Business News
സ്വിസ് നിക്ഷേപവിവരങ്ങൾ ആവശ്യപ്പെട്ട് കേന്ദ്ര ധനമന്ത്രാലയം
സ്വിസ് നിക്ഷേപവിവരങ്ങൾ ആവശ്യപ്പെട്ട് കേന്ദ്ര ധനമന്ത്രാലയം
Sunday, June 20, 2021 12:49 AM IST
മും​ബൈ: ഇ​ന്ത്യ​ൻ പൗ​ര​ൻ​മാ​രു​ടെ​യും സ്ഥാ​പ​ന​ങ്ങ​ളു​ടെ​യും സ്വി​സ് നി​ക്ഷേ​പ​വി​വ​ര​ങ്ങ​ൾ അ​ധി​കൃ​ത​രോ​ട് ആ​വ​ശ്യ​പ്പെ​ട്ട് കേ​ന്ദ്ര​ധ​ന​മ​ന്ത്രാ​ല​യം. വി​വി​ധ സ്വി​സ് ബാ​ങ്കു​ക​ളി​ലാ​യു​ള്ള ഇ​ന്ത്യ​ക്കാ​രു​ടെ നി​ക്ഷേ​പ​ങ്ങ​ൾ ക​ഴി​ഞ്ഞ​വ​ർ​ഷം 20,700 കോ​ടി രൂ​പ​യാ​യി​വ​ർ​ധി​ച്ചു​വെ​ന്നു​ള്ള റി​പ്പോ​ർ​ട്ടു​ക​ൾ പു​റ​ത്തു​വ​ന്ന സാ​ഹ​ച​ര്യ​ത്തി​ലാ​ണ് ന​ട​പ​ടി.

നി​ക്ഷേ​പ വി​വ​ര​ങ്ങ​ൾ​ക്കു പു​റ​മേ ആ​സ്തി​ക​ളി​ൽ വ​ർ​ധ​ന​യു​ണ്ടാ​യ​തി​ന്‍റെ കാ​ര​ണം സം​ബ​ന്ധി​ച്ച് സ്വി​സ് അ​ധി​കൃ​ത​രു​ടെ അ​ഭി​പ്രാ​യ​വും തേ​ടി​യി​ട്ടു​ണ്ടെ​ന്ന് ധ​ന​മ​ന്ത്രാ​ല​യം അ​റി​യി​ച്ചു. “ഉ​പ​ഭോ​ക്തൃ നി​ക്ഷേ​പ​ങ്ങ​ളി​ൽ 2019 നെ ​അ​പേ​ക്ഷി​ച്ച് 2020ൽ ​കു​റ​വാ​ണു​ണ്ടാ​യി​ട്ടു​ള്ള​ത്. എ​ന്നാ​ൽ ക​ട​പ്പ​ത്ര​ങ്ങ​ളു​ൾ​പ്പെ​ടെ​യു​ള്ള ആ​സ്തി​ക​ളി​ൽ വ​ർ​ധ​ന​യു​ണ്ടെ​ന്ന് റി​പ്പോ​ർ​ട്ടു​ക​ളി​ലു​ണ്ട്. ഇ​ക്കാ​ര്യം പ​രി​ശോ​ധി​ക്കും.

സ്വി​സ് ബാ​ങ്കു​ക​ളു​ടെ ഇ​ന്ത്യ​യി​ലെ ബ്രാ​ഞ്ചു​ക​ളു​ടെ ബി​സി​ന​സ് വി​പു​ല​മാ​യി​തി​ലൂ​ടെ​യും ഇ​ന്ത്യ​ൻ ബാ​ങ്കു​ക​ളും സ്വി​സ് ബാ​ങ്കു​ക​ളും ത​മ്മി​ലു​ള്ള ഇ​ട​പാ​ടു​ക​ളി​ലെ വ​ർ​ധ​ന​കൊ​ണ്ടും ആ​സ്തി​ക​ളി​ൽ വ​ള​ർ​ച്ച​യു​ണ്ടാ​കാ​ൻ സാ​ധ്യ​ത​യു​ണ്ട്. എ​ന്നാ​ൽ സ​ർ​ക്കാ​രി​നു ല​ഭ്യ​മാ​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ സ്വി​സ് ബാ​ങ്കു​ക​ളി​ലെ ഇ​ന്ത്യ​ക്കാ​രു​ടെ ക​ള്ള​പ്പ​ണനി​ക്ഷേ​പ​ത്തി​ൽ വ​ർ​ധ​ന​യു​ണ്ടാ​കാ​ൻ സാ​ധ്യ​ത​യി​ല്ല. മാ​ത്ര​മ​ല്ല ബ്ലാ​​​ക്ക് മ​​​ണി​​​യാ​​​യി ക​​​ണ​​​ക്കാ​​​ക്ക​​​പ്പെ​​​ടു​​​ന്ന പ​​​ണ​​​വും ഇ​​​ന്ത്യ​​​ക്കാ​​​ർ മ​​​റ്റു രാ​​​ജ്യ​​​ങ്ങ​​​ളി​​​ലെ സ്ഥാ​​​പ​​​ന​​​ങ്ങ​​​ളു​​​ടെ​​​യോ വ്യ​​​ക്തി​​​ക​​​ളു​​​ടെ​​​യോ പേ​​​രി​​​ൽ ന​​​ട​​​ത്തി​​​യി​​​ട്ടു​​ള്ള നി​​​ക്ഷേ​​​പ​​​ങ്ങ​​​ളും ഉ​​​ൾ​​​പ്പെ​​​ടാ​​​ത്ത ക​​​ണ​​​ക്കാ​​​ണ് സ്വി​​​സ് നാ​​​ഷ​​​ണ​​​ൽ ബാ​​​ങ്ക് പു​​റ​​ത്തു​​വി​​ട്ടി​​ട്ടു​​ള്ള​​ത്. - ധ​ന​മ​ന്ത്രാ​ല​യം അ​റി​യി​ച്ചു. ഇ​ന്ത്യ​ൻ പൗ​ര​ൻ​മാ​രു​ടെ​യും സ്ഥാ​പ​ന​ങ്ങ​ളു​ടെ​യും നി​ക്ഷേ​പ​വി​വ​ര​ങ്ങ​ൾ കൈ​മാ​റു​ന്ന​തി​നു​ള്ള ക​രാ​റി​ൽ ഇ​ന്ത്യ​യും സ്വി​റ്റ​്സ​ർ​ല​ൻ​ഡും 2018ലാ​ണ് ഒ​പ്പു​വ​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.