ജനക്കൂട്ടത്തിനു മുന്പാകെ റിമോട്ട് എടുത്തുയർത്തിയ രാഹുൽ, ഇത് കോൺഗ്രസ് അമർത്തിയാൽ പാവപ്പെട്ടവർക്കും ആവശ്യക്കാർക്കും ഉപകാരപ്പെടുന്നതായിരിക്കും ഉണ്ടാകുകയെന്നും എന്നാൽ ഭരണകക്ഷിയായ ബിജെപി ഞെക്കിയാൽ അദാനിക്ക് തുറമുഖങ്ങളും വിമാനത്താവളങ്ങളും റെയിൽവെ കോൺട്രാക്ടുകളുമൊക്കെയാണു ലഭിക്കുകയെന്നും പറഞ്ഞു. സംസ്ഥാന സർക്കാരിന്റെ ജനകീയ പദ്ധതിയായ മുഖ്യമന്ത്രി ഗ്രാമീൺ ആവാസ് ന്യായ യോജന പദ്ധതിയുടെ ഉദ്ഘാടനം റിമോട്ടിൽ അമർത്തി രാഹുൽ നിർവഹിച്ചു. താൻ റിമോട്ട് കൺട്രോളിൽ അമർത്തിയതുവഴി കോടിക്കണക്കിനു രൂപ ഛത്തീസ് ഗഡിലെ ജനങ്ങളുടെ അക്കൗണ്ടുകളിൽ എത്തിയെന്നും രാഹുൽ കൂട്ടിച്ചേർത്തു.