പഞ്ചാബ് കോൺഗ്രസിലെ പടലപിണക്കം; ക്യാപ്റ്റൻ ഔട്ട്
പഞ്ചാബ് കോൺഗ്രസിലെ പടലപിണക്കം;  ക്യാപ്റ്റൻ ഔട്ട്
Sunday, September 19, 2021 12:54 AM IST
ന്യൂ​ഡ​ൽ​ഹി: കോ​ണ്‍ഗ്ര​സി​ലെ പ​ട​ലപി​ണ​ക്ക​ങ്ങ​ളെ​ത്തു​ട​ർ​ന്നു മു​തി​ർ​ന്ന നേ​താ​വും പ​ഞ്ചാ​ബ് മു​ഖ്യ​മ​ന്ത്രി​യു​മാ​യ ക്യാ​പ്റ്റ​ൻ അ​മ​രീ​ന്ദ​ർ സിം​ഗ് രാ​ജി​വ​ച്ചു. ഇ​ന്ന​ലെ വൈ​കു​ന്നേ​രം 4.30ന് ​അ​ദ്ദേ​ഹം ഗ​വ​ർ​ണ​ർ ബ​ൻ​വാ​രി​ലാ​ൽ പു​രോ​ഹി​തി​നെ ക​ണ്ടു രാ​ജി​ക്ക​ത്ത് കൈ​മാ​റി.

പാ​ർ​ട്ടി നി​യ​മ​സ​ഭാ​ക​ക്ഷി യോ​ഗം ചേ​രു​ന്ന​തി​നു തൊ​ട്ടു​മു​ന്പാ​യി​രു​ന്നു രാ​ജി. അ​മ​രീ​ന്ദ​ർ സിം​ഗി​നെ നീ​ക്ക​ണ​മെ​ന്നാ​വ​ശ്യ​പ്പെ​ട്ട് 50 എം​എ​ൽ​എ​മാ​ർ ഒ​പ്പി​ട്ട് കോ​ണ്‍ഗ്ര​സ് അ​ധ്യ​ക്ഷ​യ്ക്കു ക​ത്ത​യ​ച്ച​തോ​ടെ​യാ​ണു രാ​ജി അ​നി​വാ​ര്യ​മാ​യ​ത്.

അ​ടു​ത്ത ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ൽ പ​ഞ്ചാ​ബി​ൽ നി​യ​മ​സ​ഭാ തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കെ​യാ​ണ് കോ​ണ്‍ഗ്ര​സി​ലെ നേ​തൃ​പ്ര​തി​സ​ന്ധി പൊ​ട്ടി​ത്തെ​റി​യി​ലെ​ത്തി​യ​ത്. അ​മ​രീ​ന്ദ​ർ വി​ളി​ച്ച യോ​ഗ​ത്തി​ൽ 15 എം​എ​ൽ​എ​മാ​രേ പ​ങ്കെ​ടു​ത്തു​ള്ളൂ.

പി​സി​സി പ്ര​സി​ഡ​ന്‍റ് ന​വ​ജ്യോ​ത് സിം​ഗ് സി​ദ്ദു​വി​ന്‍റെ നേ​തൃ​ത്വ​ത്തി​ലു​ള്ള വി​ഭാ​ഗം അ​മ​രീ​ന്ദ​റി​നെ​തി​രേ പ​ര​സ്യ​മാ​യി രം​ഗ​ത്തെ​ത്തി​യ​തോ​ടെ പാ​ർ​ട്ടി​ പി​ള​ർ​പ്പി​ന്‍റെ വ​ക്കി​ലാ​ണ്.


അ​പ​മാ​നി​ത​നാ​യി തു​ട​രാ​നാ​കി​ല്ലെ​ന്നും രാ​ജി​വ​യ്ക്കു​ക​യാ​ണെ​ന്നും ഇ​ന്ന​ലെ രാ​വി​ലെ ഡ​ൽ​ഹി​യി​ലെ​ത്തി കോ​ണ്‍ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി​യെ അ​റി​യി​ച്ച ശേ​ഷ​മാ​ണു രാ​ജി​ക്ക​ത്ത് ന​ൽ​കി​യ​തെ​ന്ന് അ​മ​രീ​ന്ദ​ർ പ​റ​ഞ്ഞു. താ​ൻ അ​പ​മാ​നി​ക്ക​പ്പെ​ട്ടു​വെ​ന്നു ക​മ​ൽ​നാ​ഥ്, മ​നീ​ഷ് തി​വാ​രി തു​ട​ങ്ങി​യ നേ​താ​ക്ക​ളെ വി​ളി​ച്ച​റി​യി​ക്കു​ക​യും ചെ​യ്തു.

2002 മു​ത​ൽ അ​ഞ്ചുവ​ർ​ഷ​ക്കാ​ലം മു​ഖ്യ​മ​ന്ത്രി​യാ​യി​രു​ന്ന അ​മരീന്ദ​റി​ന്‍റെ നേ​തൃ​ത്വ​ത്തി​ൽ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ കോ​ണ്‍ഗ്ര​സ് ഭ​ര​ണം തി​രി​കെപ്പിടി​ച്ചാ​ണ് അ​ദ്ദേ​ഹം വീ​ണ്ടും മു​ഖ്യ​മ​ന്ത്രി​യാ​യ​ത്. അ​മ​രീ​ന്ദ​ർ രാ​ജി​വ​യ്ക്കു​ക​യാ​ണെ​ന്നു മ​ക​നും ദേ​ശീ​യ ഷൂ​ട്ടിം​ഗ് അ​സോ​സി​യേ​ഷ​ൻ പ്ര​സി​ഡ​ന്‍റു​മാ​യ ര​ണീ​ന്ദ​ർ സിം​ഗ് ഇ​ന്ന​ലെ ഉ​ച്ച​ക​ഴി​ഞ്ഞു ട്വീ​റ്റ് ചെ​യ്തി​രു​ന്നു.

ഷൂ​ട്ടിം​ഗ് അ​സോ​സി​യേ​ഷ​ൻ പ്ര​സി​ഡ​ന്‍റാ​യി ഇ​ന്ന​ലെ​യാ​ണു ര​ണീ​ന്ദ​ർ സിം​ഗ് നാ​ലാം ത​വ​ണ​യും തെ​ര​ഞ്ഞെ​ടു​ക്ക​പ്പെ​ട്ട​ത്.

- ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.