ഘ​ട​ക​ക​ക്ഷി​ക​ളെ ഒ​തു​ക്കി ബി​ജെ​പി; സ്പീക്കർസ്ഥാനം വിട്ടുകൊടുക്കില്ല
ഘ​ട​ക​ക​ക്ഷി​ക​ളെ ഒ​തു​ക്കി ബി​ജെ​പി; സ്പീക്കർസ്ഥാനം വിട്ടുകൊടുക്കില്ല
Wednesday, June 19, 2024 2:05 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: ലോ​ക്സ​ഭാ സ്പീ​ക്ക​ർ, ഡെ​പ്യൂ​ട്ടി സ്പീ​ക്ക​ർ സ്ഥാ​ന​ങ്ങ​ളി​ൽ വി​ട്ടു​വീ​ഴ്ച വേ​ണ്ടെ​ന്ന് ബി​ജെ​പി​യും പ്ര​തി​പ​ക്ഷ ഇ​ന്ത്യ സ​ഖ്യ​വും നി​ല​പാ​ട് കടുപ്പിച്ച​തോ​ടെ ച​രി​ത്ര​ത്തി​ൽ ആ​ദ്യ​മാ​യി ഈ ​സ്ഥാ​ന​ങ്ങ​ളി​ലേ​ക്ക് വോ​ട്ടെ​ടു​പ്പുണ്ടാ​കാ​ൻ സാ​ധ്യ​ത.

സ്പീ​ക്ക​ർ സ്ഥാ​നം മ​റ്റാ​ർ​ക്കും വി​ട്ടു​കൊ​ടു​ക്കി​ല്ലെ​ന്ന് പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗി​ന്‍റെ വ​സ​തി​യി​ൽ ഇ​ന്ന​ലെ ന​ട​ന്ന എ​ൻ​ഡി​എ നേ​തൃ​യോ​ഗ​ത്തി​ൽ ബി​ജെ​പി വ്യ​ക്ത​മാ​ക്കി. എ​ന്നാ​ൽ, കീ​ഴ്‌വഴ​ക്ക​മ​നു​സ​രി​ച്ച് പ്ര​തി​പ​ക്ഷ​ത്തി​നു ല​ഭി​ക്കേ​ണ്ട ഡെ​പ്യൂ​ട്ടി സ്പീ​ക്ക​ർപ​ദ​വി ന​ൽ​കു​ന്നി​ല്ലെ​ങ്കി​ൽ സ്പീ​ക്ക​ർ പ​ദ​വി​യി​ലേ​ക്ക് മ​ത്സ​രം അ​നി​വാ​ര്യ​മാ​കു​മെ​ന്ന് കോ​ണ്‍ഗ്ര​സ് മു​ന്ന​റി​യി​പ്പു ന​ൽ​കി.

അ​ടു​ത്ത തി​ങ്ക​ളാ​ഴ്ച തു​ട​ങ്ങു​ന്ന എം​പി​മാ​രു​ടെ സ​ത്യ​പ്ര​തി​ജ്ഞ​യ്ക്കു​ശേ​ഷം ബു​ധ​നാ​ഴ്ച​യാ​ണ് സ്പീ​ക്ക​ർ തെ​ര​ഞ്ഞെ​ടു​പ്പ്. പ്ര​തി​പ​ക്ഷ​വു​മാ​യി നീ​ക്കു​പോ​ക്കു​ണ്ടാ​ക്കാ​ൻ തി​ങ്ക​ളാ​ഴ്ച​യോ ചൊ​വ്വാ​ഴ്ച​യോ വ​രെ ബി​ജെ​പി​ക്കു സ​മ​യ​മു​ണ്ട്. സ്വ​ത​ന്ത്ര ഇ​ന്ത്യ​യു​ടെ ച​രി​ത്ര​ത്തി​ൽ ഇ​തു​വ​രെ ലോ​ക്സ​ഭാ സ്പീ​ക്ക​ർ തെ​ര​ഞ്ഞെ​ടു​പ്പു​ക​ളെ​ല്ലാം ഏ​ക​ക​ണ്ഠ​മാ​യാ​ണു ന​ട​ന്ന​ത്.

1999ൽ ​വാ​ജ്പേ​യി​യു​ടെ കാ​ല​ത്ത് സ​ഖ്യ​ക​ക്ഷി​യാ​യി​രു​ന്ന ടി​ഡി​പി​യു​ടെ ജി.​എം.​സി. ബാ​ല​യോ​ഗി​യും പി​ന്നീ​ട് ശി​വ​സേ​ന​യി​ലെ മ​നോ​ഹ​ർ ജോ​ഷി​യും സ്പീ​ക്ക​ർ​മാ​രാ​യി​രു​ന്നു. ഇ​ത്ത​വ​ണ സ​ഖ്യ​ക​ക്ഷി സ​ർ​ക്കാ​രാ​ണെ​ങ്കി​ലും സ്പീ​ക്ക​ർ പ​ദ​വി ബി​ജെ​പി​ക്കു വേ​ണ​മെ​ന്ന് പാ​ർ​ട്ടി ക​ർ​ശ​ന നി​ല​പാ​ട് സ്വീ​ക​രി​ക്കു​ക​യാ​യി​രു​ന്നു.

ബി​ജെ​പി ആ​ന്ധ്ര​പ്ര​ദേ​ശ് സം​സ്ഥാ​ന അ​ധ്യ​ക്ഷ​യും ടി​ഡി​പി നേ​താ​വും മു​ഖ്യ​മ​ന്ത്രി​യു​മാ​യ ച​ന്ദ്ര​ബാ​ബു നാ​യി​ഡു​വി​ന്‍റെ ഭാ​ര്യാ​സ​ഹോ​ദ​രി​യു​മാ​യ ഡി. ​പു​ര​ന്ദ​രേ​ശ്വ​രി​യാ​ണ് സ്പീ​ക്ക​ർ സ്ഥാ​ന​ത്തേ​ക്ക് മു​ന്നി​ലു​ള്ള​ത്. കോ​ണ്‍ഗ്ര​സി​ൽ​നി​ന്ന് ബി​ജെ​പി​യി​ലേ​ക്കു കൂ​റു​മാ​റി​യ പു​ര​ന്ദ​രേ​ശ്വ​രി​യു​ടെ നേ​തൃ​ത്വ​ത്തി​ലാ​ണ് ബി​ജെ​പി​യും ടി​ഡി​പി​യും സ​ഖ്യ​മു​ണ്ടാ​ക്കി​യ​ത്.

പു​ര​ന്ദ​രേ​ശ്വരി​യു​ടെ പ​ദ​വി​യി​ലൂ​ടെ സ്പീ​ക്ക​ർ സ്ഥാ​ന​ത്തി​ന് അ​വ​കാ​ശ​മു​ന്ന​യി​ച്ച തെ​ലു​ങ്കു​ദേ​ശ​ത്തെ​യും നാ​യി​ഡു​വി​നെ​യും മ​യ​പ്പെ​ടു​ത്താ​നാ​കു​മെ​ന്ന് ബി​ജെ​പി ക​ണ​ക്കു​കൂ​ട്ടു​ന്നു. ആ​ന്ധ്ര​യി​ലെ ഉ​ന്ന​ത നേ​താ​വാ​യി​രു​ന്ന എ​ൻ.​ടി. രാ​മ​റാ​വു​വി​ന്‍റെ മ​ക​ളെ​ന്ന​തും ടി​ഡി​പി​ക്കും ബി​ജെ​പി​ക്കും ഒ​രു​പോ​ലെ സ്വീ​കാ​ര്യ​യെ​ന്ന​തും പു​ര​ന്ദ​രേ​ശ്വ​രി​ക്ക് അ​നു​കൂ​ല​മാ​കും. കോ​ണ്‍ഗ്ര​സി​ന്‍റെ മു​ൻ നേ​താ​വാ​യ പു​ര​ന്ദ​രേ​ശ്വ​രി യു​പി​എ സ​ർ​ക്കാ​രി​ൽ കേ​ന്ദ്ര സ​ഹ​മ​ന്ത്രി​യു​മാ​യി​രു​ന്നു.

എ​ന്നാ​ൽ, ഒ​ഡീ​ഷ​യി​ൽ​നി​ന്നു​ള്ള മു​തി​ർ​ന്ന ബി​ജെ​പി നേ​താ​വ് ഭ​ർ​തൃ​ഹ​രി മ​ഹ്താ​ബി​ന്‍റെ പേ​രും പ​രി​ഗ​ണ​ന​യി​ലു​ണ്ട്. പാ​ർ​ല​മെ​ന്‍റ​റി ന​ട​പ​ടി​ക്ര​മ​ങ്ങ​ളി​ലെ മി​ക​വും ഒ​ഡീ​ഷ​യി​ൽ ബി​ജെ​പി​ക്കു ല​ഭി​ച്ച വ​ൻ​വി​ജ​യ​വു​മാ​ണ് ഭ​ർ​തൃ​ഹ​രി​ക്കു​ള്ള അ​നു​കൂ​ല ഘ​ട​ക​ങ്ങ​ൾ. ബി​ജെ​ഡി ടി​ക്ക​റ്റി​ൽ ക​ട്ട​ക്കി​ൽ​നി​ന്നു തു​ട​ർ​ച്ച​യാ​യി ആ​റു ത​വ​ണ ലോ​ക്സ​ഭാം​ഗ​മാ​യ ഭ​ർ​തൃ​ഹ​രി ക​ഴി​ഞ്ഞ മാ​ർ​ച്ച് 28നാ​ണ് ബി​ജെ​പി​യി​ൽ ചേ​ർ​ന്ന് ഏ​ഴാം ത​വ​ണ​യും ലോ​ക്സ​ഭ​യി​ലേ​ക്കു തെ​ര​ഞ്ഞെ​ടു​ക്ക​പ്പെ​ട്ട​ത്. രാ​ജ​സ്ഥാ​നി​ലെ കോ​ട്ട​യി​ൽനി​ന്നു വീ​ണ്ടും ജ​യി​ച്ച നി​ല​വി​ലെ സ്പീ​ക്ക​ർ ഓം ​ബി​ർ​ള​യ്ക്ക് വീ​ണ്ടു​മൊ​രു ത​വ​ണ കൂ​ടി ആ​ഗ്ര​ഹ​മു​ണ്ടെ​ങ്കി​ലും സാ​ധ്യ​ത കു​റ​വാ​ണെ​ന്ന് ബി​ജെ​പി നേ​താ​ക്ക​ൾ സൂ​ചി​പ്പി​ച്ചു.

പാ​ർ​ല​മെ​ന്‍റ​റി കീ​ഴ്‌വഴ​ക്ക​മ​നു​സ​രി​ച്ച് പ്ര​തി​പ​ക്ഷ​ത്തി​ന് ഡെ​പ്യൂ​ട്ടി സ്പീ​ക്ക​ർ പ​ദ​വി ല​ഭി​ച്ചാ​ൽ എ​ട്ടു ത​വ​ണ​യാ​യി ലോ​ക്സ​ഭാം​ഗ​വും മു​തി​ർ​ന്ന കോ​ണ്‍ഗ്ര​സ് നേ​താ​വു​മാ​യ കൊ​ടി​ക്കു​ന്നി​ൽ സു​രേ​ഷി​നാ​ണ് സാ​ധ്യ​ത.

ര​ണ്ടാം യു​പി​എ മ​ന്ത്രി​സ​ഭ​യി​ൽ അം​ഗ​മാ​യി​രു​ന്ന കൊ​ടി​ക്കു​ന്നി​ലി​ന്‍റെ ദ​ളി​ത് പ​ശ്ചാ​ത്ത​ല​വും അ​ദ്ദേ​ഹ​ത്തി​ന് അ​നു​കൂ​ല​മാ​കും. 2014ൽ ​ബി​ജെ​പി​യു​ടെ സ​ഖ്യ​ക​ക്ഷി​യാ​യി​രു​ന്ന അ​ണ്ണാ ഡി​എം​കെ​യു​ടെ എം. ​ത​ന്പി​ദു​രൈ ആ​യി​രു​ന്നു ഡെ​പ്യൂ​ട്ടി സ്പീ​ക്ക​ർ. എ​ന്നാ​ൽ, മോ​ദി​യു​ടെ ര​ണ്ടാം മ​ന്ത്രി​സ​ഭ​യു​ടെ കാ​ല​ത്ത് ഡെ​പ്യൂ​ട്ടി സ്പീ​ക്ക​ർ പ​ദ​വി ആ​ർ​ക്കും ന​ൽ​കി​യി​ല്ല. അ​ഞ്ചു വ​ർ​ഷ​വും ഈ ​പ​ദ​വി ഒ​ഴി​ഞ്ഞു​കി​ട​ന്നു.

ലോ​ക്സ​ഭ​യി​ലെ വി​ശ്വാ​സവോ​ട്ടെ​ടു​പ്പ്, പാ​ർ​ട്ടി​ക​ളി​ലെ പി​ള​ർ​പ്പ്, എം​പി​മാ​രു​ടെ കൂ​റു​മാ​റ്റം അ​ട​ക്ക​മു​ള്ള വി​ഷ​യ​ങ്ങ​ളി​ൽ സ്പീ​ക്ക​റു​ടെ തീ​രു​മാ​നം അ​തീ​വ നി​ർ​ണാ​യ​ക​മാ​ണ്. ബി​ജെ​പി​ക്ക് ഒ​റ്റ​യ്ക്കു കേ​വ​ല ഭൂ​രി​പ​ക്ഷം ഇ​ല്ലാ​ത്ത ലോ​ക്സ​ഭ​യി​ൽ സ്പീ​ക്ക​റു​ടെ നി​ല​പാ​ട് മോ​ദി​ സ​ർ​ക്കാ​രി​ന്‍റെ നി​ല​നി​ൽ​പ്പി​നും നി​യ​മ​നി​ർ​മാ​ണം അ​ട​ക്ക​മു​ള്ള കാ​ര്യ​ങ്ങ​ൾ​ക്കും പ്ര​ധാ​ന​മാ​ണ്. സ്പീ​ക്ക​ർ​ക്കും ഡെ​പ്യൂ​ട്ടി സ്പീ​ക്ക​ർ​ക്കും കേ​ന്ദ്ര കാ​ബി​ന​റ്റ് മ​ന്ത്രി​യു​ടെ റാ​ങ്കു​ണ്ട്.

കൊടിക്കുന്നിൽ പ്രോട്ടെം സ്പീക്കർ

ന്യൂ​ഡ​ൽ​ഹി: 18-ാം ലോ​ക്സ​ഭ​യു​ടെ പ്രോട്ടെം സ്പീ​ക്ക​റാ​യി മാ​വേ​ലി​ക്ക​ര മ​ണ്ഡ​ല​ത്തി​ൽ​നി​ന്നു വി​ജ​യി​ച്ച കോ​ണ്‍ഗ്ര​സ് നേ​താ​വ് കൊ​ടി​ക്കു​ന്നി​ൽ സു​രേ​ഷി​നെ തെ​ര​ഞ്ഞെ​ടു​ത്തു. പു​തി​യ സ്പീ​ക്ക​റെ തെ​ര​ഞ്ഞെ​ടു​ക്കു​ന്ന​തു​വ​രെ സ്പീ​ക്ക​റു​ടെ ചു​മ​ത​ല​ക​ൾ പ്രോട്ടെം സ്പീ​ക്ക​റാ​ണു നി​ർ​വ​ഹി​ക്കു​ക. പ്രോ ട്ടെം സ്പീ​ക്ക​റു​ടെ അ​ധ്യ​ക്ഷ​ത​യി​ലാ​യി​രി​ക്കും പു​തി​യ എം​പി​മാ​രു​ടെ സ​ത്യ​പ്ര​തി​ജ്ഞ.

ഈ​ മാ​സം 24ന് ​പാ​ർ​ല​മെ​ന്‍റ് സ​മ്മേ​ള​നം തു​ട​ങ്ങു​ന്ന​തി​നു​മു​ന്പ് രാ​ഷ്‌‌​ട്ര​പ​തിഭ​വ​നി​ൽ രാ​ഷ്‌​ട്ര​പ​തി ദ്രൗ​പ​തി മു​ർ​മു​വി​ന് മു​ന്പാ​കെ കൊ​ടി​ക്കു​ന്നി​ൽ സു​രേ​ഷ് സ​ത്യ​പ്ര​തി​ജ്ഞ ചെ​യ്യും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.