സനു സിറിയക്

ന്യൂ​ഡ​ൽ​ഹി: ലോ​ക്സ​ഭാ തെ​ര​ഞ്ഞെ​ടു​പ്പി​ന്‍റെ ആ​ദ്യ​ഘ​ട്ട​ത്തി​ൽ ഭേ​ദ​പ്പെ​ട്ട പോ​ളിം​ഗ്. ഇ​ന്ന​ലെ രാ​ത്രി ഏ​ഴു​വ​രെ​യു​ള്ള ക​ണ​ക്ക​നു​സ​രി​ച്ച് 62.37 ശ​ത​മാ​നമാണു പോളിംഗ്. 79.9 ശ​ത​മാ​നം പേ​ർ വോ​ട്ട് ചെ​യ്ത ത്രി​പു​ര​യി​ലാ​ണ് ഏ​റ്റ​വും കൂ​ടു​ത​ൽ. 2019ലെ ആദ്യഘട്ടം 69.43 ശ​ത​മാ​ന​മാ​യി​രു​ന്നു പോളിംഗ്.

ക​ന​ത്ത സു​ര​ക്ഷ​യ്ക്കി​ട​യി​ലും ക​ലാ​പ​ഭൂ​മി​യാ​യ മ​ണി​പ്പു​രി​ലും ഛത്തീ​സ്ഗ​ഡി​ലെ മാ​വോ​യി​സ്റ്റ് മേ​ഖ​ല​യാ​യ ബ​സ്ത​റി​ലും പ​ശ്ചി​മ ബം​ഗാ​ളി​ലും അങ്ങിങ്ങ് അക്രമങ്ങളു​ണ്ടാ​യി. 21 സം​സ്ഥാ​ന​ങ്ങ​ളി​ലെ​യും കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളി​ലെ​യും 102 മ​ണ്ഡ​ല​ങ്ങ​ളി​ലാ​ണ് ഇ​ന്ന​ലെ ജ​ന​വി​ധി പൂ​ർ​ത്തി​യാ​യ​ത്.

പ​ശ്ചി​മ​ബം​ഗാ​ളി​ൽ 77.57 ശ​ത​മാ​ന​വും ത​മി​ഴ്നാ​ട്ടി​ൽ 72.09 ശ​ത​മാ​ന​വും പോ​ളിം​ഗ് രേ​ഖ​പ്പെ​ടു​ത്തി. നാ​ലു സീ​റ്റു​ക​ളി​ൽ വോ​ട്ടെ​ടു​പ്പ് ന​ട​ന്ന ബി​ഹാ​റി​ൽ 46.32 ശ​ത​മാ​ന​മാ​ണ് പോ​ളിം​ഗ്.


ആ​ദ്യ​ഘ​ട്ട​ത്തി​ലെ ഏ​റ്റ​വും കു​റ​വ് പോ​ളിം​ഗാ​ണി​ത്. ര​ണ്ടു പോ​ളിം​ഗ് സ്റ്റേ​ഷ​നു​ക​ളി​ൽ അ​ക്ര​മം റി​പ്പോ​ർ​ട്ട് ചെ​യ്തെ​ങ്കി​ലും മ​ണി​പ്പു​രി​ൽ 67.46 ശ​ത​മാ​നം പോ​ളിം​ഗ് രേ​ഖ​പ്പെ​ടു​ത്തി.

മണിപ്പുരിലെ ബി​ഷ്ണു​പു​രി​ൽ ബൂ​ത്ത് പി​ടി​ക്കാ​ൻ ശ്ര​മം ന​ട​ക്കു​ന്ന​തി​നി​ടെ പോ​ലീ​സ് ആ​കാ​ശ​ത്തേ​ക്ക് വെ​ടി​യു​തി​ർ​ത്തു. ഇം​ഫാ​ൽ ഈ​സ്റ്റി​ലെ ഖു​റാ​യി​ൽ അ​ക്ര​മി​ക​ൾ വെ​ടി​യു​തി​ർ​ക്കു​ക​യും പോ​ളിം​ഗ് സ്റ്റേ​ഷ​ൻ ന​ശി​പ്പി​ക്കു​ക​യും രേ​ഖ​ക​ൾ ക​ത്തി​ക്കു​ക​യും ചെ​യ്തു.