‌17 സം​സ്ഥാ​ന​ങ്ങ​ൾ, 15,000 കി​ലോ​മീ​റ്റ​ർ; ബു​ള്ള​റ്റു​മാ​യി അം​ബി​ക കൊ​ച്ചി​യി​ൽ
Friday, July 22, 2022 3:13 PM IST
ക​ണ്ണൂ​ർ: രാ​ജ്യ​ത്തി​നു​വേ​ണ്ടി ര​ക്ത​സാ​ക്ഷി​ത്വം വ​ഹി​ച്ച ധീ​ര​ജ​വാ​ൻ​മാ​ർ​ക്കു​വേ​ണ്ടി 47 ദി​വ​സം കൊ​ണ്ട് ഇ​ന്ത്യ ചു​റ്റു​ക​യെ​ന്ന​താ​യി​രു​ന്നു കൊ​ച്ചി​യി​ൽ​നി​ന്നു പു​റ​പ്പെ​ടു​മ്പോ​ൾ തൃ​പ്പൂ​ണി​ത്ത​റ സ്വ​ദേ​ശി​യും കൊ​ച്ചി ആ​കാ​ശ​വാ​ണി​യി​ലെ ആ​ർ​ജെ​യു​മാ​യ അം​ബി​ക കൃ​ഷ്ണ​യു​ടെ ആ​ഗ്ര​ഹം.

എ​ന്നാ​ൽ, പു​റ​പ്പെ​ട്ട് നാ​ലാം ദി​വ​സം ക​ൽ​പ്പാ​ക്ക​ത്ത് വ​ച്ച് പ്ര​തീ​ക്ഷി​ക്കാ​തെ​യു​ണ്ടാ​യ അ​പ​ക​ടം ആ​ദ്യ​മാ​യി കേ​ര​ള​ത്തി​ന് പു​റ​ത്തേ​ക്ക് യാ​ത്ര ചെ​യ്ത ഈ 44 ​കാ​രി​ക്ക് തി​രി​ച്ച​ടി​യാ​യി. സ്വ​പ്ന​ങ്ങ​ളെ​ല്ലാം തീ​രാ​ൻ പോ​കു​ക​യാ​ണെ​ന്ന് ക​രു​തി​യ നി​മി​ഷം.

കാ​ൽ​മു​ട്ടി​ന് പ​രി​ക്കേ​റ്റ​തു​കൊ​ണ്ട് ബൈ​ക്കി​ൽ യാ​ത്ര ചെ​യ്യാ​ൻ പ​റ്റി​ല്ലെ​ന്ന് ഡോ​ക്ട​ർ​മാ​ർ വി​ധി​യെ​ഴു​തി. 21 ദി​വ​സ​ത്തെ ചി​കി​ത്സ. കു​ടും​ബ​ക്കാ​ര​ട​ക്കം കു​റ്റ​പ്പെ​ടു​ത്തി. എ​ന്നാ​ൽ തോ​റ്റ് പി​ന്മാ​റാ​ൻ അം​ബി​ക ത​യാ​റാ​യി​ല്ല. കാ​ലി​ൽ ബെ​ൽ​റ്റു​മി​ട്ട് 100 ദി​വ​സം കൊ​ണ്ട് ഇ​ന്ത്യ ചു​റ്റി കൊ​ച്ചി​യി​ൽ തി​രി​ച്ചെ​ത്തി.

17 സം​സ്ഥാ​ന​ങ്ങ​ളി​ലാ​യി 15000 കി​ലോ​മീ​റ്റ​ർ ത​നി​ച്ച് ബൈ​ക്കി​ൽ പ​ര്യ​ട​നം ന​ട​ത്തി​യ അം​ബി​ക ബുധനാഴ്ചയാ​ണ് ക​ണ്ണൂ​രി​ലെ​ത്തി​യ​ത്. ര​ക്ത​സാ​ക്ഷി​ത്വം വ​ഹി​ച്ച ധീ​ര​ജ​വാ​ൻ​മാ​ർ​ക്കു​വേ​ണ്ടി​യാ​ണ് "ഡ്രീം ​ലോ​ഡ​ഡ് വി​ത്ത് ബു​ള്ള​റ്റെ'​ന്ന യാ​ത്ര അം​ബി​ക കൃ​ഷ്ണ ആ​രം​ഭി​ച്ച​ത്.

അം​ബി​ക​യു​ടെ പ​ത്തൊ​ന്പ​താം വ​യ​സി​ൽ എ​ൻ​ഫോ​ഴ്സ്മെ​ന്‍റി​ൽ ജീ​വ​ന​ക്കാ​ര​നാ​യ ഭ​ർ​ത്താ​വ് എ​ച്ച്. ശി​വ​രാ​ജ് ഡ​ൽ​ഹി​യി​ൽ വ​ച്ച് ഒ​രു ബൈ​ക്ക​പ​ക​ട​ത്തി​ൽ മ​രി​ച്ചു. മൂ​ന്ന് മാ​സം പ്രാ​യ​മാ​യ മ​ക​ൾ ആ​ര്യ ശി​വ​രാ​ജ് മാ​ത്ര​മാ​ണ് കൂ​ട്ടി​നു​ണ്ടാ​യി​രു​ന്ന​ത്. തു​ട​ർ​ന്ന് വാ​ശി​യോ​ടെ പ​ഠി​ച്ച് ആ​കാ​ശ​വാ​ണി​യി​ൽ ജോ​ലി നേ​ടി. 2021 ഡി​സം​ബ​റി​ൽ ആ​കാ​ശ​വാ​ണി ഡ​ൽ​ഹി​യി​ൽ​നി​ന്ന് ബ്രോ​ഡ്കാ​സ്റ്റ് ചെ​യ്ത "സ​ന്ദേ​ശ് ടു ​സോ​ൾ​ജി​യേ​ഴ്സ്' എ​ന്ന പ​രി​പാ​ടി​യി​ൽ അ​തി​ഥി​യാ​യി പ​ങ്കെ​ടു​ക്ക​വെ​യാ​ണ് സൈ​നി​ക​ർ​ക്കു​വേ​ണ്ടി ഒ​രു യാ​ത്ര ന​ട​ത്ത​ണ​മെ​ന്ന ആ​ശ​യം തോ​ന്നി​യ​ത്.

അ​ങ്ങ​നെ 2022 ഏ​പ്രി​ൽ 11 ന് ​അം​ബി​ക​യു​ടെ യാ​ത്ര​യ്ക്ക് എ​റ​ണാ​കു​ളം ജി​ല്ലാ ക​ള​ക്‌​ട​ർ ജാ​ഫ​ർ മാ​ലി​ക് ഫ്ലാ​ഗ് ഓ​ഫ് ചെ​യ്തു. ചെ​ന്നൈ, ബം​ഗ​ളൂ​രു, ഹൈ​ദ​രാ​ബാ​ദ് , മും​ബൈ, പ​ഞ്ചാ​ബ്, ഹ​രി​യാ​ന തു​ട​ങ്ങി 17 സം​സ്ഥാ​ന​ങ്ങ​ൾ പി​ന്നി​ട്ട​ത് ഒ​ട്ടേ​റേ പ്ര​തി​സ​ന്ധി​ക​ളും വെ​ല്ലു​വി​ളി​ക​ളും ത​ര​ണം ചെ​യ്തു​കൊ​ണ്ടാ​യി​രു​ന്നു.

100 ദി​വ​സം കൊ​ണ്ട് 33 ആ​കാ​ശ​വാ​ണി നി​ല​യ​ങ്ങ​ളും നി​ര​വ​ധി ധീ​ര​ജ​വാ​ൻ​മാ​രു​ടെ സ്മൃ​തി​മ​ണ്ഡ​പ​ങ്ങ​ൾ സ​ന്ദ​ർ​ശി​ക്കു​ക​യും ചെ​യ്തു. ഒ​രു ദി​വ​സം 300 കി​ലോ​മീ​റ്റ​റാ​ണ് അം​ബി​ക യാ​ത്ര​ചെ​യ്തി​രു​ന്ന​ത്. രാ​ത്രി യാ​ത്ര പാ​ടെ ഒ​ഴി​വാ​ക്കി. ആ​കാ​ശ​വാ​ണി, ദൂ​ര​ദ​ർ​ശ​ൻ ഗ​സ്റ്റ് ഹൗ​സു​ക​ളി​ലും സ​ർ​ക്കാ​ർ ഗ​സ്റ്റ് ഹൗ​സു​ക​ളി​ലു​മാ​യി​രു​ന്നു താ​മ​സം. 20 വ​ർ​ഷ​ത്തോ​ള​മാ​യി ബൈ​ക്ക് ഓ​ടി​ക്കു​മാ​യി​രു​ന്നെ​ങ്കി​ലും 2018 ലാ​ണ് ബു​ള്ള​റ്റ് സ്വ​ന്ത​മാ​ക്കി​യ​ത്.

കേ​ര​ള​ത്തി​ൽ അ​ങ്ങോ​ള​മി​ങ്ങോ​ളം ബു​ള്ള​റ്റി​ൽ യാ​ത്ര ന​ട​ത്തി​യി​ട്ടു​ണ്ടെ​ങ്കി​ലും ആ​ദ്യ​മാ​യാ​ണ് കേ​ര​ള​ത്തി​ന് പു​റ​ത്തേ​ക്ക് യാ​ത്ര​ചെ​യ്ത​തെ​ന്ന് അം​ബി​ക പ​റ​ഞ്ഞു. ആ​സാ​മി​ലെ ഗോ​ഹ​ട്ടി​യി​യെ​ത്തി​യ​പ്പോ​ൾ "ഹ​സാ​നി' ചു​ഴ​ലി​ക്കാ​റ്റ് അ​തി​ഭീ​ക​ര​മാ​യി ആ​ഞ്ഞ​ടി​ച്ചി​രു​ന്നു. കൊ​ടു​ങ്കാ​റ്റി​ലും പ്ര​ള​യ​ത്തി​ലും​പെ​ട്ട് റോ​ഡ് മു​ഴു​വ​ൻ വെ​ള്ള​ത്തി​ൽ മു​ങ്ങു​ക​യും റോ​ഡ​രി​കി​ൽ സ്ഥാ​പി​ച്ചി​രു​ന്ന റൂ​ട്ട് ബോ​ർ​ഡു​ക​ളെ​ല്ലാം അ​പ്ര​ത്യ​ക്ഷ​മാ​കു​ക​യും ചെ​യ്തി​രു​ന്നു.

ഗൂ​ഗി​ൾ മാ​പ്പി​ലും റൂ​ട്ടി​ൽ റെ​ഡ് അ​ല​ർ​ട്ട് മാ​ത്രം. ചി​ല പ്ര​ദേ​ശ​വാ​സി​ക​ളു​ടെ സ​ഹാ​യ​ത്തോ​ടെ​യാ​ണ് പി​ന്നീ​ട് റൂ​ട്ട് മ​ന​സി​ലാ​ക്കി യാ​ത്ര തു​ട​ർ​ന്ന​ത്. സൂ​റ​ത്തി​ൽ നി​ന്നും മും​ബൈ വ​രെ​യു​ള്ള പ​ത്തു മ​ണി​ക്കൂ​ർ യാ​ത്ര​യും നി​റ​യെ വെ​ല്ലു​വി​ളി​ക​ളു​ടേ​താ​യി​രു​ന്നു. അ​വി​ടെ​യും പ്ര​ള​യം കാ​ര​ണം റോ​ഡെ​ല്ലാം ത​ക​ർ​ന്നി​രു​ന്നു. റോ​ഡു​ക​ളി​ൽ വ​ലി​യ ഗ​ർ​ത്ത​ങ്ങ​ൾ രൂ​പ​പ്പെ​ട്ട് വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ പോ​ലും ബു​ദ്ധി​മു​ട്ടി​യി​രു​ന്നെ​ന്നും അം​ബി​ക പ​റ​ഞ്ഞു.

ഒ​രു സ്ത്രീ​യെ​ന്ന നി​ല​യി​ൽ പ​ഞ്ചാ​ബ് പോ​ലു​ള്ള സം​സ്ഥാ​ന​ങ്ങ​ളി​ലെ​ത്തി​യ​പ്പോ​ൾ ആ​ളു​ക​ളു​ടെ ഇ​ട​യി​ൽ​നി​ന്ന് ന​ല്ല പി​ന്തു​ണ​യാ​ണ് ല​ഭി​ച്ച​തെ​ന്നും അം​ബി​ക പ​റ​ഞ്ഞു. വീ​ര​മൃ​ത്യു വ​രി​ച്ച സൈ​നി​ക​രു​ടെ ഭാ​ര്യ​മാ​രെ നേ​രി​ൽ ക​ണ്ട് അ​വ​രോ​ട് സം​സാ​രി​ക്ക​ണം , ഒ​പ്പം ഒ​രു​പാ​ട് സ്ത്രീ​ക​ളെ​യും നേ​രി​ൽ കാ​ണ​ണം. ത​ള​ർ​ന്നു​പോ​യ​വ​ർ​ക്ക് പ്ര​ചോ​ദ​നം ന​ൽ​ക​ണം...​ഇ​നി​യു​ള്ള യാ​ത്ര അ​തി​നു​വേ​ണ്ടി​യാ​യി​രി​ക്കു​മെ​ന്ന് അം​ബി​ക പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.