കേജരിവാൾ അധികാരമേറ്റു
Monday, February 17, 2020 12:36 AM IST
ന്യൂ​ഡ​ൽ​ഹി: അ​ര​വി​ന്ദ് കേ​ജ​രി​വാ​ളി​ന്‍റെ നേ​തൃ​ത്വ​ത്തി​ലു​ള്ള ഏ​ഴം​ഗ മ​ന്ത്രി​സ​ഭ ഡ​ൽ​ഹി​യി​ൽ സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​റ്റു. രാം​ലീ​ല മൈ​താ​ന​ത്തു ന​ട​ന്ന ച​ട​ങ്ങി​ൽ ല​ഫ്. ഗ​വ​ർ​ണ​ർ അ​നി​ൽ ബൈ​ജാ​ൽ സ​ത്യ​വാ​ച​കം ചൊ​ല്ലി​ക്കൊ​ടു​ത്തു.

കേ​ജ​രി​വാ​ളി​നൊ​പ്പം ക​ഴി​ഞ്ഞ മ​ന്ത്രി​സ​ഭ​യി​ലു​ണ്ടാ​യി​രു​ന്ന മ​നീ​ഷ് സി​സോ​ദി​യ, സ​ത്യേ​ന്ദ​ർ ജെ​യി​ൻ, ഗോ​പാ​ൽ റാ​യ്, കൈ​ലാ​ഷ് ഗെ​ഹ്‌ലോട്ട്, ഇ​മ്രാ​ൻ ഹു​സൈ​ൻ, രാ​ജേ​ന്ദ്ര ഗൗ​തം എ​ന്നി​വ​രും സ​ത്യ​പ്ര​തി​ജ്ഞ ചെ​യ്തു. ദൈ​വ​നാ​മ​ത്തി​ലാ​ണ് കേ​ജ​രി​വാ​ൾ സ​ത്യ​പ്ര​തി​ജ്ഞ ചെ​യ്ത​ത്. മൂ​ന്നാം ത​വ​ണ​യാ​ണ് കേ​ജ​രി​വാ​ൾ ഡ​ൽ​ഹി മു​ഖ്യ​മ​ന്ത്രി​യാ​യി അ​ധി​കാ​ര​മേ​ൽ​ക്കു​ന്ന​ത്.

ഡ​ൽ​ഹി​യു​ടെ മാ​റ്റ​ത്തി​നു ചു​ക്കാ​ൻ പി​ടി​ച്ച വി​വി​ധ മേ​ഖ​ല​യി​ൽനി​ന്നു​ള്ള അ​ന്പ​തോ​ളം പേ​രെ സ​ത്യ​പ്ര​തി​ജ്ഞാ ച​ട​ങ്ങി​ലേ​ക്കു വി​ശി​ഷ്ടാ​തി​ഥി​ക​ളാ​യി ക്ഷ​ണി​ച്ചി​രു​ന്നു. ഇ​വ​ർ കേ​ജ​രി​വാ​ളി​നൊ​പ്പം വേ​ദി പ​ങ്കി​ട്ടു. തെ​ര​ഞ്ഞെ​ടു​പ്പ് ഫ​ല പ്ര​ഖ്യാ​പ​ന ദി​വ​സം താ​ര​മാ​യ മി​നി മ​ഫ്ള​ർ​മാ​ൻ അ​വ്യാ​ൻ തോ​മ​ർ കേ​ജ​രി​വാ​ളി​ന്‍റെ പ്ര​ത്യേ​ക ക്ഷ​ണ​പ്ര​കാ​രം എ​ത്തി ഇ​ന്ന​ല​ത്തെ ച​ട​ങ്ങി​ലും എ​ല്ലാ​വ​രു​ടെ​യും ശ്ര​ദ്ധ​പി​ടി​ച്ചു​പ​റ്റി.


പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ സ​ത്യ​പ്ര​തി​ജ്ഞാ ച​ട​ങ്ങി​ലേ​ക്കു ക്ഷ​ണി​ച്ചി​രു​ന്നെ​ങ്കി​ലും അ​ദ്ദേ​ഹം പ​ങ്കെ​ടു​ത്തി​ല്ല. മ​റ്റു സം​സ്ഥാ​ന മു​ഖ്യ​മ​ന്ത്രി​മാ​രെ​യും പ്ര​മു​ഖ രാ​ഷ്‌ട്രീയ നേ​താ​ക്ക​ളെ​യും ക്ഷ​ണി​ച്ചി​രു​ന്നി​ല്ല.
ത​നി​ക്കെ​തി​രായ വി​വാ​ദ​ങ്ങ​ൾ ക്കും കേ​ജ​രി​വാ​ൾ ച​ട​ങ്ങി​ൽ മ​റു​പ​ടി ന​ൽ​കി. ആ​രു​മാ​യും ഏ​റ്റു​മു​ട്ട​ലി​നി​ല്ലെ​ന്നും ഡ​ൽ​ഹി​ക്കുവേ​ണ്ടി കേ​ന്ദ്ര​ത്തി​ലെ സ​ർ​ക്കാ​രു​മാ​യി ചേ​ർ​ന്ന് ഒ​റ്റ​ക്കെ​ട്ടാ​യി പ്ര​വ​ർ​ത്തി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.
70 അം​ഗ നി​യ​മ​സ​ഭ​യി​ൽ 62 സീ​റ്റു​ക​ൾ നേ​ടി​യാ​ണ് ആം ​ആ​ദ്മി അ​ധി​കാ​ര​ത്തി​ലേ​റി​യ​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.