പു​റ​ത്തെ​ത്തി​ക്കാ​നും വ്യ​ക്തി ജീ​വി​ത​ത്തി​ലും കു​ടും​ബ​ത്തി​ലും സ​മൂ​ഹ​ത്തി​ലും രാ​ഷ്‌​ട്ര​നി​ർ​മി​തി​യി​ലും മു​ൻ​നി​ര​യി​ലെ​ത്തി​ക്കാ​നും കു​ടു​ംബ​ശ്രീ ചാ​ല​ക​ശ​ക്തി​യാ​യി.

ചെ​റി​യ സ​ന്പാ​ദ്യ​ങ്ങ​ളെ പ്രോ​ത്സാ​ഹി​പ്പി​ക്കു​ക​യും വാ​യ്പ​ക​ൾ ല​ഭ്യ​മാ​ക്കു​ക​യും ചെ​യ്ത മൈ​ക്രോ ഫി​നാ​ൻ​സ് പ​ദ്ധ​തി പ്രാ​ദേ​ശി​ക ബാ​ങ്കു​ക​ളാ​യി. മ​ന്ത്രി എം.​ബി. രാ​ജേ​ഷ് പ​റ​ഞ്ഞ​ത​നു​സ​രി​ച്ച്, 8,029.47 കോ​ടി രൂ​പ​യു​ടെ നി​ക്ഷേ​പം അ​യ​ൽ​ക്കൂ​ട്ട​ങ്ങ​ളു​ടേ​താ​യി സം​സ്ഥാ​ന​ത്തെ ബാ​ങ്കു​ക​ളി​ലു​ണ്ട്. പ്ര​ള​യ​ത്തി​ന്‍റെ​യും കോ​വി​ഡ് മ​ഹാ​മാ​രി​യു​ടെ​യും കാ​ല​ത്ത് അ​വ​ർ കേ​ര​ള​ത്തി​ന്‍റെ സാ​മൂ​ഹി​കസേ​വ​നരം​ഗ​ത്തും മു​ദ്ര പ​തി​പ്പി​ച്ചു.

സ​ഹ​ക​ര​ണ​സം​ഘ​ങ്ങ​ൾ ഉ​ൾ​പ്പെ​ടെ നാ​ട്ടി​ലെ ഏ​തൊ​രു മു​ന്നേ​റ്റ​ത്തെ​യും വി​ഴു​ങ്ങു​ന്ന രാ​ഷ്‌​ട്രീ​യം കു​ടും​ബ​ശ്രീ​യെ​യും ത​ക​ർ​ക്കു​മോ​യെ​ന്ന ആ​ശ​ങ്ക അ​സ്ഥാ​ന​ത്ത​ല്ല. ഇ​ത് ഒ​രു പാ​ർ​ട്ടി​യു​ടെ​യും പോ​ഷ​ക​സം​ഘ​ട​ന​യ​ല്ല. പാ​ർ​ട്ടി സ​മ്മേ​ള​ന​ങ്ങ​ളി​ലും പ്ര​ക​ട​ന​ങ്ങ​ളി​ലും എ​ണ്ണം തി​ക​യ്ക്കാ​ൻ കു​ടും​ബ​ശ്രീ അം​ഗ​ങ്ങ​ളെ നി​ർ​ബ​ന്ധി​ക്കു​ന്ന വാ​ർ​ത്ത​ക​ൾ പു​റ​ത്തു​വ​ന്നി​ട്ടു​ണ്ട്. സ്വാ​ത​ന്ത്ര്യ​ത്തി​ന്‍റെ ശു​ദ്ധ​വാ​യു ശ്വ​സി​ച്ചുതു​ട​ങ്ങി​യ വ​നി​താ മു​ന്നേ​റ്റ​ത്തെ പാ​ർ​ട്ടി​ത്തൊ​ഴു​ത്തു​ക​ളി​ൽ കെ​ട്ടി​യി​ടാ​നു​ള്ള ​ശ്ര​മം ആ​രു​ടെ ഭാ​ഗ​ത്തു​നി​ന്നാ​യാ​ലും പി​ന്തി​രി​പ്പ​ൻ ന​ട​പ​ടി​യാ​ണ്. രാ​ഷ്‌​ട്ര​ശ്രീ​യാ​കേ​ണ്ട പ്ര​സ്ഥാ​ന​ത്തെ പാ​ർ​ട്ടി​ശ്രീ​യാ​ക്ക​രു​ത്.
Copyright @ 2022 , Rashtra Deepika Ltd.