റ​ബ​ർ വി​പ​ണി നി​ശ്ച​ലം: ക​ർ​ഷ​ക​രും വ്യാ​പാ​രി​ക​ളും ത​ക​ർ​ച്ച​യി​ൽ
Thursday, September 19, 2019 11:44 PM IST
കോ​​ട്ട​​യം: സാ​​ന്പ​​ത്തി​​ക മാ​​ന്ദ്യ​​ത്തി​​ന്‍റെ ആ​​ഘാ​​തം വാ​​ഹ​​ന​ വ്യ​​വ​​സാ​​യ​​ത്തെ പ​​ഞ്ച​​റാ​​ക്കി​​യെ​​ന്ന ന്യാ​​യീ​​ക​​ര​​ണ​​ത്തി​​ൽ ട​​യ​​ർ ക​​ന്പ​​നി​​ക​​ൾ ഷീ​​റ്റ് വാ​​ങ്ങാ​​തെ മാ​​ർ​​ക്ക​​റ്റ് വി​​ട്ടു​​നി​​ൽ​​ക്കു​​ന്നു. റ​​ബ​​ർ വ്യാ​​പാ​​രം നി​​ശ്ച​​ല​​മാ​​യ​​തോ​​ടെ റ​​ബ​​ർ ഷീ​​റ്റ് ആ​​ർ​​എ​​സ്എ​​സ് നാ​​ല് ഗ്രേ​​ഡി​​ന് വി​​ല 130 രൂ​​പ​​യാ​​യി. വ്യാ​​പാ​​രം ന​​ട​​ന്ന​​താ​​വ​​ട്ടെ 127-128 രൂ​​പ​​യ്ക്കും. ത​​രം​​തി​​രി​​ക്കാ​​ത്ത റ​​ബ​​റി​​ന് 125 രൂ​​പ​​യി​​ൽ താ​​ഴെ​​യാ​​ണ് വി​​ല. മൂ​​ന്നാ​​ഴ്ച​​ക്കു​​ള്ളി​​ൽ കി​​ലോ​​യ്ക്ക് 12 രൂ​​പ​​യു​​ടെ ഇ​​ടി​​വാ​​ണ് ഷീ​​റ്റി​​നു​​ണ്ടാ​​യ​​ത്.

സാ​​ന്പ​​ത്തി​​ക ത​​ക​​ർ​​ച്ച​​യി​​ൽ ന​​ടു​​വൊ​​ടി​​ഞ്ഞ ക​​ർ​​ഷ​​ക​​ർ റെ​​യി​​ൻ ഗാ​​ർ​​ഡി​​ട്ട് ടാ​​പ്പിം​​ഗ് ന​​ട​​ത്തി ഉ​​ത്പാ​​ദ​​നം ഉ​​യ​​ർ​​ത്തി​​യ​​പ്പോ​​ഴാ​​ണ് റ​​ബ​​ർ ക​​ട​​ക​​ൾ​​ക്കു താ​​നേ ഷ​​ട്ട​​ർ വീ​​ഴു​​ന്ന​​ത്. പ്ര​​മു​​ഖ അ​​ഞ്ചു ട​​യ​​ർ ക​​ന്പ​​നി​​ക​​ളും ഷീ​​റ്റ് വാ​​ങ്ങു​​ന്നി​​ല്ല. ക​​ഴി​​ഞ്ഞ​​യാ​​ഴ്ച വ്യാ​​പാ​​രി​​ക​​ളു​​ടെ പ്ര​​തി​​നി​​ധി​​ക​​ൾ പ്ര​​തി​​സ​​ന്ധി അ​​റി​​യി​​ച്ചു റ​​ബ​​ർ ബോ​​ർ​​ഡി​​നെ സ​​മീ​​പി​​ച്ച​​പ്പോ​​ൾ പ​​ത്തു ട​​ണ്ണി​​ൽ താ​​ഴെ ച​​ര​​ക്ക് വാ​​ങ്ങാ​​ൻ മാ​​ത്രം ചി​​ല ക​​ന്പ​​നി​​ക​​ൾ താ​ത്​​പ​​ര്യ​​പ്പെ​​ട്ടു. വാ​​ങ്ങി​​യ സ്റ്റോ​​ക്ക് വി​​ൽ​​ക്കാ​​നാ​​വാ​​തെ​​യും വി​​ല​​യി​​ടി​​വി​​ലും വ്യാ​​പാ​​രി​​ക​​ളും പ്ര​​തി​​സ​​ന്ധി​​യി​​ലാ​​ണ്. വി​​ദേ​​ശ​​ത്തും വി​​ല താ​​ഴു​​ന്ന സാ​​ഹ​​ച​​ര്യ​​ത്തി​​ൽ റ​​ബ​​ർ ക​​ർ​​ഷ​​ക​​രു​​ടെ ആ​​ശ​​ങ്ക​​യും നെ​​ഞ്ചി​​ടി​​പ്പും ഉ​​യ​​രു​​ക​​യാ​​ണ്. തു​​ലാ​​മ​​ഴ​​യ്ക്കു​ ശേ​​ഷം ഉ​​ത്പാ​​ദ​​നം മെ​​ച്ച​​പ്പെ​​ടു​​ന്ന സീ​​സ​​ണി​​ൽ വി​​ല താ​​ഴു​​മെ​​ന്ന സൂ​​ച​​ന​​യാ​​ണു മാ​​ർ​​ക്ക​​റ്റ് വൃ​​ത്ത​​ങ്ങ​​ൾ ന​​ൽ​​കു​​ന്ന​​ത്.

ച​​ര​​ക്ക് വാ​​ങ്ങ​​ൽ ഒ​​രു മാ​​സം മു​​ൻ​​പ് ഭാ​​ഗി​​ക​​മാ​​യി കു​​റ​​ച്ചു​​തു​​ട​​ങ്ങി​​യ ട​​യ​​ർ ക​​ന്പ​​നി​​ക​​ളു​​ടെ വി​​ട്ടു​​നി​​ൽ​​പ് പൂ​​ർ​​മ​​ണ​​മാ​​യ​​തോ​​ടെ ച​​ര​​ക്ക് വാ​​ങ്ങാ​​നും വി​​ൽ​​ക്കാ​​നും പ​​റ്റാ​​ത്ത സാ​​ഹ​​ച​​ര്യം ഉ​​ട​​ലെ​​ടു​​ത്തു. വാ​​ഹ​​ന​​വി​​ൽ​​പ​​ന​​യും ട​​യ​​ർ വി​​ൽ​​പ​​ന​​യും കു​​റ​​യു​​ന്നുവെ​​ന്ന മാ​​ധ്യ​​മ​​വാ​​ർ​​ത്ത​​ക​​ളും വി​​പ​​ണി​​യി​​ൽ ഇ​​രു​​ൾ​​വീ​​ഴ്ത്തി. ഇ​​ന്ന​​ലെ ആ​​ർ​​എ​​സ്എ​​സ് നാ​​ല് ഗ്രേ​​ഡി​​ന് റ​​ബ​​ർ ബോ​​ർ​​ഡ് പ്ര​​ഖ്യാ​​പി​​ത വി​​ല 130 രൂ​​പ​​യാ​​യി​​രു​​ന്നു. ഈ ​​ദ​​യ​​നീ​​യ​​മാ​​യ സാ​​ഹ​ച​ര്യ​​ത്തി​​ലും റ​​ബ​​ർ ഇ​​റ​​ക്കു​​മ​​തി വ്യ​​വ​​സാ​​യി​​ക​​ൾ കു​​റ​​യ്ക്കു​​ന്നി​​ല്ല. ക​​ഴി​​ഞ്ഞ മാ​​സം ആ​​ഭ്യ​​ന്ത​​ര ഉ​​ത്പാ​​ദ​​നം 35,000 ട​​ണ്‍. ഇ​​റ​​ക്കു​​മ​​തി​​യാ​​വ​​ട്ടെ 54,000 ട​​ണ്‍. വി​​ല കു​​ത്ത​​നെ ഇ​​ടി​​യു​​ന്ന ഈ ​​വാ​​ര​​ത്തി​​ലും വി​​ദേ​​ശ ക്രം​​ബ് റ​​ബ​​ർ വ​​ൻ​​തോ​​തി​​ൽ എ​​ത്തി​​ച്ചു​​കൊ​​ണ്ടി​​രി​​ക്കു​​ന്നു.


ഏ​​പ്രി​​ൽമു​​ത​​ൽ ജൂ​​ലൈവ​​രെ റ​​ബ​​ർ ആ​​ഭ്യ​​ന്ത​​ര ഉ​​ത്പാ​​ദ​​നം 1,83,000 ട​​ണ്‍. ക​​ഴി​​ഞ്ഞ സാ​​ന്പ​​ത്തി​​ക വ​​ർ​​ഷം ഇ​​തേ കാ​​ലാ​​വ​​ധി​​യി​​ലെ ഉ​​ത്പാ​​ദ​​നം 1,72,000 ട​​ണ്‍. ഇ​​ക്കൊ​​ല്ലം ഏ​​പ്രി​​ൽ മു​​ത​​ൽ ജൂ​​ലൈ വ​​രെ ഇ​​റ​​ക്കു​​മ​​തി 1,49, 896 ട​​ണ്‍. ക​​ഴി​​ഞ്ഞ വ​​ർ​​ഷം ഇ​​തേ മാ​​സ​​ങ്ങ​​ളി​​ൽ 1,68, 985 ട​​ണ്‍. ഉ​​പ​​യോ​​ഗ​​മാ​​ക​​ട്ടെ ഇ​​ക്കൊ​​ല്ലം ഏ​​പ്രി​​ൽ -ജൂ​​ലൈ മാ​​സ​​ങ്ങ​​ളി​​ൽ 3,89, 620 ട​​ണ്‍.

ക​​ഴി​​ഞ്ഞ വ​​ർ​​ഷ​​ത്തെ ഉ​​പ​​യോ​​ഗം ഇ​​തേ മാ​​സ​​ങ്ങ​​ളി​​ൽ 4,09,540 ട​​ണ്‍. ആ​​ഭ്യ​​ന്ത​​ര ഉ​​ത്പാ​​ദ​​ന​​ത്തേ​​ക്കാ​​ൾ ഏ​​റെ ഉ​​യ​​ര​​ത്തി​​ലാ​​ണ് ഇ​​റ​​ക്കു​​മ​​തി​​യെ​​ന്ന് ക​​ണ​​ക്കു​​ക​​ൾ വ്യ​​ക്ത​​മാ​​ക്കു​​ന്നു. ക​​യ​​റ്റു​​മ​​തി​​യാ​​വ​​ട്ടെ ഇ​​ക്കാ​​ല​​ങ്ങ​​ളി​​ലെ​​ല്ലാം നാ​​മ​​മാ​​ത്ര​​മാ​​ണ്.

റെ​​ജി ജോ​​സ​​ഫ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.