ബിഎസ്ഇ മിഡ്ക്യാപ്-സ്മോൾക്യാപ് സൂചികകളും റിക്കാർഡിലാണ്. ഇന്നലെ 0.19 ശതമാനം ഉയർന്ന മിഡ്ക്യാപ് സൂചിക 35,245.77ലും സ്മോൾക്യാപ് 0.18 ശതമാനം ഉയർന്ന് 41,174.45 പോയിന്റിലുമെത്തി ചരിത്രനേട്ടം കുറിച്ചു.
എൽ&ടി, മഹീന്ദ്ര ആൻഡ് മഹീന്ദ്ര, നെസ്‌ലെ, എൻടിപിസി, സണ്‍ ഫാർമ, ടാറ്റ മോട്ടോഴ്സ്, ടൈറ്റൻ എന്നീ ഓഹരികൾ സെൻസെക്സിലും വിപ്രോ, ഐടിസി തുടങ്ങിയ ഓഹരികൾ നിഫ്റ്റിയിലും വലിയ നേട്ടമുണ്ടാക്കി. അദാനി ഗ്രൂപ്പ് ഓഹരികളും വലിയ നേട്ടത്തിലാണു വ്യാപാരം അവസാനിപ്പിച്ചത്.
349 ലക്ഷം കോടി ബിഎസ്ഇയിൽ ലിസ്റ്റ് ചെയ്ത ഓഹരികളുടെ ആകെ മൂല്യം 349 ലക്ഷം കോടി രൂപയാണ്. ഒറ്റ സെഷൻകൊണ്ട് 2.5 ലക്ഷം കോടി രൂപയുടെ വർധന. ഏഴു ദിവസത്തെ വിപണിക്കുതിപ്പിൽ നിക്ഷേപകർക്ക് 20 ലക്ഷം കോടി രൂപയുടെ നേട്ടമുണ്ടായതായാണു കണക്ക്.