വാ​യ്പ വെ​ട്ടി​ക്കു​റ​ച്ച​തു​മൂ​ലം ബു​ദ്ധി​മു​ട്ടാ​ൻ പോ​കു​ന്ന​ത് കേ​ര​ള​ത്തി​ലെ ജ​ന​ങ്ങ​ൾ: ധ​ന​മ​ന്ത്രി
Friday, May 26, 2023 11:26 PM IST
തി​രു​വ​ന​ന്ത​പു​രം: കേ​ര​ള​ത്തി​നു​ള്ള വാ​യ്പ പ​രി​ധി വെ​ട്ടി​ക്കു​റ​ച്ച കേ​ന്ദ്ര സ​ർ​ക്കാ​രി​നെ​തി​രെ വി​മ​ർ​ശ​ന​വു​മാ​യി ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ. കേ​ന്ദ്ര സ​ർ​ക്കാ​ർ മ​റ്റൊ​രു സം​സ്ഥാ​ന​ത്തോ​ടും കാ​ണി​ക്കാ​ത്ത വി​വേ​ച​ന​മാ​ണ് കേ​ര​ള​ത്തോ​ട് കാ​ണി​ച്ച​തെ​ന്ന് ധ​ന​മ​ന്ത്രി പ​റ​ഞ്ഞു.

കേ​ര​ള​ത്തെ കേ​ന്ദ്രം അ​ങ്ങേ​യ​റ്റം ശ്വാ​സം മു​ട്ടി​ക്കു​ക​യാ​ണ്. ക​ട​പ​രി​ധി​യും ഗ്രാ​ന്‍റും കു​റ​ച്ച​ത് വ​ലി​യ പ്ര​ശ്ന​ങ്ങ​ളു​ണ്ടാ​ക്കും. ബു​ദ്ധി​മു​ട്ടാ​ൻ പോ​കു​ന്ന​ത് കേ​ര​ള​ത്തി​ലെ ജ​ന​ങ്ങ​ളാ​ണ്. ഇ​തി​നെ​തി​രെ കേ​ര​ളം ഒ​റ്റ​ക്കെ​ട്ടാ​യി പ്ര​തി​ഷേ​ധി​ക്ക​ണ​മെ​ന്നും ബാ​ല​ഗോ​പാ​ൽ ആ​വ​ശ്യ​പ്പെ​ട്ടു.

സം​സ്ഥാ​ന​ത്തി​ന് എ​ടു​ക്കാ​വു​ന്ന വാ​യ്പ വ​ൻ​തോ​തി​ലാ​ണ് കേ​ന്ദ്ര​സ​ർ​ക്കാ​ർ വെ​ട്ടി​ക്കു​റ​ച്ച​ത്. 8,000 കോ​ടി രൂ​പ​യാ​ണ് കേ​ന്ദ്ര​സ​ർ​ക്കാ​ർ വെ​ട്ടി​ക്കു​റ​ച്ച​ത്. ഇ​തോ​ടെ ഈ ​വ​ർ​ഷം എ​ടു​ക്കാ​വു​ന്ന വാ​യ്പ 15,390 കോ​ടി രൂ​പ മാ​ത്ര​മാ​യി. ഇ​തി​ൽ 2,000 കോ​ടി രൂ​പ ഇ​തി​ന​കം ത​ന്നെ കേ​ര​ളം വാ​യ്പ എ​ടു​ത്തു ക​ഴി​ഞ്ഞു.

ക​ഴി​ഞ്ഞ സാ​ന്പ​ത്തി​ക വ​ർ​ഷം 23,000 കോ​ടി​യു​ടെ അ​നു​മ​തി​യു​ണ്ടാ​യി​രു​ന്നു. ഈ ​വ​ർ​ഷം 32,000 കോ​ടി രൂ​പ​യാ​ക്ക​ണ​മെ​ന്ന് സം​സ്ഥാ​ന സ​ർ​ക്കാ​ർ കേ​ന്ദ്ര​ത്തോ​ട് ആ​വ​ശ്യ​പ്പെ​ട്ടി​രു​ന്നു. ഇ​തി​നു പി​ന്നാ​ലെ​യാ​ണ് ഇ​ന്ന് കേ​ന്ദ്ര സ​ർ​ക്കാ​രി​ന്‍റെ അ​റി​യി​പ്പ് വ​ന്നി​രി​ക്കു​ന്ന​ത്.

കി​ഫ്ബി​യു​ടെ​യും പൊ​തു​മേ​ഖ​ലാ സ്ഥാ​പ​ന​ങ്ങ​ളു​ടെ​യും വാ​യ്പ​യു​ടെ പേ​രി​ലാ​ണ് കേ​ന്ദ്ര​ത്തി​ന്‍റെ ന​ട​പ​ടി. ഇ​തോ​ടെ സം​സ്ഥാ​ന സ​ർ​ക്കാ​ർ അ​ടു​ത്തി​ടെ വ​ർ​ധി​പ്പി​ച്ച നി​കു​തി പ​ണം കൊ​ണ്ട് മാ​ത്രം പി​ടി​ച്ചു നി​ൽ​ക്കാ​ൻ ക​ഴി​യാ​ത്ത അ​വ​സ്ഥ​യി​ലെ​ത്തി. കേ​ന്ദ്ര​ത്തി​ന്‍റെ പു​തി​യ ന​ട​പ​ടി സം​സ്ഥാ​ന സ​ർ​ക്കാ​രെ ക​ടു​ത്ത സാ​ന്പ​ത്തി​ക പ്ര​തി​സ​ന്ധി​ലാ​കു​മെ​ന്നാ​ണ് വി​ല​യി​രു​ത്ത​ൽ.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക





Copyright @ 2022 , Rashtra Deepika Ltd.