കാടു വിറപ്പിച്ച ശി​ക്കാ​രി​ കു​ട്ടി​യ​മ്മ ഓ​ർ​മ​യാ​യി
Tuesday, August 20, 2019 12:21 AM IST
കാ​​ഞ്ഞി​​ര​​പ്പ​​ള്ളി/​മ​റ​യൂ​ർ: മ​​റ​​യൂ​​ർ കാ​​ടു​​ക​​ളി​​ൽ തോ​​ക്കേ​​ന്തി നാ​​യാ​​ട്ടു​​ന​​ട​​ത്തി വാ​​ർ​​ത്ത​​ക​​ളി​​ൽ ഇ​​ടം​​നേ​​ടി​​യ ശി​​ക്കാ​​രി കു​​ട്ടി​​യ​​മ്മ​​യെ​​ന്ന ആ​​ന​​ക്ക​​ല്ല് വ​​ട്ട​​വ​​യ​​ലി​​ല്‍ പ​​രേ​​ത​​നാ​​യ തോ​​മ​​സ് ചാ​​ക്കോ​​യു​​ടെ ഭാ​​ര്യ ത്രേ​​സ്യ (കു​​ട്ടി​​യ​​മ്മ-87) ഓ​​ർ​​മ​​യാ​​യി.

പാ​​ലാ​​യി​​ൽ​നി​​ന്നു മ​​റ​​യൂ​​രി​​ലേ​​ക്കു കു​​ടി​​യേ​​റു​ക​യും ഒ​ടു​വി​ൽ ജീ​വി​ക്കാ​നാ​യി കൊ​ടും​വ​ന​ങ്ങ​ളി​ൽ വേ​ട്ട​ക്കാ​രി​യാ​വു​ക​യും ചെ​യ്ത കു​​ട്ടി​​യ​​മ്മ​​യു​​ടെ ജീ​​വി​​തം എ​​ക്കാ​​ല​​വും സാ​​ഹ​​സി​​ക​​മാ​​യി​​രു​​ന്നു. കൃ​​ഷി ചെ​​യ്ത് ഉ​​പ​​ജീ​​വ​​നം ന​​ട​​ത്താ​​ൻ കേ​​ര​​ള അ​​തി​​ർ​​ത്തി​​യാ​​യ മ​​റ​​യൂ​​രി​​ലെ​​ത്തി​​യെ​​ങ്കി​​ലും ഏ​​റെ​​ക്കാ​​ല​​ത്തി​​നു​​ശേ​​ഷം കു​​ടി​​യി​​റ​​ങ്ങേ​​ണ്ടി​ വ​​ന്ന കു​​ട്ടി​​യ​​മ്മ 1996 മു​​ത​​ൽ കാ​​ഞ്ഞി​​ര​​പ്പ​​ള്ളി​​യി​​ലാ​​യി​​രു​​ന്നു താ​​മ​​സം. സി​​​നി​​​മാ​​​ക്ക​​​ഥ​​​ക​​​ളെ വെ​​​ല്ലു​​​ന്ന ജീ​​​വി​​​ത​​​മാ​​​യി​​​രു​​​ന്നു ത്രേ​​​സ്യാ​​​മ്മ എ​​​ന്ന ശി​​​ക്കാ​​​രി കു​​​ട്ടി​​​യ​​​മ്മ​​​യു​​​ടേ​​​ത്.

1948 ൽ ​​​പാ​​​ലാ​​​യി​​​ൽ​​​നി​​​ന്നു മ​​​റ​​​യൂ​​​രി​​​ലേ​​​ക്കു കു​​​ടി​​​യേ​​​റി​​​യ​​താ​​​ണ് കു​​​ട്ടി​​​യ​​​മ്മ​​​യു​​​ടെ കു​​​ടും​​​ബം. പാ​​ലാ​​യി​​ലെ ഒ​​രു സ്വ​​കാ​​ര്യ ബാ​​ങ്ക് പൊ​​ളി​​ഞ്ഞ​​തി​​നെ​​ത്തു​​ട​​ർ​​ന്നു കു​​ട്ടി​​യ​​മ്മ​​യും മാ​​താ​​പി​​താ​​ക്ക​​ളും ആ​​റു ​സ​​ഹോ​​ദ​​ര​​ങ്ങ​​ളും മ​​റ​​യൂ​​ർ ഉ​​ദു​​മ​​ല്‍​പേ​​ട്ട ചി​​ന്നാ​​റി​​ലേ​​ക്കു കു​​ടി​​യേ​​റി പാ​​ർ​​ത്തു. മ​​റ​​യൂ​​ര്‍ എ​​ത്തു​​മ്പോ​​ള്‍ കാ​​ട്ടു​​വാ​​സി​​ക​​ള്‍ മാ​​ത്ര​​മാ​​ണ് ഇ​​വി​​ടെ ഉ​​ണ്ടാ​​യി​​രു​​ന്ന​​ത്. മ​​ല​​മ്പ​​നി മ​​റ​​യൂ​​രി​​നെ ക​​ട​​ന്നാ​​ക്ര​​മി​​ച്ച സ​മ​യം. മ​​ര​​ണം നി​​ത്യ​​സം​​ഭ​​വ​​മാ​​യി. കു​​ട്ടി​​യ​​മ്മ​​യു​​ടെ പി​​താ​​വ് എ​​ങ്ങോ​​ട്ടോ പോ​​യി, അ​​മ്മ ഇ​​ള​​യ​​കു​​ഞ്ഞു​​ങ്ങ​​ളെ എ​​ടു​​ത്ത് അ​​മ്മ​​വീ​​ട്ടി​​ലും. കു​​ട്ടി​​യ​​മ്മ വ​​രു​​മ്പോ​​ള്‍ കാ​​ണു​​ന്ന​​ത് ഒ​​രു വ​​രാ​​ന്ത​​യി​​ല്‍ അ​​ഭ​​യം പ്രാ​​പി​​ച്ച സ​​ഹോ​​ദ​​ര​​ങ്ങ​​ളെ​​യാ​​ണ്. വി​​ശ​​ന്നു ത​​ള​​ര്‍​ന്നു പ​​ഴ​​ങ്ങ​​ള്‍ കി​​ട്ടു​​മോ എ​​ന്ന​​റി​​യാ​​ന്‍ കാ​​ടു​ ക​​യ​​റു​​ന്ന​​താ​​ണ് വേ​​ട്ട​​യു​​ടെ തു​​ട​​ക്കം.

ഇ​​തി​​നി​​ട​​യി​​ല്‍ പ​​രി​​ച​​യ​​പ്പെ​​ട്ട വേ​​ട്ട​​ക്കാ​​രോ​​ടൊ​​പ്പം മൂ​​ത്ത സ​​ഹോ​​ദ​​ര​​ന്‍ കാ​​ടു ക​​യ​​റി. ഒ​​രി​​ക്ക​​ല്‍ സ​​ഹോ​​ദ​​ര​​ന്‍ ഇ​​ല്ലാ​​തെ​​യാ​​ണു വേ​​ട്ട​​ക്കാ​​ര്‍ മ​ട​ങ്ങി വ​​ന്ന​​ത്. കാ​​ട്ടു​​പോ​​ത്തി​​ന്‍റെ ആ​​ക്ര​​മ​​ണ​​ത്തി​​ല്‍ അ​​പ​​ക​​ടം പ​​റ്റി​​യ സ​​ഹോ​​ദ​​ര​​നെ അ​​വ​​ര്‍ കാ​​ട്ടി​​ല്‍ ഉ​​പേ​​ക്ഷി​ക്കു​ക​യാ​യി​രു​ന്നു.

ഒ​​രു രാ​​ത്രി​​മു​​ഴു​​വ​​ന്‍ സ​​ഹോ​​ദ​​ര​​നെ ഓ​​ര്‍​ത്ത്‌ ക​​ര​​ഞ്ഞാ​​ണ് കു​​ട്ടി​​യ​​മ്മ നേ​​രം വെ​​ളു​​പ്പി​​ച്ച​​ത്. രാ​​വി​​ലെ ഒ​​രു തോ​​ക്കും എ​​ടു​​ത്തു സ​​ഹോ​​ദ​​ര​​ങ്ങ​​ളെ​​ക്കൂ​​ട്ടി കാ​​ട്ടി​​ല്‍ അ​​ക​​പ്പെ​​ട്ട സ​​ഹോ​​ദ​​ര​​നെ തേ​​ടി​​യി​​റ​​ങ്ങി. ഒ​​ന്നു​കി​ല്‍ എ​​ല്ലാ​​വ​​രും ജീ​​വി​​ക്കു​​ക അ​​ല്ലെ​​ങ്കി​​ല്‍ ഒ​​രു​​മി​​ച്ചു മ​​രി​​ക്കു​​ക എ​​ന്ന​താ​യി​രു​ന്നു കു​​ട്ടി​​യ​​മ്മ​​യു​​ടെ തീ​​രു​​മാ​​നം. നീ​​രു വ​​ന്ന കാ​​ലു​​മാ​​യി ഒ​​രു പാ​​റ​​പ്പു​​റ​​ത്ത് ഇ​​രി​​ക്കു​​ന്ന സ​​ഹോ​​ദ​​ര​​നെ കു​​ട്ടി​​യ​​മ്മ ക​​ണ്ടെ​​ത്തു​​മ്പോ​​ള്‍ കൈ​യെ​​ത്താ​​വു​​ന്ന ദൂ​​ര​​ത്തു പു​​ലി​​ക​​ള്‍ ഉ​​ണ്ടാ​​യി​​രു​​ന്നെ​​ങ്കി​​ലും ഇ​​വ ആ​​രെ​​യും ഉ​​പ​​ദ്ര​​വി​​ച്ചി​​ല്ല. വ​​ച്ചു​​കെ​​ട്ടി​​യ കാ​​ലു​​മാ​​യി സ​​ഹോ​​ദ​​ര​​ന്‍ കു​​ട്ടി​​യ​​മ്മ​​യെ വെ​​ടി​​യു​തി​ർ​ക്കാ​ൻ പ​​രി​​ശീ​​ലി​​പ്പി​​ച്ചു. തോ​​ക്കു​​മാ​​യി വേ​​ട്ട​​യ്ക്കു സ​​ഹോ​​ദ​​ര​​ങ്ങ​​ളെ​​യും കൂ​​ട്ടി​​പോ​​യ കു​​ട്ടി​​യ​​മ്മ​​യ്ക്ക് ആ​​ദ്യ​​ത്തെ ദി​​വ​​സം ത​​ന്നെ ഒ​​രു കാ​​ട്ടു​ പോ​​ത്തി​​നെ വീ​​ഴ്ത്താ​​നാ​​യി.


പി​​ന്നീ​​ട് വ​​ന​​വി​​ഭ​​വ​​ങ്ങ​​ൾ ശേ​​ഖ​​രി​​ച്ചും ക​​ഴി​​ച്ചും ജീ​​വി​​തം മു​​ന്നോ​​ട്ടു​​കൊ​​ണ്ടു​​പോ​​യി. പ​​ക​​ല്‍ നാ​​യാ​​ടി ന​​ട​​ക്കും, രാ​​ത്രി ഒ​​രു ഗു​​ഹ​​യി​​ല്‍ കു​​ട്ടി​​യ​​മ്മ​​യും സ​​ഹോ​​ദ​​ര​​ങ്ങ​​ളും കി​​ട​​ക്കും. മൃ​​ഗ​​ങ്ങ​​ള്‍ വ​​രാ​​തി​​രി​​ക്കാ​​ന്‍ ഗു​​ഹ​​യ്ക്കു മു​​ന്‍​പി​​ല്‍ തീ​​യി​​ടും. തീ ​​അ​​ണ​​യാ​​തി​​രി​​ക്കാ​​ന്‍ ആ​​രെ​​ങ്കി​​ലും ഒ​​രാ​​ള്‍ കാ​​വ​​ലി​​രി​​ക്കും. ഇ​​തി​​നി​​ട​​യി​​ല്‍ പു​​ല്‍​തൈ​​ല​​വും വാ​​റ്റും. നാ​​ലു​ വ​​ര്‍​ഷ​​ത്തോ​​ളം ഇ​​ങ്ങ​​നെ ഗു​​ഹ​​യി​​ലാ​​ണ് കു​​ട്ടി​​യ​​മ്മ താ​​മ​​സി​​ച്ച​​ത്. പു​​ല്‍​തൈ​​ല​​വും ഇ​​റ​​ച്ചി​​യും മ​​റ​​യൂ​​രി​​ല്‍ കൊ​​ണ്ടു​​പോ​​യി വി​​റ്റാ​​ണ് കു​​ട്ടി​​യ​​മ്മ ഒ​​രു വീ​​ട് വ​​യ്ക്കു​​ന്ന​​ത്.

പ​​രു​​ക്ക​​ന്‍ പെ​​രു​​മാ​​റ്റ​​വും വേ​​ട്ട​​ത്തോ​​ക്ക് കു​​ത്തി​​യു​​ള്ള കു​ട്ടി​യ​മ്മ​യു​ടെ നി​​ല്‍​പ്പും അ​​ടി​​മാ​​ലി​​യി​​ലെ​​യും മ​​റ​​യൂ​​രി​​ലെ​​യും പു​​രു​​ഷ​​ന്മാ​​ര്‍​ക്കു പോ​ലും കൗ​​തു​​ക​​മാ​​യി​​രു​​ന്നു. 12 ഏ​​ക്ക​​റോ​​ളം ഭൂ​​മി തെ​ളി​ച്ചു പ​​ട്ട​​യം സ്വ​​ന്ത​​മാ​​ക്കി കൃ​​ഷി ചെ​​യ്തെ​​ങ്കി​​ലും കാ​​ട്ടു​പ​​ന്നി​​ക​​ള്‍ സ​​മ്മ​​തി​​ച്ചി​​ല്ല. ഇ​​തി​​നി​​ട​​യി​​ല്‍ ചി​​ത​​റി​​പ്പോ​​യ കു​​ടും​​ബ​​ത്തെ​​യും കു​​ട്ടി​​യ​​മ്മ ക​​ണ്ടെ​​ത്തി കൂ​​ടെ​​കൂ​​ട്ടി.

വ​​ർ​​ഷ​​ങ്ങ​​ൾ​​ക്കു ശേ​​ഷം കേ​​ര​​ള ത​​മി​​ഴ്നാ​​ട് അ​​തി​​ര്‍​ത്തി​​യി​​ലെ ചു​​രു​​ളി​​പെ​​ട്ടി​​യി​​ലേ​​ക്കു താ​​മ​​സം മാ​​റി.

1972ൽ ​​വ​​ന്യ​​ജീ​​വി നി​​യ​​മം വ​​രു​​ന്ന​​തി​​നു മു​​ന്പ് ത​​ന്നെ കു​​ട്ടി​​യ​​മ്മ കൃ​​ഷി​​യി​​ലേ​​ക്കു ചു​​വ​​ടു​​മാ​​റ്റി​​യി​​രു​​ന്നു. 1995ൽ ​​​എ​​​ലി​​​ഫ​​​ന്‍റ് പ്രോ​​​ജ​​​ക്ടി​​​ന്‍റെ ഭാ​​​ഗ​​​മാ​​​യി വ​​​നം - വ​​​ന്യ​​​ജീ​​​വി വ​​​കു​​​പ്പു​​​മാ​​​യി ധാ​​​ര​​​ണ​​​യാ​​​കു​​​ക​​​യും അ​​​തി​​​ന്‍റെ അ​​​ടി​​​സ്ഥാ​​​ന​​​ത്തി​​​ൽ ചു​​​രു​​​ളി​​​പ്പെ​​​ട്ടി​​​യി​​​ലു​​​ള്ള സ്ഥ​​​ലം 55 ല​​​ക്ഷം രൂ​​​പ​​​യ്ക്കു വ​​​നം​​​വ​​​കു​​​പ്പി​​​നു വി​​​ട്ടു​​​കൊ​​​ടു​​​ത്തു കു​​​ട്ടി​​​യ​​​മ്മ​​​യും കു​​​ടും​​​ബ​​​വും കാ​​​ടി​​​റ​​​ങ്ങി. അ​ന്നു വാ​​​ർ​​​ത്താ​​​മാ​​​ധ്യ​​​മ​​​ങ്ങ​​​ളി​​​ൽ താ​​​ര​​​പ​​​രി​​​വേ​​​ഷ​​​മാ​​​യി​​​രു​​​ന്നു ശി​​​ക്കാ​​​രി കു​​​ട്ടി​​​യ​​​മ്മ​​​യ്ക്കു ല​​​ഭി​​​ച്ച​​​ത്. കു​​​ട്ടി​​​യ​​​മ്മ​​​യും കു​​​ടും​​​ബ​​​വും കാ​​​ഞ്ഞി​​​ര​​​പ്പ​​​ള്ളി ആ​​​ന​​​ക്ക​​​ല്ലി​​​ലും തു​​​ട​​​ർ​​​ന്നു ക​​​പ്പാ​​​ടും താ​​​മ​​​സി​​​ച്ചു​​​വ​​​രി​​​ക​​​യാ​​​ണ്. അ​​​വി​​​ടെ മാ​​​താ ഓ​​​ർ​​​ഗാ​​​നി​​​ക് എ​​​ന്ന ജൈ​​​വ​​​വ​​​ള ക​​​ന്പ​​​നി മ​​​ക​​​ൻ ബാ​​​ബു (ജോ​​​സ​​​ഫ്) ന​​​ട​​​ത്തു​​ന്നു. ഇ​​​ന്ന​​​ലെ പു​​​ല​​​ർ​​​ച്ചെ​​​യാ​​​ണ് കു​​​ട്ടി​​​യ​​​മ്മ മ​​​രി​​​ച്ച​​​ത്.

മ​​​ക്ക​​​ൾ: ബാ​​​ബു, പ​​​രേ​​​ത​​​നാ​​​യ മൈ​​​ക്കി​​​ൾ. മ​​​രു​​​മ​​​ക​​​ൾ: ഷേ​​​ർ​​​ളി. കു​ട്ടി​യ​മ്മ​യു​ടെ സം​​സ്‌​​കാ​​രം ഇ​​ന്ന് ഉ​​ച്ച​​ക​​ഴി​​ഞ്ഞ് മൂ​​ന്നി​നു ക​​പ്പാ​​ടു​​ള്ള വ​​സ​​തി​​യി​​ൽ ആ​​രം​​ഭി​​ച്ച് ആ​​ന​​ക്ക​​ല്ല് സെ​​ന്‍റ് ആ​​ന്‍റ​​ണീ​​സ് പ​​ള്ളി​​യി​​ൽ ന​​ട​​ക്കും. ‌

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.