ജ്വ​ല്ല​റി ഉ​ട​മ​യെ കൊ​ള​ള​യ​ടി​ച്ച കേ​സ്: ക​ർ​ണാ​ട​ക പോ​ലീ​സ് ബ​ത്തേ​രി​യി​ൽ
Thursday, June 23, 2022 2:33 PM IST
ത​ല​ശേ​രി: ബം​ഗ​ളൂ​രു​വി​ല്‍ നി​ന്നും കേ​ര​ള​ത്തി​ലേ​ക്ക് വ​രി​ക​യാ​യി​രു​ന്ന പാ​നൂ​ർ ഭാ​സ്ക​ര ജ്വ​ല്ല​റി ഉ​ട​മ ഷ​ബി​ൻ സ​ഞ്ച​രി​ച്ചി​രു​ന്ന കാ​റി​നു മു​ന്പി​ൽ വ്യാ​ജ വാ​ഹ​നാ​പ​ക​ടം സൃ​ഷ്ടി​ച്ച് ര​ണ്ട​ര​ല​ക്ഷം രൂ​പ ക​വ​ര്‍​ന്ന കേ​സി​ൽ കൊ​ള്ള​സം​ഘം ഉ​പ​യോ​ഗി​ച്ച ര​ണ്ട് കാ​റു​ക​ളും വാ​ട​ക​ക്കെ​ടു​ത്ത​തെ​ന്ന് പോ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി.

അ​ന്ത​ർ സം​സ്ഥാ​ന ശൃം​ഖ​ല​യു​ള്ള ഈ ​സം​ഘം ഇ​തി​നു മു​മ്പും സ​മാ​ന രീ​തി​യി​ലു​ള്ള ഓ​പ്പ​റേ​ഷ​നു​ക​ൾ ന​ട​ത്തി​യി​ട്ടു​ള്ള​താ​യി പോ​ലീ​സി​നു വി​വ​രം ല​ഭി​ച്ചി​ട്ടു​ണ്ട്. കേ​ര​ള​ത്തി​ലെ വി​വി​ധ ജി​ല്ല​ക​ളി​ൽ നി​ന്നും വാ​ഹ​ന​ങ്ങ​ൾ വാ​ട​ക​യ്ക്കെ​ടു​ത്ത് ഓ​പ്പ​റേ​ഷ​ൻ ന​ട​ത്തി​യ ശേ​ഷം വാ​ഹ​നം തി​രി​ച്ചു ന​ൽ​കു​ക​യാ​ണ് സം​ഘം ചെ​യ്തു വ​ന്ന​ത്. ക​ർ​ണാ​ട​ക​യി​ലേ​ക്ക് ഉ​ല്ലാ​സ യാ​ത്ര പോ​കു​ന്ന സം​ഘ​ങ്ങ​ളും ഹ​ണി​മൂ​ൺ ട്രി​പ്പി​ന് പോ​കു​ന്ന ന​വ​ദ​മ്പ​തി​ക​ളും വ്യാ​പാ​ര ആ​വ​ശ്യ​ത്തി​ന് പോ​കു​ന്ന​വ​രു​മാ​ണ് ഇ​ത്ത​രം സം​ഘ​ങ്ങ​ളു​ടെ ഇ​ര​ക​ൾ.

നി​ല​വി​ൽ റി​മാ​ൻ​ഡി​ലു​ള്ള പ്ര​തി​ക​ളു​ടെ ഫോ​ൺ​കോ​ൾ രേ​ഖ​ക​ൾ പ​രി​ശോ​ധി​ച്ച​തി​ൽ നി​ന്നും കൂ​ടു​ത​ൽ വി​ല​പ്പെ​ട്ട തെ​ളി​വു​ക​ൾ പോ​ലീ​സി​നു ല​ഭി​ച്ച​താ​യി​ട്ടാ​ണ് അ​റി​യു​ന്ന​ത്. ക​ർ​ണാ​ട​ക​യി​ലേ​ക്ക് പോ​കു​ന്ന​വ​രെ​ക്കു​റി​ച്ച് വ്യ​ക്ത​മാ​യ വി​വ​ര​ങ്ങ​ൾ അ​ക്ര​മി സം​ഘ​ത്തി​ന് കൈ​മാ​റു​ന്ന ഒ​ന്നി​ൽ കൂ​ടു​ത​ൽ സം​ഘ​ങ്ങ​ൾ വി​വി​ധ പ്ര​ദേ​ശ​ങ്ങ​ളി​ൽ ഉ​ള്ള​താ​യും പോ​ലീ​സ് ക​ണ്ടെ​ത്തി​യി​ട്ടു​ണ്ട്. അ​ക്ര​മി​ക​ളു​ടെ കൈ​ക​ളി​ൽ​പെ​ട്ട സ്വ​ർ​ണാ​ഭ​ര​ണ​ങ്ങ​ൾ ന​ഷ്ട​പ്പെ​ട്ട ന​വ​ദ​മ്പ​തി​ക​ളെ​ക്കു​റി​ച്ചു​ള്ള വി​വ​ര​ങ്ങ​ളും പു​റ​ത്തു വ​ന്നി​ട്ടു​ണ്ട്.

ബുധനാഴ്ച ത​ല​ശേ​രി​യി​ലെ​ത്തി​യ ഗോ​ണി​ക്കു​പ്പ എ​എ​സ്ഐ സു​ബ്ര​ഹ്മ​ണ്യ വീ​ക്ഷ​യു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​ക്ര​മി​സം​ഘം ഉ​പ​യോ​ഗി​ച്ച കാ​റു​ക​ൾ വാ​ട​ക​ക്ക് എ​ടു​ത്ത​താ​ണെ​ന്ന് വ്യ​ക്ത​മാ​യ​ത്. വ​ട​ക​ര ജോ​യി​ന്‍റ് ആ​ർ​ടി​ഒ ഓ​ഫീ​സി​ൽ ര​ജി​സ്റ്റ​ർ ചെ​യ്ത ഒ​രു വാ​ഹ​നം വ​ള​യം സ്വ​ദേ​ശി​നി​യു​ടേ​താ​ണെ​ന്ന് വ്യ​ക്ത​മാ​യി​ട്ടു​ണ്ട്.

തി​രൂ​രി​ൽ ര​ജി​സ്റ്റ​ർ ചെ​യ്ത മ​റ്റൊ​രു വാ​ഹ​നം ഇ​പ്പോ​ൾ സു​ൽ​ത്താ​ൻ ബ​ത്തേ​രി​യി​ലേ​ക്ക് ട്രാ​ൻ​സ്ഫ​ർ ചെ​യ്ത​താ​യും ക​ണ്ടെ​ത്തി​യി​ട്ടു​ണ്ട്. ഇ​തു​സം​ബ​ന്ധി​ച്ച് കൂ​ടു​ത​ൽ അ​ന്വേ​ഷ​ണ​ങ്ങ​ൾ​ക്കാ​യി ക​ർ​ണാ​ട​ക പോ​ലീ​സ് ഇ​ന്ന് രാ​വി​ലെ സു​ൽ​ത്താ​ൻ ബ​ത്തേ​രി​യി​ൽ എ​ത്തി​യി​ട്ടു​ണ്ട്.

ഷ​ബി​ന്‍റേ​യും സു​ഹൃ​ത്തു​ക്ക​ളു​ടേ​യും യാ​ത്ര സം​ബ​ന്ധി​ച്ച വി​വ​ര​ങ്ങ​ൾ അ​ക്ര​മി​സം​ഘ​ത്തി​ന് ചോ​ർ​ത്തി കൊ​ടു​ത്ത പാ​നൂ​രി​ലെ ഹോ​ട്ട​ൽ ജീ​വ​ന​ക്കാ​ര​നെ ക​ർ​ണാ​ട​ക പോ​ലീ​സ് ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത ശേ​ഷം വി​ട്ട​യ​ച്ചു. ഇ​യാ​ൾ​ക്കെ​തി​രേ​യു​ള്ള തെ​ളി​വു​ക​ൾ ശേ​ഖ​രി​ച്ചു വ​രി​ക​യാ​ണെ​ന്നും വീ​ണ്ടും ഹാ​ജ​രാ​കാ​ൻ നോ​ട്ടീ​സ് ന​ൽ​കി​യി​ട്ടു​ണ്ടെ​ന്നും ക​ർ​ണാ​ട​ക പോ​ലീ​സ് അ​റി​യി​ച്ചു.

സം​ഭ​വ​ത്തി​ൽ ത​ല​ശേ​രി തി​രു​വ​ങ്ങാ​ട് കു​ട്ടി​മാ​ക്കൂ​ല്‍ സ്വ​ദേ​ശി​ക​ളാ​യ ശ്രീ​ച​ന്ദ് (27), ഷെ​റി​ൻ ലാ​ൽ (30), അ​ര്‍​ജു​ന്‍ (32), തി​രു​വ​ങ്ങാ​ട് സ്വ​ദേ​ശി ല​നേ​ഷ് (40), ച​മ്പാ​ട് സ്വ​ദേ​ശി അ​ക്ഷ​യ് (27), മാ​ന​ന്ത​വാ​ടി ത​യ്യ​ങ്ങാ​ടി സ്വ​ദേ​ശി​ക​ളാ​യ ജം​ഷീ​ര്‍ (29), ജി​ജോ (31), പ​ന്യ​ന്നൂ​ര്‍ സ്വ​ദേ​ശി ആ​കാ​ശ് (27) എ​ന്നി​വ​ർ അ​റ​സ്റ്റി​ലാ​യി​രു​ന്നു. ഇ​വ​രെ കൂ​ടു​ത​ൽ അ​ന്വ​ഷ​ണ​ങ്ങ​ൾ​ക്കാ​യി ക​സ്റ്റ​ഡി​യി​ൽ വാ​ങ്ങു​മെ​ന്ന് പോ​ലീ​സ് അ​റി​യി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.