വൈക്കം: കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെപിഎസ്ടിഎ) വൈക്കം ഉപജില്ലാ കമ്മിറ്റിയുടെ ആഭിമുഖ്യത്തിൽ പുതിയ ഭാരവാഹികളുടെ സത്യപ്രതിജ്ഞയും സംസ്ഥാന കൗൺസിൽ അംഗങ്ങളായി തെരഞ്ഞെടുക്കപ്പെട്ട സംസ്ഥാന നേതാക്കൾക്ക് സ്വീകരണവും ഇന്ന് നടത്തപ്പെട്ടു.
പാലാക്കാരി അക്വാ ടൂറിസം കോൺഫറൻസ് ഹാളിൽ പ്രസിഡന്‍റ് പി.ആർ. ശ്രീകുമാറിന്‍റെ അധ്യക്ഷതയിൽ ചേർന്ന യോഗം സംസ്ഥാന കമ്മിറ്റി അംഗം പി. പ്രദീപ് ഉദ്ഘാടനം ചെയ്തു. ഭാരവാഹികൾക്ക് സംസ്ഥാന കൗൺസിലർ കെ.ടി. അനിൽ കുമാർ സത്യവാചകം ചൊല്ലിക്കൊടുത്തു.
2022-23 വർഷത്തെ ഭാരവാഹികളായി പി.ആർ. ശ്രീകുമാർ (പ്രസിഡന്‍റ്), ബൈജു മോൻ ജോസഫ് (സെക്രട്ടറി), ഷിനു ജോസഫ് (ട്രഷറർ ), ടി.പി. അജിത്, വന്ദനാ കെ. പൗലോസ്, സീമ ബാലകൃഷ്ണൻ (വൈസ് പ്രെസിഡന്‍റുമാർ) ടി.ടി. ബൈജു, ബിനോയ് ജോസഫ്, ബോബി ജോസ് (ജോയിന്‍റ് സെക്രട്ടറിമാർ) എന്നിവർ സത്യപ്രതിജ്ഞ ചെയ്ത് ചുമതലയേറ്റു.
വനിതാ ഫോറം ചെയർ പേഴ്സൺ ശ്രീമതി ബീന തോമസ് യോഗത്തിന് ആശംസകൾ അർപ്പിച്ചു സംസാരിച്ചു. ട്രഷറർ ശ്രീ ഷിനു ജോസഫ് നന്ദി പറഞ്ഞ യോഗം ദേശീയ ഗാനത്തോടെ സമാപിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.