രാ​ജ​സ്ഥാ​ൻ റോ​യ​ൽ​സി​നെ കീ​ഴ​ട​ക്കി സ​ൺ​റൈ​സേ​ഴ്സ് ഫൈ​ന​ലി​ൽ
രാ​ജ​സ്ഥാ​ൻ റോ​യ​ൽ​സി​നെ കീ​ഴ​ട​ക്കി സ​ൺ​റൈ​സേ​ഴ്സ് ഫൈ​ന​ലി​ൽ
Saturday, May 25, 2024 1:10 AM IST
ചെ​ന്നൈ: ​ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ൽ സ​ൺ​റൈ​സേ​ഴ്സ് ഹൈ​ദ​രാ​ബാ​ദ് ഫൈ​ന​ലി​ൽ. ര​ണ്ടാം ക്വാ​ളി​ഫ​യ​റി​ൽ സ​ഞ്ജു സാം​സ​ന്‍റെ രാ​ജ​സ്ഥാ​ൻ റോ​യ​ൽ​സി​നെ 36 റ​ൺ​സി​ന് കീ​ഴ​ട​ക്കി​യാ​ണ് സ​ൺ​റൈ​സേ​ഴ്സ് ഫൈ​ന​ലി​ലേ​ക്ക് മു​ന്നേ​റി​യ​ത്.

നാ​ളെ ന​ട​ക്കു​ന്ന ഫൈ​ന​ലി​ൽ കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​നെ ഹൈ​ദ​രാ​ബാ​ദ് നേ​രി​ടും. സ്കോ​ർ: സ​ൺ​റൈ​സേ​ഴ്സ് ഹൈ​ദ​രാ​ബാ​ദ് 175/9 (20). രാ​ജ​സ്ഥാ​ൻ റോ​യ​ൽ​സ് 139/7 (20). ക്വാ​ളി​ഫ​യ​ർ ഒ​ന്നി​ൽ ഹൈ​ദ​രാ​ബാ​ദി​നെ കീ​ഴ​ട​ക്കി​യാ​ണ് കോ​ൽ​ക്ക​ത്ത ഫൈ​ന​ലി​ൽ പ്ര​വേ​ശി​ച്ച​ത്.

176 റ​ൺ​സ് എ​ന്ന ല​ക്ഷ്യം പി​ന്തു​ട​ർ​ന്ന രാ​ജ​സ്ഥാ​ന് മ​ധ്യ ഓ​വ​റു​ക​ളി​ൽ റ​ൺ​സ് നേ​ടാ​ൻ സാ​ധി​ക്കാ​തെ വ​ന്ന​താ​ണ് തി​രി​ച്ച​ടി​യാ​യ​ത്. 35 പ​ന്തി​ൽ 56 റ​ൺ​സു​മാ​യി പു​റ​ത്താ​കാ​തെ നി​ന്ന ധ്രു​വ് ജു​റെ​ലാ​ണ് രാ​ജ​സ്ഥാ​ൻ ഇ​ന്നിം​ഗ്സി​ലെ ടോ​പ് സ്കോ​റ​ർ. യ​ശ​സ്വി ജ​യ്സ്വാ​ൾ 42 റ​ൺ​സ് നേ​ടി. സ​ഞ്ജു (10), റി​യാ​ൻ പ​രാ​ഗ് (6) എ​ന്നി​വ​ർ നി​രാ​ശ​പ്പെ​ടു​ത്തി.

ടോ​സ് നേ​ടി​യ രാ​ജ​സ്ഥാ​ൻ ക്യാ​പ്റ്റ​ൻ സ​ഞ്ജു സാം​സ​ണ്‍ ബൗ​ളിം​ഗ് തെ​ര​ഞ്ഞെ​ടു​ത്തു. ഓ​പ്പ​ണിം​ഗ് ബൗ​ളിം​ഗി​നെ​ത്തി​യ ട്രെ​ന്‍റ് ബോ​ൾ​ട്ട് ആ​ദ്യ അ​ഞ്ച് പ​ന്തി​ലാ​യി 13 റ​ണ്‍​സ് വ​ഴ​ങ്ങി. എ​ന്നാ​ൽ, അ​വ​സാ​ന പ​ന്തി​ൽ അ​ഭി​ഷേ​ക് ശ​ർ​മ​യെ (12) ടോം ​കോ​ഹ്‌ല​റി​ന്‍റെ കൈ​ക​ളി​ലെ​ത്തി​ച്ച് ആ​ദ്യ പ്ര​ഹ​ര​മേ​ൽ​പ്പി​ച്ചു.

മൂ​ന്നാം ന​ന്പ​റാ​യി എ​ത്തി​യ രാ​ഹു​ൽ ത്രി​പാ​ഠി​യു​ടെ (15 പ​ന്തി​ൽ 37) ക​ട​ന്നാ​ക്ര​മ​ണ​ത്തി​നും ബോ​ൾ​ട്ടാ​ണ് വി​രാ​മ​മി​ട്ട​ത്. യു​സ്‌വേ​ന്ദ്ര ച​ഹ​ലി​നാ​യി​രു​ന്നു ക്യാ​ച്ച്. ഒ​രു പ​ന്തി​ന്‍റെ ഇ​ട​വേ​ള​യി​ൽ എ​യ്ഡ​ൻ മാ​ക്ര​ത്തെ​യും (1) ബോ​ൾ​ട്ട് പു​റ​ത്താ​ക്കി.

ഒ​രു വ​ശ​ത്ത് തു​ട​ർ​ന്ന ട്രാ​വി​സ് ഹെ​ഡി​നെ (28 പ​ന്തി​ൽ 34) സ​ന്ദീ​പ് ശ​ർ​മ 10-ാം ഓ​വ​റി​ന്‍റെ അ​വ​സാ​ന പ​ന്തി​ൽ പ​റ​ഞ്ഞ​യ​ച്ചു. 34 പ​ന്തി​ൽ 50 റ​ണ്‍​സു​മാ​യി സ​ണ്‍​റൈ​സേ​ഴ്സ് ഇ​ന്നിം​ഗ്സി​ലെ ടോ​പ് സ്കോ​റ​റാ​യ ഹെ​ൻ‌റി​ച്ച് ക്ലാ​സ​നെ സ​ന്ദീ​പ് ബൗ​ൾ​ഡാ​ക്കു​ക​യും ചെ​യ്തു.

19-ാം ഓ​വ​റി​ലെ ആ​ദ്യ പ​ന്തി​ലാ​യി​രു​ന്നു ക്ലാ​സ​നെ സ​ന്ദീ​പ് പു​റ​ത്താ​ക്കി​യ​ത്. ഇ​തി​നി​ടെ നി​തീ​ഷ് കു​മാ​ർ റെ​ഡ്ഡി (5), അ​ബ്ദു​ൾ സ​മ​ദ് (0), ഷ​ഹ്ബാ​സ് അ​ഹ​മ്മ​ദ് (18) എ​ന്നി​വ​രു​ടെ വി​ക്ക​റ്റ് ആ​വേ​ശ് ഖാ​ൻ സ്വ​ന്ത​മാ​ക്കി. ബോ​ൾ​ട്ടും (3/45) ആ​വേ​ശും (3/27) മൂ​ന്ന് വീ​ത​വും സ​ന്ദീ​പ് ശ​ർ​മ (2/25) ര​ണ്ടും വി​ക്ക​റ്റും സ്വ​ന്ത​മാ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.