ആ​ഫ്രി​ക്ക​ന്‍ യു​വ​തി​ക​ളുടെ ഇടപാടുകൾ പുറത്തേക്ക്
Saturday, October 23, 2021 3:41 PM IST
കോ​ഴി​ക്കോ​ട്: മും​ബൈ തീ​ര​ത്തെ ക്രൂ​സ് ക​പ്പ​ലി​ലെ ല​ഹ​രി പാ​ര്‍​ട്ടി​ക്കു​ള്‍​പ്പെ​ടെ ഉ​പ​യോ​ഗി​ക്കാ​നു​ള്ള വി​ല​കൂ​ടി​യ മ​യ​ക്കു​മ​രു​ന്നു​ക​ള്‍ കേ​ര​ളം വ​ഴി ക​ട​ത്താ​ന്‍ പ​ദ്ധ​തി​യി​ട്ട​താ​യി ക​ണ്ടെ​ത്ത​ല്‍. നെ​ടു​മ്പാ​ശേ​രി, ക​രി​പ്പൂ​ര്‍ എ​ന്നി​വി​ട​ങ്ങ​ളി​ലാ​യി പി​ടി​കൂ​ടി​യ കൊ​ക്കെ​യ്ന്‍, ഹെ​റോ​യി​ന്‍ എ​ന്നി​വ ഉ​ത്ത​രേ​ന്ത്യ​യി​ലെ ല​ഹ​രി മാ​ഫി​യ​ക്കാ​യി എ​ത്തി​ച്ച​താ​ണെ​ന്നാ​ണ് ഡ​യ​റ​ക്ട​റേ​റ്റ് ഓ​ഫ് റ​വ​ന്യൂ ഇ​ന്‍റലി​ജ​ന്‍​സി​ന്‍റെ നി​ഗ​മ​നം.

സം​സ്ഥാ​ന​ത്തെ ല​ഹ​രി​ക്ക​ട​ത്ത് സം​ഘ​ത്തി​നാ​യി എ​ത്തി​ച്ച​താ​ണോ ഇ​തെന്നു വി​ശ​ദ​മാ​യി അ​ന്വേ​ഷി​ച്ചി​രു​ന്നു. പി​ടി​യി​ലാ​യ ആ​ഫ്രി​ക്ക​ന്‍ യു​വ​തി​ക​ളു​ടെ മൊ​ഴി​ക​ള്‍ കൂ​ടി പ​രി​ശോ​ധി​ച്ച​തോ​ടെ​യാ​ണ് ല​ഹ​രി കേ​ര​ള​ത്തി​ലു​ള്ള​വ​ര്‍​ക്ക് എ​ത്തി​ച്ച​തെ​ല്ലെ​ന്നു വ്യ​ക്ത​മാ​യ​ത്. അ​തേ​സ​മ​യം, ഉ​ത്ത​രേ​ന്ത്യ​യി​ലേ​ക്ക് മ​യ​ക്കു​മ​രു​ന്ന് ക​ട​ത്തു​ന്ന​തി​നാ​യി ഏ​തെ​ങ്കി​ലും മ​ല​യാ​ളി​ക​ള്‍ ഇ​വ​ര്‍​ക്കു സ​ഹാ​യം ചെ​യ്തു ന​ല്‍​കി​യി​രു​ന്നോ എ​ന്ന​ത് സം​ബ​ന്ധി​ച്ച് അ​ന്വേ​ഷി​ക്കു​ന്നു​ണ്ട്.


മും​ബൈ കൊ​ക്കെ​യ്ന്‍


അ​ന്താ​രാ​ഷ്‌ട്ര വി​പ​ണി​യി​ല്‍ 5.34 കോ​ടി രൂ​പ വി​ല​വ​രു​ന്ന 534 ഗ്രാം ​കൊ​ക്കെ​യ്നു​മാ​യാ​ണ് ഐ​വ​റി കോ​സ്റ്റ് സ്വ​ദേ​ശി​നി കാ​നേ സിം​പ ജൂ​ലി (21) നെ​ടു​മ്പാ​ശേ​രി വി​മാ​ന​ത്താവ​ള​ത്തി​ല്‍ എ​ത്തി​യ​ത്. വി​മാ​ന​ത്താ​വ​ള​ത്തി​ന് പു​റ​ത്ത് ഐ​വ​റി കോ​സ്റ്റ് സ്വ​ദേ​ശി​നി സീ​വി ഒ​ടോ​ത്തി ജൂ​ലി​യ​റ്റു​ണ്ടാ​യി​രു​ന്നു. ജൂ​ലി​യ​റ്റാ​യി​രു​ന്നു കേ​ര​ള​ത്തി​ല്‍നി​ന്നു മ​യ​ക്കു​മ​രു​ന്ന് മും​ബൈ​യി​ല്‍ എ​ത്തി​ക്കാ​നു​ള്ള ദൗ​ത്യം ഏ​റ്റെ​ടു​ത്ത​ത്.

ഡി​ആ​ര്‍​ഐ സം​ഘം ജൂ​ലി​യെ പി​ടി​കൂ​ടി​യ​തോ​ടെ ജൂ​ലി​യ​റ്റും അ​റ​സ്റ്റി​ലാ​യി. ചോ​ദ്യം ചെ​യ്യ​ലി​ല്‍ ജൂ​ലി​യ​റ്റ് മും​ബൈ​യി​ലെ ഏ​ജ​ന്റു​മാ​ര്‍​ക്കു​ള്ള മ​യ​ക്കു​മ​രു​ന്നാ​ണി​തെ​ന്നു മൊ​ഴി ന​ല്‍​കു​ക​യാ​യി​രു​ന്നു.

ആ​ഫ്രി​ക്ക​ന്‍ രാ​ജ്യ​ങ്ങ​ളി​ലു​ള്ള കാ​രി​യ​ര്‍​മാ​ര്‍ വ​ഴി​യാ​ണ് മും​ബൈ​യി​ലെ വി​വി​ധ പാ​ര്‍​ട്ടി​ക​ള്‍​ക്കാ​യി മ​യ​ക്കു​മ​രു​ന്നു​ക​ള്‍ എ​ത്തു​ന്ന​ത്. ന​ട​ന്‍ ഷാ​രൂ​ഖാ​ന്‍റെ മ​ക​നു​ള്‍​പ്പ​ട്ട ല​ഹ​രി പാ​ര്‍​ട്ടി​യി​ലും ഉ​പ​യോ​ഗി​ച്ച​ത് വി​ല​കൂ​ടി​യ മ​യ​ക്കു​മ​രു​ന്നു​ക​ളാ​യി​രു​ന്നു.

30 കോ​ടി രൂ​പ മൂ​ല്യ​മു​ള്ള 4.9 കി​ലോ​ഗ്രാം ഹെ​റോ​യി​നു​മാ​യി ആ​ഫ്രി​ക്ക​യി​ലെ സാം​ബി​യ​യി​ല്‍നി​ന്നു ക​രി​പ്പൂ​രി​ലെ​ത്തി​യ ബി​ശാ​ലാ സോ​കോ(40)​യും ഉ​ത്ത​രേ​ന്ത്യ​ന്‍ സം​ഘ​ത്തി​നാ​യാ​ണ് പ്ര​വ​ര്‍​ത്തി​ച്ച​ത്. കോ​ഴി​ക്കോ​ട്ടെ ഹോ​ട്ട​ലി​ല്‍ മു​റി​യെ​ടു​ത്താ​ല്‍ മ​തി​യെ​ന്നും അ​വി​ടെ മ​യ​ക്കു​മരു​ന്ന് കൈ​പ്പ​റ്റാ​ന്‍ ആ​ളെ​ത്തു​മെ​ന്നു​മാ​ണ് ആ​ഫ്രി​ക്ക​യി​ലെ ഡീ​ല​ര്‍​മാ​ര്‍ അ​റി​യി​ച്ച​ത്. ഇ​പ്ര​കാ​ര​മാ​ണ് ക​രി​പ്പൂ​രി​ലെ​ത്തി​യ​തെ​ന്നും വാ​ങ്ങാ​നെ​ത്തി​യ​വ​ര്‍ ആ​രാ​ണെ​ന്ന​ത് സം​ബ​ന്ധി​ച്ച് അ​റി​യി​ല്ലെ​ന്നു​മാ​ണ് ഇ​വ​രു​ടെ മൊ​ഴി.


കേ​ര​ളം വ​ഴി ക​ട​ത്ത്


ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ നി​ന്ന് എ​ല്ലാ സം​സ്ഥാ​ന​ങ്ങ​ളി​ലൂ​ടെ​യും ല​ഹ​രി​ക​ട​ത്ത് ന​ട​ക്കു​ന്നു​ണ്ടെ​ന്ന വി​വ​ര​മാ​ണ് ഡി​ആ​ര്‍​ഐ​യ്ക്ക് ല​ഭി​ച്ച​ത്. കേ​ര​ളം വ​ഴി നേ​ര​ത്തെ​യും ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ നി​ന്ന് ല​ഹ​രി ക​ട​ത്തി​യി​ട്ടു​ണ്ട്. പ​രി​ശോ​ധ​ന ന​ട​ക്കു​മെ​ന്ന​റി​യാ​മെ​ങ്കി​ലും സ്ഥി​ര​മാ​യി ഒ​രു വി​മാ​ന​താ​വ​ളം ല​ഹ​രി​ക്ക​ട​ത്തി​നാ​യി തെ​ര​ഞ്ഞെ​ടു​ക്കു​ന്ന​ത് അ​പ​ക​ട​മാ​യ​തി​നാ​ലാ​ണ് കേ​ര​ള​ത്തെ ഇ​ട​ത്താ​വ​ള​മാ​ക്കു​ന്ന​ത്.

ഇ​തു​വ​രെ ഡി​ആ​ര്‍​ഐ പി​ടി​കൂ​ടി​യ മ​യ​ക്കു​മ​രു​ന്നു കേ​സു​ക​ളി​ലെ​ല്ലാം ത​ന്നെ ഉ​ത്ത​രേ​ന്ത്യ​ന്‍ സം​ഘ​ത്തി​ന്റെ പ​ങ്ക് വ്യ​ക്ത​മാ​ണ്. ആ​ഫ്രി​ക്ക​യി​ല്‍നി​ന്നു കേ​ര​ളം വ​ഴി എ​ത്തി​ച്ച ഭൂ​രി​ഭാ​ഗം മ​യ​ക്കു​മ​രു​ന്നു​ക​ളും മും​ബൈ​യി​ലേ​ക്കു​ള്ള​താ​യി​രു​ന്നു​വെ​ന്നാ​ണ് ഉ​ദ്യോ​ഗ​സ്ഥ​ര്‍ പ​റ​യു​ന്ന​ത്.


അ​തേ​സ​മ​യം, ര​ണ്ട് വി​മാ​നത്താ​വ​ള​ങ്ങ​ളി​ലൂ​ടെ​യും ക​ട​ത്തി​യ​ത് ര​ണ്ട് ത​രം മ​യ​ക്കു​മ​രു​ന്നു​ക​ളാ​ണ്. അ​തി​നാ​ല്‍ ഓ​രേ സം​ഘ​മാ​ണോ ഇ​വ​ര്‍​ക്ക് പി​ന്നി​ലു​ള്ള​തെ​ന്ന​ത് ഇ​പ്പോ​ഴും അ​വ്യ​ക്ത​മാ​ണ്.