കൊ​റോ​ണ: ക​ന്പോ​ള​ങ്ങ​ൾ ഇ​ടി​ഞ്ഞു
Monday, February 24, 2020 11:57 PM IST
മും​ബൈ/​ല​ണ്ട​ൻ: ചൈ​ന​യി​ലെ കോ​റോ​ണ വൈ​റ​സ് (കോ​വി​ഡ്-19) ആ​ഗോ​ള പ​ക​ർ​ച്ച​വ്യാ​ധി​യാ​യി മാ​റു​മെ​ന്ന ആ​ശ​ങ്ക​യി​ൽ ക​ന്പോ​ള​ങ്ങ​ൾ. ഓ​ഹ​രിക്ക​ന്പോ​ള​ങ്ങ​ൾ ഇ​ടി​ഞ്ഞു, സ്വ​ർ​ണ​വി​ല വാ​ണംപോ​ലെ കു​തി​ച്ചു ക​യ​റി, ഡോ​ള​റി​നു വി​ല​ വ​ർ​ധി​ച്ചു, ലോ​ഹ​ങ്ങ​ൾ​ക്കു വി​ല താ​ണു; ക്രൂഡ് ഓയിൽ വില ഇടിഞ്ഞു.

ദ​ക്ഷി​ണ കൊ​റി​യ​യി​ൽ വൈ​റ​സ് ബാ​ധി​ത​​രു​ടെ സം​ഖ്യ 800 ക​ട​ന്ന​തും ഇ​റാ​നി​ൽ അ​ന്പ​തി​ലേ​റെ​പ്പേ​ർ മ​രി​ച്ചെ​ന്ന സ്ഥി​രീ​ക​രി​ക്കാ​ത്ത റി​പ്പോ​ർ​ട്ടും ഇ​റ്റ​ലി​യി​ൽ മ​ര​ണ​വും രോ​ഗ​ബാ​ധ​യും വ​ർ​ധി​ക്കു​ന്ന​തും ആ​ശ​ങ്ക വ​ള​ർ​ത്തി. അ​ഫ്ഗാ​നി​സ്ഥാ​നി​ലും പ​ശ്ചി​മേ​ഷ്യ​യി​ലെ കു​വൈ​റ്റ്, ബ​ഹ​റി​ൻ, ഇ​റാ​ക്ക് എ​ന്നി​വി​ട​ങ്ങ​ളി​ലും രോ​ഗ​ബാ​ധ ഉ​ണ്ടെ​ന്നു ക​ണ്ടെ​ത്തിയതും ആശങ്ക കൂട്ടി.

വൈ​റ​സ് വ്യാ​പ​നം നി​യ​ന്ത്ര​ണീ​ത​മാ​യ​തോ​ടെ സാ​ന്പ​ത്തി​ക വ​ള​ർ​ച്ച​യെ​പ്പ​റ്റി പ​ര​ക്കെ സം​ശ​യ​ങ്ങ​ൾ ഉ​ട​ലെ​ടു​ത്തു. ചൈ​നീ​സ് വ​ള​ർ​ച്ച​യി​ൽ മാ​ത്ര​മ​ല്ല ഇ​ടി​വു​ണ്ടാ​വു​ക എ​ന്നു തീ​ർ​ച്ച​യാ​യി. ഇ​തോ​ടെ നി​ക്ഷേ​പ​ങ്ങ​ൾ സു​ര​ക്ഷി​ത താ​വ​ള​ങ്ങ​ൾ തേ​ടു​മെ​ന്ന ബോ​ധ്യ​ത്തി​ലാ​ണു വി​പ​ണി​ക​ൾ.

സ്വ​ർ​ണ​ത്തി​നും അ​മേ​രി​ക്ക​ൻ ഡോ​ള​റി​നും വി​ല കൂ​ടി​യ​ത് ഈ ​സാ​ഹ​ച​ര്യ​ത്തി​ലാ​ണ്. ഓ​ഹ​രി​ക​ളി​ൽനി​ന്നു വ​ലി​യ നി​ക്ഷേ​പ​ക​രും ഫ​ണ്ടു​ക​ളും പി​ൻ​വാ​ങ്ങും എ​ന്നാ​ണു ധാ​ര​ണ.

കൊ​റി​യ മു​ത​ൽ അ​മേ​രി​ക്ക​വ​രെ ഓ​ഹ​രിവി​പ​ണി​ക​ൾ ഇ​ന്ന​ലെ താ​ഴോ​ട്ടാ​യി​രു​ന്നു. കൊ​റി​യ​ൻ ഓ​ഹ​രിവി​പ​ണി സൂ​ചി​ക നാ​ലു ശ​ത​മാ​നം ഇ​ടി​ഞ്ഞു. യൂ​റോ​പ്യ​ൻ വി​പ​ണി​ക​ൾ മൂ​ന്നു​ശ​ത​മാ​നം താ​ഴ്ന്നാ​ണു തു​ട​ങ്ങി​യ​ത്. അ​മേ​രി​ക്ക​ൻ വി​പ​ണി​യു​ടെ തു​ട​ക്കം ര​ണ്ട​ര​ ശ​ത​മാ​നം ഇ​ടി​വോ​ടെ​യാ​യി​രു​ന്നു.
ഇ​ന്ത്യ​ൻ വി​പ​ണി​യും ക​ന​ത്ത താ​ഴ്ച​യി​ലാ​ണു തു​ട​ങ്ങി​യ​ത്. ഉ​ച്ച​യ്ക്കു​ശേ​ഷം കൂ​ടു​ത​ൽ താ​ഴോ​ട്ടു പോ​യി. സെ​ൻ​സെ​ക്സ് 806.89 പോ​യി​ന്‍റ് (1.96 ശ​ത​മാ​നം) താ​ണ് 40.363.23-ലും ​നി​ഫ്റ്റി 242.25 പോ​യി​ന്‍റ് (2.08 ശ​ത​മാ​നം) ഇ​ടി​ഞ്ഞ് 11,838.6-ലും ​ക്ലോ​സ് ചെ​യ്തു.
ബാ​ങ്കു​ക​ൾ, ടെ​ലി​കോം ക​ന്പ​നി​ക​ൾ, വാ​ഹ​നക്ക​ന്പ​നി​ക​ൾ തു​ട​ങ്ങി​യ​വ​യ്ക്കാ​യി​രു​ന്നു വ​ലി​യ ഇ​ടി​വ്.

ക്രൂഡ് ഓയിൽ വില നാലു ശതമാനം താണു. ബ്രെന്‍റ് ഇനം വീപ്പയ്ക്ക് 56 ഡോളറിൽ താഴെയായി വില.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.