ബ്രി​ട്ടീ​ഷ് യു​ദ്ധ​ക്ക​പ്പ​ലി​നെ പി​ന്തി​രി​പ്പി​ക്കാ​ൻ റ​ഷ്യ വെ​ടി​വ​ച്ചു; നി​ഷേ​ധി​ച്ച് ബ്രി​ട്ട​ൻ
ബ്രി​ട്ടീ​ഷ് യു​ദ്ധ​ക്ക​പ്പ​ലി​നെ പി​ന്തി​രി​പ്പി​ക്കാ​ൻ റ​ഷ്യ വെ​ടി​വ​ച്ചു; നി​ഷേ​ധി​ച്ച് ബ്രി​ട്ട​ൻ
Wednesday, June 23, 2021 11:38 PM IST
ല​ണ്ട​ൻ: ക​രി​ങ്ക​ട​ലി​ൽ ക്രിമി​യ​യ് ക്കു സ​മീ​പം സ​ഞ്ച​രി​ച്ച ബ്രി​ട്ടീ​ഷ് യു​ദ്ധ​ക്ക​പ്പ​ലി​നെ പി​ന്തി​രി​പ്പി​ക്കാ​ൻ റ​ഷ്യ​ൻ സേ​ന വെ​ടി​യു​തി​ർ​ക്കു​ക​യും യു​ദ്ധ​വി​മാ​നം ഉ​പ​യോ​ഗി​ച്ച് ബോം​ബി​ടു​ക​യും ചെ​യ്ത​താ​യി റി​പ്പോ​ർ​ട്ട്. എ​ച്ച്എം​എ​സ് ഡി​ഫ​ന്‍​ഡ​ർ എ​ന്ന ബ്രി​ട്ടീ​ഷ് യു​ദ്ധ​ക്ക​പ്പ​ലി​നെ റ​ഷ്യ​യു​ടെ ഇ​രു​പ​തി​ല​ധി​കം യു​ദ്ധ​വി​മാ​ന​ങ്ങ​ളും ര​ണ്ടു കോ​സ്റ്റ്ഗാ​ർ​ഡ് ക​പ്പ​ലു​ക​ളും പി​ന്തു​ട​ർ​ന്ന​താ​യും റി​പ്പോ​ർ​ട്ടു​ക​ളി​ൽ പ​റ​യു​ന്നു.

റ​ഷ്യ​ൻ പ്ര​തി​രോ​ധ മ​ന്ത്രാ​ല​യ​ത്തെ ഉ​ദ്ധ​രി​ച്ച് അ​വി​ട​ത്തെ മാ​ധ്യ​മ​ങ്ങ​ൾ പു​റ​ത്തു​വി​ട്ട വാ​ർ​ത്ത ബ്രി​ട്ട​ൻ നി​ഷേ​ധി​ച്ചു. എ​ന്നാ​ൽ, ഡി​ഫ​ന്‍​ഡറിലു​ള്ള ബി​ബി​സി ലേ​ഖ​ക​ൻ ജോ​നാ​ഥ​ൻ ബേ​ൽ റ​ഷ്യ​ൻ സേ​ന ബ്രി​ട്ടീ​ഷ് ക​പ്പ​ലി​നെ ഭീ​ഷ​ണി​പ്പെ​ടു​ത്തി​യ​താ​യി പ​റ​ഞ്ഞു.

ശീ​ത​യു​ദ്ധ​ത്തി​നു​ശേ​ഷം റ​ഷ്യ ഒ​രു നാ​റ്റോ സ​ഖ്യ​രാ​ജ്യ​ത്തി​ന്‍റെ ക​പ്പ​ലി​നെ പ്ര​തി​രോ​ധി​ക്കാ​ൻ ആ​യു​ധം പ്ര​യോ​ഗി​ച്ചു​വെ​ന്ന റി​പ്പോ​ർ​ട്ട് ഏ​റെ ആ​ശ​ങ്ക പ​ര​ത്തി​യി​രി​ക്കു​ക​യാ​ണ്.

2014ൽ ​യു​ക്രെ​യ്നി​ൽ​നി​ന്നു റ​ഷ്യ സൈ​നി​ക​ശ​ക്തി ഉ​പ​യോ​ഗി​ച്ചു പി​ടി​ച്ചെ​ടു​ത്ത​താ​ണ് ക്രി​മി​യ. അ​ന്താ​രാ​ഷ്‌​ട്ര​സ​മൂ​ഹം ക്രി​മി​യ​യെ ഇ​പ്പോ​ഴും യു​ക്രെ​യ്നി​ന്‍റെ ഭാ​ഗ​മാ​യി​ട്ടാ​ണ് അം​ഗീ​ക​രി​ക്കു​ന്ന​ത്.

എ​ച്ച്എം​എ​സ് ഡി​ഫ​ൻ​ഡ​ർ ക്രൈ​മി​യ​യു​ടെ തെ​ക്ക് ഫി​യോ​ലെ​ന്‍റ്് മു​ന​ന്പി​നു സ​മീ​പം സ​ഞ്ച​രി​ക്കു​ന്പോ​ൾ റ​ഷ്യ​ൻ ക​പ്പ​ൽ മു​ന്ന​റി​യി​പ്പാ​യി വെ​ടി​യു​തി​ർ​ത്തു​വെ​ന്നാ​ണ് റി​പ്പോ​ർ​ട്ടു​ക​ളി​ൽ പ​റ​യു​ന്ന​ത്. ഡി​ഫ​ന്‍​ഡ​റി​ന്‍റെ സ​ഞ്ചാ​ര​പാ​ത​യി​ൽ റ​ഷ്യ​ൻ യു​ദ്ധ​വി​മാ​നം ബോം​ബി​ടു​ക​യും ചെ​യ്തു. തു​ട​ർ​ന്ന് ബ്രി​ട്ടീ​ഷ് ക​പ്പ​ൽ ഗ​തി​മാ​റ്റി.


എ​ന്നാ​ൽ, ബോം​ബ് പ്ര​യോ​ഗി​ക്ക​പ്പെ​ടു​ക​യോ ക​പ്പ​ലി​നു നേ​ർ​ക്ക് വെ​ടി​യു​തി​ർ​ക്ക​പ്പെ​ടു​ക​യോ ചെ​യ്തി​ട്ടി​ല്ലെ​ന്ന് ബ്രി​ട്ടീ​ഷ് പ്ര​തി​രോ​ധ മ​ന്ത്രാ​ല​യം അ​റി​യി​ച്ചു. ക​പ്പ​ൽ സ​ഞ്ച​രി​ക്കു​ന്ന പാ​ത​യ്ക്കു സ​മീ​പം വെ​ടി​വ​യ്പ് അ​ഭ്യാ​സം ന​ട​ക്കു​ന്ന​താ​യി റ​ഷ്യ മു​ൻ​പേ അ​റി​യി​ച്ചി​രു​ന്നു. യു​ക്രെ​യി​നി​ന്‍റെ ക​ട​ലി​ൽ​ക്കൂ​ടി​യാ​ണ് ക​പ്പ​ൽ സ​ഞ്ച​രി​ച്ച​തെ​ന്നും അ​ന്താ​രാ​ഷ്‌​ട്ര​സ​മൂ​ഹം അം​ഗീ​ക​രി​ച്ച സ​മു​ദ്ര​പാ​ത​യാ​ണി​തെ​ന്നും ബ്രി​ട്ട​ൻ പ​റ​ഞ്ഞു.

റി​പ്പോ​ർ​ട്ടു​ക​ൾ​ക്കു പി​ന്നാ​ലെ ബ്രി​ട്ടീ​ഷ് അം​ബാ​സ​ഡ​റെ റ​ഷ്യ​ൻ വി​ദേ​ശ​കാ​ര്യ​മ​ന്ത്രാ​ല​യം വി​ളി​പ്പി​ച്ചി​ട്ടു​ണ്ട്.

ബ്രി​ട്ടീ​ഷ് വി​മാ​ന​വാ​ഹി​നി വ്യൂ​ഹ​ത്തി​ന്‍റെ ഭാ​ഗ​മാ​യ എ​ച്ച്എം​എ​സ് ഡി​ഫ​ന്‍​ഡ​ർ ക​രി​ങ്ക​ട​ലി​ൽ ദൗ​ത്യ​ത്തി​ലാ​ണെ​ന്നാ​ണ് റോ​യ​ൽ നേ​വി​യു​ടെ വെ​ബ്സൈ​റ്റി​ൽ പ​റ​യു​ന്ന​ത്. ക​പ്പ​ൽ ഏ​താ​നും ദി​വ​സം മു​ന്പ് യു​ക്രെ​യ്നി​ലെ ഒ​ഡേ​സ തു​റ​മു​ഖ​ത്തു​ണ്ടാ​യി​രു​ന്നു. സ​ഹ​ക​ര​ണാ​ടി​സ്ഥാ​ന​ത്തി​ൽ യു​ദ്ധ​ക്ക​പ്പ​ലു​ക​ളും ര​ണ്ടു നാ​വി​ക താ​വ​ള​ങ്ങ​ളും നി​ർ​മി​ക്കാ​ൻ ബ്രി​ട്ട​നും യു​ക്രെ​യ്നും ത​മ്മി​ൽ ക​രാ​റു​ണ്ടാ​ക്കി​യി​ട്ടു​ണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.