കോ​വി​ഡ് ചി​കി​ത്സ: സർക്കാരിന്‍റെ പുതിയ ഉ​ത്ത​ര​വി​നെതിരേ ഹൈ​ക്കോ​ട​തി
കോ​വി​ഡ് ചി​കി​ത്സ: സർക്കാരിന്‍റെ   പുതിയ ഉ​ത്ത​ര​വി​നെതിരേ ഹൈ​ക്കോ​ട​തി
Thursday, June 24, 2021 1:37 AM IST
കൊ​ച്ചി: സം​സ്ഥാ​ന​ത്തെ കോ​വി​ഡ് ചി​കി​ത്സാ ആ​ശു​പ​ത്രി​ക​ളി​ലെ റൂ​മു​ക​ളി​ലെ​യും സ്യൂ​ട്ടു​ക​ളി​ലെ​യും നി​ര​ക്ക് ആ​ശു​പ​ത്രി​ക​ള്‍​ക്കു നി​ശ്ച​യി​ക്കാ​മെ​ന്ന സ​ര്‍​ക്കാ​രി​ന്‍റെ പു​തി​യ ഉ​ത്ത​ര​വി​നെ​തി​രേ ഹൈ​ക്കോ​ട​തി​യു​ടെ വി​മ​ർ​ശ​നം. ഇ​ക്കാ​ര്യ​ത്തി​ൽ ഹൈ​ക്കോ​ട​തി നേ​ര​ത്തേ ന​ൽ​കി​യ വി​ധി​യെ റ​ദ്ദാ​ക്കു​ന്ന വി​ധ​ത്തി​ലു​ള്ള​താ​ണു പു​തി​യ ഉ​ത്ത​ര​വെ​ന്നു ഡി​വി​ഷ​ന്‍ ബെ​ഞ്ച് നി​രീ​ക്ഷി​ച്ചു.

കോ​വി​ഡ് അ​ടു​ത്ത ത​രം​ഗ​ത്തി​നാ​യി കാ​ത്തു​നി​ൽ​ക്കു​ന്പോ​ൾ ഇ​ത്ത​ര​മൊ​രു ഉ​ത്ത​ര​വ് ദൗ​ർ​ഭാ​ഗ്യ​ക​ര​മാ​യി​പ്പോ​യി. സ്വ​കാ​ര്യ ആ​ശു​പ​ത്രി​ക​ള്‍ നി​ര​ക്കു കൂ​ട്ട​ണ​മെ​ന്നാ​വ​ശ്യ​പ്പെ​ട്ട് നി​വേ​ദ​നം ന​ല്‍​കി​യ​പ്പോ​ള്‍ സ​ർ​ക്കാ​ർ കൃ​ത്യ​മാ​യി കാ​ര്യ​ങ്ങ​ള്‍ വി​ല​യി​രു​ത്തി ചെ​റി​യ​തോ​തി​ല്‍ നി​ര​ക്ക് കൂ​ട്ടു​മെ​ന്നാ​ണ് ക​രു​തി​യ​ത്. റൂ​മു​ക​ളെ പൂ​ർ​ണ​മാ​യി ഒ​ഴി​വാ​ക്കു​മെ​ന്നു ക​രു​തി​യി​ല്ലെ​ന്നും കോ​ട​തി പ​റ​ഞ്ഞു.

കോ​വി​ഡി​ന് വി​ഐ​പി​യെ​ന്നോ സാ​ധാ​ര​ണ​ക്കാ​ര​നെ​ന്നോ ഇ​ല്ല. പ​ണ​ത്തി​നു കോ​വി​ഡി​ല്‍​നി​ന്ന് ആ​ളു​ക​ളെ ര​ക്ഷി​ക്കാ​നു​മാ​കി​ല്ല. ഓ​ക്സി​ജ​ന് 46,000 രൂ​പ​യും ക​ഞ്ഞി​ക്ക് 1,300 രൂ​പ​യും ഈ​ടാ​ക്കി​യ​ത് ഓ​ര്‍​ക്കു​ന്നി​ല്ലേ എ​ന്നും കോ​ട​തി ചോ​ദി​ച്ചു. നി​ര​ക്കു​ക​ളു​ടെ കാ​ര്യ​ത്തി​ൽ നേ​ര​ത്തേ ഹൈ​ക്കോ​ട​തി ഇ​ട​പെ​ട്ട​ശേ​ഷം ഇ​ത്ത​രം പ​രാ​തി​ക​ള്‍ പി​ന്നീ​ടു​ണ്ടാ​യി​ല്ല.


സ്കൂ​ളു​ക​ള്‍ തു​റ​ന്ന​തോ​ടെ കു​ട്ടി​ക​ള്‍​ക്ക് പ​ഠി​ക്കാ​നാ​വ​ശ്യ​മാ​യ ഇ​ല​ക്‌​ട്രോ​ണി​ക് ഉ​പ​ക​ര​ണ​ങ്ങ​ള്‍​ക്ക് ര​ക്ഷി​താ​ക്ക​ള്‍ നെ​ട്ടോ​ട്ട​മോ​ടു​ക​യാ​ണ്. ഇ​തി​നി​ടെ രോ​ഗ​ബാ​ധ​കൂ​ടി​യു​ണ്ടാ​യാ​ല്‍ എ​ന്തു ചെ​യ്യും. ഈ ​സ​മ​യ​ത്ത് കു​റേ​ക്കൂ​ടി മി​ക​ച്ച ന​ട​പ​ടി​യാ​ണു വേ​ണ്ട​ത്. സാ​ധാ​ര​ണ​ക്കാ​ർ​ക്ക് അ​ഭ​യ​മാ​കാ​നാ​ണു കോ​ട​തി ഇ​ട​പെ​ട്ട​ത്. സ്വ​കാ​ര്യ ആ​ശു​പ​ത്രി​ക​ളു​ടെ കാ​ര്യ​വും കോ​ട​തി​യു​ടെ പ​രി​ഗ​ണ​ന​യി​ലു​ണ്ടെ​ന്നും അ​വ​യും പ്ര​വ​ർ​ത്തി​ക്ക​ണ​മെ​ന്നും കോ​ട​തി പ​റ​ഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.