കോട്ടയത്തു നാലാമത്തെ ക്ഷേത്രത്തിലും മോഷണം; പോലീസ് പരക്കംപായുന്നു
Thursday, January 6, 2022 2:31 PM IST
കോ​ട്ട​യം: പോലീസ് നാടുമുഴുവൻ ചുറ്റുന്പോഴും ജി​ല്ല​യി​ൽ ആ​രാ​ധ​നാ​ല​ങ്ങ​ൾ കേ​ന്ദ്രീ​ക​രി​ച്ചു മോ​ഷ​ണം പെരുകുന്നു. ഏ​താ​നും ആ​ഴ്ച​ക​ൾ​ക്കു​ള്ളി​ൽ കോ​ട്ട​യ​ത്തും സ​മീ​പ പ്ര​ദേ​ശ​ങ്ങ​ളി​ലു​മാ​യി നാ​ലു ക്ഷേ​ത്ര​ങ്ങ​ളി​ലെ കാ​ണി​ക്ക വ​ഞ്ചി​ക​ൾ കു​ത്തി തു​റ​ന്നാ​ണ് മോ​ഷ​ണം ന​ട​ത്തി​യി​രി​ക്കു​ന്ന​ത്. പോ​ലീ​സ് ഉൗ​ർ​ജി​ത​മാ​യ അ​ന്വേ​ഷ​ണം ന​ട​ത്തു​ന്പോ​ഴും മോ​ഷ്്ടാ​ക്ക​ളെ പി​ടി​കൂ​ടാ​ൻ ക​ഴി​ഞ്ഞി​ട്ടി​ല്ല.

ഇ​റ​ഞ്ഞാ​ൽ ദേ​വീ​ക്ഷേ​ത്ര​ത്തി​ലെ എ​ട്ടു കാ​ണി​ക്ക വ​ഞ്ചി​ക​ൾ കു​ത്തി തു​റ​ന്നാ​ണ് മോ​ഷ​ണം ന​ട​ന്ന​ത്. തു​ട​ർ​ന്നു ഏ​താ​നും ദി​വ​സ​ത്തെ ഇ​ട​വേ​ള​ക​ളി​ൽ ഒ​ള​ശ ശ്രീ ​ശ​ങ്ക​ര​നാ​രാ​യ​ണ​പു​രം ക്ഷേ​ത്ര​ത്തി​ലെ ഏ​ഴു കാ​ണി​ക്ക വ​ഞ്ചി​ക​ൾ കു​ത്തി തു​റ​ന്നു മോ​ഷ​ണം ന​ട​ന്നു.

തു​ട​ർ​ന്നു അ​യ​ർ​ക്കു​ന്നം അ​യി​രൂ​ർ മ​ഹാ​ദേ​വ ക്ഷേ​ത്ര​ത്തി​ലെ ചു​റ്റ​ന്പ​ല​ങ്ങ​ളു​ടെ നാ​ലു കാ​ണി​വ​ഞ്ചി​ക​ളാ​ണ് ത​ക​ർ​ത്ത​ത്. പ്ര​ധാ​ന കാ​ണി​ക്ക​പ്പെ​ട്ടി ത​ക​ർ​ക്കാ​ൻ ശ്ര​മി​ച്ചെ​ങ്കി​ലും മോ​ഷ്‌ടാ​ക്ക​ൾ​ക്കു സാ​ധി​ച്ചി​ല്ല. കു​റ്റി​യാ​നി​ക്ക​ൽ അ​യ്യ​ൻ ഭ​ട്ട​ര് ധ​ർ​മ്മ​ശാ​സ്താ ക്ഷേ​ത്ര​ത്തി​ലെ ആം​ബ്ലി​ഫ​യ​റും മേ​ശ​യ്ക്ക് അ​ക​ത്തു സൂ​ക്ഷി​ച്ച രൂ​പ​യും മോ​ഷ്ടാ​ക്ക​ൾ ക​വ​ർ​ന്നു. ഇ​തോ​ടെ​യാ​ണ് കാ​ണി​ക്ക വ​ഞ്ചി​ക​ൾ മാ​ത്രം കു​ത്തിത്തു​റ​ന്നു മോ​ഷ​ണം ന​ട​ത്തു​ന്ന സം​ഘം ജി​ല്ല​യി​ൽ വി​ഹ​രി​ക്കു​ന്ന​താ​യി പോ​ലീ​സി​നു സൂ​ച​ന ല​ഭി​ച്ചി​രി​ക്കു​ന്ന​ത്.

ഇ​റ​ഞ്ഞാ​ൽ ക്ഷേ​ത്ര​ത്തി​ൽ സ്ഥാ​പി​ച്ചി​രു​ന്ന സി​സി​ടി​വി ദൃ​ശ്യ​ങ്ങ​ളി​ൽനി​ന്നു മോ​ഷ്ടാ​ക്ക​ളു​ടെ ദൃ​ശ്യ​ങ്ങ​ൾ ല​ഭി​ച്ചി​രു​ന്നെ​ങ്കി​ലും പോ​ലീ​സ് അ​ന്വേ​ഷ​ണ​ത്തി​ൽ സ​ഹാ​യി​ക്കു​ന്ന കാ​ര്യ​മാ​യി വി​വ​ര​ങ്ങ​ൾ ല​ഭി​ച്ചി​ല്ല. മ​റ്റു മൂ​ന്നു ക്ഷേ​ത്ര​ങ്ങ​ളി​ലും സി​സി​ടി​വി​യി​ല്ലാ​ത്ത​തു അ​ന്വേ​ഷ​ണ​ത്തി​നു തി​രി​ച്ച​ടി​യാ​യി​ട്ടു​ണ്ട്.

എ​ല്ലാ സ്ഥ​ല​ങ്ങ​ളി​ലും അ​ർ​ധ രാ​ത്രി 12നു​ ശേ​ഷ​മാ​ണ് മോ​ഷ്ടാ​ക്ക​ൾ എ​ത്തി​യി​രി​ക്കു​ന്ന​തെ​ന്നാ​ണ് പോ​ലീ​സി​ന്‍റെ നി​ഗ​മ​നം. അ​തി​നാ​ൽ ഒരേ സം​ഘം ത​ന്നെ​യാ​ണ് മോ​ഷ​ണ​ത്തി​നു പി​ന്നി​ലെ​ന്നും പോ​ലീ​സ് സം​ശ​യി​ക്കു​ന്നു​.

മോ​ഷ​ണം ന​ട​ന്ന സ്ഥ​ല​ങ്ങ​ളി​ലെ​ല്ലാം അ​പ​രി​ചി​ത​രാ​യ ആ​ളു​ക​ൾ അ​ടു​ത്ത ദി​വ​സ​ങ്ങ​ളി​ൽ എ​ത്തി​യി​ട്ടു​ണ്ടോ​യെ​ന്നും സ​മീ​പ കാ​ല​ത്ത് ഇ​ത്ത​രം കേ​സു​ക​ളി​ൽ ജ​യി​ൽ ശി​ക്ഷ ക​ഴി​ഞ്ഞു പു​റ​ത്തി​റ​ങ്ങി​യ​വ​രെ​യും കേ​ന്ദ്രീ​ക​രി​ച്ചാ​ണ് പോ​ലീ​സി​ന്‍റെ അ​ന്വേ​ഷ​ണം ന​ട​ക്കു​ന്ന​ത്. ക്ഷേത്ര പരിസരങ്ങൾ ജാഗ്രത പാലിക്കണമെന്ന നിർദേശവും പോലീസ് നൽകിയിട്ടുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.