11.03 ലക്ഷം കോടി 11.03 ലക്ഷം കോടിയാണു നടപ്പു സാന്പത്തിക വർഷത്തിന്‍റെ ആദ്യ പത്തു മാസത്തെ ധനക്കമ്മി. ഇത് പുതുക്കിയ വാർഷിക എസ്റ്റിമേറ്റിന്‍റെ 63.6 ശതമാനമാണ്. കഴിഞ്ഞ സാന്പത്തിക വർഷത്തിന്‍റെ ഇതേ കാലയളവിൽ ധനക്കമ്മി 11.91 ലക്ഷം കോടി (67.8 ശതമാനം) ആയിരുന്നു. 17.87 ലക്ഷം കോടി രൂപയാണ് ഫെബ്രുവരി ഒന്നിന് അവതരിപ്പിച്ച വോട്ട് ഓണ്‍ അക്കൗണ്ടിൽ കേന്ദ്ര ധനമന്ത്രാലയം കണക്കാക്കുന്ന ധനക്കമ്മി.
സുപ്രധാന മേഖലകളില്‍ തളര്‍ച്ച ജനുവരിയിൽ രാജ്യത്തെ പ്രധാനപ്പെട്ട എട്ട് ഇൻഫ്രാസ്ട്രക്ചർ മേഖലകളിൽ വളർച്ച 15 മാസത്തിലെ ഏറ്റവും താഴ്ന്ന നിലയിലെത്തി. 3.6 ശതമാനമാണ് ഇക്കാലയളവിൽ ഈ വിഭാഗങ്ങളിലെ വളർച്ച. റിഫൈനറി, വളം, സ്റ്റീൽ, വൈദ്യുതി മേഖലകളുടെ മോശം പ്രകടമാണ് വളർച്ച ഇടിയാൻ കാരണമായത്. കൽക്കരി, ക്രൂഡ് ഓയിൽ, പ്രകൃതിവാതകം, റിഫൈനറി, വളം, സ്റ്റീൽ, സിമന്‍റ്, വൈദ്യുതി എന്നിങ്ങനെ പ്രധാനപ്പെട്ട എട്ട് ഇൻഫ്രാസ്ട്രക്ചർ മേഖലകളിൽ 4.9 ശതമാനമായിരുന്നു ഡിസംബറിലെ വളർച്ച.