രമേശ് ചെന്നിത്തല എഐസിസിയിലേക്ക്
രമേശ് ചെന്നിത്തല എഐസിസിയിലേക്ക്
Saturday, June 19, 2021 1:14 AM IST
ന്യൂ​ഡ​ൽ​ഹി: ര​മേ​ശ് ചെ​ന്നി​ത്ത​ല എ​ഐ​സി​സി​യി​ൽ ഉ​ന്ന​ത പ​ദ​വി​യി​ലേ​ക്ക്. പ്ര​തി​പ​ക്ഷ നേ​താ​വി​നെ തീ​രു​മാ​നി​ച്ച​പ്പോ​ൾ വി​ശ്വാ​സ​ത്തി​ലെ​ടു​ക്കാ​തി​രു​ന്ന​തി​ൽ വ്രണി​ത​ഹൃ​ദ​യ​നാ​യ മു​തി​ർ​ന്ന നേ​താ​വ് ഉ​മ്മ​ൻ ചാ​ണ്ടി​യെ ടെ​ലി​ഫോ​ണി​ൽ വി​ളി​ച്ചു സം​സാ​രി​ച്ചെ​ന്നും ചെ​ന്നി​ത്ത​ല​യോ​ടു രാ​ഹു​ൽ പ​റ​ഞ്ഞു.

കെ​പി​സി​സി വ​ർ​ക്കിം​ഗ് പ്ര​സി​ഡ​ന്‍റു സ്ഥാ​ന​ത്തുനി​ന്നു നീ​ക്കി​യ പ്ര​ഫ. കെ.​വി. തോ​മ​സി​ന് എ​ഐ​സി​സി​യി​ൽ ഉ​ന്ന​തപ​ദ​വി​യോ, രാ​ജ്യ​സ​ഭാ സീ​റ്റോ ന​ൽ​കി​യേ​ക്കു​മെ​ന്നും സൂ​ച​ന​യു​ണ്ട്.

രാ​ഹു​ൽ ഗാ​ന്ധി​യു​ടെ ഓ​ഫീ​സ് ആ​വ​ശ്യ​പ്പെ​ട്ട​ത​നു​സ​രി​ച്ചു ഡ​ൽ​ഹി​യി​ലെ​ത്തി​യ ചെ​ന്നി​ത്ത​ല ഇ​ന്ന​ലെ ഉ​ച്ച​യ്ക്ക് 12-നാ​ണു രാ​ഹു​ലി​നെ വ​സ​തി​യി​ലെ​ത്തി ക​ണ്ട​ത്. മു​ക്കാ​ൽ മ​ണി​ക്കൂ​റി​ലേ​റെ നീ​ണ്ട ച​ർ​ച്ച തി​ക​ച്ചും ഊ​ഷ്മ​ള​വും തൃ​പ്തി​ക​ര​വു​മാ​യി​രു​ന്നു​വെ​ന്നു ചെ​ന്നി​ത്ത​ല പ​റ​ഞ്ഞു.

മു​തി​ർ​ന്ന നേ​താ​വ് എ.​കെ. ആ​ന്‍റ​ണി​യു​മാ​യും കേ​ര​ള​ത്തി​ന്‍റെ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി താ​രീ​ഖ് അ​ൻ​വ​റു​മാ​യും രമേശ് നേ​രി​ൽ ക​ണ്ടു സം​സാ​രി​ച്ചു. സം​ഘ​ട​നാ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ കേ​ര​ള ഹൗ​സി​ലെ​ത്തി ര​മേ​ശു​മാ​യി ഒ​രു മ​ണി​ക്കൂ​ർ ച​ർ​ച്ച ന​ട​ത്തി. ര​മേ​ശി​നെ പ​ദ​വി​യി​ൽനി​ന്നു മാ​റ്റി​യ​തി​ൽ ത​നി​ക്കു പ​ങ്കി​ല്ലെ​ന്നു വേ​ണു​ഗോ​പാ​ൽ വി​ശ​ദീ​ക​രി​ച്ചു.


2004ൽ ​കോ​ണ്‍ഗ്ര​സ് പ്ര​വ​ർ​ത്ത​കസ​മി​തി അം​ഗ​വും 2001ൽ എഐസിസിയിൽ ​അ​ഞ്ചു സം​സ്ഥാ​ന​ങ്ങ​ളു​ടെ സ്വ​ത​ന്ത്ര ചു​മ​ത​ല​യും വ​ഹി​ച്ചി​ട്ടു​ള്ള ചെ​ന്നി​ത്ത​ല​യു​ടെ പ​രി​ച​യ സ​ന്പ​ത്തും ഉ​ത്ത​രേ​ന്ത്യ​യി​ലെ വ്യ​ക്തിബ​ന്ധ​ങ്ങ​ളും ഹി​ന്ദി​യി​ൽ സം​സാ​രി​ക്കാ​നു​ള്ള ക​ഴി​വു​മെ​ല്ലാം പാ​ർ​ട്ടി​ക്ക് ഉ​പ​യോ​ഗ​പ്പെ​ടു​ത്താ​നാ​കു​മെ​ന്നാ​ണു ഹൈ​ക്ക​മാ​ൻ​ഡ് വി​ല​യി​രു​ത്ത​ൽ. പ​ഞ്ചാ​ബ്, ഗു​ജ​റാ​ത്ത് സം​സ്ഥാ​ന​ങ്ങ​ളു​ടെ​യോ, മ​റ്റേ​തെ​ങ്കി​ലും പ്ര​ധാ​ന സം​സ്ഥാ​ന​ത്തി​ന്‍റെ​ചുമതലയോ ര​മേ​ശി​നു ന​ൽ​കി​യേ​ക്കും.

കെ.​വി. തോ​മ​സും ഇ​ന്ന​ലെ താ​രീ​ഖ് അ​ൻ​വ​ർ, കെ.​സി. വേ​ണു​ഗോ​പാ​ൽ എ​ന്നി​വ​രു​മാ​യി വി​ശ​ദ​മാ​യ ച​ർ​ച്ച ന​ട​ത്തി. യു​ഡി​എ​ഫ് ക​ണ്‍വീ​ന​ർ പ​ദ​വി​യു​ടെ കാ​ര്യ​ത്തി​ലും ഹൈ​ക്ക​മാ​ൻ​ഡ് സം​സ്ഥാ​ന നേ​താ​ക്ക​ളു​മാ​യി വൈ​കാ​തെ ച​ർ​ച്ച ന​ട​ത്തും. ഇരുനേ താക്കളും ഇ​ന്ന് എ​റ​ണാ​കു​ള​ത്തേ​ക്കു മ​ട​ങ്ങും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.