National News
പെ​ഗാ​സ​സ് ഫോ​ണ്‍ ചോ​ർ​ത്ത​ൽ; അന്വേഷണത്തിന് വിദഗ്ധ സമിതി
പെ​ഗാ​സ​സ് ഫോ​ണ്‍ ചോ​ർ​ത്ത​ൽ; അന്വേഷണത്തിന് വിദഗ്ധ സമിതി
Thursday, October 28, 2021 1:22 AM IST
ന്യൂ​ഡ​ൽ​ഹി: പെ​ഗാ​സ​സ് ഫോ​ണ്‍ ചോ​ർ​ത്ത​ലി​ൽ കേ​ന്ദ്രസ​ർ​ക്കാ​രി​നെ വി​മ​ർ​ശ​നമു​ന​യി​ൽ നി​ർ​ത്തി വി​ദ​ഗ്ധസ​മി​തി അ​ന്വേ​ഷ​ണ​ത്തി​ന് സു​പ്രീം​കോ​ടി ഉ​ത്ത​ര​വി​ട്ടു. 46 പേ​ജു​ള്ള വി​ധി​യി​ൽ, രാ​ജ്യ​സു​ര​ക്ഷ​യു​ടെ പേ​രു പ​റ​ഞ്ഞ് ആ​രോ​പ​ണ​ങ്ങ​ളി​ൽനി​ന്നു വ​ഴു​തി മാ​റാ​ൻ ശ്ര​മി​ച്ച കേ​ന്ദ്രസ​ർ​ക്കാ​രി​നെ സു​പ്രീം​കോ​ട​തി അ​തി​രൂ​ക്ഷ​മാ​യി വി​മ​ർ​ശി​ച്ചു.

ഇ​സ്ര​യേ​ൽ ചാ​രസോ​ഫ്റ്റ് വേർ ഉ​പ​യോ​ഗി​ച്ച് മാ​ധ്യ​മ​പ്ര​വ​ർ​ത്ത​ക​രു​ടെ​യും രാ​ഷ്‌ട്രീയ ക്കാരുടെ​യും ആ​ക്ടി​വി​സ്റ്റു​ക​ളു​ടെ​യും ഫോ​ണ്‍ ചോ​ർ​ത്തി​യെ​ന്ന പ​രാ​തി​യി​ൽ അ​ടി​യ​ന്ത​ര അ​ന്വേ​ഷ​ണം ന​ട​ത്തി റി​പ്പോ​ർ​ട്ട് ന​ൽ​ക​ണ​മെ​ന്നാ​ണ് വി​ദ​ഗ്ധസ​മി​തി​ക്ക് സു​പ്രീം​കോ​ട​തി ന​ൽ​കി​യ നി​ർ​ദേ​ശം.

ഒ​പ്പം, കേ​ന്ദ്രസ​ർ​ക്കാ​ർ പെ​ഗാ​സ​സ് വാ​ങ്ങി​യി​ട്ടു​ണ്ടോ എ​ന്ന കാ​ര്യംകൂ​ടി പ​രി​ശോ​ധി​ക്ക​ണം. കോ​ട​തി​യെ മൂ​കസാ​ക്ഷി​യാ​ക്കി നി​ർ​ത്താ​മെ​ന്നു ക​രു​തേ​ണ്ട. രാ​ജ്യ​സു​ര​ക്ഷ​യെ ബാ​ധി​ക്കു​ന്ന ഒ​രു വി​വ​ര​വും വെ​ളി​പ്പെ​ടു​ത്തേ​ണ്ടെ​ന്നു വ്യ​ക്ത​മാ​ക്കി​യി​ട്ടും കേ​ന്ദ്ര സ​ർ​ക്കാ​ർ തി​ക​ഞ്ഞ അ​ലം​ഭാ​വ​മാ​ണ് കാ​ണി​ച്ച​ത്.

വാ​ലും തു​ന്പു​മി​ല്ലാ​തെ കേ​ന്ദ്രം ആ​രോ​പ​ണ​ങ്ങ​ൾ നി​ഷേ​ധി​ക്കു​ക​യാ​യി​രു​ന്നു എ​ന്നും സു​പ്രീം​കോ​ട​തി കു​റ്റ​പ്പെ​ടു​ത്തി. ഫോ​ണ്‍ ചോ​ർ​ത്ത​ലു​മാ​യി ബ​ന്ധ​പ്പെ​ട്ട ആ​രോ​പ​ണ​ങ്ങ​ളു​ടെ രാ​ഷ്‌ട്രീയ വ​ശ​ങ്ങ​ളി​ലേ​ക്കു ക​ട​ക്കു​ന്നി​ല്ല.

പ​ക്ഷേ, ഭ​ര​ണ​ഘ​ട​നാ ത​ത്വ​ങ്ങ​ൾ പാ​ലി​ക്ക​പ്പെ​ടു​ന്നു​ണ്ടെ​ന്ന് ഉ​റ​പ്പുവ​രു​ത്ത​ണം. പെ​ഗാ​സ​സ് ഉ​പ​യോ​ഗി​ക്കു​ന്നു​ണ്ടോ എ​ന്ന കാ​ര്യം കേ​ന്ദ്രം നി​ഷേ​ധി​ച്ചി​ട്ടു​മി​ല്ല. അ​ക്കാ​ര​ണംകൊ​ണ്ടുത​ന്നെ പ​രാ​തി​ക​ളി​ൽ അ​ന്വേ​ഷ​ണ​ത്തി​ന് ഉ​ത്ത​ര​വി​ടു​ക എ​ന്ന​ത​ല്ലാ​തെ മ​റ്റു വ​ഴി​ക​ളി​ല്ലെ​ന്നും ചീ​ഫ് ജ​സ്റ്റീ​സ് എ​ൻ.​വി. ര​മ​ണ അ​ധ്യ​ക്ഷ​നാ​യ ജ​സ്റ്റീ​സു​മാ​രാ​യ സൂ​ര്യ​കാ​ന്ത്, ഹി​മ കോ​ഹ്‌​ലി എ​ന്നി​വ​ർ ഉ​ൾ​പ്പെ​ട്ട ബെ​ഞ്ച് വ്യ​ക്ത​മാ​ക്കി.

വി​ദ​ഗ്ധ സ​മി​തി

റി​ട്ട. സു​പ്രീം​കോ​ട​തി ജ​ഡ്ജി ജ​സ്റ്റീ​സ് വി.​ആ​ർ. ര​വീ​ന്ദ്ര​ൻ വി​ദ​ഗ്ധസ​മി​തി​ക്കു മേ​ൽ​നോ​ട്ടം വ​ഹി​ക്കും. മു​ൻ ഐ​പി​എ​സ് ഓ​ഫീ​സ​ർ അ​ലോ​ക് ജോ​ഷി​യും ഇ​ന്‍റ​ർ​നാ​ഷ​ണ​ൽ ഓ​ർ​ഗ​നൈ​സേ​ഷ​ൻ ഓ​ഫ് സ്റ്റാ​ൻ​ഡേ​ർ​ഡൈ​സേ​ഷ​ന്‍റെ ഡോ. ​സു​ദീ​പ് ഒ​ബ്റോ​യി​യും (സ​ബ്ക​മ്മി​റ്റി ചെ​യ​ർ​മാ​ൻ) സ​മി​തി അം​ഗ​ങ്ങ​ളാ​ണ്.


സാ​ങ്കേ​തി​ക സ​മി​തി​യി​ൽ ഗാ​ന്ധി​ന​ഗ​ർ നാ​ഷ​ണ​ൽ ഫോ​റ​ൻ​സി​ക് സ​യ​ൻ​സ് സ​ർ​വ​ക​ലാ​ശാ​ലാ ഡീ​ൻ ഡോ. ​ന​വീ​ൻ കു​മാ​ർ ചൗ​ധ​രി, കേ​ര​ള​ത്തി​ലെ അ​മൃ​ത വി​ശ്വവി​ദ്യ​ാപീ​ഠം സ്കൂ​ൾ ഓഫ് എ​ൻ​ജി​നി​യ​റിം​ഗി​ലെ ഡോ. ​പി. പ്ര​ഭാ​ഹ​ര​ൻ, മും​ബൈ ഐ​ഐ​ടി ഇ​ൻ​സ്റ്റി​റ്റ്യൂ​ട്ട് ചെ​യ​ർ അ​സോ​സി​യേ​റ്റ് പ്ര​ഫ​സ​ർ ഡോ. ​അ​ശ്വി​ൻ അ​നി​ൽ ഗു​മ​സ്തേ എ​ന്നി​വ​രും അം​ഗ​ങ്ങ​ളാ​ണ്.

സമിതിയുടെ അന്വേഷണ വിഷയങ്ങൾ

► വ്യ​ക്തി​ക​ളു​ടെ ഫോ​ണു​ക​ളി​ൽനി​ന്നു സം​ഭാ​ഷ​ണ​ങ്ങ​ളും വി​വ​ര​ങ്ങ​ളും ചോ​ർ​ത്താ​ൻ പെ​ഗാ​സ​സ് ഉ​പ​യോ​ഗി​ച്ചി​ട്ടു​ണ്ടോ?

► ചാ​ര സോ​ഫ്റ്റ്‌വേ​റി​ന്‍റെ ആ​ക്ര​മ​ണ​ത്തി​ന് ഇ​ര​യാ​യ​വ​രു​ടെ വി​ശ​ദ വി​വ​ര​ങ്ങ​ൾ?

► 2019ൽ ​വാ​ട്സ് ആ​പ് അ​ക്കൗ​ണ്ട് ഹാ​ക്ക് ചെ​യ്തു വി​വ​ര​ങ്ങ​ൾ ചോ​ർ​ത്തി എ​ന്ന പ​രാ​തി​യി​ൽ കേ​ന്ദ്ര സ​ർ​ക്കാ​ർ എ​ന്ത് ന​ട​പ​ടി സ്വീ​ക​രി​ച്ചു?

►പൗ​ര​ൻ​മാ​രെ നി​രീ​ക്ഷി​ക്കാ​ൻ കേ​ന്ദ്ര സ​ർ​ക്കാ​രോ ഏ​തെ​ങ്കി​ലും സം​സ്ഥാ​ന സ​ർ​ക്കാ​രോ പെ​ഗാ​സ​സ് വാ​ങ്ങി​യി​ട്ടു​ണ്ടോ?

►രാ​ജ്യ​ത്ത് ആ​രെ​യെ​ങ്കി​ലും പെ​ഗാ​സ​സ് ഉ​പ​യോ​ഗി​ച്ച് നി​രീ​ക്ഷി​ക്കു​ന്നു​ണ്ട് എ​ങ്കി​ൽ അ​ത് ഏ​ത് നി​യ​മ​ത്തി​ന്‍റെ​യും ന​ട​പ​ടി​ക്ര​മ​ത്തി​ന്‍റെ​യും അ​ടി​സ്ഥാ​ന​ത്തി​ലാ​ണ്?

► രാ​ജ്യ​ത്തി​ന​ക​ത്തുത​ന്നെ​യു​ള്ള ആ​രെ​ങ്കി​ലും ജ​ന​ങ്ങ​ളു​ടെമേ​ൽ ചാ​ര​സോ​ഫ്റ്റ് വേ​ർ ഉ​പ​യോ​ഗി​ച്ചു​ണ്ടോ, ഉണ്ടെങ്കിൽ എ​ന്ത​ടി​സ്ഥാ​ന​ത്തിലാണ്?

► മേ​ൽ​പ്പ​റ​ഞ്ഞ കാ​ര്യ​ങ്ങ​ളു​മാ​യി ബ​ന്ധ​പ്പെ​ട്ടു വ​രു​ന്ന ഏ​ത് വി​ഷ​യ​ത്തി​ലും സ​മി​തി​ക്ക് അ​ന്വേ​ഷ​ണം ന​ട​ത്താം.

► അ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട് സ​മി​തി​ക്ക് വ്യ​ക്തി​ഗ​ത​മാ​യോ സ്ഥാ​പ​ന​ങ്ങ​ളി​ൽനി​ന്നോ വി​വ​ര​ങ്ങ​ൾ ശേ​ഖ​രി​ക്കു​ക​യും രേ​ഖ​ക​ൾ ആ​രാ​യു​ക​യും ചെ​യ്യാം.

►സ​മി​തി അ​ധ്യ​ക്ഷ​നു സ​ർ​വീ​സി​ലു​ള്ള​തോ വി​ര​മി​ച്ച​തോ ആ​യ ഉ​ദ്യോ​ഗ​സ്ഥ​രി​ൽനി​ന്നും നി​യ​മ വി​ദ​ഗ്ധ​ർ, സാ​ങ്കേ​തി​ക വി​ദ​ഗ്ധ​ർ എ​ന്നി​വ​രി​ൽനി​ന്നും സ​ഹാ​യം തേ​ടാം.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.