വൈക്കത്തെ വിളക്ക് പയ്യന്നൂരിൽ നിലത്തുവച്ചോ
Wednesday, September 20, 2023 10:42 PM IST
ജാ​തി​വി​വേ​ച​ന​മ​ല്ല, ആ​ചാ​ര​മാ​ണെ​ന്നു പ​റ​ഞ്ഞ് സം​ഭ​വ​ത്തെ ന്യാ​യീ​ക​രി​ക്കാ​നു​ള്ള ശ്ര​മ​ങ്ങ​ളാ​ണ് ന​ട​ക്കു​ന്ന​ത്. ഇ​ത്ത​രം ആ​ചാ​ര​ങ്ങ​ളെ ചെ​റു​ക്കാ​നാ​ണ് 1924ൽ ​കീ​ഴ്ജാ​തി​ക്കാ​ർ​ക്കും ക്ഷേ​ത്ര​വ​ഴി​ക​ളി​ൽ സ​ഞ്ചാ​ര സ്വാ​ത​ന്ത്ര്യം ന​ൽ​ക​ണ​മെ​ന്നാ​വ​ശ്യ​പ്പെ​ട്ടു വൈ​ക്കം സ​ത്യ​ഗ്ര​ഹം ന​ട​ത്തി​യ​ത്.

ജാ​തി​വി​വേ​ച​ന​ത്തി​നെ​തി​രേ ന​ട​ത്തി​യ വൈ​ക്കം സ​ത്യ​ഗ്ര​ഹ​ത്തി​ന്‍റെ 100-ാം വാ​ർ​ഷി​കം ആ​ച​രി​ക്കു​ക​യും ആ​ഘോ​ഷി​ക്കു​ക​യും ചെ​യ്യു​ന്ന​തി​നി​ടെ മ​ന്ത്രി​യു​ടെ ക​യ്യി​ലേ​ക്കൊ​രു ദീ​പം കൈ​മാ​റാ​ൻ ജാ​തി ചി​ന്ത ആ​രെ​യെ​ങ്കി​ലും ത​ട​യു​ന്നു​ണ്ടെ​ങ്കി​ൽ ഹാ, ​ക​ഷ്ടം! വൈ​ക്ക​ത്ത് സ​ത്യ​ഗ്ര​ഹ​ത്തി​നെ​ത്തി​യ മ​ഹാ​ത്മാ​ഗാ​ന്ധി​യെ ജാ​തി ചി​ന്ത​യാ​ൽ വി​ളി​പ്പാ​ട​ക​ലെ നി​ർ​ത്തി​യ, വൈ​ക്ക​ത്തെ ഇ​ണ്ടം​തു​രു​ത്തി മ​ന​യു​ടെ ദു​ർ​ഭൂ​തം അ​വ​രി​ലു​ണ്ടെ​ന്നു തി​രി​ച്ച​റി​യാ​നും അ​വ​രി​ൽ മാ​ത്ര​മേ​യു​ള്ളോ​യെ​ന്ന് ആ​ത്മ​പ​രി​ശോ​ധ​ന ന​ട​ത്താ​നും വൈ​ക​ണ്ട. ല​ജ്ജ​യാ​ൽ ത​ല കു​നി​ക്കു​ക​യ​ല്ല, പ​രി​ഹ​രി​ക്കാ​ൻ നാം ​ത​ല​പു​ക​ഞ്ഞാ​ലോ​ചി​ക്കു​ക​യാ​ണു വേ​ണ്ട​ത്. കാ​ര​ണം, വൈ​ക്ക​ത്തു കൊ​ളു​ത്തി​യ വി​ള​ക്കാ​ണ് നാം ​പ​യ്യ​ന്നൂ​രി​ൽ നി​ല​ത്തു​പേ​ക്ഷി​ച്ച​ത്.

സം​ഭ​വം ന​ട​ന്ന​ത് ജ​നു​വ​രി 26ന് ​ഇ​ന്ത്യ റി​പ്പ​ബ്ലി​ക് ആ​യ​തി​ന്‍റെ ഓ​ർ​മ​ദി​ന​ത്തി​ലാ​ണ്. പ​യ്യ​ന്നൂ​ർ ന​ന്പ്യാ​ത്ര​യി​ൽ ദേ​വ​സ്വം ബോ​ർ​ഡി​ന്‍റെ കീ​ഴി​ലു​ള്ള ക്ഷേ​ത്ര​ത്തി​ന്‍റെ ന​ട​പ്പ​ന്ത​ൽ ഉ​ദ്ഘാ​ട​ന​ത്തി​ന് എ​ത്തി​യ​പ്പോ​ഴാ​ണ് ദേ​വ​സ്വം, പി​ന്നാ​ക്ക ക്ഷേ​മം, പാ​ർ​ല​മെ​ന്‍റ​റി​കാ​ര്യം വ​കു​പ്പു​ക​ൾ ക​യ്യാ​ളു​ന്ന മ​ന്ത്രി കെ. ​രാ​ധാ​കൃ​ഷ്ണ​ന് ജാ​തി​വി​വേ​ച​ന​ത്തി​ന്‍റെ തി​ക്താ​നു​ഭ​വ​മു​ണ്ടാ​യ​ത്. ന​ട​പ്പ​ന്ത​ൽ ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് പൂ​ജാ​രി​മാ​രാ​ണ് ആ​ദ്യം നി​ല​വി​ള​ക്കു കൊ​ളു​ത്തി​യ​ത്. തു​ട​ർ​ന്നു ദീ​പം മ​ന്ത്രി​ക്കു കൈ​മാ​റാ​ൻ പൂ​ജാ​രി പ​റ​ഞ്ഞ​പ്പോ​ൾ സ​ഹ​പൂ​ജാ​രി അ​തു നി​ല​ത്തു​വ​ച്ചു.

നി​ല​ത്തു​നി​ന്നു ദീ​പ​മെ​ടു​ത്തു നി​ല​വി​ള​ക്കു കൊ​ളു​ത്താ​ൻ മ​ന്ത്രി ത​യാ​റാ​യി​ല്ല. ഇ​തോ​ടെ ക്ഷേ​ത്രം എ​ക്സി​ക്യൂ​ട്ടീ​വ് ഓ​ഫീ​സ​ർ ബീ​ന ദീ​പം എ​ടു​ത്ത് മ​ന്ത്രി​ക്കു കൊ​ടു​ക്കാ​ൻ ശ്ര​മി​ച്ചെ​ങ്കി​ലും അ​ദ്ദേ​ഹം നി​ര​സി​ച്ചു. കൂ​ടെ​യു​ണ്ടാ​യി​രു​ന്ന പ​യ്യ​ന്നൂ​ർ എം​എ​ൽ​എ ടി.​ഐ. മ​ധു​സൂ​ദ​ന​നും ദീ​പം വാ​ങ്ങി​യി​ല്ല. തു​ട​ർ​ന്നു ന​ട​ത്തി​യ പ്ര​സം​ഗ​ത്തി​ൽ ചെ​റു​പ്പം മു​ത​ൽ താ​ൻ ജാ​തി​വി​വേ​ച​നം അ​നു​ഭ​വി​ച്ചി​ട്ടു​ണ്ടെ​ന്നും അ​തു​കൊ​ണ്ടാ​ണ് ദീ​പം നി​ല​ത്തു​നി​ന്നെ​ടു​ത്ത് വി​ള​ക്ക് കൊ​ളു​ത്താ​തി​രു​ന്ന​തെ​ന്നും മ​ന്ത്രി തു​റ​ന്നു പ​റ​ഞ്ഞു. പ​ക്ഷേ, ഏ​ഴു മാ​സ​ത്തി​നു​ശേ​ഷം മ​ന്ത്രി കോ​ട്ട​യ​ത്ത് വേ​ല​ൻ സൊ​സൈ​റ്റി സം​സ്ഥാ​ന സ​മ്മേ​ള​ന​ത്തി​ൽ പ്ര​സം​ഗി​ക്ക​വേ ആ​വ​ർ​ത്തി​ച്ചു പ​റ​ഞ്ഞ​പ്പോ​ഴാ​ണ് സം​ഭ​വം വാ​ർ​ത്ത​യാ​കു​ക​യും കേ​ര​ളം ച​ർ​ച്ച ചെ​യ്യു​ക​യും ചെ​യ്ത​ത്.

ത​നി​ക്ക് അ​യി​ത്ത​മു​ണ്ടെ​ങ്കി​ലും താ​ൻ ത​രു​ന്ന പ​ണ​ത്തി​ന് അ​യി​ത്ത​മി​ല്ല​ല്ലോ​യെ​ന്ന് ആ ​വേ​ദി​യി​ൽ പൂ​ജാ​രി​യെ ഇ​രു​ത്തി​ക്കൊ​ണ്ടു​ത​ന്നെ പ​റ​ഞ്ഞെ​ന്ന് മ​ന്ത്രി കോ​ട്ട​യ​ത്ത് വ്യ​ക്ത​മാ​ക്കി. ദ​ളി​ത​ർ​ക്കും ആ​ദി​വാ​സി​ക​ൾ​ക്കും അ​യി​ത്തം ക​ൽ​പ്പി​ക്കു​ക​യും അ​വ​രു​ടെ കൃ​ഷി​യു​ത്പ​ന്ന​ങ്ങ​ൾ ഉ​ൾ​പ്പെ​ടെ​യു​ള്ള അ​ധ്വാ​ന​ഫ​ല​ങ്ങ​ൾ ഉ​ളു​പ്പി​ല്ലാ​തെ ഭ​ക്ഷി​ക്കു​ക​യും ചെ​യ്തി​രു​ന്ന സ​വ​ർ​ണ കാ​പ​ട്യ​ത്തി​ന്‍റെ ഫോ​സി​ലു​ക​ള​ല്ല , ആ ​കാ​പ​ട്യം ത​ന്നെ​യാ​ണ് ക​ൺ​മു​ന്നി​ലു​ള്ള​തെ​ന്നു തി​രി​ച്ച​റി​യു​ന്പോ​ഴാ​ണ് നാം ​ന​ടു​ങ്ങി​പ്പോ​കു​ന്ന​ത്. ദേ​വ​പൂ​ജ ക​ഴി​യു​വോ​ളം ആ​രെ​യും തൊ​ട​രു​ത് എ​ന്ന​തി​നാ​ലാ​ണ് അ​പ്ര​കാ​രം ചെ​യ്ത​തെ​ന്നാ​ണ് ന്യാ​യ​ങ്ങ​ളി​ലൊ​ന്ന്. എ​ങ്കി​ൽ പി​ന്നെ പൂ​ജാ​രി പു​റ​ത്തി​റ​ങ്ങി​യ​തെ​ന്തി​നാ​ണെ​ന്നും ജ​ന​ങ്ങ​ളെ തൊ​ട്ട​തി​നാ​ൽ അ​ന്പ​ലം മു​ഴു​വ​ൻ ശു​ദ്ധി​ക​ല​ശം ന​ട​ത്ത​ണ്ടേ എ​ന്നു​മാ​ണ് മ​ന്ത്രി തി​രി​ച്ചു ചോ​ദി​ച്ച​ത്. ജാ​തി​വി​വേ​ച​ന​മ​ല്ല, ആ​ചാ​ര​മാ​ണെ​ന്നു പ​റ​ഞ്ഞ് സം​ഭ​വ​ത്തെ ന്യാ​യീ​ക​രി​ക്കാ​നു​ള്ള ശ്ര​മ​ങ്ങ​ളാ​ണ് ന​ട​ക്കു​ന്ന​ത്.

ഇ​ത്ത​രം ആ​ചാ​ര​ങ്ങ​ളെ ചെ​റു​ക്കാ​നാ​ണ് 1924ൽ ​കീ​ഴ്ജാ​തി​ക്കാ​ർ​ക്കും ക്ഷേ​ത്ര​വ​ഴി​ക​ളി​ൽ സ​ഞ്ചാ​ര സ്വാ​ത​ന്ത്ര്യം ന​ൽ​ക​ണ​മെ​ന്നാ​വ​ശ്യ​പ്പെ​ട്ടു വൈ​ക്കം സ​ത്യ​ഗ്ര​ഹം ന​ട​ത്തി​യ​ത്. അ​ത്ത​രം ആ​ചാ​ര​ങ്ങ​ളെ വെ​ല്ലു​വി​ളി​ച്ചു​കൊ​ണ്ടാ​ണ്, അ​തി​നും എ​ട്ടു പ​തി​റ്റാ​ണ്ടോ​ളം മു​ന്പ് 1846ൽ ​മാ​ന്നാ​ന​ത്ത് കേ​ര​ള​ത്തി​ലെ ആ​ദ്യ​ത്തെ സം​സ്കൃ​ത സ്കൂ​ളും 1864ൽ ​ആ​ദ്യ​ത്തെ മ​ല​യാ​ളം പ​ള്ളി​ക്കൂ​ട​വും തു​റ​ന്ന ചാ​വ​റ​യ​ച്ച​ൻ അ​സ്പൃ​ശ്യ​രെ​ന്നു ചാ​പ്പ​യ​ടി​ക്ക​പ്പെ​ട്ട​വ​ർ ഉ​ൾ​പ്പെ​ടെ ജാ​തി-​മ​ത​ഭേ​ദ​മെ​ന്യേ കു​ട്ടി​ക​ളെ ഒ​ന്നി​ച്ചി​രു​ത്തി പ​ഠി​പ്പി​ച്ച​ത്. വ​ർ​ഷം 177 ക​ഴി​ഞ്ഞു. ഇ​പ്പോ​ഴും ജീ​ർ​ണ​ത​യെ ന്യാ​യീ​ക​രി​ക്കാ​ൻ ആ​ചാ​ര​ങ്ങ​ളു​ടെ ചി​റ​കെ​ട്ടി നാം ​മ​നു​ഷ്യ​ത്വ​ത്തി​ന്‍റെ​യും സാ​ഹോ​ദ​ര്യ​ത്തി​ന്‍റെ​യും കാ​ല​പ്ര​വാ​ഹ​ത്തെ ത​ട​യാ​ൻ ശ്ര​മി​ക്കു​ക​യാ​ണ്.

സി​പി​എ​മ്മി​നു വ​ൻ​സ്വാ​ധീ​ന​മു​ള്ള ക​ണ്ണൂ​രി​ൽ ന​ട​ന്ന സം​ഭ​വം പാ​ർ​ട്ടി​പോ​ലും ഗൗ​ര​വ​ത്തി​ലെ​ടു​ത്തി​ല്ല. വി​പ്ല​വ മു​ദ്രാ​വാ​ക്യ​ങ്ങ​ൾ നാ​വി​ലും രാ​ഷ്‌​ട്രീ​യ തി​രി​ച്ച​ടി​ക​ളെ​ക്കു​റി​ച്ചു​ള്ള വേ​വ​ലാ​തി നെ​ഞ്ചി​ലും പേ​റി തെ​ര​ഞ്ഞെ​ടു​പ്പു രാ​ഷ്‌​ട്രീ​യ​ത്തി​ന്‍റെ നാ​ൽ​ക്ക​വ​ല​യി​ൽ എ​വി​ടേ​ക്കു തി​രി​യാ​നും ത​യാ​റാ​യി നി​ൽ​ക്കു​ന്ന​വ​രേ നി​ങ്ങ​ൾ​ക്കും ഒ​ഴി​വാ​കാ​നാ​കി​ല്ല ഈ ​സ​വ​ർ​ണ മ​നോ​ഭാ​വ​ത്തി​ന്‍റെ പ​ടു​തി​രി​ക​ൾ കെ​ടാ​തെ സൂ​ക്ഷി​ച്ച​തി​ന്‍റെ ഉ​ത്ത​ര​വാ​ദി​ത്വ​ത്തി​ൽ​നി​ന്ന്. ജാ​തി​യും മ​ത​വും നി​റ​വു​മൊ​ക്കെ കൂ​ട്ടി​ക്കി​ഴി​ച്ച് പ​ഞ്ചാ​യ​ത്തി​ൽ പോ​ലും സ്ഥാ​നാ​ർ​ഥി​യെ നി​ശ്ച​യി​ക്കു​ന്ന രാ​ഷ്‌​ട്രീ​യ പാ​ർ​ട്ടി​ക​ൾ ഏ​തു വ​കു​പ്പി​ലാ​ണ് പു​രോ​ഗ​മ​ന പ്ര​സ്ഥാ​ന​ങ്ങ​ളെ​ന്നു സ്വ​യം വി​ളി​ക്കു​ന്ന​ത്? വേ​ദി​ക​ളി​ലെ ജാ​തി​വി​രു​ദ്ധ പ്ര​സം​ഗ​ങ്ങ​ൾ​ക്ക​പ്പു​റം പ്ര​വ​ർ​ത്തി​ച്ചു​കാ​ണി​ക്കാ​ൻ ഇ​നി​യു​മു​ണ്ടേ​റെ.

അ​വി​ടെ​യും തീ​രു​ന്നി​ല്ല സ​വ​ർ​ണ ചി​ന്ത​യു​ടെ നാ​ണം​കെ​ട്ട പാ​ര​ന്പ​ര്യ​ബാ​ക്കി. മ​ത​ങ്ങ​ളി​ലെ ജാ​തി​ചി​ന്ത​യു​ടെ ഏ​റ്റ​ക്കു​റ​ച്ചി​ലി​നെ​ക്കു​റി​ച്ച് ത​ർ​ക്ക​മു​ണ്ടാ​യേ​ക്കാം. പ​ക്ഷേ, ഏ​തെ​ങ്കി​ലു​മൊ​രു മ​ത​ത്തി​ന്‍റെ മാ​ത്രം ചു​മ​ലി​ലൊ​തു​ങ്ങു​ന്നത​ല്ല, ഈ ​ഹീ​ന​ചി​ന്ത​യെ​ന്നു​കൂ​ടി പ​റ​യേ​ണ്ടി​വ​രും.

സ​വ​ർ​ണ​ചി​ന്ത​യെ​ന്ന മി​ഥ്യാ​ഭി​മാ​ന​ത്തി​ന്‍റെ ഇ​നി​യും ദ്ര​വി​ക്കാ​ത്ത പാ​ശം​കെ​ട്ടി കാ​ല​ത്തെ പി​ന്നോ​ട്ടു വ​ലി​ക്കാ​ൻ ശ്ര​മി​ക്കു​ന്ന​വ​ർ വി​വി​ധ ആ​രാ​ധ​നാ​ല​യ​ങ്ങ​ളി​ലും കൊ​ട്ടാ​ര​ങ്ങ​ളി​ലും കു​ടി​ലു​ക​ളി​ലും വാ​ഴു​ന്നു​ണ്ട്. കേ​ര​ള​ത്തി​ന​പ്പു​റ​ത്തു​ള്ള സ​ക​ല സം​സ്ഥാ​ന​ങ്ങ​ളെ​യും ജാ​തി​വി​വേ​ച​ന​ത്തി​ന്‍റെ പേ​രി​ൽ പ്ര​തി​ക്കൂ​ട്ടി​ൽ നി​ർ​ത്തു​ന്ന​വ​ർ സാ​ഹോ​ദ​ര്യ​ത്തി​ന്‍റെ മ​ഹാ​സാ​ഗ​ര​ത്തി​ൽ മു​ങ്ങി​ക്കു​ളി​ച്ച് ആ​ദ്യം ജാ​ത്യാ​ഭി​മാ​ന​ത്തി​ന്‍റെ അ​ഴു​ക്കു നീ​ക്ക​ട്ടെ. എ​ന്നി​ട്ടാ​വാം, സ്വാ​ത​ന്ത്ര്യ​ത്തി​ന്‍റെ അ​മൃ​ത മ​ഹോ​ത്സ​വ​വും വൈ​ക്കം സ​ത്യ​ഗ്ര​ഹ​ത്തി​ന്‍റെ ശ​ത​വാ​ർ​ഷി​ക​വു​മൊ​ക്കെ ആ​ഘോ​ഷി​ക്കാ​ൻ. പ​യ്യ​ന്നൂ​രി​ൽ തു​ട​ങ്ങി സ്വ​ന്തം വീ​ടു​ക​ളി​ൽ പൂ​ർ​ത്തി​യാ​ക്കേ​ണ്ട സ​ത്യ​ഗ്ര​ഹ​മൊ​ന്നു ബാ​ക്കി​യാ​ണ​ല്ലോ ന​മു​ക്കി​നി​യും!
Copyright @ 2022 , Rashtra Deepika Ltd.