National News
മോറട്ടോറിയം കാലത്തെ കൂട്ടുപലിശ ഒഴിവായി; ഉത്തരവ് പുറത്തിറങ്ങി
മോറട്ടോറിയം കാലത്തെ കൂട്ടുപലിശ ഒഴിവായി; ഉത്തരവ് പുറത്തിറങ്ങി
Monday, October 26, 2020 12:30 AM IST
ന്യൂ​ഡ​ൽ​ഹി: മോ​റ​ട്ടോ​റി​യം കാ​ല​യ​ള​വി​ലെ ര​ണ്ടു കോ​ടി രൂ​പ വ​രെ​യു​ള്ള വാ​യ്പ​ക​ൾ​ക്ക് കൂ​ട്ടു​പ​ലി​ശ ഒ​ഴി​വാ​ക്കു​ന്ന​തി​നു​ള്ള ഉ​ത്ത​ര​വ് കേ​ന്ദ്രസ​ർ​ക്കാ​ർ പു​റ​പ്പെ​ടു​വി​ച്ചു. കേ​ന്ദ്ര ധ​ന​മ​ന്ത്രാ​ല​യ​ത്തി​നു കീ​ഴി​ലു​ള്ള ഡി​പ്പാ​ർ​ട്ട്മെ​ന്‍റ് ഓ​ഫ് ഫി​നാ​ൻ​ഷ്യ​ൽ സ​ർ​വീ​സാ​ണ് വെ​ള്ളി​യാ​ഴ്ച ഉ​ത്ത​ര​വ് പു​റ​പ്പെ​ടു​വി​ച്ച​ത്. സു​പ്രീംകോ​ട​തി​യു​ടെ നി​ർ​ദേ​ശപ്ര​കാ​ര​മാ​ണ് സ​ർ​ക്കാ​രി​ന്‍റെ ന​ട​പ​ടി.

സാ​ധാ​ര​ണ പ​ലി​ശ​യും കൂ​ട്ടു​പ​ലി​ശ​യും ത​മ്മി​ലു​ള്ള വ്യ​ത്യാ​സ​ത്തി​ന് എ​ക്സ് ഗ്രേഷ്യ​യാ​യി പ​ണം ന​ൽ​കു​ന്ന പ​ദ്ധ​തി​ക്കു​ള്ള മാ​ർ​ഗ​നി​ർ​ദേ​ശ​ങ്ങ​ളാ​ണ് ഉ​ത്ത​ര​വി​ൽ പ​റ​യു​ന്ന​ത്. ഇ​തു പ്ര​കാ​രം മോ​റ​ട്ടോ​റി​യം ഉ​പ​യോ​ഗ​പ്പെ​ടു​ത്തി​യ​വ​ർ​ക്കും അ​ല്ലാ​ത്ത​വ​ർ​ക്കും ഇ​തി​ന്‍റെ പ്ര​യോ​ജ​നം ല​ഭി​ക്കും. ര​ണ്ടു കോ​ടി രൂ​പ വ​രെ​യു​ള്ള വാ​യ്പ​ക​ൾ​ക്ക് ആ​റുമാ​സ കാ​ല​യ​ള​വി​ൽ ഈ ​ആ​നു​കൂല്യം ല​ഭി​ക്കും. ഇ​ള​വു ന​ൽ​കു​ന്ന തു​ക സ​ർ​ക്കാ​ർ ബാ​ങ്കിം​ഗ് ക​ന്പ​നി​ക​ൾ​ക്കു ന​ൽ​കും. ഇ​ത് ഏ​ക​ദേ​ശം 5500 കോ​ടി രൂ​പ മു​ത​ൽ 6000 കോ​ടി രൂ​പ വ​രെ​യു​ണ്ടാ​കു​മെ​ന്നു നേ​ര​ത്തെ കേ​ന്ദ്രസ​ർ​ക്കാ​ർ സു​പ്രീം കോ​ട​തി​യെ അ​റി​യി​ച്ചി​രു​ന്നു.

ചെ​റു​കി​ട സം​രം​ഭ​ങ്ങ​ൾ​ക്കു​ള്ള വാ​യ്പ, വി​ദ്യാ​ഭ്യാ​സ വാ​യ്പ, ഭ​വ​നവാ​യ്പ, ക​ണ്‍സ്യൂ​മ​ർ ഡ്യൂ​റ​ബി​ൾ വാ​യ്പ, വാ​ഹ​നവാ​യ്പ, വ്യ​ക്തി​ഗ​ത വാ​യ്​പ, ക്രെ​ഡി​റ്റ് കാ​ർ​ഡ് തി​രി​ച്ച​ട​വ്, ക​ണ്‍സം​പ്ഷ​ൻ ലോ​ണ്‍ തു​ട​ങ്ങി​യ​വ​യ്ക്ക് ഇ​ള​വു കി​ട്ടും. വാ​യ്പ എ​ല്ലാം കൂ​ടി ര​ണ്ടു കോ​ടി​ക്കു മു​ക​ളി​ലാ​ണെ​ങ്കി​ൽ ആ​നു​കു​ല്യം ല​ഭി​ക്കി​ല്ല. മാ​ർ​ച്ച് ഒ​ന്നു മു​ത​ൽ ഓ​ഗ​സ്റ്റ് 31 വ​രെ​യു​ള്ള കാ​ല​യ​ള​വി​ലെ പ​ലി​ശ​യാ​ണ് ക​ണ​ക്കു​കൂ​ട്ടു​ക. വാ​യ്പ ന​ൽ​കി​യ​ത് ഏ​തെ​ങ്കി​ലും ബാ​ങ്കോ സ​ഹ​ക​ര​ണ ബാ​ങ്കോ ആ​യി​രി​ക്ക​ണ​മെ​ന്നും വ്യ​വ​സ്ഥ​ക​ളി​ൽ പ​റ​യു​ന്നു.


കേ​ന്ദ്ര ധ​ന​കാ​ര്യ മ​ന്ത്രാ​ല​യം പു​റ​ത്തി​റ​ക്കി​യ പു​തി​യ ഉ​ത്ത​ര​വും മാ​ർ​ഗ​നി​ർ​ദേ​ശ​ങ്ങ​ളും എ​ല്ലാ ദേ​ശ​സാ​ത്കൃ​ത ബാ​ങ്കു​ക​ൾ​ക്കും ധ​ന​കാ​ര്യ സ്ഥാ​പ​ന​ങ്ങ​ൾ​ക്കും ബാ​ങ്കിം​ഗ് ക​ന്പ​നി​ക​ൾ​ക്കും സ​ഹ​ക​ര​ണ ബാ​ങ്കു​ക​ൾ​ക്കും ഹൗ​സിം​ഗ് ഫി​നാ​ൻ​സിം​ഗ് ക​ന്പ​നി​ക​ൾ​ക്കും അ​യ​ച്ചി​ട്ടു​ണ്ട്. പ​ദ്ധ​തി ന​ട​പ്പാ​ക്കു​ന്ന​തു സം​ബ​ന്ധി​ച്ചും പ​ലി​ശ ക​ണ​ക്കാ​ക്കു​ന്ന​തു സം​ബ​ന്ധി​ച്ച നി​ർ​ദേ​ശ​ങ്ങ​ളും ഇ​തി​ൽ ഉ​ൾ​പ്പെ​ടു​ത്തി.

ര​ണ്ടു കോ​ടി രൂ​പ വ​രെ​യു​ള്ള വാ​യ്പ​ക​ളു​ടെ കൂ​ട്ടു​പ​ലി​ശ ഒ​ഴി​വാ​ക്കാ​മെ​ന്ന് സ​ത്യ​വാ​ങ്മൂ​ല​ത്തി​ലൂ​ടെ അ​റി​യി​ച്ചി​രു​ന്നെ​ങ്കി​ലും ഇ​തു സം​ബ​ന്ധി​ച്ച ഉ​ത്ത​ര​വ് പു​റ​പ്പെ​ടു​വി​ക്കാ​ൻ ത​യാ​റാ​യി​രു​ന്നി​ല്ല. ഇ​തി​നാ​യി കൂ​ടു​ത​ൽ സ​മ​യം വേ​ണ​മെ​ന്നാ​ണ് കേ​ന്ദ്രസ​ർ​ക്കാ​ർ സു​പ്രീംകോ​ട​തി​യെ അ​റി​യി​ച്ചി​രു​ന്ന​ത്. എ​ന്നാ​ൽ, തീ​രു​മാ​ന​മെ​ടു​ത്ത കാ​ര്യ​ങ്ങ​ൾ ഉ​ത്ത​ര​വു​ക​ളാ​ക്കാ​ൻ ജ​സ്റ്റീ​സ് അ​ശോ​ക് ഭൂ​ഷ​ണ്‍ അ​ധ്യ​ക്ഷ​നാ​യ ബെ​ഞ്ച് സ​ർ​ക്കാ​രി​നു നി​ർ​ദേ​ശം ന​ൽ​കു​ക​യാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.