പു​തി​യ സാ​ന്പ​ത്തി​ക വ​ർ​ഷം നാ​ളെ മു​ത​ൽ
Monday, March 30, 2020 11:49 PM IST
നാ​ളെ ഏ​പ്രി​ൽ ഒ​ന്ന് പു​തി​യ സാ​ന്പ​ത്തി​ക വ​ർ​ഷം തു​ട​ങ്ങു​ന്നു. എ​ല്ലാ സാ​ന്പ​ത്തി​ക പ്ര​വ​ർ​ത്ത​ന​ങ്ങ​ളും ത​ട​സ​പ്പെ​ട്ടു കി​ട​ക്കു​ന്ന കോ​വി​ഡ് 19 ലോ​ക്ക് ഡൗ​ൺ കാ​ല​ത്താ​ണു പു​തി​യ വ​ർ​ഷം തു​ട​ങ്ങു​ന്ന​ത്.

ഇ​ന്നു സ​മ​ർ​പ്പി​ക്കേ​ണ്ട പ​ല റി​ട്ടേ​ണു​ക​ളും ഫോ​മു​ക​ളും സ​മ​ർ​പ്പി​ക്കാ​ൻ ജൂ​ൺ 30 വ​രെ സാ​വ​കാ​ശ​മ​നു​വ​ദി​ച്ചി​ട്ടു​ണ്ട്.​എ​ങ്കി​ലും കേ​ന്ദ്രബ​ജ​റ്റി​ലെ പ്ര​ധാ​ന നി​ർ​ദേ​ശ​ങ്ങ​ളും ജി​എ​സ്ടി​യി​ലും ക​സ്റ്റം​സ് ഡ്യൂ​ട്ടി​യി​ലും വ​രു​ത്തി​യ മാ​റ്റ​ങ്ങ​ളും നാ​ളെ ന​ട​പ്പി​ലാ​യി​ത്തു​ട​ങ്ങും. പ്ര​ധാ​ന മാ​റ്റ​ങ്ങ​ൾ ചു​വ​ടെ:

ആ​ദാ​യ​നി​കു​തി

ആ​ദാ​യ​നി​കു​തി​ക്കു ര​ണ്ടു മാ​ർ​ഗം. ഒ​ന്നു നി​ല​വി​ലു​ള്ള​ത്. വി​വി​ധ ഇ​ള​വു​ക​ളും കി​ഴി​വു​ക​ളും റി​ബേ​റ്റും തു​ട​രും. ഈ ​രീ​തി വേ​ണ്ട​വ​ർ​ക്ക് തു​ട​രാം. അ​ല്ലാ​ത്ത​വ​ർ​ക്ക് യാ​തൊ​രു കി​ഴി​വും ഇ​ല്ലാ​ത്ത പു​തി​യ​ രീ​തി. പു​തി​യ​തി​ലെ നി​കു​തി നി​ര​ക്ക്.

വ​രു​മാ​നം (രൂ​പ) നി​ര​ക്ക് (%)
2.5 ല​ക്ഷം വ​രെ ഇ​ല്ല
2.5 - 5.0 ല​ക്ഷം 5
5.0 - 7.5 ല​ക്ഷം 10
7.5 - 10.0 ല​ക്ഷം 15
10.0 - 12.5 ല​ക്ഷം 20
12.5 - 15.0 ല​ക്ഷം 25
15 ല​ക്ഷ​ത്തി​ല​ധി​കം 30

പു​തി​യ രീ​തി സ്വീ​ക​രി​ച്ചാ​ൽ എ​ഴു​പ​തോ​ളം ഇ​നം കി​ഴി​വു​ക​ൾ ഇ​ല്ലാ​താ​കും അ​വ​യി​ൽ ചി​ല​ത്: 80 സി ​നി​ക്ഷേ​പം, വീ​ട്ടു വാ​ട​ക അ​ല​വ​ൻ​സ്, ഭ​വ​നവാ​യ്പ​യു​ടെ പ​ലി​ശ, ഭ​വ​ന വാ​യ്പ​യു​ടെ മു​ത​ൽ തി​രി​ച്ച​ട​വ്, ലീ​വ് ട്രാ​വ​ൽ അ​ല​വ​ൻ​സ്, മെ​ഡി​ക്ക​ൽ ഇ​ൻ​ഷ്വ​റ​ൻ​സ് പ്രീ​മി​യം, സ്റ്റാ​ൻ​ഡാ​ർ​ഡ് ഡി​ഡ​ക്‌​ഷ​ൻ, സേ​വിം​ഗ്സ് ബാ​ങ്ക് പ​ലി​ശ.

ചെ​ല​വു​കു​റ​ഞ്ഞ ഭ​വ​ന​പ​ദ്ധ​തി​യി​ൽ 1.5 ല​ക്ഷം രൂ​പകൂ​ടി പ​ലി​ശ​യി​ന​ത്തി​ൽ കി​ഴി​ക്കാം. നി​ല​വി​ലെ കിഴി​വു​ക​ൾ​ക്കു പു​റ​മെ​യാ​ണി​ത്.


ജി​എ​സ്ടി 12-ൽ ​നി​ന്നു 18 ശ​ത​മാ​ന​മാ​ക്കി​യ​തി​നാ​ൽ മൊ​ബൈ​ൽ ഫോ​ണി​നു വി​ല കൂ​ടും. കൈ​കൊ​ണ്ടു നി​ർ​മി​ക്കു​ന്ന തീ​പ്പെ​ട്ടി​ക്കു നി​കു​തി അ​ഞ്ചി​ൽ​നി​ന്നു 12 ശ​ത​മാ​ന​മാ​ക്കി​യ​ത് നാ​ളെ ന​ട​പ്പി​ലാ​കും.

കേ​ര​ള നി​കു​തി​ക​ൾ

കേ​ര​ള ബ​ജ​റ്റി​ൽ പ്ര​ഖ്യാ​പി​ച്ച നി​കു​തി മാ​റ്റ​ങ്ങ​ളും നാ​ളെ പ്രാ​ബ​ല്യ​ത്തി​ൽ വ​രു​ന്നു.
സ്വ​കാ​ര്യ ത്രീ​വി​ല​റു​ക​ൾ​ക്കും ക​ൺ​സ്ട്ര​ക്‌​ഷ​ൻ വാ​ഹ​ന​ങ്ങ​ൾ​ക്കും ര​ണ്ടു​ശ​ത​മാ​നം നി​കു​തി കൂ​ട്ടി.

വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ വാ​ഹ​ന​ങ്ങ​ൾ​ക്കു ത്രൈ​മാ​സ നി​കു​തി​യി​ൽ വ​ർ​ധ​ന.
ട്രാ​ൻ​സ്പോ​ർ​ട്ട് വാ​ഹ​ന​ങ്ങ​ളി​ലെ പ​ര​സ്യ​ത്തി​നു​ള്ള നി​കു​തി.

ഭൂ​മി​യു​ടെ ന്യാ​യ​വി​ല

ഭൂ​മി​യു​ടെ​ ന്യാ​യ​വി​ല വീ​ണ്ടും 10 ശ​ത​മാ​നം വ​ർ​ധി​പ്പി​ച്ച​ത് നാ​ളെ നി​ല​വി​ൽ വ​രും.​വ​ൻ​കി​ട പ്രോ​ജ​ക്‌​ടു​ക​ൾ​ക്കു സ​മീ​പം വി​ജ്ഞാ​പ​നം ചെ​യ്ത ഭൂ​മി​ക്ക് ഇ​തി​ൽനി​ന്നു 30 ശ​ത​മാ​നം കൂ​ടി​യ വി​ല നി​ശ്ച​യി​ക്കും.

കെ​ട്ടി​ട​ങ്ങ​ളു​ടെ ആ​ഡം​ബ​ര​നി​കു​തി വ​ർ​ധ​ന നാ​ളെ നി​ല​വി​ൽ വ​രും. 5000 രൂ​പ, 7500 രൂ​പ, 10000 രൂ​പ, 12500 രൂ​പ എ​ന്നി​ങ്ങ​നെ​യാ​ണ് പു​തി​യ നി​ര​ക്ക്.

പോ​ക്കു​വ​ര​വ് ഫീ​സി​ലെ വ​ർ​ധ​ന നാ​ളെ നി​ല​വി​ലാ​കും. ആ​ധാ​ര​ത്തി​ലെ ഓ​രോ പ​ട്ടി​ക​യും പ്ര​ത്യേ​ക യൂ​ണി​റ്റാ​യി ക​ണ​ക്കാ​ക്കി ഫീ​സ് ഈ​ടാ​ക്കും.

വി​ല്ലേ​ജ് ഓ​ഫീ​സി​ൽനി​ന്നു ന​ൽ​കു​ന്ന ലൊ​ക്കേ​ഷ​ൻ മാ​പ്പി​ന് 200 രൂ​പ ഫീ​സ് നാ​ളെ നി​ല​വി​ൽ​വ​രും. ത​ണ്ട​പ്പേ​ര് പ​ക​ർ​പ്പി​ന് 100 രൂ​പ​യാ​കും.

ഭൂ​മി സ്വ​ഭാ​വ വ്യ​തി​യാ​നം വ​രു​ത്താ​ൻ വ​ർ​ധി​പ്പി​ച്ച ഫീ​സ് നാ​ളെ മു​ത​ൽ.

ബാ​ങ്ക് ല​യ​നം

രാ​ജ്യ​ത്തെ പ​ത്തു പൊ​തു​മേ​ഖ​ലാ ബാ​ങ്കു​ക​ൾ ല​യി​ച്ചു നാ​ലെ​ണ്ണ​മാ​കു​ന്ന​തും നാ​ളെ​യാ​ണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.